‎1 ‏וַיֵּאָסְפ֤וּ כָל־הָעָם֙ כְּאִ֣ישׁ אֶחָ֔ד אֶל־הָ֣רְח֔וֹב אֲשֶׁ֖ר לִפְנֵ֣י שַֽׁעַר־הַמָּ֑יִם וַיֹּֽאמְרוּ֙ לְעֶזְרָ֣א הַסֹּפֵ֔ר לְהָבִ֗יא אֶת־סֵ֙פֶר֙ תּוֹרַ֣ת מֹשֶׁ֔ה אֲשֶׁר־צִוָּ֥ה יְהוָ֖ה אֶת־יִשְׂרָאֵֽל׃

‎2 ‏וַיָּבִ֣יא עֶזְרָ֣א הַ֠כֹּהֵן אֶֽת־הַתּוֹרָ֞ה לִפְנֵ֤י הַקָּהָל֙ מֵאִ֣ישׁ וְעַד־אִשָּׁ֔ה וְכֹ֖ל מֵבִ֣ין לִשְׁמֹ֑עַ בְּי֥וֹם אֶחָ֖ד לַחֹ֥דֶשׁ הַשְּׁבִיעִֽי׃

‎3 ‏וַיִּקְרָא־בוֹ֩ לִפְנֵ֨י הָרְח֜וֹב אֲשֶׁ֣ר׀ לִפְנֵ֣י שַֽׁעַר־הַמַּ֗יִם מִן־הָאוֹר֙ עַד־מַחֲצִ֣ית הַיּ֔וֹם נֶ֛גֶד הָאֲנָשִׁ֥ים וְהַנָּשִׁ֖ים וְהַמְּבִינִ֑ים וְאָזְנֵ֥י כָל־הָעָ֖ם אֶל־סֵ֥פֶר הַתּוֹרָֽה׃

‎4 ‏וַֽיַּעֲמֹ֞ד עֶזְרָ֣א הַסֹּפֵ֗ר עַֽל־מִגְדַּל־עֵץ֮ אֲשֶׁ֣ר עָשׂ֣וּ לַדָּבָר֒ וַיַּֽעֲמֹ֣ד אֶצְל֡וֹ מַתִּתְיָ֡ה וְשֶׁ֡מַע וַ֠עֲנָיָה וְאוּרִיָּ֧ה וְחִלְקִיָּ֛ה וּמַעֲשֵׂיָ֖ה עַל־יְמִינ֑וֹ וּמִשְּׂמֹאל֗וֹ פְּ֠דָיָה וּמִֽישָׁאֵ֧ל וּמַלְכִּיָּ֛ה וְחָשֻׁ֥ם וְחַשְׁבַּדָּ֖נָה זְכַרְיָ֥ה מְשֻׁלָּֽם׃ פ

‎5 ‏וַיִּפְתַּ֨ח עֶזְרָ֤א הַסֵּ֙פֶר֙ לְעֵינֵ֣י כָל־הָעָ֔ם כִּֽי־מֵעַ֥ל כָּל־הָעָ֖ם הָיָ֑ה וּכְפִתְח֖וֹ עָֽמְד֥וּ כָל־הָעָֽם׃

‎6 ‏וַיְבָ֣רֶךְ עֶזְרָ֔א אֶת־יְהוָ֥ה הָאֱלֹהִ֖ים הַגָּד֑וֹל וַיַּֽעֲנ֨וּ כָל־הָעָ֜ם אָמֵ֤ן׀ אָמֵן֙ בְּמֹ֣עַל יְדֵיהֶ֔ם וַיִּקְּד֧וּ וַיִּשְׁתַּחֲוֻּ֛ לַיהוָ֖ה אַפַּ֥יִם אָֽרְצָה׃

‎7 ‏וְיֵשׁ֡וּעַ וּבָנִ֡י וְשֵׁרֵ֥בְיָ֣ה׀³ יָמִ֡ין עַקּ֡וּב שַׁבְּתַ֣י׀ הֽוֹדִיָּ֡ה מַעֲשֵׂיָ֡ה קְלִיטָ֣א עֲזַרְיָה֩ יוֹזָבָ֨ד חָנָ֤ן פְּלָאיָה֙ וְהַלְוִיִּ֔ם מְבִינִ֥ים אֶת־הָעָ֖ם לַתּוֹרָ֑ה וְהָעָ֖ם עַל־עָמְדָֽם׃

‎8 ‏וַֽיִּקְרְא֥וּ בַסֵּ֛פֶר בְּתוֹרַ֥ת הָאֱלֹהִ֖ים מְפֹרָ֑שׁ וְשׂ֣וֹם שֶׂ֔כֶל וַיָּבִ֖ינוּ בַּמִּקְרָֽא׃ ס

‎9 ‏וַיֹּ֣אמֶר נְחֶמְיָ֣ה ה֣וּא הַתִּרְשָׁ֡תָא וְעֶזְרָ֣א הַכֹּהֵ֣ן׀ הַסֹּפֵ֡ר וְהַלְוִיִּם֩ הַמְּבִינִ֨ים אֶת־הָעָ֜ם לְכָל־הָעָ֗ם הַיּ֤וֹם קָדֹֽשׁ־הוּא֙ לַיהוָ֣ה אֱלֹהֵיכֶ֔ם אַל־תִּֽתְאַבְּל֖וּ וְאַל־תִּבְכּ֑וּ כִּ֤י בוֹכִים֙ כָּל־הָעָ֔ם כְּשָׁמְעָ֖ם אֶת־דִּבְרֵ֥י הַתּוֹרָֽה׃

‎10 ‏וַיֹּ֣אמֶר לָהֶ֡ם לְכוּ֩ אִכְל֨וּ מַשְׁמַנִּ֜ים וּשְׁת֣וּ מַֽמְתַקִּ֗ים וְשִׁלְח֤וּ מָנוֹת֙ לְאֵ֣ין נָכ֣וֹן ל֔וֹ כִּֽי־קָד֥וֹשׁ הַיּ֖וֹם לַאֲדֹנֵ֑ינוּ וְאַל־תֵּ֣עָצֵ֔בוּ כִּֽי־חֶדְוַ֥ת יְהוָ֖ה הִ֥יא מָֽעֻזְּכֶֽם׃

‎11 ‏וְהַלְוִיִּ֞ם מַחְשִׁ֤ים לְכָל־הָעָם֙ לֵאמֹ֣ר הַ֔סּוּ כִּ֥י הַיּ֖וֹם קָדֹ֑שׁ וְאַל־תֵּעָצֵֽבוּ׃

‎12 ‏וַיֵּלְכ֨וּ כָל־הָעָ֜ם לֶאֱכֹ֤ל וְלִשְׁתּוֹת֙ וּלְשַׁלַּ֣ח מָנ֔וֹת וְלַעֲשׂ֖וֹת שִׂמְחָ֣ה גְדוֹלָ֑ה כִּ֤י הֵבִ֙ינוּ֙ בַּדְּבָרִ֔ים אֲשֶׁ֥ר הוֹדִ֖יעוּ לָהֶֽם׃ ס

‎13 ‏וּבַיּ֣וֹם הַשֵּׁנִ֡י נֶאֶסְפוּ֩ רָאשֵׁ֨י הָאָב֜וֹת לְכָל־הָעָ֗ם הַכֹּֽהֲנִים֙ וְהַלְוִיִּ֔ם אֶל־עֶזְרָ֖א הַסֹּפֵ֑ר וּלְהַשְׂכִּ֖יל אֶל־דִּבְרֵ֥י הַתּוֹרָֽה׃

‎14 ‏וַֽיִּמְצְא֖וּ כָּת֣וּב בַּתּוֹרָ֑ה אֲשֶׁ֨ר צִוָּ֤ה יְהוָה֙ בְּיַד־מֹשֶׁ֔ה אֲשֶׁר֩ יֵשְׁב֨וּ בְנֵֽי־יִשְׂרָאֵ֧ל בַּסֻּכּ֛וֹת בֶּחָ֖ג בַּחֹ֥דֶשׁ הַשְּׁבִיעִֽי׃

‎15 ‏וַאֲשֶׁ֣ר יַשְׁמִ֗יעוּ וְיַעֲבִ֨ירוּ ק֥וֹל בְּכָל־עָרֵיהֶם֮ וּבִירוּשָׁלִַ֣ם לֵאמֹר֒ צְא֣וּ הָהָ֗ר וְהָבִ֙יאוּ֙ עֲלֵי־זַ֙יִת֙ וַעֲלֵי־עֵ֣ץ שֶׁ֔מֶן וַעֲלֵ֤י הֲדַס֙ וַעֲלֵ֣י תְמָרִ֔ים וַעֲלֵ֖י עֵ֣ץ עָבֹ֑ת לַעֲשֹׂ֥ת סֻכֹּ֖ת כַּכָּתֽוּב׃ פ

‎16 ‏וַיֵּצְא֣וּ הָעָם֮ וַיָּבִיאוּ֒ וַיַּעֲשׂוּ֩ לָהֶ֨ם סֻכּ֜וֹת אִ֤ישׁ עַל־גַּגּוֹ֙ וּבְחַצְרֹ֣תֵיהֶ֔ם וּבְחַצְר֖וֹת בֵּ֣ית הָאֱלֹהִ֑ים וּבִרְחוֹב֙ שַׁ֣עַר הַמַּ֔יִם וּבִרְח֖וֹב שַׁ֥עַר אֶפְרָֽיִם׃

‎17 ‏וַיַּֽעֲשׂ֣וּ כָֽל־הַ֠קָּהָל הַשָּׁבִ֨ים מִן־הַשְּׁבִ֥י׀ סֻכּוֹת֮ וַיֵּשְׁב֣וּ בַסֻּכּוֹת֒ כִּ֣י לֹֽא־עָשׂ֡וּ מִימֵי֩ יֵשׁ֨וּעַ בִּן־נ֥וּן כֵּן֙ בְּנֵ֣י יִשְׂרָאֵ֔ל עַ֖ד הַיּ֣וֹם הַה֑וּא וַתְּהִ֥י שִׂמְחָ֖ה גְּדוֹלָ֥ה מְאֹֽד׃

‎18 ‏וַ֠יִּקְרָא בְּסֵ֨פֶר תּוֹרַ֤ת הָאֱלֹהִים֙ י֣וֹם׀ בְּי֔וֹם מִן־הַיּוֹם֙ הָֽרִאשׁ֔וֹן עַ֖ד הַיּ֣וֹם הָאַחֲר֑וֹן וַיַּֽעֲשׂוּ־חָג֙ שִׁבְעַ֣ת יָמִ֔ים וּבַיּ֧וֹם הַשְּׁמִינִ֛י עֲצֶ֖רֶת כַּמִּשְׁפָּֽט׃ פ

1 wayyē’āsəfû ḵāl-hā‘ām kə’îš ’eḥāḏ ’el-hārəḥwōḇ ’ăšer lifənê š^a‘ar-hammāyim wayyō’mərû lə‘ezərā’ hassōfēr ləhāḇî’ ’eṯ-sēfer twōraṯ mōšeh ’ăšer-ṣiûâ yəhwâ ’eṯ-yiśərā’ēl:

2 wayyāḇî’ ‘ezərā’ hakōhēn ’eṯ-hatwōrâ lifənê haqqâāl mē’îš wə‘aḏ-’iššâ wəḵōl mēḇîn lišəmō‘a bəywōm ’eḥāḏ l^aḥōḏeš haššəḇî‘î:

3 wayyiqərā’-ḇwō lifənê hārəḥwōḇ ’ăšer| lifənê š^a‘ar-hammayim min-hā’wōr ‘aḏ-m^aḥăṣîṯ hayywōm neḡeḏ hā’ănāšîm wəhannāšîm wəhamməḇînîm wə’āzənê ḵāl-hā‘ām ’el-sēfer hatwōrâ:

4 wayy^a‘ămōḏ ‘ezərā’ hassōfēr ‘al-miḡədal-‘ēṣ ’ăšer ‘āśû ladāḇār wayy^a‘ămōḏ ’eṣəlwō matiṯəyâ wəšem^a‘ w^a‘ănāyâ wə’ûrîyâ wəḥiləqîyâ ûm^a‘ăśêâ ‘al-yəmînwō ûmiśśəmō’lwō pəḏāyâ ûmîšā’ēl ûmaləkîyâ wəḥāšum wəḥašəbadānâ zəḵarəyâ məšullām: f

5 wayyifət^aḥ ‘ezərā’ hassēfer lə‘ênê ḵāl-hā‘ām kî-mē‘al kāl-hā‘ām hāyâ ûḵəfiṯəḥwō ‘āməḏû ḵāl-hā‘ām:

6 wayəḇāreḵə ‘ezərā’ ’eṯ-yəhwâ hā’ĕlōhîm hagāḏwōl wayy^a‘ănû ḵāl-hā‘ām ’āmēn| ’āmēn bəmō‘al yəḏêhem wayyiqqəḏû wayyišət^aḥăûu layhwâ ’apayim ’ārəṣâ:

7 wəyēšû‘a ûḇānî wəšērēḇəyâ|³ yāmîn ‘aqqûḇ šabəṯay| hwōḏîyâ m^a‘ăśêâ qəlîṭā’ ‘ăzarəyâ ywōzāḇāḏ ḥānān pəlā’yâ wəhaləwîyim məḇînîm ’eṯ-hā‘ām latwōrâ wəhā‘ām ‘al-‘āməḏām:

8 wayyiqərə’û ḇassēfer bəṯwōraṯ hā’ĕlōhîm məfōrāš wəśwōm śeḵel wayyāḇînû bammiqərā’: s

9 wayyō’mer nəḥeməyâ hû’ hatirəšāṯā’ wə‘ezərā’ hakōhēn| hassōfēr wəhaləwîyim hamməḇînîm ’eṯ-hā‘ām ləḵāl-hā‘ām hayywōm qāḏōš-hû’ layhwâ ’ĕlōhêḵem ’al-tiṯə’abəlû wə’al-tiḇəkû kî ḇwōḵîm kāl-hā‘ām kəšāmə‘ām ’eṯ-diḇərê hatwōrâ:

10 wayyō’mer lâem ləḵû ’iḵəlû mašəmannîm ûšəṯû maməṯaqqîm wəšiləḥû mānwōṯ lə’ên nāḵwōn lwō kî-qāḏwōš hayywōm la’ăḏōnênû wə’al-tē‘āṣēḇû kî-ḥeḏəwaṯ yəhwâ hî’ mā‘uzzəḵem:

11 wəhaləwîyim m^aḥəšîm ləḵāl-hā‘ām lē’mōr hassû kî hayywōm qāḏōš wə’al-tē‘āṣēḇû:

12 wayyēləḵû ḵāl-hā‘ām le’ĕḵōl wəlišətwōṯ ûləšall^aḥ mānwōṯ wəl^a‘ăśwōṯ śiməḥâ ḡəḏwōlâ kî hēḇînû badəḇārîm ’ăšer hwōḏî‘û lâem: s

13 ûḇayywōm haššēnî ne’esəfû rā’šê hā’āḇwōṯ ləḵāl-hā‘ām hakōhănîm wəhaləwîyim ’el-‘ezərā’ hassōfēr ûləhaśəkîl ’el-diḇərê hatwōrâ:

14 wayyiməṣə’û kāṯûḇ batwōrâ ’ăšer ṣiûâ yəhwâ bəyaḏ-mōšeh ’ăšer yēšəḇû ḇənê-yiśərā’ēl bassukwōṯ beḥāḡ b^aḥōḏeš haššəḇî‘î:

15 wa’ăšer yašəmî‘û wəy^a‘ăḇîrû qwōl bəḵāl-‘ārêhem ûḇîrûšālaim lē’mōr ṣə’û hâār wəhāḇî’û ‘ălê-zayiṯ w^a‘ălê-‘ēṣ šemen w^a‘ălê hăḏas w^a‘ălê ṯəmārîm w^a‘ălê ‘ēṣ ‘āḇōṯ l^a‘ăśōṯ sukōṯ kakāṯûḇ: f

16 wayyēṣə’û hā‘ām wayyāḇî’û wayy^a‘ăśû lâem sukwōṯ ’îš ‘al-gagwō ûḇəḥaṣərōṯêhem ûḇəḥaṣərwōṯ bêṯ hā’ĕlōhîm ûḇirəḥwōḇ š^a‘ar hammayim ûḇirəḥwōḇ š^a‘ar ’efərāyim:

17 wayy^a‘ăśû ḵāl-haqqâāl haššāḇîm min-haššəḇî| sukwōṯ wayyēšəḇû ḇassukwōṯ kî lō’-‘āśû mîmê yēšû‘a bin-nûn kēn bənê yiśərā’ēl ‘aḏ hayywōm hahû’ watəhî śiməḥâ gəḏwōlâ mə’ōḏ:

18 wayyiqərā’ bəsēfer twōraṯ hā’ĕlōhîm ywōm| bəywōm min-hayywōm hāri’šwōn ‘aḏ hayywōm hā’^aḥărwōn wayy^a‘ăśû-ḥāḡ šiḇə‘aṯ yāmîm ûḇayywōm haššəmînî ‘ăṣereṯ kammišəpāṭ: f