Sacred Texts  Legends and Sagas  WordGumbo: Old English Dictionaries [External Site]
Index  Previous  Next 

Riddle 49

Verse Indeterminate Saxon

Ic wat eardfæstne      anne standan,
deafne, dumban,      se oft dæges swilgeð
þurh gopes hond      gifrum lacum.
Hwilum on þam wicum      se wonna þegn,
5
sweart ond saloneb,      sendeð oþre
under goman him      golde dyrran,
þa æþelingas      oft wilniað,
cyningas ond cwene.      Ic þæt cyn nu gen
nemnan ne wille,      þe him to nytte swa
10
ond to dugþum doþ      þæt se dumba her,
eorp unwita,      ær forswilgeð.