‎1 ‏וַיָּ֖קָם וַיֵּלַ֑ךְ וִיהוֹנָתָ֖ן בָּ֥א הָעִֽיר׃

‎2 ‏וַיָּבֹ֤א דָוִד֙ נֹ֔בֶה אֶל־אֲחִימֶ֖לֶךְ הַכֹּהֵ֑ן וַיֶּחֱרַ֨ד אֲחִימֶ֜לֶךְ לִקְרַ֣את דָּוִ֗ד וַיֹּ֤אמֶר לוֹ֙ מַדּ֤וּעַ אַתָּה֙ לְבַדֶּ֔ךָ וְאִ֖ישׁ אֵ֥ין אִתָּֽךְ׃

‎3 ‏וַיֹּ֨אמֶר דָּוִ֜ד לַאֲחִימֶ֣לֶךְ הַכֹּהֵ֗ן הַמֶּלֶךְ֮ צִוַּ֣נִי דָבָר֒ וַיֹּ֣אמֶר אֵלַ֗י אִ֣ישׁ אַל־יֵ֧דַע מְא֛וּמָה אֶת־הַדָּבָ֛ר אֲשֶׁר־אָנֹכִ֥י שֹׁלֵֽחֲךָ֖ וַאֲשֶׁ֣ר צִוִּיתִ֑ךָ וְאֶת־הַנְּעָרִ֣ים יוֹדַ֔עְתִּי אֶל־מְק֥וֹם פְּלֹנִ֖י אַלְמוֹנִֽי׃

‎4 ‏וְעַתָּ֗ה מַה־יֵּ֧שׁ תַּֽחַת־יָדְךָ֛ חֲמִשָּׁה־לֶ֖חֶם תְּנָ֣ה בְיָדִ֑י א֖וֹ הַנִּמְצָֽא׃

‎5 ‏וַיַּ֨עַן הַכֹּהֵ֤ן אֶת־דָּוִד֙ וַיֹּ֔אמֶר אֵֽין־לֶ֥חֶם חֹ֖ל אֶל־תַּ֣חַת יָדִ֑י כִּֽי־אִם־לֶ֤חֶם קֹ֙דֶשׁ֙ יֵ֔שׁ אִם־נִשְׁמְר֥וּ הַנְּעָרִ֖ים אַ֥ךְ מֵאִשָּֽׁה׃ פ

‎6 ‏וַיַּעַן֩ דָּוִ֨ד אֶת־הַכֹּהֵ֜ן וַיֹּ֣אמֶר ל֗וֹ כִּ֣י אִם־אִשָּׁ֤ה עֲצֻֽרָה־לָ֙נוּ֙ כִּתְמ֣וֹל שִׁלְשֹׁ֔ם בְּצֵאתִ֕י וַיִּהְי֥וּ כְלֵֽי־הַנְּעָרִ֖ים קֹ֑דֶשׁ וְהוּא֙ דֶּ֣רֶךְ חֹ֔ל וְאַ֕ף כִּ֥י הַיּ֖וֹם יִקְדַּ֥שׁ בַּכֶּֽלִי׃

‎7 ‏וַיִּתֶּן־ל֥וֹ הַכֹּהֵ֖ן קֹ֑דֶשׁ כִּי֩ לֹא־הָ֨יָה שָׁ֜ם לֶ֗חֶם כִּֽי־אִם־לֶ֤חֶם הַפָּנִים֙ הַמּֽוּסָרִים֙ מִלִּפְנֵ֣י יְהוָ֔ה לָשׂוּם֙ לֶ֣חֶם חֹ֔ם בְּי֖וֹם הִלָּקְחֽוֹ׃

‎8 ‏וְשָׁ֡ם אִישׁ֩ מֵעַבְדֵ֨י שָׁא֜וּל בַּיּ֣וֹם הַה֗וּא נֶעְצָר֙ לִפְנֵ֣י יְהוָ֔ה וּשְׁמ֖וֹ דֹּאֵ֣ג הָאֲדֹמִ֑י אַבִּ֥יר הָרֹעִ֖ים אֲשֶׁ֥ר לְשָׁאֽוּל׃

‎9 ‏וַיֹּ֤אמֶר דָּוִד֙ לַאֲחִימֶ֔לֶךְ וְאִ֛ין יֶשׁ־פֹּ֥ה תַֽחַת־יָדְךָ֖ חֲנִ֣ית אוֹ־חָ֑רֶב כִּ֣י גַם־חַרְבִּ֤י וְגַם־כֵּלַי֙ לֹֽא־לָקַ֣חְתִּי בְיָדִ֔י כִּֽי־הָיָ֥ה דְבַר־הַמֶּ֖לֶךְ נָחֽוּץ׃ ס

‎10 ‏וַיֹּ֣אמֶר הַכֹּהֵ֗ן חֶרֶב֩ גָּלְיָ֨ת הַפְּלִשְׁתִּ֜י אֲשֶׁר־הִכִּ֣יתָ׀ בְּעֵ֣מֶק הָאֵלָ֗ה הִנֵּה־הִ֞יא לוּטָ֣ה בַשִּׂמְלָה֮ אַחֲרֵ֣י הָאֵפוֹד֒ אִם־אֹתָ֤הּ תִּֽקַּח־לְךָ֙ קָ֔ח כִּ֣י אֵ֥ין אַחֶ֛רֶת זוּלָתָ֖הּ בָּזֶ֑ה וַיֹּ֧אמֶר דָּוִ֛ד אֵ֥ין כָּמ֖וֹהָ תְּנֶ֥נָּה לִּֽי׃

‎11 ‏וַיָּ֣קָם דָּוִ֔ד וַיִּבְרַ֥ח בַּיּוֹם־הַה֖וּא מִפְּנֵ֣י שָׁא֑וּל וַיָּבֹ֕א אֶל־אָכִ֖ישׁ מֶ֥לֶךְ גַּֽת׃

‎12 ‏וַיֹּ֨אמְר֜וּ עַבְדֵ֤י אָכִישׁ֙ אֵלָ֔יו הֲלוֹא־זֶ֥ה דָוִ֖ד מֶ֣לֶךְ הָאָ֑רֶץ הֲל֣וֹא לָזֶ֗ה יַעֲנ֤וּ בַמְּחֹלוֹת֙ לֵאמֹ֔ר הִכָּ֤ה שָׁאוּל֙ באלפו בַּאֲלָפָ֔יו וְדָוִ֖ד ברבבתו בְּרִבְבֹתָֽיו׃

‎13 ‏וַיָּ֧שֶׂם דָּוִ֛ד אֶת־הַדְּבָרִ֥ים הָאֵ֖לֶּה בִּלְבָב֑וֹ וַיִּרָ֣א מְאֹ֔ד מִפְּנֵ֖י אָכִ֥ישׁ מֶֽלֶךְ־גַּֽת׃

‎14 ‏וַיְשַׁנּ֤וֹ אֶת־טַעְמוֹ֙ בְּעֵ֣ינֵיהֶ֔ם וַיִּתְהֹלֵ֖ל בְּיָדָ֑ם ויתו וַיְתָיו֙ עַל־דַּלְת֣וֹת הַשַּׁ֔עַר וַיּ֥וֹרֶד רִיר֖וֹ אֶל־זְקָנֽוֹ׃

‎15 ‏וַיֹּ֥אמֶר אָכִ֖ישׁ אֶל־עֲבָדָ֑יו הִנֵּ֤ה תִרְאוּ֙ אִ֣ישׁ מִשְׁתַּגֵּ֔עַ לָ֛מָּה תָּבִ֥יאוּ אֹת֖וֹ אֵלָֽי׃

‎16 ‏חֲסַ֤ר מְשֻׁגָּעִים֙ אָ֔נִי כִּי־הֲבֵאתֶ֣ם אֶת־זֶ֔ה לְהִשְׁתַּגֵּ֖עַ עָלָ֑י הֲזֶ֖ה יָב֥וֹא אֶל־בֵּיתִֽי׃ ס

1 wayyāqām wayyēlaḵə wîhwōnāṯān bā’ hā‘îr:

2 wayyāḇō’ ḏāwiḏ nōḇeh ’el-’ăḥîmeleḵə hakōhēn wayyeḥĕraḏ ’ăḥîmeleḵə liqəra’ṯ dāwiḏ wayyō’mer lwō madû‘a ’atâ ləḇadeḵā wə’îš ’ên ’itāḵə:

3 wayyō’mer dāwiḏ la’ăḥîmeleḵə hakōhēn hammeleḵə ṣiûanî ḏāḇār wayyō’mer ’ēlay ’îš ’al-yēḏ^a‘ mə’ûmâ ’eṯ-hadāḇār ’ăšer-’ānōḵî šōlēḥăḵā wa’ăšer ṣiûîṯiḵā wə’eṯ-hannə‘ārîm ywōḏ^a‘ətî ’el-məqwōm pəlōnî ’aləmwōnî:

4 wə‘atâ mah-yyēš t^aḥaṯ-yāḏəḵā ḥămiššâ-leḥem tənâ ḇəyāḏî ’wō hanniməṣā’:

5 wayy^a‘an hakōhēn ’eṯ-dāwiḏ wayyō’mer ’ên-leḥem ḥōl ’el-t^aḥaṯ yāḏî kî-’im-leḥem qōḏeš yēš ’im-nišəmərû hannə‘ārîm ’aḵə mē’iššâ: f

6 wayy^a‘an dāwiḏ ’eṯ-hakōhēn wayyō’mer lwō kî ’im-’iššâ ‘ăṣurâ-lānû kiṯəmwōl šiləšōm bəṣē’ṯî wayyihəyû ḵəlê-hannə‘ārîm qōḏeš wəhû’ dereḵə ḥōl wə’af kî hayywōm yiqədaš bakelî:

7 wayyiten-lwō hakōhēn qōḏeš kî lō’-hāyâ šām leḥem kî-’im-leḥem hapānîm hammûsārîm millifənê yəhwâ lāśûm leḥem ḥōm bəywōm hillāqəḥwō:

8 wəšām ’îš mē‘aḇəḏê šā’ûl bayywōm hahû’ ne‘əṣār lifənê yəhwâ ûšəmwō dō’ēḡ hā’ăḏōmî ’abîr hārō‘îm ’ăšer ləšā’ûl:

9 wayyō’mer dāwiḏ la’ăḥîmeleḵə wə’în yeš-pōh ṯ^aḥaṯ-yāḏəḵā ḥănîṯ ’wō-ḥāreḇ kî ḡam-ḥarəbî wəḡam-kēlay lō’-lāq^aḥətî ḇəyāḏî kî-hāyâ ḏəḇar-hammeleḵə nāḥûṣ: s

10 wayyō’mer hakōhēn ḥereḇ gāləyāṯ hapəlišətî ’ăšer-hikîṯā| bə‘ēmeq hā’ēlâ hinnēh-hî’ lûṭâ ḇaśśiməlâ ’^aḥărê hā’ēfwōḏ ’im-’ōṯāh tiqq^aḥ-ləḵā qāḥ kî ’ên ’^aḥereṯ zûlāṯāh bāzeh wayyō’mer dāwiḏ ’ên kāmwōhā tənennâ llî:

11 wayyāqām dāwiḏ wayyiḇər^aḥ bayywōm-hahû’ mipənê šā’ûl wayyāḇō’ ’el-’āḵîš meleḵə gaṯ:

12 wayyō’mərû ‘aḇəḏê ’āḵîš ’ēlāyw hălwō’-zeh ḏāwiḏ meleḵə hā’āreṣ hălwō’ lāzeh y^a‘ănû ḇamməḥōlwōṯ lē’mōr hikâ šā’ûl bə’ălāfāw ba’ălāfāyw wəḏāwiḏ bəriḇəḇōṯāw bəriḇəḇōṯāyw:

13 wayyāśem dāwiḏ ’eṯ-hadəḇārîm hā’ēlleh biləḇāḇwō wayyirā’ mə’ōḏ mipənê ’āḵîš meleḵə-gaṯ:

14 wayəšannwō ’eṯ-ṭ^a‘əmwō bə‘ênêhem wayyiṯəhōlēl bəyāḏām wayəṯāw wayəṯāyw ‘al-daləṯwōṯ hašš^a‘ar wayywōreḏ rîrwō ’el-zəqānwō:

15 wayyō’mer ’āḵîš ’el-‘ăḇāḏāyw hinnēh ṯirə’û ’îš mišətagē‘a lāmmâ tāḇî’û ’ōṯwō ’ēlāy:

16 ḥăsar məšugā‘îm ’ānî kî-hăḇē’ṯem ’eṯ-zeh ləhišətagē‘a ‘ālāy hăzeh yāḇwō’ ’el-bêṯî: s