Sacred Texts  Bible  Index 
Polyglot  KJV  Sep  Vul 

Song of Solomon (Shir Hashirim) Index
  Previous  Next 

Tanach (Hebrew): Song of Solomon (Shir Hashirim) Chapter 2

1 ‏אֲנִי֙ חֲבַצֶּ֣לֶת הַשָּׁר֔וֹן שֽׁוֹשַׁנַּ֖ת הָעֲמָקִֽים׃

2 ‏כְּשֽׁוֹשַׁנָּה֙ בֵּ֣ין הַחוֹחִ֔ים כֵּ֥ן רַעְיָתִ֖י בֵּ֥ין הַבָּנֽוֹת׃

3 ‏כְּתַפּ֙וּחַ֙ בַּעֲצֵ֣י הַיַּ֔עַר כֵּ֥ן דּוֹדִ֖י בֵּ֣ין הַבָּנִ֑ים בְּצִלּוֹ֙ חִמַּ֣דְתִּי וְיָשַׁ֔בְתִּי וּפִרְי֖וֹ מָת֥וֹק לְחִכִּֽי׃

4 ‏הֱבִיאַ֙נִי֙ אֶל־בֵּ֣ית הַיָּ֔יִן וְדִגְל֥וֹ עָלַ֖י אַהֲבָֽה׃

5 ‏סַמְּכ֙וּנִי֙ בָּֽאֲשִׁישׁ֔וֹת רַפְּד֖וּנִי בַּתַּפּוּחִ֑ים כִּי־חוֹלַ֥ת אַהֲבָ֖ה אָֽנִי׃

6 ‏שְׂמֹאלוֹ֙ תַּ֣חַת לְרֹאשִׁ֔י וִימִינ֖וֹ תְּחַבְּקֵֽנִי׃

7 ‏הִשְׁבַּ֨עְתִּי אֶתְכֶ֜ם בְּנ֤וֹת יְרוּשָׁלִַ֙ם֙ בִּצְבָא֔וֹת א֖וֹ בְּאַיְל֣וֹת הַשָּׂדֶ֑ה אִם־תָּעִ֧ירוּ׀ וְֽאִם־תְּעֽוֹרְר֛וּ אֶת־הָאַהֲבָ֖ה עַ֥ד שֶׁתֶּחְפָּֽץ׃ ס

8 ‏ק֣וֹל דּוֹדִ֔י הִנֵּה־זֶ֖ה בָּ֑א מְדַלֵּג֙ עַל־הֶ֣הָרִ֔ים מְקַפֵּ֖ץ עַל־הַגְּבָעֽוֹת׃

9 ‏דּוֹמֶ֤ה דוֹדִי֙ לִצְבִ֔י א֖וֹ לְעֹ֣פֶר הָֽאַיָּלִ֑ים הִנֵּה־זֶ֤ה עוֹמֵד֙ אַחַ֣ר כָּתְלֵ֔נוּ מַשְׁגִּ֙יחַ֙ מִן־הַֽחֲלֹּנ֔וֹת מֵצִ֖יץ מִן־הַֽחֲרַכִּֽים׃

10 ‏עָנָ֥ה דוֹדִ֖י וְאָ֣מַר לִ֑י ק֥וּמִי לָ֛ךְ רַעְיָתִ֥י יָפָתִ֖י וּלְכִי־לָֽךְ׃

11 ‏כִּֽי־הִנֵּ֥ה הסתו הַסְּתָ֖יו עָבָ֑ר הַגֶּ֕שֶׁם חָלַ֖ף הָלַ֥ךְ לֽוֹ׃

12 ‏הַנִּצָּנִים֙ נִרְא֣וּ בָאָ֔רֶץ עֵ֥ת הַזָּמִ֖יר הִגִּ֑יעַ וְק֥וֹל הַתּ֖וֹר נִשְׁמַ֥ע בְּאַרְצֵֽנוּ׃

13 ‏הַתְּאֵנָה֙ חָֽנְטָ֣ה פַגֶּ֔יהָ וְהַגְּפָנִ֥ים׀ סְמָדַ֖ר נָ֣תְנוּ רֵ֑יחַ ק֥וּמִי לכי לָ֛ךְ רַעְיָתִ֥י יָפָתִ֖י וּלְכִי־לָֽךְ׃ ס

14 ‏יוֹנָתִ֞י בְּחַגְוֵ֣י הַסֶּ֗לַע בְּסֵ֙תֶר֙ הַמַּדְרֵגָ֔ה הַרְאִ֙ינִי֙ אֶת־מַרְאַ֔יִךְ הַשְׁמִיעִ֖ינִי אֶת־קוֹלֵ֑ךְ כִּי־קוֹלֵ֥ךְ עָרֵ֖ב וּמַרְאֵ֥יךְ נָאוֶֽה׃ ס

15 ‏אֶֽחֱזוּ־לָ֙נוּ֙ שֽׁוּעָלִ֔ים שֽׁוּעָלִ֥ים קְטַנִּ֖ים מְחַבְּלִ֣ים כְּרָמִ֑ים וּכְרָמֵ֖ינוּ סְמָדַֽר׃

16 ‏דּוֹדִ֥י לִי֙ וַאֲנִ֣י ל֔וֹ הָרֹעֶ֖ה בַּשּׁוֹשַׁנִּֽים׃

17 ‏עַ֤ד שֶׁיָּפ֙וּחַ֙ הַיּ֔וֹם וְנָ֖סוּ הַצְּלָלִ֑ים סֹב֩ דְּמֵה־לְךָ֙ דוֹדִ֜י לִצְבִ֗י א֛וֹ לְעֹ֥פֶר הָאַיָּלִ֖ים עַל־הָ֥רֵי בָֽתֶר׃ ס

1 ’ănî ḥăḇaṣṣeleṯ haššārwōn šwōšannaṯ hā‘ămāqîm:

2 kəšwōšannâ bên haḥwōḥîm kēn ra‘əyāṯî bên habānwōṯ:

3 kəṯapûḥa ba‘ăṣê hayya‘ar kēn dwōḏî bên habānîm bəṣillwō ḥimmaḏətî wəyāšaḇətî ûfirəywō māṯwōq ləḥikî:

4 hĕḇî’anî ’el-bêṯ hayyāyin wəḏiḡəlwō ‘ālay ’ahăḇâ:

5 samməḵûnî bā’ăšîšwōṯ rapəḏûnî batapûḥîm kî-ḥwōlaṯ ’ahăḇâ ’ānî:

6 śəmō’lwō taḥaṯ lərō’šî wîmînwō təḥabəqēnî:

7 hišəba‘ətî ’eṯəḵem bənwōṯ yərûšālaim biṣəḇā’wōṯ ’wō bə’ayəlwōṯ haśśāḏeh ’im-tā‘îrû| wə’im-tə‘wōrərû ’eṯ-hā’ahăḇâ ‘aḏ šeteḥəpāṣ: s

8 qwōl dwōḏî hinnēh-zeh bā’ məḏallēḡ ‘al-hehārîm məqapēṣ ‘al-hagəḇā‘wōṯ:

9 dwōmeh ḏwōḏî liṣəḇî ’wō lə‘ōfer hā’ayyālîm hinnēh-zeh ‘wōmēḏ ’aḥar kāṯəlēnû mašəgîḥa min-haḥăllōnwōṯ mēṣîṣ min-haḥărakîm:

10 ‘ānâ ḏwōḏî wə’āmar lî qûmî lāḵə ra‘əyāṯî yāfāṯî ûləḵî-lāḵə:

11 kî-hinnēh hassəṯāw hassəṯāyw ‘āḇār hagešem ḥālaf hālaḵə lwō:

12 hanniṣṣānîm nirə’û ḇā’āreṣ ‘ēṯ hazzāmîr higî‘a wəqwōl hatwōr nišəma‘ bə’arəṣēnû:

13 hatə’ēnâ ḥānəṭâ fageyhā wəhagəfānîm| səmāḏar nāṯənû rêḥa qûmî ləḵî lāḵə ra‘əyāṯî yāfāṯî ûləḵî-lāḵə: s

14 ywōnāṯî bəḥaḡəwê hassela‘ bəsēṯer hammaḏərēḡâ harə’înî ’eṯ-marə’ayiḵə hašəmî‘înî ’eṯ-qwōlēḵə kî-qwōlēḵə ‘ārēḇ ûmarə’êḵə nā’weh: s

15 ’eḥĕzû-lānû šû‘ālîm šû‘ālîm qəṭannîm məḥabəlîm kərāmîm ûḵərāmênû səmāḏar:

16 dwōḏî lî wa’ănî lwō hārō‘eh baššwōšannîm:

17 ‘aḏ šeyyāfûḥa hayywōm wənāsû haṣṣəlālîm sōḇ dəmēh-ləḵā ḏwōḏî liṣəḇî ’wō lə‘ōfer hā’ayyālîm ‘al-hārê ḇāṯer: s


Next: Song of Solomon (Shir Hashirim) Chapter 3