Legends & Sagas
15A: Leesom Brand
15A.1 MY boy was scarcely ten years auld,
Whan he went to an unco land,
Where wind never blew, nor cocks ever crew,
Ohon for my son, Leesome Brand!
15A.2 Awa to that kings court he went,
It was to serve for meat an fee;
Gude red gowd it was his hire,
And lang in that kings court stayd he.
15A.3 He hadna been in that unco land
But only twallmonths twa or three,
Till by the glancing o his ee,
He gaind the love o a gay ladye.
15A.4 This ladye was scarce eleven years auld,
When on her love she was right bauld;
She was scarce up to my right knee,
When oft in bed wi men Im tauld.
15A.5 But when nine months were come and gane,
This ladyes face turnd pale and wane.
15A.6 To Leesome Brand she then did say,
In this place I can nae mair stay.
15A.7 Ye do you to my fathers stable,
Where steeds do stand baith wight and able.
15A.8 Strike ane o them upo the back,
The swiftest will gie his head a wap.
15A.9 Ye take him out upo the green,
And get him saddled and bridled seen.
15A.10 Get ane for you, anither for me,
And lat us ride out ower the lee.
15A.11 Ye do you to my mothers coffer,
And out of it yell take my tocher.
15A.12 Therein are sixty thousand pounds,
Which all to me by right belongs.
15A.13 Hes done him to her fathers stable,
Where steeds stood baith wicht and able.
15A.14 Then he strake ane upon the back,
The swiftest gae his head a wap.
15A.15 Hes taen him out upo the green,
And got him saddled and bridled seen.
15A.16 Ane for him, and another for her,
To carry them baith wi might and virr.
15A.17 Hes done him to her mothers coffer,
And there hes taen his loves tocher;
15A.18 Wherein were sixty thousand pound,
Which all to her by right belongd.
15A.19 When they had ridden about six mile,
His true love then began to fail.
15A.20 O waes me, said that gay ladye,
I fear my back will gang in three!
15A.21 O gin I had but a gude midwife,
Here this day to save my life,
15A.22 And ease me o my misery,
O dear, how happy I would be!
15A.23 My love, were far frae ony town,
There is nae midwife to be foun.
15A.24 But if yell be content wi me,
Ill do for you what man can dee.
15A.25 For no, for no, this maunna be,
Wi a sigh, replied this gay ladye.
15A.26 When I endure my grief and pain,
My companie ye maun refrain.
15A.27 Yell take your arrow and your bow,
And ye will hunt the deer and roe.
15A.28 Be sure ye touch not the white hynde,
For she is o the woman kind.
15A.29 He took sic pleasure in deer and roe,
Till he forgot his gay ladye.
15A.30 Till by it came that milk-white hynde,
And then he mind on his ladye syne.
15A.31 He hasted him to yon greenwood tree,
For to relieve his gay ladye;
15A.32 But found his ladye lying dead,
Likeways her young son at her head.
15A.33 His mother lay ower her castle wa,
And she beheld baith dale and down;
And she beheld young Leesome Brand,
As he came riding to the town.
15A.34 Get minstrels for to play, she said,
And dancers to dance in my room;
For here comes my son, Leesome Brand,
And he comes merrilie to the town.
15A.35 Seek nae minstrels to play, mother,
Nor dancers to dance in your room;
But tho your son comes, Leesome Brand,
Yet he comes sorry to the town.
15A.36 O I hae lost my gowden knife;
I rather had lost my ain sweet life!
15A.37 And I hae lost a better thing,
The gilded sheath that it was in.
15A.38 Are there nae gowdsmiths here in Fife,
Can make to you anither knife?
15A.39 Are there nae sheath-makers in the land,
Can make a sheath to Leesome Brand?
15A.40 There are nae gowdsmiths here in Fife,
Can make me sic a gowden knife;
15A.41 Nor nae sheath-makers in the land,
Can make to me a sheath again.
15A.42 There neer was man in Scotland born,
Ordaind to be so much forlorn.
15A.43 Ive lost my ladye I lovd sae dear,
Likeways the son she did me bear.
15A.44 Put in your hand at my bed head,
There yell find a gude grey horn;
In it three draps o Saint Pauls ain blude,
That hae been there sin he was born.
15A.45 Drap twa o them o your ladye,
And ane upo your little young son;
Then as lively they will be
As the first night ye brought them hame.
15A.46 He put his hand at her bed head,
And there he found a gude grey horn,
Wi three draps o Saint Pauls ain blude,
That had been there sin he was born.
15A.47 Then he drappd twa on his ladye,
And ane o them on his young son,
And now they do as lively be,
As the first day he brought them hame.
15B: Leesom Brand
15B.1 THERE is a feast in your fathers house,
Refrain: The broom blooms bonnie and so is it fair
It becomes you and me to be very douce.
Refrain: And well never gang up to the broom nae mair
15B.2 You will go to yon hill so hie;
Take your bow and your arrow wi thee.
15B.3 Hes tane his lady on his back,
And his auld son in his coat lap.
15B.4 When ye hear me give a cry,
Yell shoot your bow and let me lye.
15B.5 When ye see my lying still,
Throw away your bow and come running me till.
15B.6 When he heard her gie the cry,
He shot his bow and he let her lye.
15B.7 When he saw she was lying still,
He threw away his bow and came running her till.
15B.8 It was nae wonder his heart was sad
When he shot his auld son at her head.
15B.9 houkit a grave, long, large and wide,
He buried his auld son doun by her side.
15B.10 It was nae wonder his heart was sair
When he shooled the mools in her yellow hair.
15B.11 Oh, said his father, Son, but thourt sad!
At our braw meeting you micht be glad.
15B.12 Oh, said he, Father, Ive lost my knife
I loved as dear almost as my own life.
15B.13 But I have lost a far better thing,
I lost the sheath that the knife was in.
15B.14 Hold thy tongue, and mak nae din;
Ill buy thee a sheath and a knife therein.
15B.15 A the ships eer sailed the sea
Neerll bring such a sheath and a knife to me.
15B.16 A the smiths that lives on land
Will neer bring such a sheath and knife to my hand.
Next: 16. Sheath and Knife