‎1 ‏וַיְהִ֗י כְּכַלֹּתוֹ֙ לְדַבֵּ֣ר אֶל־שָׁא֔וּל וְנֶ֙פֶשׁ֙ יְה֣וֹנָתָ֔ן נִקְשְׁרָ֖ה בְּנֶ֣פֶשׁ דָּוִ֑ד ויאהבו וַיֶּאֱהָבֵ֥הוּ יְהוֹנָתָ֖ן כְּנַפְשֽׁוֹ׃

‎2 ‏וַיִּקָּחֵ֥הוּ שָׁא֖וּל בַּיּ֣וֹם הַה֑וּא וְלֹ֣א נְתָנ֔וֹ לָשׁ֖וּב בֵּ֥ית אָבִֽיו׃

‎3 ‏וַיִּכְרֹ֧ת יְהוֹנָתָ֛ן וְדָוִ֖ד בְּרִ֑ית בְּאַהֲבָת֥וֹ אֹת֖וֹ כְּנַפְשֽׁוֹ׃

‎4 ‏וַיִּתְפַּשֵּׁ֣ט יְהוֹנָתָ֗ן אֶֽת־הַמְּעִיל֙ אֲשֶׁ֣ר עָלָ֔יו וַֽיִּתְּנֵ֖הוּ לְדָוִ֑ד וּמַדָּ֕יו וְעַד־חַרְבּ֥וֹ וְעַד־קַשְׁתּ֖וֹ וְעַד־חֲגֹרֽוֹ׃

‎5 ‏וַיֵּצֵ֨א דָוִ֜ד בְּכֹל֩ אֲשֶׁ֨ר יִשְׁלָחֶ֤נּוּ שָׁאוּל֙ יַשְׂכִּ֔יל וַיְשִׂמֵ֣הוּ שָׁא֔וּל עַ֖ל אַנְשֵׁ֣י הַמִּלְחָמָ֑ה וַיִּיטַב֙ בְּעֵינֵ֣י כָל־הָעָ֔ם וְגַ֕ם בְּעֵינֵ֖י עַבְדֵ֥י שָׁאֽוּל׃ פ

‎6 ‏וַיְהִ֣י בְּבוֹאָ֗ם בְּשׁ֤וּב דָּוִד֙ מֵהַכּ֣וֹת אֶת־הַפְּלִשְׁתִּ֔י וַתֵּצֶ֨אנָה הַנָּשִׁ֜ים מִכָּל־עָרֵ֤י יִשְׂרָאֵל֙ לשור לָשִׁ֣יר וְהַמְּחֹל֔וֹת לִקְרַ֖את שָׁא֣וּל הַמֶּ֑לֶךְ בְּתֻפִּ֥ים בְּשִׂמְחָ֖ה וּבְשָׁלִשִֽׁים׃

‎7 ‏וַֽתַּעֲנֶ֛ינָה הַנָּשִׁ֥ים הַֽמְשַׂחֲק֖וֹת וַתֹּאמַ֑רְןָ הִכָּ֤ה שָׁאוּל֙ באלפו בַּאֲלָפָ֔יו וְדָוִ֖ד בְּרִבְבֹתָֽיו׃

‎8 ‏וַיִּ֨חַר לְשָׁא֜וּל מְאֹ֗ד וַיֵּ֤רַע בְּעֵינָיו֙ הַדָּבָ֣ר הַזֶּ֔ה וַיֹּ֗אמֶר נָתְנ֤וּ לְדָוִד֙ רְבָב֔וֹת וְלִ֥י נָתְנ֖וּ הָאֲלָפִ֑ים וְע֥וֹד ל֖וֹ אַ֥ךְ הַמְּלוּכָֽה׃

‎9 ‏וַיְהִ֥י שָׁא֖וּל עון עוֹיֵ֣ן אֶת־דָּוִ֑ד מֵהַיּ֥וֹם הַה֖וּא וָהָֽלְאָה׃ ס

‎10 ‏וַיְהִ֣י מִֽמָּחֳרָ֗ת וַתִּצְלַ֣ח רוּחַ֩ אֱלֹהִ֨ים׀ רָעָ֤ה׀ אֶל־שָׁאוּל֙ וַיִּתְנַבֵּ֣א בְתוֹךְ־הַבַּ֔יִת וְדָוִ֛ד מְנַגֵּ֥ן בְּיָד֖וֹ כְּי֣וֹם׀ בְּי֑וֹם וְהַחֲנִ֖ית בְּיַד־שָׁאֽוּל׃

‎11 ‏וַיָּ֤טֶל שָׁאוּל֙ אֶֽת־הַחֲנִ֔ית וַיֹּ֕אמֶר אַכֶּ֥ה בְדָוִ֖ד וּבַקִּ֑יר וַיִּסֹּ֥ב דָּוִ֛ד מִפָּנָ֖יו פַּעֲמָֽיִם׃

‎12 ‏וַיִּרָ֥א שָׁא֖וּל מִלִּפְנֵ֣י דָוִ֑ד כִּֽי־הָיָ֤ה יְהוָה֙ עִמּ֔וֹ וּמֵעִ֥ם שָׁא֖וּל סָֽר׃

‎13 ‏וַיְסִרֵ֤הוּ שָׁאוּל֙ מֵֽעִמּ֔וֹ וַיְשִׂמֵ֥הוּ ל֖וֹ שַׂר־אָ֑לֶף וַיֵּצֵ֥א וַיָּבֹ֖א לִפְנֵ֥י הָעָֽם׃ פ

‎14 ‏וַיְהִ֥י דָוִ֛ד לְכָל־דָּרְכָ֖ו^q מַשְׂכִּ֑יל וַֽיהוָ֖ה עִמּֽוֹ׃

‎15 ‏וַיַּ֣רְא שָׁא֔וּל אֲשֶׁר־ה֖וּא מַשְׂכִּ֣יל מְאֹ֑ד וַיָּ֖גָר מִפָּנָֽיו׃

‎16 ‏וְכָל־יִשְׂרָאֵל֙ וִיהוּדָ֔ה אֹהֵ֖ב אֶת־דָּוִ֑ד כִּֽי־ה֛וּא יוֹצֵ֥א וָבָ֖א לִפְנֵיהֶֽם׃ פ

‎17 ‏וַיֹּ֨אמֶר שָׁא֜וּל אֶל־דָּוִ֗ד הִנֵּה֩ בִתִּ֨י הַגְּדוֹלָ֤ה מֵרַב֙ אֹתָהּ֙ אֶתֶּן־לְךָ֣ לְאִשָּׁ֔ה אַ֚ךְ הֱיֵה־לִּ֣י לְבֶן־חַ֔יִל וְהִלָּחֵ֖ם מִלְחֲמ֣וֹת יְהוָ֑ה וְשָׁא֣וּל אָמַ֗ר אַל־תְּהִ֤י יָדִי֙ בּ֔וֹ וּתְהִי־ב֖וֹ יַד־פְּלִשְׁתִּֽים׃ ס

‎18 ‏וַיֹּ֨אמֶר דָּוִ֜ד אֶל־שָׁא֗וּל מִ֤י אָֽנֹכִי֙ וּמִ֣י חַיַּ֔י מִשְׁפַּ֥חַת אָבִ֖י בְּיִשְׂרָאֵ֑ל כִּֽי־אֶהְיֶ֥ה חָתָ֖ן לַמֶּֽלֶךְ׃

‎19 ‏וַיְהִ֗י בְּעֵ֥ת תֵּ֛ת אֶת־מֵרַ֥ב בַּת־שָׁא֖וּל לְדָוִ֑ד וְהִ֧יא נִתְּנָ֛ה לְעַדְרִיאֵ֥ל הַמְּחֹלָתִ֖י לְאִשָּֽׁה׃

‎20 ‏וַתֶּאֱהַ֛ב מִיכַ֥ל בַּת־שָׁא֖וּל אֶת־דָּוִ֑ד וַיַּגִּ֣דוּ לְשָׁא֔וּל וַיִּשַׁ֥ר הַדָּבָ֖ר בְּעֵינָֽיו׃

‎21 ‏וַיֹּ֨אמֶר שָׁא֜וּל אֶתְּנֶ֤נָּה לּוֹ֙ וּתְהִי־ל֣וֹ לְמוֹקֵ֔שׁ וּתְהִי־ב֖וֹ יַד־פְּלִשְׁתִּ֑ים וַיֹּ֤אמֶר שָׁאוּל֙ אֶל־דָּוִ֔ד בִּשְׁתַּ֛יִם תִּתְחַתֵּ֥ן בִּ֖י הַיּֽוֹם׃

‎22 ‏וַיְצַ֨ו שָׁא֜וּל אֶת־עֲבָדָ֗ו^q דַּבְּר֨וּ אֶל־דָּוִ֤ד בַּלָּט֙ לֵאמֹ֔ר הִנֵּ֨ה חָפֵ֤ץ בְּךָ֙ הַמֶּ֔לֶךְ וְכָל־עֲבָדָ֖יו אֲהֵב֑וּךָ וְעַתָּ֖ה הִתְחַתֵּ֥ן בַּמֶּֽלֶךְ׃

‎23 ‏וַֽיְדַבְּר֞וּ עַבְדֵ֤י שָׁאוּל֙ בְּאָזְנֵ֣י דָוִ֔ד אֶת־הַדְּבָרִ֖ים הָאֵ֑לֶּה וַיֹּ֣אמֶר דָּוִ֗ד הַֽנְקַלָּ֤ה בְעֵֽינֵיכֶם֙ הִתְחַתֵּ֣ן בַּמֶּ֔לֶךְ וְאָנֹכִ֖י אִֽישׁ־רָ֥שׁ וְנִקְלֶֽה׃

‎24 ‏וַיַּגִּ֜דוּ עַבְדֵ֥י שָׁא֛וּל ל֖וֹ לֵאמֹ֑ר כַּדְּבָרִ֥ים הָאֵ֖לֶּה דִּבֶּ֥ר דָּוִֽד׃ פ

‎25 ‏וַיֹּ֨אמֶר שָׁא֜וּל כֹּֽה־תֹאמְר֣וּ לְדָוִ֗ד אֵֽין־חֵ֤פֶץ לַמֶּ֙לֶךְ֙ בְּמֹ֔הַר כִּ֗י בְּמֵאָה֙ עָרְל֣וֹת פְּלִשְׁתִּ֔ים לְהִנָּקֵ֖ם בְּאֹיְבֵ֣י הַמֶּ֑לֶךְ וְשָׁא֣וּל חָשַׁ֔ב לְהַפִּ֥יל אֶת־דָּוִ֖ד בְּיַד־פְּלִשְׁתִּֽים׃

‎26 ‏וַיַּגִּ֨דוּ עֲבָדָ֤יו לְדָוִד֙ אֶת־הַדְּבָרִ֣ים הָאֵ֔לֶּה וַיִּשַׁ֤ר הַדָּבָר֙ בְּעֵינֵ֣י דָוִ֔ד לְהִתְחַתֵּ֖ן בַּמֶּ֑לֶךְ וְלֹ֥א מָלְא֖וּ הַיָּמִֽים׃

‎27 ‏וַיָּ֨קָם דָּוִ֜ד וַיֵּ֣לֶךְ׀ ה֣וּא וַאֲנָשָׁ֗יו וַיַּ֣ךְ בַּפְּלִשְׁתִּים֮ מָאתַ֣יִם אִישׁ֒ וַיָּבֵ֤א דָוִד֙ אֶת־עָרְלֹ֣תֵיהֶ֔ם וַיְמַלְא֣וּם לַמֶּ֔לֶךְ לְהִתְחַתֵּ֖ן בַּמֶּ֑לֶךְ וַיִּתֶּן־ל֥וֹ שָׁא֛וּל אֶת־מִיכַ֥ל בִּתּ֖וֹ לְאִשָּֽׁה׃ ס

‎28 ‏וַיַּ֤רְא שָׁאוּל֙ וַיֵּ֔דַע כִּ֥י יְהוָ֖ה עִם־דָּוִ֑ד וּמִיכַ֥ל בַּת־שָׁא֖וּל אֲהֵבַֽתְהוּ׃

‎29 ‏וַיֹּ֣אסֶף שָׁא֗וּל לֵרֹ֛א מִפְּנֵ֥י דָוִ֖ד ע֑וֹד וַיְהִ֥י שָׁא֛וּל אֹיֵ֥ב אֶת־דָּוִ֖ד כָּל־הַיָּמִֽים׃ ס

‎30 ‏וַיֵּצְא֖וּ שָׂרֵ֣י פְלִשְׁתִּ֑ים וַיְהִ֣י׀ מִדֵּ֣י צֵאתָ֗ם שָׂכַ֤ל דָּוִד֙ מִכֹּל֙ עַבְדֵ֣י שָׁא֔וּל וַיִּיקַ֥ר שְׁמ֖וֹ מְאֹֽד׃ ס

1 wayəhî kəḵallōṯwō ləḏabēr ’el-šā’ûl wənefeš yəhwōnāṯān niqəšərâ bənefeš dāwiḏ wayye’ĕhāḇwō wayye’ĕhāḇēhû yəhwōnāṯān kənafəšwō:

2 wayyiqqāḥēhû šā’ûl bayywōm hahû’ wəlō’ nəṯānwō lāšûḇ bêṯ ’āḇîw:

3 wayyiḵərōṯ yəhwōnāṯān wəḏāwiḏ bərîṯ bə’ahăḇāṯwō ’ōṯwō kənafəšwō:

4 wayyiṯəpaššēṭ yəhwōnāṯān ’eṯ-hammə‘îl ’ăšer ‘ālāyw wayyitənēhû ləḏāwiḏ ûmadāyw wə‘aḏ-ḥarəbwō wə‘aḏ-qašətwō wə‘aḏ-ḥăḡōrwō:

5 wayyēṣē’ ḏāwiḏ bəḵōl ’ăšer yišəlāḥennû šā’ûl yaśəkîl wayəśimēhû šā’ûl ‘al ’anəšê hammiləḥāmâ wayyîṭaḇ bə‘ênê ḵāl-hā‘ām wəḡam bə‘ênê ‘aḇəḏê šā’ûl: f

6 wayəhî bəḇwō’ām bəšûḇ dāwiḏ mēhakwōṯ ’eṯ-hapəlišətî watēṣe’nâ hannāšîm mikāl-‘ārê yiśərā’ēl lāšûr lāšîr wəhamməḥōlwōṯ liqəra’ṯ šā’ûl hammeleḵə bəṯupîm bəśiməḥâ ûḇəšālišîm:

7 wat^a‘ăneynâ hannāšîm haməś^aḥăqwōṯ watō’marənā hikâ šā’ûl bə’ălāfāw ba’ălāfāyw wəḏāwiḏ bəriḇəḇōṯāyw:

8 wayyiḥar ləšā’ûl mə’ōḏ wayyēr^a‘ bə‘ênāyw hadāḇār hazzeh wayyō’mer nāṯənû ləḏāwiḏ rəḇāḇwōṯ wəlî nāṯənû hā’ălāfîm wə‘wōḏ lwō ’aḵə hamməlûḵâ:

9 wayəhî šā’ûl ‘āwōn ‘wōyēn ’eṯ-dāwiḏ mēhayywōm hahû’ wâālə’â: s

10 wayəhî mimmāḥŏrāṯ watiṣəl^aḥ rûḥa ’ĕlōhîm| rā‘â| ’el-šā’ûl wayyiṯənabē’ ḇəṯwōḵə-habayiṯ wəḏāwiḏ mənagēn bəyāḏwō kəywōm| bəywōm wəh^aḥănîṯ bəyaḏ-šā’ûl:

11 wayyāṭel šā’ûl ’eṯ-h^aḥănîṯ wayyō’mer ’akeh ḇəḏāwiḏ ûḇaqqîr wayyissōḇ dāwiḏ mipānāyw p^a‘ămāyim:

12 wayyirā’ šā’ûl millifənê ḏāwiḏ kî-hāyâ yəhwâ ‘immwō ûmē‘im šā’ûl sār:

13 wayəsirēhû šā’ûl mē‘immwō wayəśimēhû lwō śar-’ālef wayyēṣē’ wayyāḇō’ lifənê hā‘ām: f

14 wayəhî ḏāwiḏ ləḵāl-dārəḵāw^q maśəkîl wayhwâ ‘immwō:

15 wayyarə’ šā’ûl ’ăšer-hû’ maśəkîl mə’ōḏ wayyāḡār mipānāyw:

16 wəḵāl-yiśərā’ēl wîhûḏâ ’ōhēḇ ’eṯ-dāwiḏ kî-hû’ ywōṣē’ wāḇā’ lifənêhem: f

17 wayyō’mer šā’ûl ’el-dāwiḏ hinnēh ḇitî hagəḏwōlâ mēraḇ ’ōṯāh ’eten-ləḵā lə’iššâ ’aḵə hĕyēh-llî ləḇen-ḥayil wəhillāḥēm miləḥămwōṯ yəhwâ wəšā’ûl ’āmar ’al-təhî yāḏî bwō ûṯəhî-ḇwō yaḏ-pəlišətîm: s

18 wayyō’mer dāwiḏ ’el-šā’ûl mî ’ānōḵî ûmî ḥayyay mišəp^aḥaṯ ’āḇî bəyiśərā’ēl kî-’ehəyeh ḥāṯān lammeleḵə:

19 wayəhî bə‘ēṯ tēṯ ’eṯ-mēraḇ baṯ-šā’ûl ləḏāwiḏ wəhî’ nitənâ lə‘aḏərî’ēl hamməḥōlāṯî lə’iššâ:

20 wate’ĕhaḇ mîḵal baṯ-šā’ûl ’eṯ-dāwiḏ wayyagiḏû ləšā’ûl wayyišar hadāḇār bə‘ênāyw:

21 wayyō’mer šā’ûl ’etənennâ llwō ûṯəhî-lwō ləmwōqēš ûṯəhî-ḇwō yaḏ-pəlišətîm wayyō’mer šā’ûl ’el-dāwiḏ bišətayim tiṯəḥatēn bî hayywōm:

22 wayəṣaw šā’ûl ’eṯ-‘ăḇāḏāw^q dabərû ’el-dāwiḏ ballāṭ lē’mōr hinnēh ḥāfēṣ bəḵā hammeleḵə wəḵāl-‘ăḇāḏāyw ’ăhēḇûḵā wə‘atâ hiṯəḥatēn bammeleḵə:

23 wayəḏabərû ‘aḇəḏê šā’ûl bə’āzənê ḏāwiḏ ’eṯ-hadəḇārîm hā’ēlleh wayyō’mer dāwiḏ hanəqallâ ḇə‘ênêḵem hiṯəḥatēn bammeleḵə wə’ānōḵî ’îš-rāš wəniqəleh:

24 wayyagiḏû ‘aḇəḏê šā’ûl lwō lē’mōr kadəḇārîm hā’ēlleh diber dāwiḏ: f

25 wayyō’mer šā’ûl kōh-ṯō’mərû ləḏāwiḏ ’ên-ḥēfeṣ lammeleḵə bəmōhar kî bəmē’â ‘ārəlwōṯ pəlišətîm ləhinnāqēm bə’ōyəḇê hammeleḵə wəšā’ûl ḥāšaḇ ləhapîl ’eṯ-dāwiḏ bəyaḏ-pəlišətîm:

26 wayyagiḏû ‘ăḇāḏāyw ləḏāwiḏ ’eṯ-hadəḇārîm hā’ēlleh wayyišar hadāḇār bə‘ênê ḏāwiḏ ləhiṯəḥatēn bammeleḵə wəlō’ mālə’û hayyāmîm:

27 wayyāqām dāwiḏ wayyēleḵə| hû’ wa’ănāšāyw wayyaḵə bapəlišətîm mā’ṯayim ’îš wayyāḇē’ ḏāwiḏ ’eṯ-‘ārəlōṯêhem wayəmalə’ûm lammeleḵə ləhiṯəḥatēn bammeleḵə wayyiten-lwō šā’ûl ’eṯ-mîḵal bitwō lə’iššâ: s

28 wayyarə’ šā’ûl wayyēḏ^a‘ kî yəhwâ ‘im-dāwiḏ ûmîḵal baṯ-šā’ûl ’ăhēḇaṯəhû:

29 wayyō’sef šā’ûl lērō’ mipənê ḏāwiḏ ‘wōḏ wayəhî šā’ûl ’ōyēḇ ’eṯ-dāwiḏ kāl-hayyāmîm: s

30 wayyēṣə’û śārê fəlišətîm wayəhî| midê ṣē’ṯām śāḵal dāwiḏ mikōl ‘aḇəḏê šā’ûl wayyîqar šəmwō mə’ōḏ: s