Sacred Texts  Bible  Index 
Polyglot  KJV  Sep  Vul 

Zechariah (Zekharyah) Index
  Previous  Next 

Tanach (Hebrew): Zechariah (Zekharyah) Chapter 9

1 ‏מַשָּׂ֤א דְבַר־יְהוָה֙ בְּאֶ֣רֶץ חַדְרָ֔ךְ וְדַמֶּ֖שֶׂק מְנֻחָת֑וֹ כִּ֤י לַֽיהוָה֙ עֵ֣ין אָדָ֔ם וְכֹ֖ל שִׁבְטֵ֥י יִשְׂרָאֵֽל׃

2 ‏וְגַם־חֲמָ֖ת תִּגְבָּל־בָּ֑הּ צֹ֣ר וְצִיד֔וֹן כִּ֥י חָֽכְמָ֖ה מְאֹֽד׃

3 ‏וַתִּ֥בֶן צֹ֛ר מָצ֖וֹר לָ֑הּ וַתִּצְבָּר־כֶּ֙סֶף֙ כֶּֽעָפָ֔ר וְחָר֖וּץ כְּטִ֥יט חוּצֽוֹת׃

4 ‏הִנֵּ֤ה אֲדֹנָי֙ יֽוֹרִשֶׁ֔נָּה וְהִכָּ֥ה בַיָּ֖ם חֵילָ֑הּ וְהִ֖יא בָּאֵ֥שׁ תֵּאָכֵֽל׃

5 ‏תֵּרֶ֨א אַשְׁקְל֜וֹן וְתִירָ֗א וְעַזָּה֙ וְתָחִ֣יל מְאֹ֔ד וְעֶקְר֖וֹן כִּֽי־הֹבִ֣ישׁ מֶבָּטָ֑הּ וְאָ֤בַד מֶ֙לֶךְ֙ מֵֽעַזָּ֔ה וְאַשְׁקְל֖וֹן לֹ֥א תֵשֵֽׁב׃

6 ‏וְיָשַׁ֥ב מַמְזֵ֖ר בְּאַשְׁדּ֑וֹד וְהִכְרַתִּ֖י גְּא֥וֹן פְּלִשְׁתִּֽים׃

7 ‏וַהֲסִרֹתִ֨י דָמָ֜יו מִפִּ֗יו וְשִׁקֻּצָיו֙ מִבֵּ֣ין שִׁנָּ֔יו וְנִשְׁאַ֥ר גַּם־ה֖וּא לֵֽאלֹהֵ֑ינוּ וְהָיָה֙ כְּאַלֻּ֣ף בִּֽיהוּדָ֔ה וְעֶקְר֖וֹן כִּיבוּסִֽי׃

8 ‏וְחָנִ֨יתִי לְבֵיתִ֤י מִצָּבָה֙ מֵעֹבֵ֣ר וּמִשָּׁ֔ב וְלֹֽא־יַעֲבֹ֧ר עֲלֵיהֶ֛ם ע֖וֹד נֹגֵ֑שׂ כִּ֥י עַתָּ֖ה רָאִ֥יתִי בְעֵינָֽי׃ ס

9 ‏גִּילִ֨י מְאֹ֜ד בַּת־צִיּ֗וֹן הָרִ֙יעִי֙ בַּ֣ת יְרוּשָׁלִַ֔ם הִנֵּ֤ה מַלְכֵּךְ֙ יָ֣בוֹא לָ֔ךְ צַדִּ֥יק וְנוֹשָׁ֖ע ה֑וּא עָנִי֙ וְרֹכֵ֣ב עַל־חֲמ֔וֹר וְעַל־עַ֖יִר בֶּן־אֲתֹנֽוֹת׃

10 ‏וְהִכְרַתִּי־רֶ֣כֶב מֵאֶפְרַ֗יִם וְסוּס֙ מִיר֣וּשָׁלִַ֔ם וְנִכְרְתָה֙ קֶ֣שֶׁת מִלְחָמָ֔ה וְדִבֶּ֥ר שָׁל֖וֹם לַגּוֹיִ֑ם וּמָשְׁלוֹ֙ מִיָּ֣ם עַד־יָ֔ם וּמִנָּהָ֖ר עַד־אַפְסֵי־אָֽרֶץ׃

11 ‏גַּם־אַ֣תְּ בְּדַם־בְּרִיתֵ֗ךְ שִׁלַּ֤חְתִּי אֲסִירַ֙יִךְ֙3 מִבּ֔וֹר אֵ֥ין מַ֖יִם בּֽוֹ׃

12 ‏שׁ֚וּבוּ לְבִצָּר֔וֹן אֲסִירֵ֖י הַתִּקְוָ֑ה גַּם־הַיּ֕וֹם מַגִּ֥יד מִשְׁנֶ֖ה אָשִׁ֥יב לָֽךְ׃

13 ‏כִּֽי־דָרַ֨כְתִּי לִ֜י יְהוּדָ֗ה קֶ֚שֶׁת מִלֵּ֣אתִי אֶפְרַ֔יִם וְעוֹרַרְתִּ֤י בָנַ֙יִךְ֙ צִיּ֔וֹן עַל־בָּנַ֖יִךְ יָוָ֑ן וְשַׂמְתִּ֖יךְ כְּחֶ֥רֶב גִּבּֽוֹר׃

14 ‏וַֽיהוָה֙ עֲלֵיהֶ֣ם יֵֽרָאֶ֔ה וְיָצָ֥א כַבָּרָ֖ק חִצּ֑וֹ וַֽאדֹנָ֤י יְהוִֹה֙ בַּשּׁוֹפָ֣ר יִתְקָ֔ע וְהָלַ֖ךְ בְּסַעֲר֥וֹת תֵּימָֽן׃

15 ‏יְהוָ֣ה צְבָאוֹת֮ יָגֵ֣ן עֲלֵיהֶם֒ וְאָכְל֗וּ וְכָֽבְשׁוּ֙ אַבְנֵי־קֶ֔לַע וְשָׁת֥וּ הָמ֖וּ כְּמוֹ־יָ֑יִן וּמָֽלְאוּ֙ כַּמִּזְרָ֔ק כְּזָוִיּ֖וֹת מִזְבֵּֽחַ׃

16 ‏וְֽהוֹשִׁיעָ֞ם יְהוָ֧ה אֱלֹהֵיהֶ֛ם בַּיּ֥וֹם הַה֖וּא כְּצֹ֣אן עַמּ֑וֹ כִּ֚י אַבְנֵי־נֵ֔זֶר מִֽתְנוֹסְס֖וֹת עַל־אַדְמָתֽוֹ׃

17 ‏כִּ֥י מַה־טּוּב֖וֹ וּמַה־יָפְי֑וֹ דָּגָן֙ בַּֽחוּרִ֔ים וְתִיר֖וֹשׁ יְנוֹבֵ֥ב בְּתֻלֽוֹת׃

1 maśśā’ ḏəḇar-yəhwâ bə’ereṣ ḥaḏərāḵə wəḏammeśeq mənuḥāṯwō kî layhwâ ‘ên ’āḏām wəḵōl šiḇəṭê yiśərā’ēl:

2 wəḡam-ḥămāṯ tiḡəbāl-bāh ṣōr wəṣîḏwōn kî ḥāḵəmâ mə’ōḏ:

3 watiḇen ṣōr māṣwōr lāh watiṣəbār-kesef ke‘āfār wəḥārûṣ kəṭîṭ ḥûṣwōṯ:

4 hinnēh ’ăḏōnāy ywōrišennâ wəhikâ ḇayyām ḥêlāh wəhî’ bā’ēš tē’āḵēl:

5 tēre’ ’ašəqəlwōn wəṯîrā’ wə‘azzâ wəṯāḥîl mə’ōḏ wə‘eqərwōn kî-hōḇîš mebāṭāh wə’āḇaḏ meleḵə mē‘azzâ wə’ašəqəlwōn lō’ ṯēšēḇ:

6 wəyāšaḇ maməzēr bə’ašədwōḏ wəhiḵəratî gə’wōn pəlišətîm:

7 wahăsirōṯî ḏāmāyw mipîw wəšiqquṣāyw mibên šinnāyw wənišə’ar gam-hû’ lē’lōhênû wəhāyâ kə’alluf bîhûḏâ wə‘eqərwōn kîḇûsî:

8 wəḥānîṯî ləḇêṯî miṣṣāḇâ mē‘ōḇēr ûmiššāḇ wəlō’-ya‘ăḇōr ‘ălêhem ‘wōḏ nōḡēś kî ‘atâ rā’îṯî ḇə‘ênāy: s

9 gîlî mə’ōḏ baṯ-ṣîywōn hārî‘î baṯ yərûšālaim hinnēh maləkēḵə yāḇwō’ lāḵə ṣadîq wənwōšā‘ hû’ ‘ānî wərōḵēḇ ‘al-ḥămwōr wə‘al-‘ayir ben-’ăṯōnwōṯ:

10 wəhiḵəratî-reḵeḇ mē’efərayim wəsûs mîrûšālaim wəniḵərəṯâ qešeṯ miləḥāmâ wəḏiber šālwōm lagwōyim ûmāšəlwō mîyām ‘aḏ-yām ûminnâār ‘aḏ-’afəsê-’āreṣ:

11 gam-’atə bəḏam-bərîṯēḵə šillaḥətî ’ăsîrayiḵə3 mibwōr ’ên mayim bwō:

12 šûḇû ləḇiṣṣārwōn ’ăsîrê hatiqəwâ gam-hayywōm magîḏ mišəneh ’āšîḇ lāḵə:

13 kî-ḏāraḵətî lî yəhûḏâ qešeṯ millē’ṯî ’efərayim wə‘wōrarətî ḇānayiḵə ṣîywōn ‘al-bānayiḵə yāwān wəśamətîḵə kəḥereḇ gibwōr:

14 wayhwâ ‘ălêhem yērā’eh wəyāṣā’ ḵabārāq ḥiṣṣwō wa’ḏōnāy yəhwōih baššwōfār yiṯəqā‘ wəhālaḵə bəsa‘ărwōṯ têmān:

15 yəhwâ ṣəḇā’wōṯ yāḡēn ‘ălêhem wə’āḵəlû wəḵāḇəšû ’aḇənê-qela‘ wəšāṯû hāmû kəmwō-yāyin ûmālə’û kammizərāq kəzāwîywōṯ mizəbēḥa:

16 wəhwōšî‘ām yəhwâ ’ĕlōhêhem bayywōm hahû’ kəṣō’n ‘ammwō kî ’aḇənê-nēzer miṯənwōsəswōṯ ‘al-’aḏəmāṯwō:

17 kî mah-ṭṭûḇwō ûmah-yāfəywō dāḡān baḥûrîm wəṯîrwōš yənwōḇēḇ bəṯulwōṯ:


Next: Zechariah (Zekharyah) Chapter 10