Sacred Texts  Hinduism  Index  Rig Veda Book 6 Index  Previous  Next 

Rig Veda Book 6 Hymn 78

ghRtavatI bhuvanAnAmabhishriyorvI pRthvI madhudughe supeshasA
dyAvApRthivI varuNasya dharmaNA viSkabhite ajarebhUriretasA
asashcantI bhUridhAre payasvatI ghRtaM duhAte sukRte shucivrate
rAjantI asya bhuvanasya rodasI asme retaH siñcataMyan manurhitam
yo vAM Rjave kramaNAya rodasI marto dadAsha dhiSaNe sa sAdhati
pra prajAbhirjAyate dharmaNas pari yuvoH siktA viSurUpANi savratA
ghRtena dyAvApRthivI abhIvRte ghRtashriyA ghRtapRcA ghRtAvRdhA
urvI pRthvI hotRvUrye purohite te id viprA ILate sumnamiSTaye
madhu no dyAvApRthivI mimikSatAM madhushcutA madhudughe madhuvrate
dadhAne yajñaM draviNaM ca devatA mahi shravo vAjamasme suvIryam
UrjaM no dyaushca pRthivI ca pinvatAM pitA mAtA vishvavidA sudaMsasA
saMrarANe rodasI vishvashambhuvA saniM vAjaM rayimasme saminvatAm

Next: Hymn 79