‎1 ‏אַל־תְּבַהֵ֨ל עַל־פִּ֜יךָ וְלִבְּךָ֧ אַל־יְמַהֵ֛ר לְהוֹצִ֥יא דָבָ֖ר לִפְנֵ֣י הָאֱלֹהִ֑ים כִּ֣י הָאֱלֹהִ֤ים בַּשָּׁמַ֙יִם֙ וְאַתָּ֣ה עַל־הָאָ֔רֶץ עַֽל־כֵּ֛ן³ יִהְי֥וּ דְבָרֶ֖יךָ מְעַטִּֽים׃

‎2 ‏כִּ֛י בָּ֥א הַחֲל֖וֹם בְּרֹ֣ב עִנְיָ֑ן וְק֥וֹל כְּסִ֖יל בְּרֹ֥ב דְּבָרִֽים׃

‎3 ‏כַּאֲשֶׁר֩ תִּדֹּ֨ר נֶ֜דֶר לֵֽאלֹהִ֗ים אַל־תְּאַחֵר֙ לְשַׁלְּמ֔וֹ כִּ֛י אֵ֥ין חֵ֖פֶץ בַּכְּסִילִ֑ים אֵ֥ת אֲשֶׁר־תִּדֹּ֖ר שַׁלֵּֽם׃

‎4 ‏ט֖וֹב אֲשֶׁ֣ר לֹֽא־תִדֹּ֑ר מִשֶּׁתִּדּ֖וֹר וְלֹ֥א תְשַׁלֵּֽם׃

‎5 ‏אַל־תִּתֵּ֤ן אֶת־פִּ֙יךָ֙ לַחֲטִ֣יא אֶת־בְּשָׂרֶ֔ךָ וְאַל־תֹּאמַר֙ לִפְנֵ֣י הַמַּלְאָ֔ךְ כִּ֥י שְׁגָגָ֖ה הִ֑יא לָ֣מָּה יִקְצֹ֤ף הָֽאֱלֹהִים֙ עַל־קוֹלֶ֔ךָ וְחִבֵּ֖ל אֶת־מַעֲשֵׂ֥ה יָדֶֽיךָ׃

‎6 ‏כִּ֣י בְרֹ֤ב חֲלֹמוֹת֙ וַהֲבָלִ֔ים וּדְבָרִ֖ים הַרְבֵּ֑ה כִּ֥י אֶת־הָאֱלֹהִ֖ים יְרָֽא׃

‎7 ‏אִם־עֹ֣שֶׁק רָ֠שׁ וְגֵ֨זֶל מִשְׁפָּ֤ט וָצֶ֙דֶק֙ תִּרְאֶ֣ה בַמְּדִינָ֔ה אַל־תִּתְמַ֖הּ עַל־הַחֵ֑פֶץ כִּ֣י גָבֹ֜הַּ מֵעַ֤ל גָּבֹ֙הַּ֙ שֹׁמֵ֔ר וּגְבֹהִ֖ים עֲלֵיהֶֽם׃

‎8 ‏וְיִתְר֥וֹן אֶ֖רֶץ בַּכֹּ֣ל היא ה֑וּא מֶ֥לֶךְ לְשָׂדֶ֖ה נֶעֱבָֽד׃

‎9 ‏אֹהֵ֥ב כֶּ֙סֶף֙ לֹא־יִשְׂבַּ֣ע כֶּ֔סֶף וּמִֽי־אֹהֵ֥ב בֶּהָמ֖וֹן לֹ֣א תְבוּאָ֑ה גַּם־זֶ֖ה הָֽבֶל׃

‎10 ‏בִּרְבוֹת֙ הַטּוֹבָ֔ה רַבּ֖וּ אוֹכְלֶ֑יהָ וּמַה־כִּשְׁרוֹן֙ לִבְעָלֶ֔יהָ כִּ֖י אִם־ראית רְא֥וּת עֵינָֽיו׃

‎11 ‏מְתוּקָה֙ שְׁנַ֣ת הָעֹבֵ֔ד אִם־מְעַ֥ט וְאִם־הַרְבֵּ֖ה יֹאכֵ֑ל וְהַשָּׂבָע֙ לֶֽעָשִׁ֔יר אֵינֶ֛נּוּ מַנִּ֥יחַֽ ל֖וֹ לִישֽׁוֹן׃

‎12 ‏יֵ֚שׁ רָעָ֣ה חוֹלָ֔ה רָאִ֖יתִי תַּ֣חַת הַשָּׁ֑מֶשׁ עֹ֛שֶׁר שָׁמ֥וּר לִבְעָלָ֖יו לְרָעָתֽוֹ׃

‎13 ‏וְאָבַ֛ד הָעֹ֥שֶׁר הַה֖וּא בְּעִנְיַ֣ן רָ֑ע וְהוֹלִ֣יד בֵּ֔ן וְאֵ֥ין בְּיָד֖וֹ מְאֽוּמָה׃

‎14 ‏כַּאֲשֶׁ֤ר יָצָא֙ מִבֶּ֣טֶן אִמּ֔וֹ עָר֛וֹם יָשׁ֥וּב לָלֶ֖כֶת כְּשֶׁבָּ֑א וּמְא֙וּמָה֙ לֹא־יִשָּׂ֣א בַעֲמָל֔וֹ שֶׁיֹּלֵ֖ךְ בְּיָדֽוֹ׃

‎15 ‏וְגַם־זֹה֙ רָעָ֣ה חוֹלָ֔ה כָּל־עֻמַּ֥ת שֶׁבָּ֖א כֵּ֣ן יֵלֵ֑ךְ וּמַה־יִּתְר֣וֹן ל֔וֹ שֶֽׁיַּעֲמֹ֖ל לָרֽוּחַ׃

‎16 ‏גַּ֥ם כָּל־יָמָ֖יו בַּחֹ֣שֶׁךְ יֹאכֵ֑ל וְכָעַ֥ס הַרְבֵּ֖ה וְחָלְי֥וֹ וָקָֽצֶף׃

‎17 ‏הִנֵּ֞ה אֲשֶׁר־רָאִ֣יתִי אָ֗נִי ט֣וֹב אֲשֶׁר־יָפֶ֣ה לֶֽאֶכוֹל־וְ֠לִשְׁתּוֹת וְלִרְא֨וֹת טוֹבָ֜ה בְּכָל־עֲמָל֣וֹ׀ שֶׁיַּעֲמֹ֣ל תַּֽחַת־הַשֶּׁ֗מֶשׁ מִסְפַּ֧ר יְמֵי־חיו חַיָּ֛יו^q אֲשֶׁר־נָֽתַן־ל֥וֹ הָאֱלֹהִ֖ים כִּי־ה֥וּא חֶלְקֽוֹ׃

‎18 ‏גַּ֣ם כָּֽל־הָאָדָ֡ם אֲשֶׁ֣ר נָֽתַן־ל֣וֹ הָאֱלֹהִים֩ עֹ֨שֶׁר וּנְכָסִ֜ים וְהִשְׁלִיט֨וֹ לֶאֱכֹ֤ל מִמֶּ֙נּוּ֙ וְלָשֵׂ֣את אֶת־חֶלְק֔וֹ וְלִשְׂמֹ֖חַ בַּעֲמָל֑וֹ זֹ֕ה מַתַּ֥ת אֱלֹהִ֖ים הִֽיא׃

‎19 ‏כִּ֚י לֹ֣א הַרְבֵּ֔ה יִזְכֹּ֖ר אֶת־יְמֵ֣י חַיָּ֑יו כִּ֧י הָאֱלֹהִ֛ים מַעֲנֶ֖ה בְּשִׂמְחַ֥ת לִבּֽוֹ׃

1 ’al-təḇahēl ‘al-pîḵā wəlibəḵā ’al-yəmahēr ləhwōṣî’ ḏāḇār lifənê hā’ĕlōhîm kî hā’ĕlōhîm baššāmayim wə’atâ ‘al-hā’āreṣ ‘al-kēn³ yihəyû ḏəḇāreyḵā mə‘aṭṭîm:

2 kî bā’ h^aḥălwōm bərōḇ ‘inəyān wəqwōl kəsîl bərōḇ dəḇārîm:

3 ka’ăšer tidōr neḏer lē’lōhîm ’al-tə’^aḥēr ləšalləmwō kî ’ên ḥēfeṣ bakəsîlîm ’ēṯ ’ăšer-tidōr šallēm:

4 ṭwōḇ ’ăšer lō’-ṯidōr miššetidwōr wəlō’ ṯəšallēm:

5 ’al-titēn ’eṯ-pîḵā l^aḥăṭî’ ’eṯ-bəśāreḵā wə’al-tō’mar lifənê hammalə’āḵə kî šəḡāḡâ hî’ lāmmâ yiqəṣōf hā’ĕlōhîm ‘al-qwōleḵā wəḥibēl ’eṯ-m^a‘ăśēh yāḏeyḵā:

6 kî ḇərōḇ ḥălōmwōṯ wahăḇālîm ûḏəḇārîm harəbēh kî ’eṯ-hā’ĕlōhîm yərā’:

7 ’im-‘ōšeq rāš wəḡēzel mišəpāṭ wāṣeḏeq tirə’eh ḇamməḏînâ ’al-tiṯəm^ah ‘al-h^aḥēfeṣ kî ḡāḇōhha mē‘al gāḇōhha šōmēr ûḡəḇōhîm ‘ălêhem:

8 wəyiṯərwōn ’ereṣ bakōl hî’ hû’ meleḵə ləśāḏeh ne‘ĕḇāḏ:

9 ’ōhēḇ kesef lō’-yiśəb^a‘ kesef ûmî-’ōhēḇ behāmwōn lō’ ṯəḇû’â gam-zeh hāḇel:

10 birəḇwōṯ haṭṭwōḇâ rabû ’wōḵəleyhā ûmah-kišərwōn liḇə‘āleyhā kî ’im-rə’îyaṯ rə’ûṯ ‘ênāyw:

11 məṯûqâ šənaṯ hā‘ōḇēḏ ’im-mə‘aṭ wə’im-harəbēh yō’ḵēl wəhaśśāḇā‘ le‘āšîr ’ênennû mannîḥa lwō lîšwōn:

12 yēš rā‘â ḥwōlâ rā’îṯî t^aḥaṯ haššāmeš ‘ōšer šāmûr liḇə‘ālāyw lərā‘āṯwō:

13 wə’āḇaḏ hā‘ōšer hahû’ bə‘inəyan rā‘ wəhwōlîḏ bēn wə’ên bəyāḏwō mə’ûmâ:

14 ka’ăšer yāṣā’ mibeṭen ’immwō ‘ārwōm yāšûḇ lāleḵeṯ kəšebā’ ûmə’ûmâ lō’-yiśśā’ ḇ^a‘ămālwō šeyyōlēḵə bəyāḏwō:

15 wəḡam-zōh rā‘â ḥwōlâ kāl-‘ummaṯ šebā’ kēn yēlēḵə ûmah-yyiṯərwōn lwō šeyy^a‘ămōl lārûḥa:

16 gam kāl-yāmāyw b^aḥōšeḵə yō’ḵēl wəḵā‘as harəbēh wəḥāləywō wāqāṣef:

17 hinnēh ’ăšer-rā’îṯî ’ānî ṭwōḇ ’ăšer-yāfeh le’eḵwōl-wəlišətwōṯ wəlirə’wōṯ ṭwōḇâ bəḵāl-‘ămālwō| šeyy^a‘ămōl t^aḥaṯ-haššemeš misəpar yəmê-ḥayyāw ḥayyāyw^q ’ăšer-nāṯan-lwō hā’ĕlōhîm kî-hû’ ḥeləqwō:

18 gam kāl-hā’āḏām ’ăšer nāṯan-lwō hā’ĕlōhîm ‘ōšer ûnəḵāsîm wəhišəlîṭwō le’ĕḵōl mimmennû wəlāśē’ṯ ’eṯ-ḥeləqwō wəliśəmōḥa b^a‘ămālwō zōh mataṯ ’ĕlōhîm hî’:

19 kî lō’ harəbēh yizəkōr ’eṯ-yəmê ḥayyāyw kî hā’ĕlōhîm m^a‘ăneh bəśiməḥaṯ libwō: