Sacred Texts  Bible  Index 
Polyglot  KJV  Sep  Vul 

1 Chronicles (1 Divrey Yamim) Index
  Previous  Next 

Tanach (Hebrew): 1 Chronicles (1 Divrey Yamim) Chapter 16

1 ‏וַיָּבִ֙יאוּ֙ אֶת־אֲר֣וֹן הָֽאֱלֹהִ֔ים וַיַּצִּ֣יגוּ אֹת֔וֹ בְּת֣וֹךְ הָאֹ֔הֶל אֲשֶׁ֥ר נָֽטָה־ל֖וֹ דָּוִ֑יד וַיַּקְרִ֛יבוּ עֹל֥וֹת וּשְׁלָמִ֖ים לִפְנֵ֥י הָאֱלֹהִֽים׃

2 ‏וַיְכַ֣ל דָּוִ֔יד מֵהַעֲל֥וֹת הָעֹלָ֖ה וְהַשְּׁלָמִ֑ים וַיְבָ֥רֶךְ אֶת־הָעָ֖ם בְּשֵׁ֥ם יְהוָֽה׃

3 ‏וַיְחַלֵּק֙ לְכָל־אִ֣ישׁ יִשְׂרָאֵ֔ל מֵאִ֖ישׁ וְעַד־אִשָּׁ֑ה לְאִישׁ֙ כִּכַּר־לֶ֔חֶם וְאֶשְׁפָּ֖ר וַאֲשִׁישָֽׁה׃

4 ‏וַיִּתֵּ֞ן לִפְנֵ֨י אֲר֧וֹן יְהוָ֛ה מִן־הַלְוִיִּ֖ם מְשָׁרְתִ֑ים וּלְהַזְכִּיר֙ וּלְהוֹד֣וֹת וּלְהַלֵּ֔ל לַיהוָ֖ה אֱלֹהֵ֥י יִשְׂרָאֵֽל׃ פ

5 ‏אָסָ֥ף הָרֹ֖אשׁ וּמִשְׁנֵ֣הוּ זְכַרְיָ֑ה יְעִיאֵ֡ל וּשְׁמִֽירָמ֡וֹת וִֽיחִיאֵ֡ל וּמַתִּתְיָ֡ה וֶאֱלִיאָ֡ב וּבְנָיָהוּ֩ וְעֹבֵ֨ד אֱדֹ֜ם וִֽיעִיאֵ֗ל בִּכְלֵ֤י נְבָלִים֙ וּבְכִנֹּר֔וֹת וְאָסָ֖ף בַּֽמְצִלְתַּ֥יִם מַשְׁמִֽיעַ׃

6 ‏וּבְנָיָ֥הוּ וְיַחֲזִיאֵ֖ל הַכֹּהֲנִ֑ים בַּחֲצֹצְר֣וֹת תָּמִ֔יד לִפְנֵ֖י אֲר֥וֹן בְּרִית־הָאֱלֹהִֽים׃

7 ‏בַּיּ֣וֹם הַה֗וּא אָ֣ז נָתַ֤ן דָּוִיד֙ בָּרֹ֔אשׁ לְהֹד֖וֹת לַיהוָ֑ה בְּיַד־אָסָ֖ף וְאֶחָֽיו׃ פ

8 ‏הוֹד֤וּ לַֽיהוָה֙ קִרְא֣וּ בִשְׁמ֔וֹ הוֹדִ֥יעוּ בָעַמִּ֖ים עֲלִילֹתָֽיו׃

9 ‏שִׁ֤ירוּ לוֹ֙ זַמְּרוּ־ל֔וֹ שִׂ֖יחוּ בְּכָל־נִפְלְאֹתָֽיו׃

10 ‏הִֽתְהַֽלְלוּ֙ בְּשֵׁ֣ם קָדְשׁ֔וֹ יִשְׂמַ֕ח לֵ֖ב מְבַקְשֵׁ֥י יְהוָֽה׃

11 ‏דִּרְשׁ֤וּ יְהוָה֙ וְעֻזּ֔וֹ בַּקְּשׁ֥וּ פָנָ֖יו תָּמִֽיד׃

12 ‏זִכְר֗וּ נִפְלְאֹתָיו֙ אֲשֶׁ֣ר עָשָׂ֔ה מֹפְתָ֖יו וּמִשְׁפְּטֵי־פִֽיהוּ׃

13 ‏זֶ֚רַע יִשְׂרָאֵ֣ל עַבְדּ֔וֹ בְּנֵ֥י יַעֲקֹ֖ב בְּחִירָֽיו׃

14 ‏ה֚וּא יְהוָ֣ה אֱלֹהֵ֔ינוּ בְּכָל־הָאָ֖רֶץ מִשְׁפָּטָֽיו׃

15 ‏זִכְר֤וּ לְעוֹלָם֙ בְּרִית֔וֹ דָּבָ֥ר צִוָּ֖ה לְאֶ֥לֶף דּֽוֹר׃

16 ‏אֲשֶׁ֤ר כָּרַת֙ אֶת־אַבְרָהָ֔ם וּשְׁבוּעָת֖וֹ לְיִצְחָֽק׃

17 ‏וַיַּעֲמִידֶ֤הָ לְיַעֲקֹב֙ לְחֹ֔ק לְיִשְׂרָאֵ֖ל בְּרִ֥ית עוֹלָֽם׃

18 ‏לֵאמֹ֗ר לְךָ֙ אֶתֵּ֣ן אֶֽרֶץ־כְּנָ֔עַן חֶ֖בֶל נַחֲלַתְכֶֽם׃

19 ‏בִּֽהְיֽוֹתְכֶם֙ מְתֵ֣י מִסְפָּ֔ר כִּמְעַ֖ט וְגָרִ֥ים בָּֽהּ׃

20 ‏וַיִּֽתְהַלְּכוּ֙ מִגּ֣וֹי אֶל־גּ֔וֹי וּמִמַּמְלָכָ֖ה אֶל־עַ֥ם אַחֵֽר׃

21 ‏לֹא־הִנִּ֤יחַ לְאִישׁ֙ לְעָשְׁקָ֔ם וַיּ֥וֹכַח עֲלֵיהֶ֖ם מְלָכִֽים׃

22 ‏אַֽל־תִּגְּעוּ֙ בִּמְשִׁיחָ֔י וּבִנְבִיאַ֖י אַל־תָּרֵֽעוּ׃ פ

23 ‏שִׁ֤ירוּ לַֽיהוָה֙ כָּל־הָאָ֔רֶץ בַּשְּׂר֥וּ מִיּֽוֹם־אֶל־י֖וֹם יְשׁוּעָתֽוֹ׃

24 ‏סַפְּר֤וּ בַגּוֹיִם֙ אֶת־כְּבוֹד֔וֹ בְּכָל־הָעַמִּ֖ים נִפְלְאֹתָֽיו׃

25 ‏כִּי֩ גָד֨וֹל יְהוָ֤ה וּמְהֻלָּל֙ מְאֹ֔ד וְנוֹרָ֥א ה֖וּא עַל־כָּל־אֱלֹהִֽים׃

26 ‏כִּ֠י כָּל־אֱלֹהֵ֤י הָעַמִּים֙ אֱלִילִ֔ים וַיהוָ֖ה שָׁמַ֥יִם עָשָֽׂה׃

27 ‏ה֤וֹד וְהָדָר֙ לְפָנָ֔יו עֹ֥ז וְחֶדְוָ֖ה בִּמְקֹמֽוֹ׃

28 ‏הָב֤וּ לַֽיהוָה֙ מִשְׁפְּח֣וֹת עַמִּ֔ים הָב֥וּ לַיהוָ֖ה כָּב֥וֹד וָעֹֽז׃

29 ‏הָב֥וּ לַיהוָ֖ה כְּב֣וֹד שְׁמ֑וֹ שְׂא֤וּ מִנְחָה֙ וּבֹ֣אוּ לְפָנָ֔יו הִשְׁתַּחֲו֥וּ לַיהוָ֖ה בְּהַדְרַת־קֹֽדֶשׁ׃

30 ‏חִ֤ילוּ מִלְּפָנָיו֙ כָּל־הָאָ֔רֶץ אַף־תִּכּ֥וֹן תֵּבֵ֖ל בַּל־תִּמּֽוֹט׃

31 ‏יִשְׂמְח֤וּ הַשָּׁמַ֙יִם֙ וְתָגֵ֣ל הָאָ֔רֶץ וְיֹאמְר֥וּ בַגּוֹיִ֖ם יְהוָ֥ה מָלָֽךְ׃

32 ‏יִרְעַ֤ם הַיָּם֙ וּמְלוֹא֔וֹ יַעֲלֹ֥ץ הַשָּׂדֶ֖ה וְכָל־אֲשֶׁר־בּֽוֹ׃

33 ‏אָ֥ז יְרַנְּנ֖וּ עֲצֵ֣י הַיָּ֑עַר מִלִּפְנֵ֣י יְהוָ֔ה כִּי־בָ֖א לִשְׁפּ֥וֹט אֶת־הָאָֽרֶץ׃

34 ‏הוֹד֤וּ לַיהוָה֙ כִּ֣י ט֔וֹב כִּ֥י לְעוֹלָ֖ם חַסְדּֽוֹ׃

35 ‏וְאִמְר֕וּ הוֹשִׁיעֵ֙נוּ֙ אֱלֹהֵ֣י יִשְׁעֵ֔נוּ וְקַבְּצֵ֥נוּ וְהַצִּילֵ֖נוּ מִן־הַגּוֹיִ֑ם לְהֹדוֹת֙ לְשֵׁ֣ם קָדְשֶׁ֔ךָ לְהִשְׁתַּבֵּ֖חַ בִּתְהִלָּתֶֽךָ׃

36 ‏בָּר֤וּךְ יְהוָה֙ אֱלֹהֵ֣י יִשְׂרָאֵ֔ל מִן־הָעוֹלָ֖ם וְעַ֣ד הָעֹלָ֑ם וַיֹּאמְר֤וּ כָל־הָעָם֙ אָמֵ֔ן וְהַלֵּ֖ל לַֽיהוָֽה׃ פ

37 ‏וַיַּֽעֲזָב־שָׁ֗ם לִפְנֵי֙ אֲר֣וֹן בְּרִית־יְהוָ֔ה לְאָסָ֖ף וּלְאֶחָ֑יו לְשָׁרֵ֞ת לִפְנֵ֧י הָאָר֛וֹן תָּמִ֖יד לִדְבַר־י֥וֹם בְּיוֹמֽוֹ׃

38 ‏וְעֹבֵ֥ד אֱדֹ֛ם וַאֲחֵיהֶ֖ם שִׁשִּׁ֣ים וּשְׁמוֹנָ֑ה וְעֹבֵ֨ד אֱדֹ֧ם בֶּן־יְדִית֛וּן וְחֹסָ֖ה לְשֹׁעֲרִֽים׃

39 ‏וְאֵ֣ת׀ צָד֣וֹק הַכֹּהֵ֗ן וְאֶחָיו֙ הַכֹּ֣הֲנִ֔ים לִפְנֵ֖י מִשְׁכַּ֣ן יְהוָ֑ה בַּבָּמָ֖ה אֲשֶׁ֥ר בְּגִבְעֽוֹן׃

40 ‏לְֽהַעֲלוֹת֩ עֹל֨וֹת לַיהוָ֜ה עַל־מִזְבַּ֧ח הָעֹלָ֛ה תָּמִ֖יד לַבֹּ֣קֶר וְלָעָ֑רֶב וּלְכָל־הַכָּתוּב֙ בְּתוֹרַ֣ת יְהוָ֔ה אֲשֶׁ֥ר צִוָּ֖ה עַל־יִשְׂרָאֵֽל׃

41 ‏וְעִמָּהֶם֙ הֵימָ֣ן וִֽידוּת֔וּן וּשְׁאָר֙ הַבְּרוּרִ֔ים אֲשֶׁ֥ר נִקְּב֖וּ בְּשֵׁמ֑וֹת לְהֹדוֹת֙ לַֽיהוָ֔ה כִּ֥י לְעוֹלָ֖ם חַסְדּֽוֹ׃

42 ‏וְעִמָּהֶם֩ הֵימָ֨ן וִֽידוּת֜וּן חֲצֹצְר֤וֹת3 וּמְצִלְתַּ֙יִם֙ לְמַשְׁמִיעִ֔ים וּכְלֵ֖י שִׁ֣יר הָאֱלֹהִ֑ים וּבְנֵ֥י יְדוּת֖וּן לַשָּֽׁעַר׃

43 ‏וַיֵּלְכ֥וּ כָל־הָעָ֖ם אִ֣ישׁ לְבֵית֑וֹ וַיִּסֹּ֥ב דָּוִ֖יד לְבָרֵ֥ךְ אֶת־בֵּיתֽוֹ׃ פ

1 wayyāḇî’û ’eṯ-’ărwōn hā’ĕlōhîm wayyaṣṣîḡû ’ōṯwō bəṯwōḵə hā’ōhel ’ăšer nāṭâ-lwō dāwîḏ wayyaqərîḇû ‘ōlwōṯ ûšəlāmîm lifənê hā’ĕlōhîm:

2 wayəḵal dāwîḏ mēha‘ălwōṯ hā‘ōlâ wəhaššəlāmîm wayəḇāreḵə ’eṯ-hā‘ām bəšēm yəhwâ:

3 wayəḥallēq ləḵāl-’îš yiśərā’ēl mē’îš wə‘aḏ-’iššâ lə’îš kikar-leḥem wə’ešəpār wa’ăšîšâ:

4 wayyitēn lifənê ’ărwōn yəhwâ min-haləwîyim məšārəṯîm ûləhazəkîr ûləhwōḏwōṯ ûləhallēl layhwâ ’ĕlōhê yiśərā’ēl: f

5 ’āsāf hārō’š ûmišənēhû zəḵarəyâ yə‘î’ēl ûšəmîrāmwōṯ wîḥî’ēl ûmatiṯəyâ we’ĕlî’āḇ ûḇənāyâû wə‘ōḇēḏ ’ĕḏōm wî‘î’ēl biḵəlê nəḇālîm ûḇəḵinnōrwōṯ wə’āsāf baməṣilətayim mašəmî‘a:

6 ûḇənāyâû wəyaḥăzî’ēl hakōhănîm baḥăṣōṣərwōṯ tāmîḏ lifənê ’ărwōn bərîṯ-hā’ĕlōhîm:

7 bayywōm hahû’ ’āz nāṯan dāwîḏ bārō’š ləhōḏwōṯ layhwâ bəyaḏ-’āsāf wə’eḥāyw: f

8 hwōḏû layhwâ qirə’û ḇišəmwō hwōḏî‘û ḇā‘ammîm ‘ălîlōṯāyw:

9 šîrû lwō zammərû-lwō śîḥû bəḵāl-nifələ’ōṯāyw:

10 hiṯəhaləlû bəšēm qāḏəšwō yiśəmaḥ lēḇ məḇaqəšê yəhwâ:

11 dirəšû yəhwâ wə‘uzzwō baqqəšû fānāyw tāmîḏ:

12 ziḵərû nifələ’ōṯāyw ’ăšer ‘āśâ mōfəṯāyw ûmišəpəṭê-fîhû:

13 zera‘ yiśərā’ēl ‘aḇədwō bənê ya‘ăqōḇ bəḥîrāyw:

14 hû’ yəhwâ ’ĕlōhênû bəḵāl-hā’āreṣ mišəpāṭāyw:

15 ziḵərû lə‘wōlām bərîṯwō dāḇār ṣiûâ lə’elef dwōr:

16 ’ăšer kāraṯ ’eṯ-’aḇərâām ûšəḇû‘āṯwō ləyiṣəḥāq:

17 wayya‘ămîḏehā ləya‘ăqōḇ ləḥōq ləyiśərā’ēl bərîṯ ‘wōlām:

18 lē’mōr ləḵā ’etēn ’ereṣ-kənā‘an ḥeḇel naḥălaṯəḵem:

19 bihəywōṯəḵem məṯê misəpār kimə‘aṭ wəḡārîm bāh:

20 wayyiṯəhalləḵû migwōy ’el-gwōy ûmimmaməlāḵâ ’el-‘am ’aḥēr:

21 lō’-hinnîḥa lə’îš lə‘āšəqām wayywōḵaḥ ‘ălêhem məlāḵîm:

22 ’al-tigə‘û biməšîḥāy ûḇinəḇî’ay ’al-tārē‘û: f

23 šîrû layhwâ kāl-hā’āreṣ baśśərû mîywōm-’el-ywōm yəšû‘āṯwō:

24 sapərû ḇagwōyim ’eṯ-kəḇwōḏwō bəḵāl-hā‘ammîm nifələ’ōṯāyw:

25 kî ḡāḏwōl yəhwâ ûməhullāl mə’ōḏ wənwōrā’ hû’ ‘al-kāl-’ĕlōhîm:

26 kî kāl-’ĕlōhê hā‘ammîm ’ĕlîlîm wayhwâ šāmayim ‘āśâ:

27 hwōḏ wəhāḏār ləfānāyw ‘ōz wəḥeḏəwâ biməqōmwō:

28 hāḇû layhwâ mišəpəḥwōṯ ‘ammîm hāḇû layhwâ kāḇwōḏ wā‘ōz:

29 hāḇû layhwâ kəḇwōḏ šəmwō śə’û minəḥâ ûḇō’û ləfānāyw hišətaḥăwû layhwâ bəhaḏəraṯ-qōḏeš:

30 ḥîlû milləfānāyw kāl-hā’āreṣ ’af-tikwōn tēḇēl bal-timmwōṭ:

31 yiśəməḥû haššāmayim wəṯāḡēl hā’āreṣ wəyō’mərû ḇagwōyim yəhwâ mālāḵə:

32 yirə‘am hayyām ûməlwō’wō ya‘ălōṣ haśśāḏeh wəḵāl-’ăšer-bwō:

33 ’āz yərannənû ‘ăṣê hayyā‘ar millifənê yəhwâ kî-ḇā’ lišəpwōṭ ’eṯ-hā’āreṣ:

34 hwōḏû layhwâ kî ṭwōḇ kî lə‘wōlām ḥasədwō:

35 wə’imərû hwōšî‘ēnû ’ĕlōhê yišə‘ēnû wəqabəṣēnû wəhaṣṣîlēnû min-hagwōyim ləhōḏwōṯ ləšēm qāḏəšeḵā ləhišətabēḥa biṯəhillāṯeḵā:

36 bārûḵə yəhwâ ’ĕlōhê yiśərā’ēl min-hā‘wōlām wə‘aḏ hā‘ōlām wayyō’mərû ḵāl-hā‘ām ’āmēn wəhallēl layhwâ: f

37 wayya‘ăzāḇ-šām lifənê ’ărwōn bərîṯ-yəhwâ lə’āsāf ûlə’eḥāyw ləšārēṯ lifənê hā’ārwōn tāmîḏ liḏəḇar-ywōm bəywōmwō:

38 wə‘ōḇēḏ ’ĕḏōm wa’ăḥêhem šiššîm ûšəmwōnâ wə‘ōḇēḏ ’ĕḏōm ben-yəḏîṯûn wəḥōsâ ləšō‘ărîm:

39 wə’ēṯ| ṣāḏwōq hakōhēn wə’eḥāyw hakōhănîm lifənê mišəkan yəhwâ babāmâ ’ăšer bəḡiḇə‘wōn:

40 ləha‘ălwōṯ ‘ōlwōṯ layhwâ ‘al-mizəbaḥ hā‘ōlâ tāmîḏ labōqer wəlā‘āreḇ ûləḵāl-hakāṯûḇ bəṯwōraṯ yəhwâ ’ăšer ṣiûâ ‘al-yiśərā’ēl:

41 wə‘immâem hêmān wîḏûṯûn ûšə’ār habərûrîm ’ăšer niqqəḇû bəšēmwōṯ ləhōḏwōṯ layhwâ kî lə‘wōlām ḥasədwō:

42 wə‘immâem hêmān wîḏûṯûn ḥăṣōṣərwōṯ3 ûməṣilətayim ləmašəmî‘îm ûḵəlê šîr hā’ĕlōhîm ûḇənê yəḏûṯûn laššā‘ar:

43 wayyēləḵû ḵāl-hā‘ām ’îš ləḇêṯwō wayyissōḇ dāwîḏ ləḇārēḵə ’eṯ-bêṯwō: f


Next: 1 Chronicles (1 Divrey Yamim) Chapter 17