Sacred Texts  Bible  Index 
Polyglot  KJV  Sep  Vul 

Micah (Mikhah) Index
  Previous  Next 

Tanach (Hebrew): Micah (Mikhah) Chapter 4

1 ‏וְהָיָ֣ה׀ בְּאַחֲרִ֣ית הַיָּמִ֗ים יִ֠הְיֶה הַ֣ר בֵּית־יְהוָ֤ה נָכוֹן֙ בְּרֹ֣אשׁ הֶהָרִ֔ים וְנִשָּׂ֥א ה֖וּא מִגְּבָע֑וֹת וְנָהֲר֥וּ עָלָ֖יו עַמִּֽים׃3

2 ‏וְֽהָלְכ֞וּ גּוֹיִ֣ם רַבִּ֗ים וְאָֽמְרוּ֙ לְכ֣וּ׀ וְנַעֲלֶ֣ה אֶל־הַר־יְהוָ֗ה וְאֶל־בֵּית֙ אֱלֹהֵ֣י יַעֲקֹ֔ב וְיוֹרֵ֙נוּ֙ מִדְּרָכָ֔יו וְנֵלְכָ֖ה בְּאֹֽרְחֹתָ֑יו כִּ֤י מִצִּיּוֹן֙ תֵּצֵ֣א3 תוֹרָ֔ה וּדְבַר־יְהוָ֖ה מִירוּשָׁלִָֽם׃

3 ‏וְשָׁפַ֗ט בֵּ֚ין עַמִּ֣ים רַבִּ֔ים וְהוֹכִ֛יחַ לְגוֹיִ֥ם עֲצֻמִ֖ים עַד־רָח֑וֹק וְכִתְּת֨וּ חַרְבֹתֵיהֶ֜ם לְאִתִּ֗ים וַחֲנִיתֹֽתֵיהֶם֙ לְמַזְמֵר֔וֹת לֹֽא־יִשְׂא֞וּ גּ֤וֹי אֶל־גּוֹי֙ חֶ֔רֶב וְלֹא־יִלְמְד֥וּן ע֖וֹד מִלְחָמָֽה׃

4 ‏וְיָשְׁב֗וּ אִ֣ישׁ תַּ֧חַת גַּפְנ֛וֹ וְתַ֥חַת תְּאֵנָת֖וֹ וְאֵ֣ין מַחֲרִ֑יד כִּי־פִ֛י יְהוָ֥ה צְבָא֖וֹת דִּבֵּֽר׃

5 ‏כִּ֚י כָּל־הָ֣עַמִּ֔ים יֵלְכ֕וּ אִ֖ישׁ בְּשֵׁ֣ם אֱלֹהָ֑יו וַאֲנַ֗חְנוּ נֵלֵ֛ךְ בְּשֵׁם־יְהוָ֥ה אֱלֹהֵ֖ינוּ לְעוֹלָ֥ם וָעֶֽד׃ פ

6 ‏בַּיּ֨וֹם הַה֜וּא נְאֻם־יְהוָ֗ה אֹֽסְפָה֙ הַצֹּ֣לֵעָ֔ה וְהַנִּדָּחָ֖ה אֲקַבֵּ֑צָה וַאֲשֶׁ֖ר הֲרֵעֹֽתִי׃

7 ‏וְשַׂמְתִּ֤י אֶת־הַצֹּֽלֵעָה֙ לִשְׁאֵרִ֔ית וְהַנַּהֲלָאָ֖ה לְג֣וֹי עָצ֑וּם וּמָלַ֨ךְ יְהוָ֤ה עֲלֵיהֶם֙ בְּהַ֣ר צִיּ֔וֹן מֵעַתָּ֖ה וְעַד־עוֹלָֽם׃ פ

8 ‏וְאַתָּ֣ה מִגְדַּל־עֵ֗דֶר עֹ֛פֶל בַּת־צִיּ֖וֹן עָדֶ֣יךָ תֵּאתֶ֑ה וּבָאָ֗ה הַמֶּמְשָׁלָה֙ הָרִ֣אשֹׁנָ֔ה מַמְלֶ֖כֶת לְבַ֥ת־יְרוּשָׁלִָֽם׃

9 ‏עַתָּ֕ה לָ֥מָּה תָרִ֖יעִי רֵ֑עַ הֲמֶ֣לֶךְ אֵֽין־בָּ֗ךְ אִֽם־יוֹעֲצֵךְ֙ אָבָ֔ד כִּֽי־הֶחֱזִיקֵ֥ךְ חִ֖יל כַּיּוֹלֵדָֽה׃

10 ‏ח֧וּלִי וָגֹ֛חִי בַּת־צִיּ֖וֹן כַּיּֽוֹלֵדָ֑ה כִּֽי־עַתָּה֩ תֵצְאִ֨י מִקִּרְיָ֜ה וְשָׁכַ֣נְתְּ בַּשָּׂדֶ֗ה וּבָ֤את עַד־בָּבֶל֙ שָׁ֣ם תִּנָּצֵ֔לִי שָׁ֚ם יִגְאָלֵ֣ךְ יְהוָ֔ה מִכַּ֖ף אֹיְבָֽיִךְ׃

11 ‏וְעַתָּ֛ה נֶאֶסְפ֥וּ עָלַ֖יִךְ גּוֹיִ֣ם רַבִּ֑ים הָאֹמְרִ֣ים תֶּחֱנָ֔ף וְתַ֥חַז בְּצִיּ֖וֹן עֵינֵֽינוּ׃

12 ‏וְהֵ֗מָּה לֹ֤א יָֽדְעוּ֙ מַחְשְׁב֣וֹת יְהוָ֔ה וְלֹ֥א הֵבִ֖ינוּ עֲצָת֑וֹ כִּ֥י קִבְּצָ֖ם כֶּעָמִ֥יר גֹּֽרְנָה׃

13 ‏ק֧וּמִי וָד֣וֹשִׁי בַת־צִיּ֗וֹן כִּֽי־קַרְנֵ֞ךְ אָשִׂ֤ים בַּרְזֶל֙ וּפַרְסֹתַ֙יִךְ֙ אָשִׂ֣ים נְחוּשָׁ֔ה וַהֲדִקּ֖וֹת עַמִּ֣ים רַבִּ֑ים וְהַחֲרַמְתִּ֤י לַֽיהוָה֙ בִּצְעָ֔ם וְחֵילָ֖ם לַאֲד֥וֹן כָּל־הָאָֽרֶץ׃

14 ‏עַתָּה֙ תִּתְגֹּדְדִ֣י בַת־גְּד֔וּד מָצ֖וֹר שָׂ֣ם עָלֵ֑ינוּ בַּשֵּׁ֙בֶט֙ יַכּ֣וּ עַֽל־הַלְּחִ֔י אֵ֖ת שֹׁפֵ֥ט יִשְׂרָאֵֽל׃ ס

1 wəhāyâ| bə’aḥărîṯ hayyāmîm yihəyeh har bêṯ-yəhwâ nāḵwōn bərō’š hehārîm wəniśśā’ hû’ migəḇā‘wōṯ wənâărû ‘ālāyw ‘ammîm:3

2 wəhāləḵû gwōyim rabîm wə’āmərû ləḵû| wəna‘ăleh ’el-har-yəhwâ wə’el-bêṯ ’ĕlōhê ya‘ăqōḇ wəywōrēnû midərāḵāyw wənēləḵâ bə’ōrəḥōṯāyw kî miṣṣîywōn tēṣē’3 ṯwōrâ ûḏəḇar-yəhwâ mîrûšālāim:

3 wəšāfaṭ bên ‘ammîm rabîm wəhwōḵîḥa ləḡwōyim ‘ăṣumîm ‘aḏ-rāḥwōq wəḵitəṯû ḥarəḇōṯêhem lə’itîm waḥănîṯōṯêhem ləmazəmērwōṯ lō’-yiśə’û gwōy ’el-gwōy ḥereḇ wəlō’-yiləməḏûn ‘wōḏ miləḥāmâ:

4 wəyāšəḇû ’îš taḥaṯ gafənwō wəṯaḥaṯ tə’ēnāṯwō wə’ên maḥărîḏ kî-fî yəhwâ ṣəḇā’wōṯ dibēr:

5 kî kāl-hā‘ammîm yēləḵû ’îš bəšēm ’ĕlōhāyw wa’ănaḥənû nēlēḵə bəšēm-yəhwâ ’ĕlōhênû lə‘wōlām wā‘eḏ: f

6 bayywōm hahû’ nə’um-yəhwâ ’ōsəfâ haṣṣōlē‘â wəhannidāḥâ ’ăqabēṣâ wa’ăšer hărē‘ōṯî:

7 wəśamətî ’eṯ-haṣṣōlē‘â lišə’ērîṯ wəhannahălā’â ləḡwōy ‘āṣûm ûmālaḵə yəhwâ ‘ălêhem bəhar ṣîywōn mē‘atâ wə‘aḏ-‘wōlām: f

8 wə’atâ miḡədal-‘ēḏer ‘ōfel baṯ-ṣîywōn ‘āḏeyḵā tē’ṯeh ûḇā’â hammeməšālâ hāri’šōnâ maməleḵeṯ ləḇaṯ-yərûšālāim:

9 ‘atâ lāmmâ ṯārî‘î rē‘a hămeleḵə ’ên-bāḵə ’im-ywō‘ăṣēḵə ’āḇāḏ kî-heḥĕzîqēḵə ḥîl kayywōlēḏâ:

10 ḥûlî wāḡōḥî baṯ-ṣîywōn kayywōlēḏâ kî-‘atâ ṯēṣə’î miqqirəyâ wəšāḵanətə baśśāḏeh ûḇā’ṯ ‘aḏ-bāḇel šām tinnāṣēlî šām yiḡə’ālēḵə yəhwâ mikaf ’ōyəḇāyiḵə:

11 wə‘atâ ne’esəfû ‘ālayiḵə gwōyim rabîm hā’ōmərîm teḥĕnāf wəṯaḥaz bəṣîywōn ‘ênênû:

12 wəhēmmâ lō’ yāḏə‘û maḥəšəḇwōṯ yəhwâ wəlō’ hēḇînû ‘ăṣāṯwō kî qibəṣām ke‘āmîr gōrənâ:

13 qûmî wāḏwōšî ḇaṯ-ṣîywōn kî-qarənēḵə ’āśîm barəzel ûfarəsōṯayiḵə ’āśîm nəḥûšâ wahăḏiqqwōṯ ‘ammîm rabîm wəhaḥăramətî layhwâ biṣə‘ām wəḥêlām la’ăḏwōn kāl-hā’āreṣ:

14 ‘atâ tiṯəgōḏəḏî ḇaṯ-gəḏûḏ māṣwōr śām ‘ālênû baššēḇeṭ yakû ‘al-halləḥî ’ēṯ šōfēṭ yiśərā’ēl: s


Next: Micah (Mikhah) Chapter 5