Sacred Texts  Bible  Index 
Polyglot  KJV  Vul 

Ezra Index
  Previous  Next 

Tanach (Hebrew): Ezra Chapter 6

1 ‏בֵּאדַ֛יִן דָּרְיָ֥וֶשׁ מַלְכָּ֖א שָׂ֣ם טְעֵ֑ם וּבַקַּ֣רוּ׀ בְּבֵ֣ית סִפְרַיָּ֗א דִּ֧י גִנְזַיָּ֛א מְהַחֲתִ֥ין תַּמָּ֖ה בְּבָבֶֽל׃

2 ‏וְהִשְׁתְּכַ֣ח בְּאַחְמְתָ֗א בְּבִֽירְתָ֛א דִּ֛י בְּמָדַ֥י מְדִינְתָּ֖ה מְגִלָּ֣ה חֲדָ֑ה וְכֵן־כְּתִ֥יב בְּגַוַּ֖הּ דִּכְרוֹנָֽה׃ פ

3 ‏בִּשְׁנַ֨ת חֲדָ֜ה לְכ֣וֹרֶשׁ מַלְכָּ֗א כּ֣וֹרֶשׁ מַלְכָּא֮ שָׂ֣ם טְעֵם֒ בֵּית־אֱלָהָ֤א בִֽירוּשְׁלֶם֙ בַּיְתָ֣א יִתְבְּנֵ֔א אֲתַר֙ דִּֽי־דָבְחִ֣ין דִּבְחִ֔ין וְאֻשּׁ֖וֹהִי מְסֽוֹבְלִ֑ין רוּמֵהּ֙ אַמִּ֣ין שִׁתִּ֔ין פְּתָיֵ֖הּ אַמִּ֥ין שִׁתִּֽין׃

4 ‏נִדְבָּכִ֞ין דִּי־אֶ֤בֶן גְּלָל֙ תְּלָתָ֔א וְנִדְבָּ֖ךְ דִּי־אָ֣ע חֲדַ֑ת וְנִ֨פְקְתָ֔א מִן־בֵּ֥ית מַלְכָּ֖א תִּתְיְהִֽב׃

5 ‏וְ֠אַף מָאנֵ֣י בֵית־אֱלָהָא֮ דִּ֣י דַהֲבָ֣ה וְכַסְפָּא֒ דִּ֣י נְבֽוּכַדְנֶצַּ֗ר הַנְפֵּ֛ק מִן־הֵיכְלָ֥א דִי־בִירוּשְׁלֶ֖ם וְהֵיבֵ֣ל לְבָבֶ֑ל יַהֲתִיב֗וּן וִ֠יהָךְ לְהֵיכְלָ֤א דִי־בִירֽוּשְׁלֶם֙ לְאַתְרֵ֔הּ וְתַחֵ֖ת בְּבֵ֥ית אֱלָהָֽא׃ ס

6 ‏כְּעַ֡ן תַּ֠תְּנַי פַּחַ֨ת עֲבַֽר־נַהֲרָ֜ה שְׁתַ֤ר בּוֹזְנַי֙ וּכְנָוָ֣תְה֔וֹן3 אֲפַרְסְכָיֵ֔א דִּ֖י בַּעֲבַ֣ר נַהֲרָ֑ה רַחִיקִ֥ין הֲו֖וֹ מִן־תַּמָּֽה׃

7 ‏שְׁבֻ֕קוּ לַעֲבִידַ֖ת בֵּית־אֱלָהָ֣א דֵ֑ךְ פַּחַ֤ת יְהוּדָיֵא֙ וּלְשָׂבֵ֣י יְהוּדָיֵ֔א בֵּית־אֱלָהָ֥א דֵ֖ךְ יִבְנ֥וֹן עַל־אַתְרֵֽהּ׃

8 ‏וּמִנִּי֮ שִׂ֣ים טְעֵם֒ לְמָ֣א דִֽי־תַֽעַבְד֗וּן עִם־שָׂבֵ֤י יְהוּדָיֵא֙ אִלֵּ֔ךְ לְמִבְנֵ֖א בֵּית־אֱלָהָ֣א דֵ֑ךְ וּמִנִּכְסֵ֣י מַלְכָּ֗א דִּ֚י מִדַּת֙ עֲבַ֣ר נַהֲרָ֔ה אָסְפַּ֗רְנָא נִפְקְתָ֛א תֶּהֱוֵ֧א מִֽתְיַהֲבָ֛א לְגֻבְרַיָּ֥א אִלֵּ֖ךְ דִּי־לָ֥א לְבַטָּלָֽא׃

9 ‏וּמָ֣ה חַשְׁחָ֡ן וּבְנֵ֣י תוֹרִ֣ין וְדִכְרִ֣ין וְאִמְּרִ֣ין׀ לַעֲלָוָ֣ן׀ לֶאֱלָ֪הּ שְׁמַיָּ֟א חִנְטִ֞ין מְלַ֣ח׀ חֲמַ֣ר וּמְשַׁ֗ח כְּמֵאמַ֨ר כָּהֲנַיָּ֤א דִי־בִירֽוּשְׁלֶם֙ לֶהֱוֵ֨א מִתְיְהֵ֥ב לְהֹ֛ם י֥וֹם׀ בְּי֖וֹם דִּי־לָ֥א שָׁלֽוּ׃

10 ‏דִּֽי־לֶהֱוֹ֧ן מְהַקְרְבִ֛ין נִיחוֹחִ֖ין לֶאֱלָ֣הּ שְׁמַיָּ֑א וּמְצַלַּ֕יִן לְחַיֵּ֥י מַלְכָּ֖א וּבְנֽוֹהִי׃

11 ‏וּמִנִּי֮ שִׂ֣ים טְעֵם֒ דִּ֣י כָל־אֱנָ֗שׁ דִּ֤י יְהַשְׁנֵא֙ פִּתְגָמָ֣א דְנָ֔ה יִתְנְסַ֥ח אָע֙ מִן־בַּיְתֵ֔הּ וּזְקִ֖יף יִתְמְחֵ֣א עֲלֹ֑הִי וּבַיְתֵ֛הּ נְוָל֥וּ יִתְעֲבֵ֖ד עַל־דְּנָֽה׃

12 ‏וֵֽאלָהָ֞א דִּ֣י שַׁכִּ֧ן שְׁמֵ֣הּ תַּמָּ֗ה יְמַגַּ֞ר כָּל־מֶ֤לֶךְ וְעַם֙ דִּ֣י׀ יִשְׁלַ֣ח יְדֵ֗הּ לְהַשְׁנָיָ֛ה לְחַבָּלָ֛ה בֵּית־אֱלָהָ֥א דֵ֖ךְ דִּ֣י בִירוּשְׁלֶ֑ם אֲנָ֤ה דָרְיָ֙וֶשׁ֙ שָׂ֣מֶת טְעֵ֔ם אָסְפַּ֖רְנָא יִתְעֲבִֽד׃ פ

13 ‏אֱ֠דַיִן תַּתְּנַ֞י פַּחַ֧ת עֲבַֽר־נַהֲרָ֛ה שְׁתַ֥ר בּוֹזְנַ֖י וּכְנָוָתְה֑וֹן לָקֳבֵ֗ל דִּֽי־שְׁלַ֞ח דָּרְיָ֧וֶשׁ מַלְכָּ֛א כְּנֵ֖מָא אָסְפַּ֥רְנָא עֲבַֽדוּ׃

14 ‏וְשָׂבֵ֤י יְהוּדָיֵא֙ בָּנַ֣יִן וּמַצְלְחִ֔ין בִּנְבוּאַת֙ חַגַּ֣י נביאה נְבִיָּ֔א וּזְכַרְיָ֖ה בַּר־עִדּ֑וֹא וּבְנ֣וֹ וְשַׁכְלִ֗לוּ מִן־טַ֙עַם֙ אֱלָ֣הּ יִשְׂרָאֵ֔ל וּמִטְּעֵם֙ כּ֣וֹרֶשׁ וְדָרְיָ֔וֶשׁ וְאַרְתַּחְשַׁ֖שְׂתְּא מֶ֥לֶךְ פָּרָֽס׃

15 ‏וְשֵׁיצִיא֙ בַּיְתָ֣ה דְנָ֔ה עַ֛ד י֥וֹם תְּלָתָ֖ה לִירַ֣ח אֲדָ֑ר דִּי־הִ֣יא שְׁנַת־שֵׁ֔ת לְמַלְכ֖וּת דָּרְיָ֥וֶשׁ מַלְכָּֽא׃ פ

16 ‏וַעֲבַ֣דוּ בְנֵֽי־יִ֠שְׂרָאֵל כָּהֲנַיָּ֨א וְלֵוָיֵ֜א וּשְׁאָ֣ר בְּנֵי־גָלוּתָ֗א חֲנֻכַּ֛ת בֵּית־אֱלָהָ֥א דְנָ֖ה בְּחֶדְוָֽה׃

17 ‏וְהַקְרִ֗בוּ לַחֲנֻכַּת֮ בֵּית־אֱלָהָ֣א דְנָה֒ תּוֹרִ֣ין מְאָ֔ה דִּכְרִ֣ין מָאתַ֔יִן אִמְּרִ֖ין אַרְבַּ֣ע מְאָ֑ה וּצְפִירֵ֨י עִזִּ֜ין לחטיא לְחַטָּאָ֤ה עַל־כָּל־יִשְׂרָאֵל֙ תְּרֵֽי־עֲשַׂ֔ר לְמִנְיָ֖ן שִׁבְטֵ֥י יִשְׂרָאֵֽל׃

18 ‏וַהֲקִ֨ימוּ כָהֲנַיָּ֜א בִּפְלֻגָּתְה֗וֹן וְלֵוָיֵא֙ בְּמַחְלְקָ֣תְה֔וֹן עַל־עֲבִידַ֥ת אֱלָהָ֖א דִּ֣י בִירוּשְׁלֶ֑ם כִּכְתָ֖ב סְפַ֥ר מֹשֶֽׁה׃ פ

19 ‏וַיַּעֲשׂ֥וּ בְנֵי־הַגּוֹלָ֖ה אֶת־הַפָּ֑סַח בְּאַרְבָּעָ֥ה עָשָׂ֖ר לַחֹ֥דֶשׁ הָרִאשֽׁוֹן׃

20 ‏כִּ֣י הִֽטַּהֲר֞וּ הַכֹּהֲנִ֧ים וְהַלְוִיִּ֛ם כְּאֶחָ֖ד כֻּלָּ֣ם טְהוֹרִ֑ים וַיִּשְׁחֲט֤וּ הַפֶּ֙סַח֙ לְכָל־בְּנֵ֣י הַגּוֹלָ֔ה וְלַאֲחֵיהֶ֥ם הַכֹּהֲנִ֖ים וְלָהֶֽם׃

21 ‏וַיֹּאכְל֣וּ בְנֵֽי־יִשְׂרָאֵ֗ל הַשָּׁבִים֙ מֵֽהַגּוֹלָ֔ה וְכֹ֗ל הַנִּבְדָּ֛ל מִטֻּמְאַ֥ת גּוֹיֵֽ־הָאָ֖רֶץ אֲלֵהֶ֑ם לִדְרֹ֕שׁ לַֽיהוָ֖ה אֱלֹהֵ֥י יִשְׂרָאֵֽל׃

22 ‏וַיַּֽעֲשׂ֧וּ חַג־מַצּ֛וֹת שִׁבְעַ֥ת יָמִ֖ים בְּשִׂמְחָ֑ה כִּ֣י׀ שִׂמְּחָ֣ם יְהוָ֗ה וְֽהֵסֵ֞ב לֵ֤ב מֶֽלֶךְ־אַשּׁוּר֙ עֲלֵיהֶ֔ם לְחַזֵּ֣ק יְדֵיהֶ֔ם בִּמְלֶ֥אכֶת בֵּית־הָאֱלֹהִ֖ים אֱלֹהֵ֥י יִשְׂרָאֵֽל׃ פ

1 bē’ḏayin dārəyāweš maləkā’ śām ṭə‘ēm ûḇaqqarû| bəḇêṯ sifərayyā’ dî ḡinəzayyā’ məhaḥăṯîn tammâ bəḇāḇel:

2 wəhišətəḵaḥ bə’aḥəməṯā’ bəḇîrəṯā’ dî bəmāḏay məḏînətâ məḡillâ ḥăḏâ wəḵēn-kəṯîḇ bəḡaûah diḵərwōnâ: f

3 bišənaṯ ḥăḏâ ləḵwōreš maləkā’ kwōreš maləkā’ śām ṭə‘ēm bêṯ-’ĕlâā’ ḇîrûšəlem bayəṯā’ yiṯəbənē’ ’ăṯar dî-ḏāḇəḥîn diḇəḥîn wə’uššwōhî məswōḇəlîn rûmēhh ’ammîn šitîn pəṯāyēhh ’ammîn šitîn:

4 niḏəbāḵîn dî-’eḇen gəlāl təlāṯā’ wəniḏəbāḵə dî-’ā‘ ḥăḏaṯ wənifəqəṯā’ min-bêṯ maləkā’ tiṯəyəhiḇ:

5 wə’af mā’nê ḇêṯ-’ĕlâā’ dî ḏahăḇâ wəḵasəpā’ dî nəḇûḵaḏəneṣṣar hanəpēq min-hêḵəlā’ ḏî-ḇîrûšəlem wəhêḇēl ləḇāḇel yahăṯîḇûn wîhāḵə ləhêḵəlā’ ḏî-ḇîrûšəlem lə’aṯərēhh wəṯaḥēṯ bəḇêṯ ’ĕlâā’: s

6 kə‘an tatənay paḥaṯ ‘ăḇar-nahărâ šəṯar bwōzənay ûḵənāwāṯəhwōn3 ’ăfarəsəḵāyē’ dî ba‘ăḇar nahărâ raḥîqîn hăwwō min-tammâ:

7 šəḇuqû la‘ăḇîḏaṯ bêṯ-’ĕlâā’ ḏēḵə paḥaṯ yəhûḏāyē’ ûləśāḇê yəhûḏāyē’ bêṯ-’ĕlâā’ ḏēḵə yiḇənwōn ‘al-’aṯərēhh:

8 ûminnî śîm ṭə‘ēm ləmā’ ḏî-ṯa‘aḇəḏûn ‘im-śāḇê yəhûḏāyē’ ’illēḵə ləmiḇənē’ bêṯ-’ĕlâā’ ḏēḵə ûminniḵəsê maləkā’ dî midaṯ ‘ăḇar nahărâ ’āsəparənā’ nifəqəṯā’ tehĕwē’ miṯəyahăḇā’ ləḡuḇərayyā’ ’illēḵə dî-lā’ ləḇaṭṭālā’:

9 ûmâ ḥašəḥān ûḇənê ṯwōrîn wəḏiḵərîn wə’immərîn| la‘ălāwān| le’ĕlāh šəmayyā’ ḥinəṭîn məlaḥ| ḥămar ûməšaḥ kəmē’mar kâănayyā’ ḏî-ḇîrûšəlem lehĕwē’ miṯəyəhēḇ ləhōm ywōm| bəywōm dî-lā’ šālû:

10 dî-lehĕwōn məhaqərəḇîn nîḥwōḥîn le’ĕlāh šəmayyā’ ûməṣallayin ləḥayyê maləkā’ ûḇənwōhî:

11 ûminnî śîm ṭə‘ēm dî ḵāl-’ĕnāš dî yəhašənē’ piṯəḡāmā’ ḏənâ yiṯənəsaḥ ’ā‘ min-bayəṯēhh ûzəqîf yiṯəməḥē’ ‘ălōhî ûḇayəṯēhh nəwālû yiṯə‘ăḇēḏ ‘al-dənâ:

12 wē’lâā’ dî šakin šəmēhh tammâ yəmagar kāl-meleḵə wə‘am dî| yišəlaḥ yəḏēhh ləhašənāyâ ləḥabālâ bêṯ-’ĕlâā’ ḏēḵə dî ḇîrûšəlem ’ănâ ḏārəyāweš śāmeṯ ṭə‘ēm ’āsəparənā’ yiṯə‘ăḇiḏ: f

13 ’ĕḏayin tatənay paḥaṯ ‘ăḇar-nahărâ šəṯar bwōzənay ûḵənāwāṯəhwōn lāqŏḇēl dî-šəlaḥ dārəyāweš maləkā’ kənēmā’ ’āsəparənā’ ‘ăḇaḏû:

14 wəśāḇê yəhûḏāyē’ bānayin ûmaṣələḥîn binəḇû’aṯ ḥagay nəḇî’â nəḇîyā’ ûzəḵarəyâ bar-‘idwō’ ûḇənwō wəšaḵəlilû min-ṭa‘am ’ĕlāh yiśərā’ēl ûmiṭṭə‘ēm kwōreš wəḏārəyāweš wə’arətaḥəšaśətə’ meleḵə pārās:

15 wəšêṣî’ bayəṯâ ḏənâ ‘aḏ ywōm təlāṯâ lîraḥ ’ăḏār dî-hî’ šənaṯ-šēṯ ləmaləḵûṯ dārəyāweš maləkā’: f

16 wa‘ăḇaḏû ḇənê-yiśərā’ēl kâănayyā’ wəlēwāyē’ ûšə’ār bənê-ḡālûṯā’ ḥănukaṯ bêṯ-’ĕlâā’ ḏənâ bəḥeḏəwâ:

17 wəhaqəriḇû laḥănukaṯ bêṯ-’ĕlâā’ ḏənâ twōrîn mə’â diḵərîn mā’ṯayin ’immərîn ’arəba‘ mə’â ûṣəfîrê ‘izzîn ləḥaṭṭāyā’ ləḥaṭṭā’â ‘al-kāl-yiśərā’ēl tərê-‘ăśar ləminəyān šiḇəṭê yiśərā’ēl:

18 wahăqîmû ḵâănayyā’ bifəlugāṯəhwōn wəlēwāyē’ bəmaḥələqāṯəhwōn ‘al-‘ăḇîḏaṯ ’ĕlâā’ dî ḇîrûšəlem kiḵəṯāḇ səfar mōšeh: f

19 wayya‘ăśû ḇənê-hagwōlâ ’eṯ-hapāsaḥ bə’arəbā‘â ‘āśār laḥōḏeš hāri’šwōn:

20 kî hiṭṭahărû hakōhănîm wəhaləwîyim kə’eḥāḏ kullām ṭəhwōrîm wayyišəḥăṭû hapesaḥ ləḵāl-bənê hagwōlâ wəla’ăḥêhem hakōhănîm wəlâem:

21 wayyō’ḵəlû ḇənê-yiśərā’ēl haššāḇîm mēhagwōlâ wəḵōl hanniḇədāl miṭṭumə’aṯ gwōyē-hā’āreṣ ’ălēhem liḏərōš layhwâ ’ĕlōhê yiśərā’ēl:

22 wayya‘ăśû ḥaḡ-maṣṣwōṯ šiḇə‘aṯ yāmîm bəśiməḥâ kî| śimməḥām yəhwâ wəhēsēḇ lēḇ meleḵə-’aššûr ‘ălêhem ləḥazzēq yəḏêhem biməle’ḵeṯ bêṯ-hā’ĕlōhîm ’ĕlōhê yiśərā’ēl: f


Next: Ezra Chapter 7