Sacred Texts  Hinduism  Index 
English 
Rig Veda Book 10 Index  Previous  Next 

Rig Veda Book 10 Hymn 140

अग्ने तव शरवो वयो महि भराजन्ते अर्चयो विभावसो |
बर्हद्भानो शवसा वाजमुक्थ्यं दधासि दाशुषे कवे ||
पावकवर्चाः शुक्रवर्चा अनूनवर्चा उदियर्षि भानुना |
पुत्रो मातरा विचरन्नुपावसि पर्णक्षि रोदसी उभे ||
ऊर्जो नपाज्जातवेदः सुशस्तिभिर्मन्दस्व धीतिभिर्हितः |
तवे इषः सं दधुर्भूरिवर्पसश्चित्रोतयो वामजाताः ||
इरज्यन्नग्ने परथयस्व जन्तुभिरस्मे रायो अमर्त्य |
सदर्शतस्य वपुषो वि राजसि पर्णक्षि सानसिं करतुम ||
इष्कर्तारमध्वरस्य परचेतसं कषयन्तं राधसो महः |
रातिं वामस्य सुभगां महीमिषं दधासि सानसिंरयिम ||
रतावानं महिषं विश्वदर्शतमग्निं सुम्नाय दधिरेपुरो जनाः |
शरुत्कर्णं सप्रथस्तमं तवा गिरा दैव्यम्मानुषा युगा ||

aghne tava śravo vayo mahi bhrājante arcayo vibhāvaso |
bṛhadbhāno śavasā vājamukthyaṃ dadhāsi dāśuṣe kave ||
pāvakavarcāḥ śukravarcā anūnavarcā udiyarṣi bhānunā |
putro mātarā vicarannupāvasi pṛṇakṣi rodasī ubhe ||
ūrjo napājjātavedaḥ suśastibhirmandasva dhītibhirhitaḥ |
tve iṣaḥ saṃ dadhurbhūrivarpasaścitrotayo vāmajātāḥ ||
irajyannaghne prathayasva jantubhirasme rāyo amartya |
sadarśatasya vapuṣo vi rājasi pṛṇakṣi sānasiṃ kratum ||
iṣkartāramadhvarasya pracetasaṃ kṣayantaṃ rādhaso mahaḥ |
rātiṃ vāmasya subhaghāṃ mahīmiṣaṃ dadhāsi sānasiṃrayim ||
ṛtāvānaṃ mahiṣaṃ viśvadarśatamaghniṃ sumnāya dadhirepuro janāḥ |
śrutkarṇaṃ saprathastamaṃ tvā ghirā daivyammānuṣā yughā ||


Next: Hymn 141