Sacred Texts  Bible  Index 
Polyglot  KJV  Sep  Vul 

2 Chronicles (2 Divrey Yamim) Index
  Previous  Next 

Tanach (Hebrew): 2 Chronicles (2 Divrey Yamim) Chapter 33

1 ‏בֶּן־שְׁתֵּ֥ים עֶשְׂרֵ֛ה שָׁנָ֖ה מְנַשֶּׁ֣ה בְמָלְכ֑וֹ וַחֲמִשִּׁ֤ים וְחָמֵשׁ֙ שָׁנָ֔ה מָלַ֖ךְ בִּירוּשָׁלִָֽם׃

2 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה כְּתֽוֹעֲבוֹת֙ הַגּוֹיִ֔ם אֲשֶׁר֙ הוֹרִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃

3 ‏וַיָּ֗שָׁב וַיִּ֙בֶן֙ אֶת־הַבָּמ֔וֹת אֲשֶׁ֥ר נִתַּ֖ץ יְחִזְקִיָּ֣הוּ אָבִ֑יו וַיָּ֨קֶם מִזְבְּח֤וֹת לַבְּעָלִים֙ וַיַּ֣עַשׂ אֲשֵׁר֔וֹת וַיִּשְׁתַּ֙חוּ֙ לְכָל־צְבָ֣א הַשָּׁמַ֔יִם וַֽיַּעֲבֹ֖ד אֹתָֽם׃

4 ‏וּבָנָ֥ה מִזְבְּח֖וֹת בְּבֵ֣ית יְהוָ֑ה אֲשֶׁר֙ אָמַ֣ר יְהוָ֔ה בִּירוּשָׁלִַ֥ם יִֽהְיֶה־שְּׁמִ֖י לְעוֹלָֽם׃

5 ‏וַיִּ֥בֶן מִזְבְּח֖וֹת לְכָל־צְבָ֣א הַשָּׁמָ֑יִם בִּשְׁתֵּ֖י חַצְר֥וֹת בֵּית־יְהוָֽה׃

6 ‏וְהוּא֩ הֶעֱבִ֨יר אֶת־בָּנָ֤יו בָּאֵשׁ֙ בְּגֵ֣י בֶן־הִנֹּ֔ם וְעוֹנֵ֤ן וְנִחֵשׁ֙ וְֽכִשֵּׁ֔ף וְעָ֥שָׂה א֖וֹב וְיִדְּעוֹנִ֑י הִרְבָּ֗ה לַעֲשׂ֥וֹת הָרַ֛ע בְּעֵינֵ֥י יְהוָ֖ה לְהַכְעִיסֽוֹ׃

7 ‏וַיָּ֕שֶׂם אֶת־פֶּ֥סֶל הַסֶּ֖מֶל אֲשֶׁ֣ר עָשָׂ֑ה בְּבֵ֣ית הָאֱלֹהִ֗ים אֲשֶׁ֨ר אָמַ֤ר אֱלֹהִים֙ אֶל־דָּוִיד֙ וְאֶל־שְׁלֹמֹ֣ה בְנ֔וֹ בַּבַּ֨יִת הַזֶּ֜ה וּבִֽירוּשָׁלִַ֗ם אֲשֶׁ֤ר בָּחַ֙רְתִּי֙ מִכֹּל֙ שִׁבְטֵ֣י יִשְׂרָאֵ֔ל אָשִׂ֥ים אֶת־שְׁמִ֖י לְעֵילֽוֹם׃

8 ‏וְלֹ֣א אוֹסִ֗יף לְהָסִיר֙ אֶת־רֶ֣גֶל יִשְׂרָאֵ֔ל מֵעַל֙ הָֽאֲדָמָ֔ה אֲשֶׁ֥ר הֶֽעֱמַ֖דְתִּי לַאֲבֹֽתֵיכֶ֑ם רַ֣ק׀ אִם־יִשְׁמְר֣וּ לַעֲשׂ֗וֹת אֵ֚ת כָּל־אֲשֶׁ֣ר צִוִּיתִ֔ים לְכָל־הַתּוֹרָ֛ה וְהַֽחֻקִּ֥ים וְהַמִּשְׁפָּטִ֖ים בְּיַד־מֹשֶֽׁה׃

9 ‏וַיֶּ֣תַע מְנַשֶּׁ֔ה אֶת־יְהוּדָ֖ה וְיֹשְׁבֵ֣י יְרוּשָׁלִָ֑ם לַעֲשׂ֣וֹת רָ֔ע מִן־הַ֨גּוֹיִ֔ם אֲשֶׁר֙ הִשְׁמִ֣יד יְהוָ֔ה מִפְּנֵ֖י בְּנֵ֥י יִשְׂרָאֵֽל׃ פ

10 ‏וַיְדַבֵּ֧ר יְהוָ֛ה אֶל־מְנַשֶּׁ֥ה וְאֶל־עַמּ֖וֹ וְלֹ֥א הִקְשִֽׁיבוּ׃

11 ‏וַיָּבֵ֨א יְהוָ֜ה עֲלֵיהֶ֗ם אֶת־שָׂרֵ֤י הַצָּבָא֙ אֲשֶׁר֙ לְמֶ֣לֶךְ אַשּׁ֔וּר וַיִּלְכְּד֥וּ אֶת־מְנַשֶּׁ֖ה בַּחֹחִ֑ים וַיַּֽאַסְרֻ֙הוּ֙ בַּֽנְחֻשְׁתַּ֔יִם וַיּוֹלִיכֻ֖הוּ בָּבֶֽלָה׃

12 ‏וּכְהָצֵ֣ר ל֔וֹ חִלָּ֕ה אֶת־פְּנֵ֖י יְהוָ֣ה אֱלֹהָ֑יו וַיִּכָּנַ֣ע מְאֹ֔ד מִלִּפְנֵ֖י אֱלֹהֵ֥י אֲבֹתָֽיו׃

13 ‏וַיִּתְפַּלֵּ֣ל אֵלָ֗יו וַיֵּעָ֤תֶר לוֹ֙ וַיִּשְׁמַ֣ע תְּחִנָּת֔וֹ וַיְשִׁיבֵ֥הוּ יְרוּשָׁלִַ֖ם לְמַלְכוּת֑וֹ וַיֵּ֣דַע מְנַשֶּׁ֔ה כִּ֥י יְהוָ֖ה ה֥וּא הָֽאֱלֹהִֽים׃

14 ‏וְאַחֲרֵי־כֵ֡ן בָּנָ֣ה חוֹמָ֣ה חִֽיצוֹנָ֣ה׀ לְעִיר־דָּוִ֡יד מַעְרָבָה֩ לְגִיח֨וֹן בַּנַּ֜חַל וְלָב֨וֹא בְשַׁ֤עַר הַדָּגִים֙ וְסָבַ֣ב לָעֹ֔פֶל וַיַּגְבִּיהֶ֖הָ מְאֹ֑ד וַיָּ֧שֶׂם שָֽׂרֵי־חַ֛יִל בְּכָל־הֶעָרִ֥ים הַבְּצֻר֖וֹת בִּיהוּדָֽה׃

15 ‏וַ֠יָּסַר אֶת־אֱלֹהֵ֨י הַנֵּכָ֤ר וְאֶת־הַסֶּ֙מֶל֙ מִבֵּ֣ית יְהוָ֔ה וְכָל־הַֽמִּזְבְּח֗וֹת אֲשֶׁ֥ר בָּנָ֛ה בְּהַ֥ר בֵּית־יְהוָ֖ה וּבִירוּשָׁלִָ֑ם וַיַּשְׁלֵ֖ךְ ח֥וּצָה לָעִֽיר׃

16 ‏ויכן וַיִּ֙בֶן֙ אֶת־מִזְבַּ֣ח יְהוָ֔ה וַיִּזְבַּ֣ח עָלָ֔יו זִבְחֵ֥י שְׁלָמִ֖ים וְתוֹדָ֑ה וַיֹּ֙אמֶר֙ לִֽיהוּדָ֔ה לַעֲב֕וֹד אֶת־יְהוָ֖ה אֱלֹהֵ֥י יִשְׂרָאֵֽל׃

17 ‏אֲבָל֙ ע֣וֹד הָעָ֔ם זֹבְחִ֖ים בַּבָּמ֑וֹת רַ֖ק לַיהוָ֥ה אֱלֹהֵיהֶֽם׃

18 ‏וְיֶ֨תֶר דִּבְרֵ֣י מְנַשֶּׁה֮ וּתְפִלָּת֣וֹ אֶל־אֱלֹהָיו֒ וְדִבְרֵי֙ הַֽחֹזִ֔ים הַֽמְדַבְּרִ֣ים אֵלָ֔יו בְּשֵׁ֥ם יְהוָ֖ה אֱלֹהֵ֣י יִשְׂרָאֵ֑ל הִנָּ֕ם עַל־דִּבְרֵ֖י מַלְכֵ֥י יִשְׂרָאֵֽל׃

19 ‏וּתְפִלָּת֣וֹ וְהֵֽעָתֶר־לוֹ֮ וְכָל־חַטָּאת֣וֹ וּמַעְלוֹ֒ וְהַמְּקֹמ֗וֹת אֲשֶׁר֩ בָּנָ֨ה בָהֶ֤ם בָּמוֹת֙ וְהֶעֱמִיד֙ הָאֲשֵׁרִ֣ים וְהַפְּסִלִ֔ים לִפְנֵ֖י הִכָּנְע֑וֹ הִנָּ֣ם כְּתוּבִ֔ים עַ֖ל דִּבְרֵ֥י חוֹזָֽי׃

20 ‏וַיִּשְׁכַּ֤ב מְנַשֶּׁה֙ עִם־אֲבֹתָ֔יו וַֽיִּקְבְּרֻ֖הוּ בֵּית֑וֹ וַיִּמְלֹ֛ךְ אָמ֥וֹן בְּנ֖וֹ תַּחְתָּֽיו׃ פ

21 ‏בֶּן־עֶשְׂרִ֧ים וּשְׁתַּ֛יִם שָׁנָ֖ה אָמ֣וֹן בְּמָלְכ֑וֹ וּשְׁתַּ֣יִם שָׁנִ֔ים מָלַ֖ךְ בִּֽירוּשָׁלִָֽם׃

22 ‏וַיַּ֤עַשׂ הָרַע֙ בְּעֵינֵ֣י יְהוָ֔ה כַּאֲשֶׁ֥ר עָשָׂ֖ה מְנַשֶּׁ֣ה אָבִ֑יו וּֽלְכָל־הַפְּסִילִ֗ים אֲשֶׁ֤ר עָשָׂה֙ מְנַשֶּׁ֣ה אָבִ֔יו זִבַּ֥ח אָמ֖וֹן וַיַּֽעַבְדֵֽם׃

23 ‏וְלֹ֤א נִכְנַע֙ מִלִּפְנֵ֣י יְהוָ֔ה כְּהִכָּנַ֖ע מְנַשֶּׁ֣ה אָבִ֑יו כִּ֛י ה֥וּא אָמ֖וֹן הִרְבָּ֥ה אַשְׁמָֽה׃

24 ‏וַיִּקְשְׁר֤וּ עָלָיו֙ עֲבָדָ֔יו וַיְמִיתֻ֖הוּ בְּבֵיתֽוֹ׃

25 ‏וַיַּכּוּ֙ עַם־הָאָ֔רֶץ אֵ֥ת כָּל־הַקֹּֽשְׁרִ֖ים עַל־הַמֶּ֣לֶךְ אָמ֑וֹן וַיַּמְלִ֧יכוּ עַם־הָאָ֛רֶץ אֶת־יֹאשִׁיָּ֥הוּ בְנ֖וֹ תַּחְתָּֽיו׃ פ

1 ben-šətêm ‘eśərēh šānâ mənaššeh ḇəmāləḵwō waḥămiššîm wəḥāmēš šānâ mālaḵə bîrûšālāim:

2 wayya‘aś hāra‘ bə‘ênê yəhwâ kəṯwō‘ăḇwōṯ hagwōyim ’ăšer hwōrîš yəhwâ mipənê bənê yiśərā’ēl:

3 wayyāšāḇ wayyiḇen ’eṯ-habāmwōṯ ’ăšer nitaṣ yəḥizəqîyâû ’āḇîw wayyāqem mizəbəḥwōṯ labə‘ālîm wayya‘aś ’ăšērwōṯ wayyišətaḥû ləḵāl-ṣəḇā’ haššāmayim wayya‘ăḇōḏ ’ōṯām:

4 ûḇānâ mizəbəḥwōṯ bəḇêṯ yəhwâ ’ăšer ’āmar yəhwâ bîrûšālaim yihəyeh-ššəmî lə‘wōlām:

5 wayyiḇen mizəbəḥwōṯ ləḵāl-ṣəḇā’ haššāmāyim bišətê ḥaṣərwōṯ bêṯ-yəhwâ:

6 wəhû’ he‘ĕḇîr ’eṯ-bānāyw bā’ēš bəḡê ḇen-hinnōm wə‘wōnēn wəniḥēš wəḵiššēf wə‘āśâ ’wōḇ wəyidə‘wōnî hirəbâ la‘ăśwōṯ hāra‘ bə‘ênê yəhwâ ləhaḵə‘îswō:

7 wayyāśem ’eṯ-pesel hassemel ’ăšer ‘āśâ bəḇêṯ hā’ĕlōhîm ’ăšer ’āmar ’ĕlōhîm ’el-dāwîḏ wə’el-šəlōmōh ḇənwō babayiṯ hazzeh ûḇîrûšālaim ’ăšer bāḥarətî mikōl šiḇəṭê yiśərā’ēl ’āśîm ’eṯ-šəmî lə‘êlwōm:

8 wəlō’ ’wōsîf ləhāsîr ’eṯ-reḡel yiśərā’ēl mē‘al hā’ăḏāmâ ’ăšer he‘ĕmaḏətî la’ăḇōṯêḵem raq| ’im-yišəmərû la‘ăśwōṯ ’ēṯ kāl-’ăšer ṣiûîṯîm ləḵāl-hatwōrâ wəhaḥuqqîm wəhammišəpāṭîm bəyaḏ-mōšeh:

9 wayyeṯa‘ mənaššeh ’eṯ-yəhûḏâ wəyōšəḇê yərûšālāim la‘ăśwōṯ rā‘ min-hagwōyim ’ăšer hišəmîḏ yəhwâ mipənê bənê yiśərā’ēl: f

10 wayəḏabēr yəhwâ ’el-mənaššeh wə’el-‘ammwō wəlō’ hiqəšîḇû:

11 wayyāḇē’ yəhwâ ‘ălêhem ’eṯ-śārê haṣṣāḇā’ ’ăšer ləmeleḵə ’aššûr wayyiləkəḏû ’eṯ-mənaššeh baḥōḥîm wayya’asəruhû banəḥušətayim wayywōlîḵuhû bāḇelâ:

12 ûḵəhāṣēr lwō ḥillâ ’eṯ-pənê yəhwâ ’ĕlōhāyw wayyikāna‘ mə’ōḏ millifənê ’ĕlōhê ’ăḇōṯāyw:

13 wayyiṯəpallēl ’ēlāyw wayyē‘āṯer lwō wayyišəma‘ təḥinnāṯwō wayəšîḇēhû yərûšālaim ləmaləḵûṯwō wayyēḏa‘ mənaššeh kî yəhwâ hû’ hā’ĕlōhîm:

14 wə’aḥărê-ḵēn bānâ ḥwōmâ ḥîṣwōnâ| lə‘îr-dāwîḏ ma‘ərāḇâ ləḡîḥwōn bannaḥal wəlāḇwō’ ḇəša‘ar hadāḡîm wəsāḇaḇ lā‘ōfel wayyaḡəbîhehā mə’ōḏ wayyāśem śārê-ḥayil bəḵāl-he‘ārîm habəṣurwōṯ bîhûḏâ:

15 wayyāsar ’eṯ-’ĕlōhê hannēḵār wə’eṯ-hassemel mibêṯ yəhwâ wəḵāl-hammizəbəḥwōṯ ’ăšer bānâ bəhar bêṯ-yəhwâ ûḇîrûšālāim wayyašəlēḵə ḥûṣâ lā‘îr:

16 wayyāḵen wayyiḇen ’eṯ-mizəbaḥ yəhwâ wayyizəbaḥ ‘ālāyw ziḇəḥê šəlāmîm wəṯwōḏâ wayyō’mer lîhûḏâ la‘ăḇwōḏ ’eṯ-yəhwâ ’ĕlōhê yiśərā’ēl:

17 ’ăḇāl ‘wōḏ hā‘ām zōḇəḥîm babāmwōṯ raq layhwâ ’ĕlōhêhem:

18 wəyeṯer diḇərê mənaššeh ûṯəfillāṯwō ’el-’ĕlōhāyw wəḏiḇərê haḥōzîm haməḏabərîm ’ēlāyw bəšēm yəhwâ ’ĕlōhê yiśərā’ēl hinnām ‘al-diḇərê maləḵê yiśərā’ēl:

19 ûṯəfillāṯwō wəhē‘āṯer-lwō wəḵāl-ḥaṭṭā’ṯwō ûma‘əlwō wəhamməqōmwōṯ ’ăšer bānâ ḇâem bāmwōṯ wəhe‘ĕmîḏ hā’ăšērîm wəhapəsilîm lifənê hikānə‘wō hinnām kəṯûḇîm ‘al diḇərê ḥwōzāy:

20 wayyišəkaḇ mənaššeh ‘im-’ăḇōṯāyw wayyiqəbəruhû bêṯwō wayyiməlōḵə ’āmwōn bənwō taḥətāyw: f

21 ben-‘eśərîm ûšətayim šānâ ’āmwōn bəmāləḵwō ûšətayim šānîm mālaḵə bîrûšālāim:

22 wayya‘aś hāra‘ bə‘ênê yəhwâ ka’ăšer ‘āśâ mənaššeh ’āḇîw ûləḵāl-hapəsîlîm ’ăšer ‘āśâ mənaššeh ’āḇîw zibaḥ ’āmwōn wayya‘aḇəḏēm:

23 wəlō’ niḵəna‘ millifənê yəhwâ kəhikāna‘ mənaššeh ’āḇîw kî hû’ ’āmwōn hirəbâ ’ašəmâ:

24 wayyiqəšərû ‘ālāyw ‘ăḇāḏāyw wayəmîṯuhû bəḇêṯwō:

25 wayyakû ‘am-hā’āreṣ ’ēṯ kāl-haqqōšərîm ‘al-hammeleḵə ’āmwōn wayyaməlîḵû ‘am-hā’āreṣ ’eṯ-yō’šîyâû ḇənwō taḥətāyw: f


Next: 2 Chronicles (2 Divrey Yamim) Chapter 34