‎1 ‏וַיִּמְלֹ֛ךְ יְהוֹשָׁפָ֥ט בְּנ֖וֹ תַּחְתָּ֑יו וַיִּתְחַזֵּ֖ק עַל־יִשְׂרָאֵֽל׃

‎2 ‏וַיִּ֨תֶּן־חַ֔יִל בְּכָל־עָרֵ֥י יְהוּדָ֖ה הַבְּצֻר֑וֹת וַיִּתֵּ֤ן נְצִיבִים֙ בְּאֶ֣רֶץ יְהוּדָ֔ה וּבְעָרֵ֣י אֶפְרַ֔יִם אֲשֶׁ֥ר לָכַ֖ד אָסָ֥א אָבִֽיו׃

‎3 ‏וַיְהִ֥י יְהוָ֖ה עִם־יְהוֹשָׁפָ֑ט כִּ֣י הָלַ֗ךְ בְּדַרְכֵ֞י דָּוִ֤יד אָבִיו֙ הָרִ֣אשֹׁנִ֔ים וְלֹ֥א דָרַ֖שׁ לַבְּעָלִֽים׃

‎4 ‏כִּ֠י לֵֽאלֹהֵ֤י אָבִיו֙ דָּרָ֔שׁ וּבְמִצְוֹתָ֖יו הָלָ֑ךְ וְלֹ֖א כְּמַעֲשֵׂ֥ה יִשְׂרָאֵֽל׃

‎5 ‏וַיָּ֨כֶן יְהוָ֤ה אֶת־הַמַּמְלָכָה֙ בְּיָד֔וֹ וַיִּתְּנ֧וּ כָל־יְהוּדָ֛ה מִנְחָ֖ה לִיהוֹשָׁפָ֑ט וַֽיְהִי־ל֥וֹ עֹֽשֶׁר־וְכָב֖וֹד לָרֹֽב׃

‎6 ‏וַיִּגְבַּ֥הּ לִבּ֖וֹ בְּדַרְכֵ֣י יְהוָ֑ה וְע֗וֹד הֵסִ֛יר אֶת־הַבָּמ֥וֹת וְאֶת־הָאֲשֵׁרִ֖ים מִיהוּדָֽה׃ פ

‎7 ‏וּבִשְׁנַ֨ת שָׁל֜וֹשׁ לְמָלְכ֗וֹ שָׁלַ֤ח לְשָׂרָיו֙ לְבֶן־חַ֙יִל֙ וּלְעֹבַדְיָ֣ה וְלִזְכַרְיָ֔ה וְלִנְתַנְאֵ֖ל וּלְמִיכָיָ֑הוּ לְלַמֵּ֖ד בְּעָרֵ֥י יְהוּדָֽה׃

‎8 ‏וְעִמָּהֶ֣ם הַלְוִיִּ֗ם שְֽׁמַֽעְיָ֡הוּ וּנְתַנְיָ֡הוּ וּזְבַדְיָ֡הוּ וַעֲשָׂהאֵ֡ל ושמרימות וּשְׁמִֽירָמ֡וֹת וִֽיהוֹנָתָן֩ וַאֲדֹ֨נִיָּ֧הוּ וְטֽוֹבִיָּ֛הוּ וְט֥וֹב אֲדוֹנִיָּ֖ה הַלְוִיִּ֑ם וְעִמָּהֶ֛ם אֱלִישָׁמָ֥ע וִֽיהוֹרָ֖ם הַכֹּהֲנִֽים׃

‎9 ‏וַֽיְלַמְּדוּ֙ בִּֽיהוּדָ֔ה וְעִ֨מָּהֶ֔ם סֵ֖פֶר תּוֹרַ֣ת יְהוָ֑ה וַיָּסֹ֙בּוּ֙ בְּכָל־עָרֵ֣י יְהוּדָ֔ה וַֽיְלַמְּד֖וּ בָּעָֽם׃

‎10 ‏וַיְהִ֣י׀ פַּ֣חַד יְהוָ֗ה עַ֚ל כָּל־מַמְלְכ֣וֹת הָֽאֲרָצ֔וֹת אֲשֶׁ֖ר סְבִיב֣וֹת יְהוּדָ֑ה וְלֹ֥א נִלְחֲמ֖וּ עִם־יְהוֹשָׁפָֽט׃

‎11 ‏וּמִן־פְּלִשְׁתִּ֗ים מְבִיאִ֧ים לִֽיהוֹשָׁפָ֛ט מִנְחָ֖ה וְכֶ֣סֶף מַשָּׂ֑א גַּ֣ם הָֽעַרְבִיאִ֗ים מְבִיאִ֥ים לוֹ֙ צֹ֕אן אֵילִ֔ים שִׁבְעַ֤ת אֲלָפִים֙ וּשְׁבַ֣ע מֵא֔וֹת וּתְיָשִׁ֕ים שִׁבְעַ֥ת אֲלָפִ֖ים וּשְׁבַ֥ע מֵאֽוֹת׃ פ

‎12 ‏וַיְהִ֧י יְהוֹשָׁפָ֛ט הֹלֵ֥ךְ וְגָדֵ֖ל עַד־לְמָ֑עְלָה וַיִּ֧בֶן בִּֽיהוּדָ֛ה בִּירָנִיּ֖וֹת וְעָרֵ֥י מִסְכְּנֽוֹת׃

‎13 ‏וּמְלָאכָ֥ה רַבָּ֛ה הָ֥יָה ל֖וֹ בְּעָרֵ֣י יְהוּדָ֑ה וְאַנְשֵׁ֧י מִלְחָמָ֛ה גִּבּ֥וֹרֵי חַ֖יִל בִּירוּשָׁלִָֽם׃

‎14 ‏וְאֵ֥לֶּה פְקֻדָּתָ֖ם לְבֵ֣ית אֲבוֹתֵיהֶ֑ם לִֽיהוּדָה֙ שָׂרֵ֣י אֲלָפִ֔ים עַדְנָ֣ה הַשָּׂ֔ר וְעִמּוֹ֙ גִּבּ֣וֹרֵי חַ֔יִל שְׁלֹ֥שׁ מֵא֖וֹת אָֽלֶף׃ ס

‎15 ‏וְעַל־יָד֖וֹ יְהוֹחָנָ֣ן הַשָּׂ֑ר וְעִמּ֕וֹ מָאתַ֥יִם וּשְׁמוֹנִ֖ים אָֽלֶף׃ ס

‎16 ‏וְעַל־יָדוֹ֙ עֲמַסְיָ֣ה בֶן־זִכְרִ֔י הַמִּתְנַדֵּ֖ב לַיהוָ֑ה וְעִמּ֛וֹ מָאתַ֥יִם אֶ֖לֶף גִּבּ֥וֹר חָֽיִל׃ ס

‎17 ‏וּמִ֨ן־בִּנְיָמִ֔ן גִּבּ֥וֹר חַ֖יִל אֶלְיָדָ֑ע וְעִמּ֛וֹ נֹֽשְׁקֵי־קֶ֥שֶׁת וּמָגֵ֖ן מָאתַ֥יִם אָֽלֶף׃ ס

‎18 ‏וְעַל־יָד֖וֹ יְהוֹזָבָ֑ד וְעִמּ֛וֹ מֵאָֽה־וּשְׁמוֹנִ֥ים אֶ֖לֶף חֲלוּצֵ֥י צָבָֽא׃ ס

‎19 ‏אֵ֖לֶּה הַמְשָׁרְתִ֣ים אֶת־הַמֶּ֑לֶךְ מִלְּבַ֞ד אֲשֶׁר־נָתַ֥ן הַמֶּ֛לֶךְ בְּעָרֵ֥י הַמִּבְצָ֖ר בְּכָל־יְהוּדָֽה׃ פ

1 wayyiməlōḵə yəhwōšāfāṭ bənwō t^aḥətāyw wayyiṯəḥazzēq ‘al-yiśərā’ēl:

2 wayyiten-ḥayil bəḵāl-‘ārê yəhûḏâ habəṣurwōṯ wayyitēn nəṣîḇîm bə’ereṣ yəhûḏâ ûḇə‘ārê ’efərayim ’ăšer lāḵaḏ ’āsā’ ’āḇîw:

3 wayəhî yəhwâ ‘im-yəhwōšāfāṭ kî hālaḵə bəḏarəḵê dāwîḏ ’āḇîw hāri’šōnîm wəlō’ ḏāraš labə‘ālîm:

4 kî lē’lōhê ’āḇîw dārāš ûḇəmiṣəwōṯāyw hālāḵə wəlō’ kəm^a‘ăśēh yiśərā’ēl:

5 wayyāḵen yəhwâ ’eṯ-hammaməlāḵâ bəyāḏwō wayyitənû ḵāl-yəhûḏâ minəḥâ lîhwōšāfāṭ wayəhî-lwō ‘ōšer-wəḵāḇwōḏ lārōḇ:

6 wayyiḡəb^ah libwō bəḏarəḵê yəhwâ wə‘wōḏ hēsîr ’eṯ-habāmwōṯ wə’eṯ-hā’ăšērîm mîhûḏâ: f

7 ûḇišənaṯ šālwōš ləmāləḵwō šāl^aḥ ləśārāyw ləḇen-ḥayil ûlə‘ōḇaḏəyâ wəlizəḵarəyâ wəlinəṯanə’ēl ûləmîḵāyâû ləlammēḏ bə‘ārê yəhûḏâ:

8 wə‘immâem haləwîyim šəm^a‘əyâû ûnəṯanəyâû ûzəḇaḏəyâû w^a‘ăśâ’ēl ûšəmirîmwōṯ ûšəmîrāmwōṯ wîhwōnāṯān wa’ăḏōnîyâû wəṭwōḇîyâû wəṭwōḇ ’ăḏwōnîyâ haləwîyim wə‘immâem ’ĕlîšāmā‘ wîhwōrām hakōhănîm:

9 wayəlamməḏû bîhûḏâ wə‘immâem sēfer twōraṯ yəhwâ wayyāsōbû bəḵāl-‘ārê yəhûḏâ wayəlamməḏû bā‘ām:

10 wayəhî| p^aḥaḏ yəhwâ ‘al kāl-mamələḵwōṯ hā’ărāṣwōṯ ’ăšer səḇîḇwōṯ yəhûḏâ wəlō’ niləḥămû ‘im-yəhwōšāfāṭ:

11 ûmin-pəlišətîm məḇî’îm lîhwōšāfāṭ minəḥâ wəḵesef maśśā’ gam hā‘arəḇî’îm məḇî’îm lwō ṣō’n ’êlîm šiḇə‘aṯ ’ălāfîm ûšəḇ^a‘ mē’wōṯ ûṯəyāšîm šiḇə‘aṯ ’ălāfîm ûšəḇ^a‘ mē’wōṯ: f

12 wayəhî yəhwōšāfāṭ hōlēḵə wəḡāḏēl ‘aḏ-ləmā‘əlâ wayyiḇen bîhûḏâ bîrānîywōṯ wə‘ārê misəkənwōṯ:

13 ûməlā’ḵâ rabâ hāyâ lwō bə‘ārê yəhûḏâ wə’anəšê miləḥāmâ gibwōrê ḥayil bîrûšālāim:

14 wə’ēlleh fəqudāṯām ləḇêṯ ’ăḇwōṯêhem lîhûḏâ śārê ’ălāfîm ‘aḏənâ haśśār wə‘immwō gibwōrê ḥayil šəlōš mē’wōṯ ’ālef: s

15 wə‘al-yāḏwō yəhwōḥānān haśśār wə‘immwō mā’ṯayim ûšəmwōnîm ’ālef: s

16 wə‘al-yāḏwō ‘ămasəyâ ḇen-ziḵərî hammiṯənadēḇ layhwâ wə‘immwō mā’ṯayim ’elef gibwōr ḥāyil: s

17 ûmin-binəyāmin gibwōr ḥayil ’eləyāḏā‘ wə‘immwō nōšəqê-qešeṯ ûmāḡēn mā’ṯayim ’ālef: s

18 wə‘al-yāḏwō yəhwōzāḇāḏ wə‘immwō mē’â-ûšəmwōnîm ’elef ḥălûṣê ṣāḇā’: s

19 ’ēlleh haməšārəṯîm ’eṯ-hammeleḵə milləḇaḏ ’ăšer-nāṯan hammeleḵə bə‘ārê hammiḇəṣār bəḵāl-yəhûḏâ: f