‎1 ‏וְאֵ֣לֶּה׀ מַלְכֵ֣י הָאָ֗רֶץ אֲשֶׁ֨ר הִכּ֤וּ בְנֵֽי־יִשְׂרָאֵל֙ וַיִּֽרְשׁ֣וּ אֶת־אַרְצָ֔ם בְּעֵ֥בֶר הַיַּרְדֵּ֖ן מִזְרְחָ֣ה הַשָּׁ֑מֶשׁ מִנַּ֤חַל אַרְנוֹן֙ עַד־הַ֣ר חֶרְמ֔וֹן וְכָל־הָעֲרָבָ֖ה מִזְרָֽחָה׃

‎2 ‏סִיחוֹן֙ מֶ֣לֶךְ הָאֱמֹרִ֔י הַיּוֹשֵׁ֖ב בְּחֶשְׁבּ֑וֹן מֹשֵׁ֡ל מֵעֲרוֹעֵ֡ר אֲשֶׁר֩ עַל־שְׂפַת־נַ֨חַל אַרְנ֜וֹן וְת֤וֹךְ הַנַּ֙חַל֙ וַחֲצִ֣י הַגִּלְעָ֔ד וְעַד֙ יַבֹּ֣ק הַנַּ֔חַל גְּב֖וּל בְּנֵ֥י עַמּֽוֹן׃

‎3 ‏וְהָעֲרָבָה֩ עַד־יָ֨ם כִּנְר֜וֹת מִזְרָ֗חָה וְ֠עַד יָ֣ם הָעֲרָבָ֤ה יָם־הַמֶּ֙לַח֙ מִזְרָ֔חָה דֶּ֖רֶךְ בֵּ֣ית הַיְשִׁמ֑וֹת וּמִ֨תֵּימָ֔ן תַּ֖חַת אַשְׁדּ֥וֹת הַפִּסְגָּֽה׃

‎4 ‏וּגְב֗וּל ע֚וֹג מֶ֣לֶךְ הַבָּשָׁ֔ן מִיֶּ֖תֶר הָרְפָאִ֑ים הַיּוֹשֵׁ֥ב בְּעַשְׁתָּר֖וֹת וּבְאֶדְרֶֽעִי׃

‎5 ‏וּ֠מֹשֵׁל בְּהַ֨ר חֶרְמ֤וֹן וּבְסַלְכָה֙ וּבְכָל־הַבָּשָׁ֔ן עַד־גְּב֥וּל הַגְּשׁוּרִ֖י וְהַמַּעֲכָתִ֑י וַחֲצִי֙ הַגִּלְעָ֔ד גְּב֖וּל סִיח֥וֹן מֶֽלֶךְ־חֶשְׁבּֽוֹן׃

‎6 ‏מֹשֶׁ֧ה עֶֽבֶד־יְהוָ֛ה וּבְנֵ֥י יִשְׂרָאֵ֖ל הִכּ֑וּם וַֽ֠יִּתְּנָהּ מֹשֶׁ֨ה עֶֽבֶד־יְהוָ֜ה יְרֻשָּׁ֗ה לָרֻֽאוּבֵנִי֙ וְלַגָּדִ֔י וְלַחֲצִ֖י שֵׁ֥בֶט הַֽמְנַשֶּֽׁה׃ ס

‎7 ‏וְאֵ֣לֶּה מַלְכֵ֣י הָאָ֡רֶץ אֲשֶׁר֩ הִכָּ֨ה יְהוֹשֻׁ֜עַ וּבְנֵ֣י יִשְׂרָאֵ֗ל בְּעֵ֤בֶר הַיַּרְדֵּן֙ יָ֔מָּה מִבַּ֤עַל גָּד֙ בְּבִקְעַ֣ת הַלְּבָנ֔וֹן וְעַד־הָהָ֥ר הֶחָלָ֖ק הָעֹלֶ֣ה שֵׂעִ֑ירָה וַיִּתְּנָ֨הּ יְהוֹשֻׁ֜עַ לְשִׁבְטֵ֧י יִשְׂרָאֵ֛ל יְרֻשָּׁ֖ה כְּמַחְלְקֹתָֽם׃

‎8 ‏בָּהָ֣ר וּבַשְּׁפֵלָ֗ה וּבָֽעֲרָבָה֙ וּבָ֣אֲשֵׁד֔וֹת וּבַמִּדְבָּ֖ר וּבַנֶּ֑גֶב הַֽחִתִּי֙ הָֽאֱמֹרִ֔י וְהַֽכְּנַעֲנִי֙ הַפְּרִזִּ֔י הַחִוִּ֖י וְהַיְבוּסִֽי׃ ³פ

‎9 ‏מֶ֥לֶךְ יְרִיח֖וֹ אֶחָ֑ד מֶ֧לֶךְ הָעַ֛י אֲשֶׁר־מִצַּ֥ד בֵּֽית־אֵ֖ל אֶחָֽד׃

‎10 ‏מֶ֤לֶךְ יְרוּשָׁלִַ֙ם֙ אֶחָ֔ד מֶ֥לֶךְ חֶבְר֖וֹן אֶחָֽד׃

‎11 ‏מֶ֤לֶךְ יַרְמוּת֙ אֶחָ֔ד מֶ֥לֶךְ לָכִ֖ישׁ אֶחָֽד׃

‎12 ‏מֶ֤לֶךְ עֶגְלוֹן֙ אֶחָ֔ד מֶ֥לֶךְ גֶּ֖זֶר אֶחָֽד׃

‎13 ‏מֶ֤לֶךְ דְּבִר֙ אֶחָ֔ד מֶ֥לֶךְ גֶּ֖דֶר אֶחָֽד׃

‎14 ‏מֶ֤לֶךְ חָרְמָה֙ אֶחָ֔ד מֶ֥לֶךְ עֲרָ֖ד אֶחָֽד׃

‎15 ‏מֶ֤לֶךְ לִבְנָה֙ אֶחָ֔ד מֶ֥לֶךְ עֲדֻלָּ֖ם אֶחָֽד׃

‎16 ‏מֶ֤לֶךְ מַקֵּדָה֙ אֶחָ֔ד מֶ֥לֶךְ בֵּֽית־אֵ֖ל אֶחָֽד׃

‎17 ‏מֶ֤לֶךְ תַּפּ֙וּחַ֙ אֶחָ֔ד מֶ֥לֶךְ חֵ֖פֶר אֶחָֽד׃

‎18 ‏מֶ֤לֶךְ אֲפֵק֙ אֶחָ֔ד מֶ֥לֶךְ לַשָּׁר֖וֹן אֶחָֽד׃

‎19 ‏מֶ֤לֶךְ מָדוֹן֙ אֶחָ֔ד מֶ֥לֶךְ חָצ֖וֹר אֶחָֽד׃

‎20 ‏מֶ֣לֶךְ שִׁמְר֤וֹן מְראוֹן֙ אֶחָ֔ד מֶ֥לֶךְ אַכְשָׁ֖ף אֶחָֽד׃

‎21 ‏מֶ֤לֶךְ תַּעְנַךְ֙ אֶחָ֔ד מֶ֥לֶךְ מְגִדּ֖וֹ אֶחָֽד׃

‎22 ‏מֶ֤לֶךְ קֶ֙דֶשׁ֙ אֶחָ֔ד מֶֽלֶךְ־יָקְנֳעָ֥ם לַכַּרְמֶ֖ל אֶחָֽד׃

‎23 ‏מֶ֥לֶךְ דּ֛וֹר לְנָפַ֥ת דּ֖וֹר אֶחָ֑ד מֶֽלֶךְ־גּוֹיִ֥ם לְגִלְגָּ֖ל אֶחָֽד׃

‎24 ‏מֶ֥לֶךְ³ תִּרְצָ֖ה אֶחָ֑ד כָּל־מְלָכִ֖ים שְׁלֹשִׁ֥ים וְאֶחָֽד׃ פ

1 wə’ēlleh| maləḵê hā’āreṣ ’ăšer hikû ḇənê-yiśərā’ēl wayyirəšû ’eṯ-’arəṣām bə‘ēḇer hayyarədēn mizərəḥâ haššāmeš minn^aḥal ’arənwōn ‘aḏ-har ḥerəmwōn wəḵāl-hā‘ărāḇâ mizərāḥâ:

2 sîḥwōn meleḵə hā’ĕmōrî hayywōšēḇ bəḥešəbwōn mōšēl mē‘ărwō‘ēr ’ăšer ‘al-śəfaṯ-n^aḥal ’arənwōn wəṯwōḵə hann^aḥal w^aḥăṣî hagilə‘āḏ wə‘aḏ yabōq hann^aḥal gəḇûl bənê ‘ammwōn:

3 wəhā‘ărāḇâ ‘aḏ-yām kinərwōṯ mizərāḥâ wə‘aḏ yām hā‘ărāḇâ yām-hammel^aḥ mizərāḥâ dereḵə bêṯ hayəšimwōṯ ûmitêmān t^aḥaṯ ’ašədwōṯ hapisəgâ:

4 ûḡəḇûl ‘wōḡ meleḵə habāšān mîyeṯer hārəfā’îm hayywōšēḇ bə‘ašətārwōṯ ûḇə’eḏəre‘î:

5 ûmōšēl bəhar ḥerəmwōn ûḇəsaləḵâ ûḇəḵāl-habāšān ‘aḏ-gəḇûl hagəšûrî wəhamm^a‘ăḵāṯî w^aḥăṣî hagilə‘āḏ gəḇûl sîḥwōn meleḵə-ḥešəbwōn:

6 mōšeh ‘eḇeḏ-yəhwâ ûḇənê yiśərā’ēl hikûm wayyitənāh mōšeh ‘eḇeḏ-yəhwâ yəruššâ lāru’ûḇēnî wəlagāḏî wəl^aḥăṣî šēḇeṭ hamənaššeh: s

7 wə’ēlleh maləḵê hā’āreṣ ’ăšer hikâ yəhwōšu‘a ûḇənê yiśərā’ēl bə‘ēḇer hayyarədēn yāmmâ mib^a‘al gāḏ bəḇiqə‘aṯ halləḇānwōn wə‘aḏ-hâār heḥālāq hā‘ōleh śē‘îrâ wayyitənāh yəhwōšu‘a ləšiḇəṭê yiśərā’ēl yəruššâ kəm^aḥələqōṯām:

8 bâār ûḇaššəfēlâ ûḇā‘ărāḇâ ûḇā’ăšēḏwōṯ ûḇammiḏəbār ûḇanneḡeḇ h^aḥitî hā’ĕmōrî wəhakən^a‘ănî hapərizzî h^aḥiûî wəhayəḇûsî: ³f

9 meleḵə yərîḥwō ’eḥāḏ meleḵə hā‘ay ’ăšer-miṣṣaḏ bêṯ-’ēl ’eḥāḏ:

10 meleḵə yərûšālaim ’eḥāḏ meleḵə ḥeḇərwōn ’eḥāḏ:

11 meleḵə yarəmûṯ ’eḥāḏ meleḵə lāḵîš ’eḥāḏ:

12 meleḵə ‘eḡəlwōn ’eḥāḏ meleḵə gezer ’eḥāḏ:

13 meleḵə dəḇir ’eḥāḏ meleḵə geḏer ’eḥāḏ:

14 meleḵə ḥārəmâ ’eḥāḏ meleḵə ‘ărāḏ ’eḥāḏ:

15 meleḵə liḇənâ ’eḥāḏ meleḵə ‘ăḏullām ’eḥāḏ:

16 meleḵə maqqēḏâ ’eḥāḏ meleḵə bêṯ-’ēl ’eḥāḏ:

17 meleḵə tapûḥa ’eḥāḏ meleḵə ḥēfer ’eḥāḏ:

18 meleḵə ’ăfēq ’eḥāḏ meleḵə laššārwōn ’eḥāḏ:

19 meleḵə māḏwōn ’eḥāḏ meleḵə ḥāṣwōr ’eḥāḏ:

20 meleḵə šimərwōn mər’wōn ’eḥāḏ meleḵə ’aḵəšāf ’eḥāḏ:

21 meleḵə t^a‘ənaḵə ’eḥāḏ meleḵə məḡidwō ’eḥāḏ:

22 meleḵə qeḏeš ’eḥāḏ meleḵə-yāqənŏ‘ām lakarəmel ’eḥāḏ:

23 meleḵə dwōr lənāfaṯ dwōr ’eḥāḏ meleḵə-gwōyim ləḡiləgāl ’eḥāḏ:

24 meleḵə³ tirəṣâ ’eḥāḏ kāl-məlāḵîm šəlōšîm wə’eḥāḏ: f