Sacred Texts  Bible  Index 
Polyglot  KJV  Sep:Dan  Sep:DaT  Vul 

Daniel (Daniyel) Index
  Previous  Next 

Tanach (Hebrew): Daniel (Daniyel) Chapter 1

1 ‏בִּשְׁנַ֣ת שָׁל֔וֹשׁ לְמַלְכ֖וּת יְהוֹיָקִ֣ים מֶֽלֶךְ־יְהוּדָ֑ה בָּ֣א נְבוּכַדְנֶאצַּ֧ר מֶֽלֶךְ־בָּבֶ֛ל יְרוּשָׁלִַ֖ם וַיָּ֥צַר עָלֶֽיהָ׃

2 ‏וַיִּתֵּן֩ אֲדֹנָ֨י בְּיָד֜וֹ אֶת־יְהוֹיָקִ֣ים מֶֽלֶךְ־יְהוּדָ֗ה וּמִקְצָת֙ כְּלֵ֣י בֵית־הָֽאֱלֹהִ֔ים וַיְבִיאֵ֥ם אֶֽרֶץ־שִׁנְעָ֖ר בֵּ֣ית אֱלֹהָ֑יו וְאֶת־הַכֵּלִ֣ים הֵבִ֔יא בֵּ֖ית אוֹצַ֥ר אֱלֹהָֽיו׃

3 ‏וַיֹּ֣אמֶר הַמֶּ֔לֶךְ לְאַשְׁפְּנַ֖ז רַ֣ב סָרִיסָ֑יו לְהָבִ֞יא מִבְּנֵ֧י יִשְׂרָאֵ֛ל וּמִזֶּ֥רַע הַמְּלוּכָ֖ה וּמִן־הַֽפַּרְתְּמִֽים׃

4 ‏יְלָדִ֣ים אֲשֶׁ֣ר אֵֽין־בָּהֶ֣ם כָּל־מאום מוּם֩ וְטוֹבֵ֨י מַרְאֶ֜ה וּמַשְׂכִּילִ֣ים בְּכָל־חָכְמָ֗ה וְיֹ֤דְעֵי דַ֙עַת֙ וּמְבִינֵ֣י מַדָּ֔ע וַאֲשֶׁר֙ כֹּ֣חַ בָּהֶ֔ם לַעֲמֹ֖ד בְּהֵיכַ֣ל הַמֶּ֑לֶךְ וּֽלֲלַמְּדָ֥ם סֵ֖פֶר וּלְשׁ֥וֹן כַּשְׂדִּֽים׃

5 ‏וַיְמַן֩ לָהֶ֨ם הַמֶּ֜לֶךְ דְּבַר־י֣וֹם בְּיוֹמ֗וֹ מִפַּת־בַּ֤ג הַמֶּ֙לֶךְ֙ וּמִיֵּ֣ין מִשְׁתָּ֔יו וּֽלְגַדְּלָ֖ם שָׁנִ֣ים שָׁל֑וֹשׁ וּמִ֨קְצָתָ֔ם יַֽעַמְד֖וּ לִפְנֵ֥י הַמֶּֽלֶךְ׃

6 ‏וַיְהִ֥י בָהֶ֖ם מִבְּנֵ֣י יְהוּדָ֑ה דָּנִיֵּ֣אל חֲנַנְיָ֔ה מִֽישָׁאֵ֖ל וַעֲזַרְיָֽה׃

7 ‏וַיָּ֧שֶׂם לָהֶ֛ם שַׂ֥ר הַסָּרִיסִ֖ים שֵׁמ֑וֹת וַיָּ֨שֶׂם לְדָֽנִיֵּ֜אל בֵּ֣לְטְשַׁאצַּ֗ר וְלַֽחֲנַנְיָה֙ שַׁדְרַ֔ךְ וּלְמִֽישָׁאֵ֣ל מֵישַׁ֔ךְ וְלַעֲזַרְיָ֖ה עֲבֵ֥ד נְגֽוֹ׃

8 ‏וַיָּ֤שֶׂם דָּנִיֵּאל֙ עַל־לִבּ֔וֹ אֲשֶׁ֧ר לֹֽא־יִתְגָּאַ֛ל בְּפַתְבַּ֥ג הַמֶּ֖לֶךְ וּבְיֵ֣ין מִשְׁתָּ֑יו וַיְבַקֵּשׁ֙ מִשַּׂ֣ר הַסָּרִיסִ֔ים אֲשֶׁ֖ר לֹ֥א יִתְגָּאָֽל׃

9 ‏וַיִּתֵּ֤ן הָֽאֱלֹהִים֙ אֶת־דָּ֣נִיֵּ֔אל לְחֶ֖סֶד וּֽלְרַחֲמִ֑ים לִפְנֵ֖י שַׂ֥ר הַסָּרִיסִֽים׃

10 ‏וַיֹּ֜אמֶר שַׂ֤ר הַסָּרִיסִים֙ לְדָ֣נִיֵּ֔אל יָרֵ֤א אֲנִי֙ אֶת־אֲדֹנִ֣י הַמֶּ֔לֶךְ אֲשֶׁ֣ר מִנָּ֔ה אֶת־מַאֲכַלְכֶ֖ם וְאֶת־מִשְׁתֵּיכֶ֑ם אֲשֶׁ֡ר לָמָּה֩ יִרְאֶ֨ה אֶת־פְּנֵיכֶ֜ם זֹֽעֲפִ֗ים מִן־הַיְלָדִים֙ אֲשֶׁ֣ר כְּגִֽילְכֶ֔ם וְחִיַּבְתֶּ֥ם אֶת־רֹאשִׁ֖י לַמֶּֽלֶךְ׃

11 ‏וַיֹּ֥אמֶר דָּנִיֵּ֖אל אֶל־הַמֶּלְצַ֑ר אֲשֶׁ֤ר מִנָּה֙ שַׂ֣ר הַסָּֽרִיסִ֔ים עַל־דָּנִיֵּ֣אל חֲנַנְיָ֔ה מִֽישָׁאֵ֖ל וַעֲזַרְיָֽה׃

12 ‏נַס־נָ֥א אֶת־עֲבָדֶ֖יךָ יָמִ֣ים עֲשָׂרָ֑ה וְיִתְּנוּ־לָ֜נוּ מִן־הַזֵּרֹעִ֛ים וְנֹאכְלָ֖ה וּמַ֥יִם וְנִשְׁתֶּֽה׃

13 ‏וְיֵרָא֤וּ לְפָנֶ֙יךָ֙ מַרְאֵ֔ינוּ וּמַרְאֵה֙ הַיְלָדִ֔ים הָאֹ֣כְלִ֔ים אֵ֖ת פַּתְבַּ֣ג הַמֶּ֑לֶךְ וְכַאֲשֶׁ֣ר תִּרְאֵ֔ה עֲשֵׂ֖ה עִם־עֲבָדֶֽיךָ׃

14 ‏וַיִּשְׁמַ֥ע לָהֶ֖ם לַדָּבָ֣ר הַזֶּ֑ה וַיְנַסֵּ֖ם יָמִ֥ים עֲשָׂרָֽה׃

15 ‏וּמִקְצָת֙ יָמִ֣ים עֲשָׂרָ֔ה נִרְאָ֤ה מַרְאֵיהֶם֙ ט֔וֹב וּבְרִיאֵ֖י בָּשָׂ֑ר מִן־כָּל־הַיְלָדִ֔ים הָאֹ֣כְלִ֔ים אֵ֖ת פַּתְבַּ֥ג הַמֶּֽלֶךְ׃

16 ‏וַיְהִ֣י הַמֶּלְצַ֗ר נֹשֵׂא֙ אֶת־פַּתְבָּגָ֔ם וְיֵ֖ין מִשְׁתֵּיהֶ֑ם וְנֹתֵ֥ן לָהֶ֖ם זֵרְעֹנִֽים׃

17 ‏וְהַיְלָדִ֤ים הָאֵ֙לֶּה֙ אַרְבַּעְתָּ֔ם נָתַ֨ן לָהֶ֧ם הָֽאֱלֹהִ֛ים מַדָּ֥ע וְהַשְׂכֵּ֖ל בְּכָל־סֵ֣פֶר וְחָכְמָ֑ה וְדָנִיֵּ֣אל הֵבִ֔ין בְּכָל־חָז֖וֹן וַחֲלֹמֽוֹת׃

18 ‏וּלְמִקְצָת֙ הַיָּמִ֔ים אֲשֶׁר־אָמַ֥ר הַמֶּ֖לֶךְ לַהֲבִיאָ֑ם וַיְבִיאֵם֙ שַׂ֣ר הַסָּרִיסִ֔ים לִפְנֵ֖י נְבֻכַדְנֶצַּֽר׃

19 ‏וַיְדַבֵּ֣ר אִתָּם֮ הַמֶּלֶךְ֒ וְלֹ֤א נִמְצָא֙ מִכֻּלָּ֔ם כְּדָנִיֵּ֣אל חֲנַנְיָ֔ה מִֽישָׁאֵ֖ל וַעֲזַרְיָ֑ה וַיַּֽעַמְד֖וּ לִפְנֵ֥י הַמֶּֽלֶךְ׃

20 ‏וְכֹ֗ל דְּבַר֙ חָכְמַ֣ת בִּינָ֔ה אֲשֶׁר־בִּקֵּ֥שׁ מֵהֶ֖ם הַמֶּ֑לֶךְ וַֽיִּמְצָאֵ֞ם עֶ֣שֶׂר יָד֗וֹת עַ֤ל כָּל־הַֽחַרְטֻמִּים֙ הָֽאַשָּׁפִ֔ים אֲשֶׁ֖ר בְּכָל־מַלְכוּתֽוֹ׃

21 ‏וַֽיְהִי֙ דָּֽנִיֵּ֔אל עַד־שְׁנַ֥ת אַחַ֖ת לְכ֥וֹרֶשׁ הַמֶּֽלֶךְ׃ פ

1 bišənaṯ šālwōš ləmaləḵûṯ yəhwōyāqîm meleḵə-yəhûḏâ bā’ nəḇûḵaḏəne’ṣṣar meleḵə-bāḇel yərûšālaim wayyāṣar ‘āleyhā:

2 wayyitēn ’ăḏōnāy bəyāḏwō ’eṯ-yəhwōyāqîm meleḵə-yəhûḏâ ûmiqəṣāṯ kəlê ḇêṯ-hā’ĕlōhîm wayəḇî’ēm ’ereṣ-šinə‘ār bêṯ ’ĕlōhāyw wə’eṯ-hakēlîm hēḇî’ bêṯ ’wōṣar ’ĕlōhāyw:

3 wayyō’mer hammeleḵə lə’ašəpənaz raḇ sārîsāyw ləhāḇî’ mibənê yiśərā’ēl ûmizzera‘ hamməlûḵâ ûmin-haparətəmîm:

4 yəlāḏîm ’ăšer ’ên-bâem kāl-mə’ûm mûm wəṭwōḇê marə’eh ûmaśəkîlîm bəḵāl-ḥāḵəmâ wəyōḏə‘ê ḏa‘aṯ ûməḇînê madā‘ wa’ăšer kōḥa bâem la‘ămōḏ bəhêḵal hammeleḵə ûlălamməḏām sēfer ûləšwōn kaśədîm:

5 wayəman lâem hammeleḵə dəḇar-ywōm bəywōmwō mipaṯ-baḡ hammeleḵə ûmîyên mišətāyw ûləḡadəlām šānîm šālwōš ûmiqəṣāṯām ya‘aməḏû lifənê hammeleḵə:

6 wayəhî ḇâem mibənê yəhûḏâ dānîyē’l ḥănanəyâ mîšā’ēl wa‘ăzarəyâ:

7 wayyāśem lâem śar hassārîsîm šēmwōṯ wayyāśem ləḏānîyē’l bēləṭəša’ṣṣar wəlaḥănanəyâ šaḏəraḵə ûləmîšā’ēl mêšaḵə wəla‘ăzarəyâ ‘ăḇēḏ nəḡwō:

8 wayyāśem dānîyē’l ‘al-libwō ’ăšer lō’-yiṯəgā’al bəfaṯəbaḡ hammeleḵə ûḇəyên mišətāyw wayəḇaqqēš miśśar hassārîsîm ’ăšer lō’ yiṯəgā’āl:

9 wayyitēn hā’ĕlōhîm ’eṯ-dānîyē’l ləḥeseḏ ûləraḥămîm lifənê śar hassārîsîm:

10 wayyō’mer śar hassārîsîm ləḏānîyē’l yārē’ ’ănî ’eṯ-’ăḏōnî hammeleḵə ’ăšer minnâ ’eṯ-ma’ăḵaləḵem wə’eṯ-mišətêḵem ’ăšer lāmmâ yirə’eh ’eṯ-pənêḵem zō‘ăfîm min-hayəlāḏîm ’ăšer kəḡîləḵem wəḥîyaḇətem ’eṯ-rō’šî lammeleḵə:

11 wayyō’mer dānîyē’l ’el-hammeləṣar ’ăšer minnâ śar hassārîsîm ‘al-dānîyē’l ḥănanəyâ mîšā’ēl wa‘ăzarəyâ:

12 nas-nā’ ’eṯ-‘ăḇāḏeyḵā yāmîm ‘ăśārâ wəyitənû-lānû min-hazzērō‘îm wənō’ḵəlâ ûmayim wənišəteh:

13 wəyērā’û ləfāneyḵā marə’ênû ûmarə’ēh hayəlāḏîm hā’ōḵəlîm ’ēṯ paṯəbaḡ hammeleḵə wəḵa’ăšer tirə’ēh ‘ăśēh ‘im-‘ăḇāḏeyḵā:

14 wayyišəma‘ lâem ladāḇār hazzeh wayənassēm yāmîm ‘ăśārâ:

15 ûmiqəṣāṯ yāmîm ‘ăśārâ nirə’â marə’êhem ṭwōḇ ûḇərî’ê bāśār min-kāl-hayəlāḏîm hā’ōḵəlîm ’ēṯ paṯəbaḡ hammeleḵə:

16 wayəhî hammeləṣar nōśē’ ’eṯ-paṯəbāḡām wəyên mišətêhem wənōṯēn lâem zērə‘ōnîm:

17 wəhayəlāḏîm hā’ēlleh ’arəba‘ətām nāṯan lâem hā’ĕlōhîm madā‘ wəhaśəkēl bəḵāl-sēfer wəḥāḵəmâ wəḏānîyē’l hēḇîn bəḵāl-ḥāzwōn waḥălōmwōṯ:

18 ûləmiqəṣāṯ hayyāmîm ’ăšer-’āmar hammeleḵə lahăḇî’ām wayəḇî’ēm śar hassārîsîm lifənê nəḇuḵaḏəneṣṣar:

19 wayəḏabēr ’itām hammeleḵə wəlō’ niməṣā’ mikullām kəḏānîyē’l ḥănanəyâ mîšā’ēl wa‘ăzarəyâ wayya‘aməḏû lifənê hammeleḵə:

20 wəḵōl dəḇar ḥāḵəmaṯ bînâ ’ăšer-biqqēš mēhem hammeleḵə wayyiməṣā’ēm ‘eśer yāḏwōṯ ‘al kāl-haḥarəṭummîm hā’aššāfîm ’ăšer bəḵāl-maləḵûṯwō:

21 wayəhî dānîyē’l ‘aḏ-šənaṯ ’aḥaṯ ləḵwōreš hammeleḵə: f


Next: Daniel (Daniyel) Chapter 2