‎1 ‏וַיַּשְׁכֵּם֩ יְהוֹשֻׁ֨עַ בַּבֹּ֜קֶר וַיִּסְע֣וּ מֵֽהַשִּׁטִּ֗ים וַיָּבֹ֙אוּ֙ עַד־הַיַּרְדֵּ֔ן ה֖וּא וְכָל־בְּנֵ֣י יִשְׂרָאֵ֑ל וַיָּלִ֥נוּ שָׁ֖ם טֶ֥רֶם יַעֲבֹֽרוּ׃

‎2 ‏וַיְהִ֕י מִקְצֵ֖ה שְׁלֹ֣שֶׁת יָמִ֑ים וַיַּעַבְר֥וּ הַשֹּׁטְרִ֖ים בְּקֶ֥רֶב הַֽמַּחֲנֶֽה׃

‎3 ‏וַיְצַוּוּ֮ אֶת־הָעָ֣ם לֵאמֹר֒ כִּרְאֽוֹתְכֶ֗ם אֵ֣ת אֲר֤וֹן בְּרִית־יְהוָה֙ אֱלֹ֣הֵיכֶ֔ם וְהַכֹּֽהֲנִים֙ הַלְוִיִּ֔ם נֹשְׂאִ֖ים אֹת֑וֹ וְאַתֶּ֗ם תִּסְעוּ֙ מִמְּק֣וֹמְכֶ֔ם וַהֲלַכְתֶּ֖ם אַחֲרָֽיו׃

‎4 ‏אַ֣ךְ׀ רָח֣וֹק יִהְיֶ֗ה בֵּֽינֵיכֶם֙ ובינו וּבֵינָ֔יו כְּאַלְפַּ֥יִם אַמָּ֖ה בַּמִּדָּ֑ה אַֽל־תִּקְרְב֣וּ אֵלָ֗יו לְמַ֤עַן אֲשֶׁר־תֵּֽדְעוּ֙ אֶת־הַדֶּ֙רֶךְ֙ אֲשֶׁ֣ר תֵּֽלְכוּ־בָ֔הּ כִּ֣י לֹ֧א עֲבַרְתֶּ֛ם בַּדֶּ֖רֶךְ מִתְּמ֥וֹל שִׁלְשֽׁוֹם׃ ס

‎5 ‏וַיֹּ֧אמֶר יְהוֹשֻׁ֛עַ אֶל־הָעָ֖ם הִתְקַדָּ֑שׁוּ כִּ֣י מָחָ֗ר יַעֲשֶׂ֧ה יְהוָ֛ה בְּקִרְבְּכֶ֖ם נִפְלָאֽוֹת׃

‎6 ‏וַיֹּ֤אמֶר יְהוֹשֻׁ֙עַ֙ אֶל־הַכֹּהֲנִ֣ים לֵאמֹ֔ר שְׂאוּ֙ אֶת־אֲר֣וֹן הַבְּרִ֔ית וְעִבְר֖וּ לִפְנֵ֣י הָעָ֑ם וַיִּשְׂאוּ֙ אֶת־אֲר֣וֹן הַבְּרִ֔ית וַיֵּלְכ֖וּ לִפְנֵ֥י הָעָֽם׃ ס

‎7 ‏וַיֹּ֤אמֶר יְהוָה֙ אֶל־יְהוֹשֻׁ֔עַ הַיּ֣וֹם הַזֶּ֗ה אָחֵל֙ גַּדֶּלְךָ֔ בְּעֵינֵ֖י כָּל־יִשְׂרָאֵ֑ל אֲשֶׁר֙ יֵֽדְע֔וּן כִּ֗י כַּאֲשֶׁ֥ר הָיִ֛יתִי עִם־מֹשֶׁ֖ה אֶהְיֶ֥ה עִמָּֽךְ׃

‎8 ‏וְאַתָּ֗ה תְּצַוֶּה֙ אֶת־הַכֹּ֣הֲנִ֔ים נֹשְׂאֵ֥י אֲרֽוֹן־הַבְּרִ֖ית לֵאמֹ֑ר כְּבֹאֲכֶ֗ם עַד־קְצֵה֙ מֵ֣י הַיַּרְדֵּ֔ן בַּיַּרְדֵּ֖ן תַּעֲמֹֽדוּ׃ פ

‎9 ‏וַיֹּ֥אמֶר יְהוֹשֻׁ֖עַ אֶל־בְּנֵ֣י יִשְׂרָאֵ֑ל גֹּ֣שׁוּ הֵ֔נָּה וְשִׁמְע֕וּ אֶת־דִּבְרֵ֖י יְהוָ֥ה אֱלֹֽהֵיכֶֽם׃

‎10 ‏וַיֹּ֣אמֶר יְהוֹשֻׁ֔עַ בְּזֹאת֙ תֵּֽדְע֔וּן כִּ֛י אֵ֥ל חַ֖י בְּקִרְבְּכֶ֑ם וְהוֹרֵ֣שׁ יוֹרִ֣ישׁ מִ֠פְּנֵיכֶם אֶת־הַכְּנַעֲנִ֨י וְאֶת־הַחִתִּ֜י וְאֶת־הַחִוִּ֗י וְאֶת־הַפְּרִזִּי֙ וְאֶת־הַגִּרְגָּשִׁ֔י וְהָאֱמֹרִ֖י וְהַיְבוּסִֽי׃

‎11 ‏הִנֵּה֙ אֲר֣וֹן הַבְּרִ֔ית אֲד֖וֹן כָּל־הָאָ֑רֶץ עֹבֵ֥ר לִפְנֵיכֶ֖ם בַּיַּרְדֵּֽן׃

‎12 ‏וְעַתָּ֗ה קְח֤וּ לָכֶם֙ שְׁנֵ֣י עָשָׂ֣ר אִ֔ישׁ מִשִּׁבְטֵ֖י יִשְׂרָאֵ֑ל אִישׁ־אֶחָ֥ד אִישׁ־אֶחָ֖ד לַשָּֽׁבֶט׃

‎13 ‏וְהָיָ֡ה כְּנ֣וֹחַ כַּפּ֣וֹת רַגְלֵ֣י הַכֹּהֲנִ֡ים נֹשְׂאֵי֩ אֲר֨וֹן יְהוָ֜ה אֲד֤וֹן כָּל־הָאָ֙רֶץ֙ בְּמֵ֣י הַיַּרְדֵּ֔ן מֵ֤י הַיַּרְדֵּן֙ יִכָּ֣רֵת֔וּן הַמַּ֥יִם הַיֹּרְדִ֖ים מִלְמָ֑עְלָה וְיַעַמְד֖וּ נֵ֥ד אֶחָֽד׃

‎14 ‏וַיְהִ֗י בִּנְסֹ֤עַ הָעָם֙ מֵאָ֣הֳלֵיהֶ֔ם לַעֲבֹ֖ר אֶת־הַיַּרְדֵּ֑ן וְהַכֹּהֲנִ֗ים נֹֽשְׂאֵ֛י הָאָר֥וֹן הַבְּרִ֖ית לִפְנֵ֥י הָעָֽם׃

‎15 ‏וּכְב֞וֹא נֹשְׂאֵ֤י הָֽאָרוֹן֙ עַד־הַיַּרְדֵּ֔ן וְרַגְלֵ֤י הַכֹּֽהֲנִים֙ נֹשְׂאֵ֣י הָֽאָר֔וֹן נִטְבְּל֖וּ בִּקְצֵ֣ה הַמָּ֑יִם וְהַיַּרְדֵּ֗ן מָלֵא֙ עַל־כָּל־גְּדוֹתָ֔יו כֹּ֖ל יְמֵ֥י קָצִֽיר׃

‎16 ‏וַיַּעַמְד֡וּ הַמַּיִם֩ הַיֹּרְדִ֨ים מִלְמַ֜עְלָה קָ֣מוּ נֵד־אֶחָ֗ד הַרְחֵ֨ק מְאֹ֜ד באדם מֵֽאָדָ֤ם הָעִיר֙ אֲשֶׁר֙ מִצַּ֣ד צָֽרְתָ֔ן וְהַיֹּרְדִ֗ים עַ֣ל יָ֧ם הָעֲרָבָ֛ה יָם־הַמֶּ֖לַח תַּ֣מּוּ נִכְרָ֑תוּ וְהָעָ֥ם עָבְר֖וּ נֶ֥גֶד יְרִיחֽוֹ׃

‎17 ‏וַיַּעַמְד֣וּ הַכֹּהֲנִ֡ים נֹ֠שְׂאֵי הָאָר֨וֹן בְּרִית־יְהוָ֜ה בֶּחָֽרָבָ֛ה בְּת֥וֹךְ הַיַּרְדֵּ֖ן הָכֵ֑ן וְכָל־יִשְׂרָאֵ֗ל עֹֽבְרִים֙ בֶּחָ֣רָבָ֔ה עַ֤ד אֲשֶׁר־תַּ֙מּוּ֙ כָּל־הַגּ֔וֹי לַעֲבֹ֖ר אֶת־הַיַּרְדֵּֽן׃

1 wayyašəkēm yəhwōšu‘a babōqer wayyisə‘û mēhaššiṭṭîm wayyāḇō’û ‘aḏ-hayyarədēn hû’ wəḵāl-bənê yiśərā’ēl wayyālinû šām ṭerem y^a‘ăḇōrû:

2 wayəhî miqəṣēh šəlōšeṯ yāmîm wayy^a‘aḇərû haššōṭərîm bəqereḇ hamm^aḥăneh:

3 wayəṣaûû ’eṯ-hā‘ām lē’mōr kirə’wōṯəḵem ’ēṯ ’ărwōn bərîṯ-yəhwâ ’ĕlōhêḵem wəhakōhănîm haləwîyim nōśə’îm ’ōṯwō wə’atem tisə‘û mimməqwōməḵem wahălaḵətem ’^aḥărāyw:

4 ’aḵə| rāḥwōq yihəyeh bênêḵem ûḇênwō ûḇênāyw kə’aləpayim ’ammâ bammidâ ’al-tiqərəḇû ’ēlāyw ləm^a‘an ’ăšer-tēḏə‘û ’eṯ-hadereḵə ’ăšer tēləḵû-ḇāh kî lō’ ‘ăḇarətem badereḵə mitəmwōl šiləšwōm: s

5 wayyō’mer yəhwōšu‘a ’el-hā‘ām hiṯəqadāšû kî māḥār y^a‘ăśeh yəhwâ bəqirəbəḵem nifəlā’wōṯ:

6 wayyō’mer yəhwōšu‘a ’el-hakōhănîm lē’mōr śə’û ’eṯ-’ărwōn habərîṯ wə‘iḇərû lifənê hā‘ām wayyiśə’û ’eṯ-’ărwōn habərîṯ wayyēləḵû lifənê hā‘ām: s

7 wayyō’mer yəhwâ ’el-yəhwōšu‘a hayywōm hazzeh ’āḥēl gadeləḵā bə‘ênê kāl-yiśərā’ēl ’ăšer yēḏə‘ûn kî ka’ăšer hāyîṯî ‘im-mōšeh ’ehəyeh ‘immāḵə:

8 wə’atâ təṣaûeh ’eṯ-hakōhănîm nōśə’ê ’ărwōn-habərîṯ lē’mōr kəḇō’ăḵem ‘aḏ-qəṣēh mê hayyarədēn bayyarədēn t^a‘ămōḏû: f

9 wayyō’mer yəhwōšu‘a ’el-bənê yiśərā’ēl gōšû hēnnâ wəšimə‘û ’eṯ-diḇərê yəhwâ ’ĕlōhêḵem:

10 wayyō’mer yəhwōšu‘a bəzō’ṯ tēḏə‘ûn kî ’ēl ḥay bəqirəbəḵem wəhwōrēš ywōrîš mipənêḵem ’eṯ-hakən^a‘ănî wə’eṯ-h^aḥitî wə’eṯ-h^aḥiûî wə’eṯ-hapərizzî wə’eṯ-hagirəgāšî wəhā’ĕmōrî wəhayəḇûsî:

11 hinnēh ’ărwōn habərîṯ ’ăḏwōn kāl-hā’āreṣ ‘ōḇēr lifənêḵem bayyarədēn:

12 wə‘atâ qəḥû lāḵem šənê ‘āśār ’îš miššiḇəṭê yiśərā’ēl ’îš-’eḥāḏ ’îš-’eḥāḏ laššāḇeṭ:

13 wəhāyâ kənwōḥa kapwōṯ raḡəlê hakōhănîm nōśə’ê ’ărwōn yəhwâ ’ăḏwōn kāl-hā’āreṣ bəmê hayyarədēn mê hayyarədēn yikārēṯûn hammayim hayyōrəḏîm miləmā‘əlâ wəy^a‘aməḏû nēḏ ’eḥāḏ:

14 wayəhî binəsō‘a hā‘ām mē’âŏlêhem l^a‘ăḇōr ’eṯ-hayyarədēn wəhakōhănîm nōśə’ê hā’ārwōn habərîṯ lifənê hā‘ām:

15 ûḵəḇwō’ nōśə’ê hā’ārwōn ‘aḏ-hayyarədēn wəraḡəlê hakōhănîm nōśə’ê hā’ārwōn niṭəbəlû biqəṣēh hammāyim wəhayyarədēn mālē’ ‘al-kāl-gəḏwōṯāyw kōl yəmê qāṣîr:

16 wayy^a‘aməḏû hammayim hayyōrəḏîm miləm^a‘əlâ qāmû nēḏ-’eḥāḏ harəḥēq mə’ōḏ ḇā’āḏām mē’āḏām hā‘îr ’ăšer miṣṣaḏ ṣārəṯān wəhayyōrəḏîm ‘al yām hā‘ărāḇâ yām-hammel^aḥ tammû niḵərāṯû wəhā‘ām ‘āḇərû neḡeḏ yərîḥwō:

17 wayy^a‘aməḏû hakōhănîm nōśə’ê hā’ārwōn bərîṯ-yəhwâ beḥārāḇâ bəṯwōḵə hayyarədēn hāḵēn wəḵāl-yiśərā’ēl ‘ōḇərîm beḥārāḇâ ‘aḏ ’ăšer-tammû kāl-hagwōy l^a‘ăḇōr ’eṯ-hayyarədēn: