Sacred Texts  Bible  Index 
Polyglot  KJV  Sep  Vul 

Zechariah (Zekharyah) Index
  Previous  Next 

Tanach (Hebrew): Zechariah (Zekharyah) Chapter 1

1 ‏בַּחֹ֙דֶשׁ֙ הַשְּׁמִינִ֔י בִּשְׁנַ֥ת שְׁתַּ֖יִם לְדָרְיָ֑וֶשׁ הָיָ֣ה דְבַר־יְהוָ֗ה אֶל־זְכַרְיָה֙ בֶּן־בֶּ֣רֶכְיָ֔ה בֶּן־עִדּ֥וֹ הַנָּבִ֖יא לֵאמֹֽר׃

2 ‏קָצַ֧ף יְהוָ֛ה עַל־אֲבֽוֹתֵיכֶ֖ם קָֽצֶף׃

3 ‏וְאָמַרְתָּ֣ אֲלֵהֶ֗ם כֹּ֤ה אָמַר֙ יְהוָ֣ה צְבָא֔וֹת שׁ֣וּבוּ אֵלַ֔י נְאֻ֖ם יְהוָ֣ה צְבָא֑וֹת וְאָשׁ֣וּב אֲלֵיכֶ֔ם אָמַ֖ר יְהוָ֥ה צְבָאֽוֹת׃

4 ‏אַל־תִּהְי֣וּ כַאֲבֹֽתֵיכֶ֡ם אֲשֶׁ֣ר קָרְאֽוּ־אֲלֵיהֶם֩ הַנְּבִיאִ֨ים הָרִֽאשֹׁנִ֜ים לֵאמֹ֗ר כֹּ֤ה אָמַר֙ יְהוָ֣ה צְבָא֔וֹת שׁ֤וּבוּ נָא֙ מִדַּרְכֵיכֶ֣ם הָרָעִ֔ים ומעליליכם וּמַֽעַלְלֵיכֶ֖םm הָֽרָעִ֑ים וְלֹ֥א שָׁמְע֛וּ וְלֹֽא־הִקְשִׁ֥יבוּ אֵלַ֖י נְאֻם־יְהוָֽה׃

5 ‏אֲבֽוֹתֵיכֶ֖ם אַיֵּה־הֵ֑ם וְהַ֨נְּבִאִ֔ים הַלְעוֹלָ֖ם יִֽחְיֽוּ׃

6 ‏אַ֣ךְ׀ דְּבָרַ֣י וְחֻקַּ֗י אֲשֶׁ֤ר צִוִּ֙יתִי֙ אֶת־עֲבָדַ֣י הַנְּבִיאִ֔ים הֲל֥וֹא הִשִּׂ֖יגוּ אֲבֹתֵיכֶ֑ם וַיָּשׁ֣וּבוּ וַיֹּאמְר֗וּ כַּאֲשֶׁ֨ר זָמַ֜ם יְהוָ֤ה צְבָאוֹת֙ לַעֲשׂ֣וֹת לָ֔נוּ כִּדְרָכֵ֙ינוּ֙ וּכְמַ֣עֲלָלֵ֔ינוּ כֵּ֖ן עָשָׂ֥ה אִתָּֽנוּ׃ ס

7 ‏בְּיוֹם֩ עֶשְׂרִ֨ים וְאַרְבָּעָ֜ה לְעַשְׁתֵּֽי־עָשָׂ֥ר חֹ֙דֶשׁ֙ הוּא־חֹ֣דֶשׁ שְׁבָ֔ט בִּשְׁנַ֥ת שְׁתַּ֖יִם לְדָרְיָ֑וֶשׁ הָיָ֣ה דְבַר־יְהוָ֗ה אֶל־זְכַרְיָה֙ בֶּן־בֶּ֣רֶכְיָ֔הוּ בֶּן־עִדּ֥וֹא הַנָּבִ֖יא לֵאמֹֽר׃

8 ‏רָאִ֣יתִי׀ הַלַּ֗יְלָה וְהִנֵּה־אִישׁ֙ רֹכֵב֙ עַל־ס֣וּס אָדֹ֔ם וְה֣וּא עֹמֵ֔ד בֵּ֥ין הַהֲדַסִּ֖ים אֲשֶׁ֣ר בַּמְּצֻלָ֑ה וְאַחֲרָיו֙ סוּסִ֣ים אֲדֻמִּ֔ים שְׂרֻקִּ֖ים וּלְבָנִֽים׃

9 ‏וָאֹמַ֖ר מָה־אֵ֣לֶּה אֲדֹנִ֑י וַיֹּ֣אמֶר אֵלַ֗י הַמַּלְאָךְ֙ הַדֹּבֵ֣ר בִּ֔י אֲנִ֥י אַרְאֶ֖ךָּ מָה־הֵ֥מָּה אֵֽלֶּה׃

10 ‏וַיַּ֗עַן הָאִ֛ישׁ הָעֹמֵ֥ד בֵּין־הַהֲדַסִּ֖ים3 וַיֹּאמַ֑ר אֵ֚לֶּה אֲשֶׁ֣ר שָׁלַ֣ח יְהוָ֔ה לְהִתְהַלֵּ֖ךְ בָּאָֽרֶץ׃

11 ‏וַֽיַּעֲנ֞וּ אֶת־מַלְאַ֣ךְ יְהוָ֗ה הָֽעֹמֵד֙ בֵּ֣ין הַהֲדַסִּ֔ים וַיֹּאמְר֖וּ הִתְהַלַּ֣כְנוּ בָאָ֑רֶץ וְהִנֵּ֥ה כָל־הָאָ֖רֶץ יֹשֶׁ֥בֶת וְשֹׁקָֽטֶת׃

12 ‏וַיַּ֣עַן מַלְאַךְ־יְהוָה֮ וַיֹּאמַר֒ יְהוָ֣ה צְבָא֔וֹת עַד־מָתַ֗י אַתָּה֙ לֹֽא־תְרַחֵ֣ם אֶת־יְרוּשָׁלִַ֔ם וְאֵ֖ת עָרֵ֣י יְהוּדָ֑ה אֲשֶׁ֣ר זָעַ֔מְתָּה זֶ֖ה שִׁבְעִ֥ים שָׁנָֽה׃

13 ‏וַיַּ֣עַן יְהוָ֗ה אֶת־הַמַּלְאָ֛ךְ הַדֹּבֵ֥ר בִּ֖י דְּבָרִ֣ים טוֹבִ֑ים דְּבָרִ֖ים נִחֻמִֽים׃

14 ‏וַיֹּ֣אמֶר אֵלַ֗י הַמַּלְאָךְ֙ הַדֹּבֵ֣ר בִּ֔י קְרָ֣א לֵאמֹ֔ר כֹּ֥ה אָמַ֖ר יְהוָ֣ה צְבָא֑וֹת קִנֵּ֧אתִי לִירוּשָׁלִַ֛ם וּלְצִיּ֖וֹן קִנְאָ֥ה גְדוֹלָֽה׃

15 ‏וְקֶ֤צֶף גָּדוֹל֙ אֲנִ֣י קֹצֵ֔ף עַל־הַגּוֹיִ֖ם הַשַּֽׁאֲנַנִּ֑ים אֲשֶׁ֤ר אֲנִי֙ קָצַ֣פְתִּי מְּעָ֔ט וְהֵ֖מָּה עָזְר֥וּ לְרָעָֽה׃

16 ‏לָכֵ֞ן כֹּֽה־אָמַ֣ר יְהוָ֗ה שַׁ֤בְתִּי לִירוּשָׁלִַ֙ם֙ בְּֽרַחֲמִ֔ים בֵּיתִי֙ יִבָּ֣נֶה בָּ֔הּ נְאֻ֖ם יְהוָ֣ה צְבָא֑וֹת וקוה וְקָ֥ו יִנָּטֶ֖ה עַל־יְרוּשָׁלִָֽם׃

17 ‏ע֣וֹד׀ קְרָ֣א לֵאמֹ֗ר כֹּ֤ה אָמַר֙ יְהוָ֣ה צְבָא֔וֹת ע֛וֹד תְּפוּצֶ֥ינָה עָרַ֖י מִטּ֑וֹב וְנִחַ֨ם יְהוָ֥ה עוֹד֙ אֶת־צִיּ֔וֹן וּבָחַ֥ר ע֖וֹד בִּירוּשָׁלִָֽם׃ ס

1 baḥōḏeš haššəmînî bišənaṯ šətayim ləḏārəyāweš hāyâ ḏəḇar-yəhwâ ’el-zəḵarəyâ ben-bereḵəyâ ben-‘idwō hannāḇî’ lē’mōr:

2 qāṣaf yəhwâ ‘al-’ăḇwōṯêḵem qāṣef:

3 wə’āmarətā ’ălēhem kōh ’āmar yəhwâ ṣəḇā’wōṯ šûḇû ’ēlay nə’um yəhwâ ṣəḇā’wōṯ wə’āšûḇ ’ălêḵem ’āmar yəhwâ ṣəḇā’wōṯ:

4 ’al-tihəyû ḵa’ăḇōṯêḵem ’ăšer qārə’û-’ălêhem hannəḇî’îm hāri’šōnîm lē’mōr kōh ’āmar yəhwâ ṣəḇā’wōṯ šûḇû nā’ midarəḵêḵem hārā‘îm ûma‘ălîlêḵem ûma‘aləlêḵemm hārā‘îm wəlō’ šāmə‘û wəlō’-hiqəšîḇû ’ēlay nə’um-yəhwâ:

5 ’ăḇwōṯêḵem ’ayyēh-hēm wəhannəḇi’îm halə‘wōlām yiḥəyû:

6 ’aḵə| dəḇāray wəḥuqqay ’ăšer ṣiûîṯî ’eṯ-‘ăḇāḏay hannəḇî’îm hălwō’ hiśśîḡû ’ăḇōṯêḵem wayyāšûḇû wayyō’mərû ka’ăšer zāmam yəhwâ ṣəḇā’wōṯ la‘ăśwōṯ lānû kiḏərāḵênû ûḵəma‘ălālênû kēn ‘āśâ ’itānû: s

7 bəywōm ‘eśərîm wə’arəbā‘â lə‘ašətê-‘āśār ḥōḏeš hû’-ḥōḏeš šəḇāṭ bišənaṯ šətayim ləḏārəyāweš hāyâ ḏəḇar-yəhwâ ’el-zəḵarəyâ ben-bereḵəyâû ben-‘idwō’ hannāḇî’ lē’mōr:

8 rā’îṯî| hallayəlâ wəhinnēh-’îš rōḵēḇ ‘al-sûs ’āḏōm wəhû’ ‘ōmēḏ bên hahăḏassîm ’ăšer bamməṣulâ wə’aḥărāyw sûsîm ’ăḏummîm śəruqqîm ûləḇānîm:

9 wā’ōmar mâ-’ēlleh ’ăḏōnî wayyō’mer ’ēlay hammalə’āḵə hadōḇēr bî ’ănî ’arə’eḵḵā mâ-hēmmâ ’ēlleh:

10 wayya‘an hā’îš hā‘ōmēḏ bên-hahăḏassîm3 wayyō’mar ’ēlleh ’ăšer šālaḥ yəhwâ ləhiṯəhallēḵə bā’āreṣ:

11 wayya‘ănû ’eṯ-malə’aḵə yəhwâ hā‘ōmēḏ bên hahăḏassîm wayyō’mərû hiṯəhallaḵənû ḇā’āreṣ wəhinnēh ḵāl-hā’āreṣ yōšeḇeṯ wəšōqāṭeṯ:

12 wayya‘an malə’aḵə-yəhwâ wayyō’mar yəhwâ ṣəḇā’wōṯ ‘aḏ-māṯay ’atâ lō’-ṯəraḥēm ’eṯ-yərûšālaim wə’ēṯ ‘ārê yəhûḏâ ’ăšer zā‘amətâ zeh šiḇə‘îm šānâ:

13 wayya‘an yəhwâ ’eṯ-hammalə’āḵə hadōḇēr bî dəḇārîm ṭwōḇîm dəḇārîm niḥumîm:

14 wayyō’mer ’ēlay hammalə’āḵə hadōḇēr bî qərā’ lē’mōr kōh ’āmar yəhwâ ṣəḇā’wōṯ qinnē’ṯî lîrûšālaim ûləṣîywōn qinə’â ḡəḏwōlâ:

15 wəqeṣef gāḏwōl ’ănî qōṣēf ‘al-hagwōyim hašša’ănannîm ’ăšer ’ănî qāṣafətî mmə‘āṭ wəhēmmâ ‘āzərû lərā‘â:

16 lāḵēn kōh-’āmar yəhwâ šaḇətî lîrûšālaim bəraḥămîm bêṯî yibāneh bāh nə’um yəhwâ ṣəḇā’wōṯ wəqāwâ wəqāw yinnāṭeh ‘al-yərûšālāim:

17 ‘wōḏ| qərā’ lē’mōr kōh ’āmar yəhwâ ṣəḇā’wōṯ ‘wōḏ təfûṣeynâ ‘āray miṭṭwōḇ wəniḥam yəhwâ ‘wōḏ ’eṯ-ṣîywōn ûḇāḥar ‘wōḏ bîrûšālāim: s


Next: Zechariah (Zekharyah) Chapter 2