Sacred Texts  Bible  Index 
Polyglot  KJV  Sep  Vul 

1 Samuel (1 Shmuel) Index
  Previous  Next 

Tanach (Hebrew): 1 Samuel (1 Shmuel) Chapter 2

1 ‏וַתִּתְפַּלֵּ֤ל חַנָּה֙ וַתֹּאמַ֔ר עָלַ֤ץ לִבִּי֙ בַּֽיהוָ֔ה רָ֥מָה קַרְנִ֖י בַּֽיהוָ֑ה רָ֤חַב פִּי֙ עַל־א֣וֹיְבַ֔י כִּ֥י שָׂמַ֖חְתִּי בִּישׁוּעָתֶֽךָ׃

2 ‏אֵין־קָד֥וֹשׁ כַּיהוָ֖ה כִּ֣י אֵ֣ין בִּלְתֶּ֑ךָ וְאֵ֥ין צ֖וּר כֵּאלֹהֵֽינוּ׃

3 ‏אַל־תַּרְבּ֤וּ תְדַבְּרוּ֙ גְּבֹהָ֣ה גְבֹהָ֔ה יֵצֵ֥א עָתָ֖ק מִפִּיכֶ֑ם כִּ֣י אֵ֤ל דֵּעוֹת֙ יְהוָ֔ה ולא וְל֥וֹ נִתְכְּנ֖וּ עֲלִלֽוֹת׃

4 ‏קֶ֥שֶׁת גִּבֹּרִ֖ים חַתִּ֑ים וְנִכְשָׁלִ֖ים אָ֥זְרוּ חָֽיִל׃

5 ‏שְׂבֵעִ֤ים בַּלֶּ֙חֶם֙ נִשְׂכָּ֔רוּ וּרְעֵבִ֖ים חָדֵ֑לּוּ עַד־עֲקָרָה֙ יָלְדָ֣ה שִׁבְעָ֔ה וְרַבַּ֥ת בָּנִ֖ים אֻמְלָֽלָה׃

6 ‏יְהוָ֖ה מֵמִ֣ית וּמְחַיֶּ֑ה מוֹרִ֥יד שְׁא֖וֹל וַיָּֽעַל׃

7 ‏יְהוָ֖ה מוֹרִ֣ישׁ וּמַעֲשִׁ֑יר מַשְׁפִּ֖יל אַף־מְרוֹמֵֽם׃

8 ‏מֵקִ֨ים מֵעָפָ֜ר דָּ֗ל מֵֽאַשְׁפֹּת֙ יָרִ֣ים אֶבְי֔וֹן לְהוֹשִׁיב֙ עִם־נְדִיבִ֔ים וְכִסֵּ֥א כָב֖וֹד יַנְחִלֵ֑ם כִּ֤י לַֽיהוָה֙ מְצֻ֣קֵי אֶ֔רֶץ וַיָּ֥שֶׁת עֲלֵיהֶ֖ם תֵּבֵֽל׃

9 ‏רַגְלֵ֤י חסידו חֲסִידָיו֙ יִשְׁמֹ֔ר וּרְשָׁעִ֖ים בַּחֹ֣שֶׁךְ יִדָּ֑מּוּ כִּֽי־לֹ֥א בְכֹ֖חַ יִגְבַּר־אִֽישׁ׃

10 ‏יְהוָ֞ה יֵחַ֣תּוּ מריבו מְרִיבָ֗יו עלו עָלָיו֙ בַּשָּׁמַ֣יִם יַרְעֵ֔ם יְהוָ֖ה יָדִ֣ין אַפְסֵי־אָ֑רֶץ וְיִתֶּן־עֹ֣ז לְמַלְכּ֔וֹ וְיָרֵ֖ם קֶ֥רֶן מְשִׁיחֽוֹ׃ פ

11 ‏וַיֵּ֧לֶךְ אֶלְקָנָ֛ה הָרָמָ֖תָה עַל־בֵּית֑וֹ וְהַנַּ֗עַר הָיָ֤ה מְשָׁרֵת֙ אֶת־יְהוָ֔ה אֶת־פְּנֵ֖י עֵלִ֥י הַכֹּהֵֽן׃

12 ‏וּבְנֵ֥י עֵלִ֖י בְּנֵ֣י בְלִיָּ֑עַל לֹ֥א יָדְע֖וּ אֶת־יְהוָֽה׃

13 ‏וּמִשְׁפַּ֥ט הַכֹּהֲנִ֖ים אֶת־הָעָ֑ם כָּל־אִ֞ישׁ זֹבֵ֣חַ זֶ֗בַח וּבָ֨א נַ֤עַר הַכֹּהֵן֙ כְּבַשֵּׁ֣ל הַבָּשָׂ֔ר וְהַמַּזְלֵ֛ג שְׁלֹ֥שׁ־הַשִּׁנַּ֖יִם בְּיָדֽוֹ׃

14 ‏וְהִכָּ֨ה בַכִּיּ֜וֹר א֣וֹ בַדּ֗וּד א֤וֹ בַקַּלַּ֙חַת֙ א֣וֹ בַפָּר֔וּר כֹּ֚ל אֲשֶׁ֣ר יַעֲלֶ֣ה הַמַּזְלֵ֔ג יִקַּ֥ח הַכֹּהֵ֖ן בּ֑וֹ כָּ֚כָה יַעֲשׂ֣וּ לְכָל־יִשְׂרָאֵ֔ל הַבָּאִ֥ים שָׁ֖ם בְּשִׁלֹֽה׃

15 ‏גַּם֮ בְּטֶרֶם֮ יַקְטִר֣וּן אֶת־הַחֵלֶב֒ וּבָ֣א׀ נַ֣עַר הַכֹּהֵ֗ן וְאָמַר֙ לָאִ֣ישׁ הַזֹּבֵ֔חַ תְּנָ֣ה בָשָׂ֔ר לִצְל֖וֹת לַכֹּהֵ֑ן וְלֹֽא־יִקַּ֧ח מִמְּךָ֛ בָּשָׂ֥ר מְבֻשָּׁ֖ל כִּ֥י אִם־חָֽי׃

16 ‏וַיֹּ֨אמֶר אֵלָ֜יו הָאִ֗ישׁ קַטֵּ֨ר יַקְטִיר֤וּן כַּיּוֹם֙ הַחֵ֔לֶב וְקַ֨ח־לְךָ֔ כַּאֲשֶׁ֥ר תְּאַוֶּ֖ה נַפְשֶׁ֑ךָ וְאָמַ֥ר׀ לו לֹא֙ כִּ֚י עַתָּ֣ה תִתֵּ֔ן וְאִם־לֹ֖א לָקַ֥חְתִּי בְחָזְקָֽה׃

17 ‏וַתְּהִ֨י חַטַּ֧את הַנְּעָרִ֛ים גְּדוֹלָ֥ה מְאֹ֖ד אֶת־פְּנֵ֣י יְהוָ֑ה כִּ֤י נִֽאֲצוּ֙ הָֽאֲנָשִׁ֔ים אֵ֖ת מִנְחַ֥ת יְהוָֽה׃

18 ‏וּשְׁמוּאֵ֕ל מְשָׁרֵ֖ת אֶת־פְּנֵ֣י יְהוָ֑ה נַ֕עַר חָג֖וּר אֵפ֥וֹד בָּֽד׃

19 ‏וּמְעִ֤יל קָטֹן֙ תַּעֲשֶׂה־לּ֣וֹ אִמּ֔וֹ וְהַעַלְתָ֥ה ל֖וֹ מִיָּמִ֣ים׀ יָמִ֑ימָה בַּֽעֲלוֹתָהּ֙ אֶת־אִישָׁ֔הּ לִזְבֹּ֖חַ אֶת־זֶ֥בַח הַיָּמִֽים׃

20 ‏וּבֵרַ֨ךְ עֵלִ֜י אֶת־אֶלְקָנָ֣ה וְאֶת־אִשְׁתּ֗וֹ וְאָמַר֙ יָשֵׂם֩ יְהוָ֨ה לְךָ֥ זֶ֙רַע֙ מִן־הָאִשָּׁ֣ה הַזֹּ֔את תַּ֚חַת הַשְּׁאֵלָ֔ה אֲשֶׁ֥ר שָׁאַ֖ל לַֽיהוָ֑ה וְהָלְכ֖וּ לִמְקֹמֽוֹ׃

21 ‏כִּֽי־פָקַ֤ד יְהוָה֙ אֶת־חַנָּ֔ה וַתַּ֛הַר וַתֵּ֥לֶד שְׁלֹשָֽׁה־בָנִ֖ים וּשְׁתֵּ֣י בָנ֑וֹת וַיִּגְדַּ֛ל הַנַּ֥עַר שְׁמוּאֵ֖ל עִם־יְהוָֽה׃ ס

22 ‏וְעֵלִ֖י זָקֵ֣ן מְאֹ֑ד וְשָׁמַ֗ע אֵת֩ כָּל־אֲשֶׁ֨ר יַעֲשׂ֤וּן בָּנָיו֙ לְכָל־יִשְׂרָאֵ֔ל וְאֵ֤ת אֲשֶֽׁר־יִשְׁכְּבוּן֙ אֶת־הַנָּשִׁ֔ים הַצֹּ֣בְא֔וֹת פֶּ֖תַח אֹ֥הֶל מוֹעֵֽד׃

23 ‏וַיֹּ֣אמֶר לָהֶ֔ם לָ֥מָּה תַעֲשׂ֖וּן כַּדְּבָרִ֣ים הָאֵ֑לֶּה אֲשֶׁ֨ר אָנֹכִ֤י שֹׁמֵ֙עַ֙ אֶת־דִּבְרֵיכֶ֣ם רָעִ֔ים מֵאֵ֖ת כָּל־הָעָ֥ם אֵֽלֶּה׃

24 ‏אַ֖ל בָּנָ֑י כִּ֠י לֽוֹא־טוֹבָ֤ה הַשְּׁמֻעָה֙ אֲשֶׁ֣ר אָנֹכִ֣י שֹׁמֵ֔עַ מַעֲבִרִ֖ים עַם־יְהוָֽה׃

25 ‏אִם־יֶחֱטָ֨א אִ֤ישׁ לְאִישׁ֙ וּפִֽלְל֣וֹ אֱלֹהִ֔ים וְאִ֤ם לַֽיהוָה֙ יֶֽחֱטָא־אִ֔ישׁ מִ֖י יִתְפַּלֶּל־ל֑וֹ וְלֹ֤א יִשְׁמְעוּ֙ לְק֣וֹל אֲבִיהֶ֔ם כִּֽי־חָפֵ֥ץ יְהוָ֖ה לַהֲמִיתָֽם׃

26 ‏וְהַנַּ֣עַר שְׁמוּאֵ֔ל הֹלֵ֥ךְ וְגָדֵ֖ל וָט֑וֹב גַּ֚ם עִם־יְהוָ֔ה וְגַ֖ם עִם־אֲנָשִֽׁים׃ ס

27 ‏וַיָּבֹ֥א אִישׁ־אֱלֹהִ֖ים אֶל־עֵלִ֑י וַיֹּ֣אמֶר אֵלָ֗יו כֹּ֚ה אָמַ֣ר יְהוָ֔ה הֲנִגְלֹ֤ה נִגְלֵ֙יתִי֙ אֶל־בֵּ֣ית אָבִ֔יךָ בִּֽהְיוֹתָ֥ם בְּמִצְרַ֖יִם לְבֵ֥ית פַּרְעֹֽה׃

28 ‏וּבָחֹ֣ר אֹ֠תוֹ מִכָּל־שִׁבְטֵ֨י יִשְׂרָאֵ֥ל לִי֙ לְכֹהֵ֔ן לַעֲל֣וֹת עַֽל־מִזְבְּחִ֗י לְהַקְטִ֥יר קְטֹ֛רֶת לָשֵׂ֥את אֵפ֖וֹד לְפָנָ֑י וָֽאֶתְּנָה֙ לְבֵ֣ית אָבִ֔יךָ אֶת־כָּל־אִשֵּׁ֖י בְּנֵ֥י יִשְׂרָאֵֽל׃

29 ‏לָ֣מָּה תִבְעֲט֗וּ בְּזִבְחִי֙ וּבְמִנְחָתִ֔י אֲשֶׁ֥ר צִוִּ֖יתִי מָע֑וֹן וַתְּכַבֵּ֤ד אֶת־בָּנֶ֙יךָ֙ מִמֶּ֔נִּי לְהַבְרִֽיאֲכֶ֗ם מֵרֵאשִׁ֛ית כָּל־מִנְחַ֥ת יִשְׂרָאֵ֖ל לְעַמִּֽי׃

30 ‏לָכֵ֗ן נְאֻם־יְהוָה֮ אֱלֹהֵ֣י יִשְׂרָאֵל֒ אָמ֣וֹר אָמַ֔רְתִּי בֵּֽיתְךָ֙ וּבֵ֣ית אָבִ֔יךָ יִתְהַלְּכ֥וּ לְפָנַ֖י עַד־עוֹלָ֑ם וְעַתָּ֤ה נְאֻם־יְהוָה֙ חָלִ֣ילָה לִּ֔י כִּֽי־מְכַבְּדַ֥י אֲכַבֵּ֖ד וּבֹזַ֥י יֵקָֽלּוּ׃

31 ‏הִנֵּה֙ יָמִ֣ים בָּאִ֔ים וְגָֽדַעְתִּי֙ אֶת־זְרֹ֣עֲךָ֔ וְאֶת־זְרֹ֖עַ בֵּ֣ית אָבִ֑יךָ מִֽהְי֥וֹת זָקֵ֖ן בְּבֵיתֶֽךָ׃

32 ‏וְהִבַּטְתָּ֙ צַ֣ר מָע֔וֹן בְּכֹ֥ל אֲשֶׁר־יֵיטִ֖יב אֶת־יִשְׂרָאֵ֑ל וְלֹֽא־יִהְיֶ֥ה זָקֵ֛ן בְּבֵיתְךָ֖ כָּל־הַיָּמִֽים׃

33 ‏וְאִ֗ישׁ לֹֽא־אַכְרִ֤ית לְךָ֙ מֵעִ֣ם מִזְבְּחִ֔י לְכַלּ֥וֹת אֶת־עֵינֶ֖יךָ וְלַאֲדִ֣יב אֶת־נַפְשֶׁ֑ךָ וְכָל־מַרְבִּ֥ית בֵּיתְךָ֖ יָמ֥וּתוּ אֲנָשִֽׁים׃

34 ‏וְזֶה־לְּךָ֣ הָא֗וֹת אֲשֶׁ֤ר יָבֹא֙ אֶל־שְׁנֵ֣י בָנֶ֔יךָ אֶל־חָפְנִ֖י וּפִֽינְחָ֑ס בְּי֥וֹם אֶחָ֖ד יָמ֥וּתוּ שְׁנֵיהֶֽם׃

35 ‏וַהֲקִימֹתִ֥י לִי֙ כֹּהֵ֣ן נֶאֱמָ֔ן כַּאֲשֶׁ֛ר בִּלְבָבִ֥י וּבְנַפְשִׁ֖י יַעֲשֶׂ֑ה וּבָנִ֤יתִי לוֹ֙ בַּ֣יִת נֶאֱמָ֔ן וְהתְהַלֵּ֥ךְ1 לִפְנֵֽי־מְשִׁיחִ֖י כָּל־הַיָּמִֽים׃

36 ‏וְהָיָ֗ה כָּל־הַנּוֹתָר֙ בְּבֵ֣יתְךָ֔ יָבוֹא֙ לְהִשְׁתַּחֲוֹ֣ת ל֔וֹ לַאֲג֥וֹרַת כֶּ֖סֶף וְכִכַּר־לָ֑חֶם וְאָמַ֗ר סְפָחֵ֥נִי נָ֛א אֶל־אַחַ֥ת הַכְּהֻנּ֖וֹת לֶאֱכֹ֥ל פַּת־לָֽחֶם׃ ס

1 watiṯəpallēl ḥannâ watō’mar ‘ālaṣ libî bayhwâ rāmâ qarənî bayhwâ rāḥaḇ pî ‘al-’wōyəḇay kî śāmaḥətî bîšû‘āṯeḵā:

2 ’ên-qāḏwōš kayhwâ kî ’ên biləteḵā wə’ên ṣûr kē’lōhênû:

3 ’al-tarəbû ṯəḏabərû gəḇōhâ ḡəḇōhâ yēṣē’ ‘āṯāq mipîḵem kî ’ēl dē‘wōṯ yəhwâ wəlō’ wəlwō niṯəkənû ‘ălilwōṯ:

4 qešeṯ gibōrîm ḥatîm wəniḵəšālîm ’āzərû ḥāyil:

5 śəḇē‘îm balleḥem niśəkārû ûrə‘ēḇîm ḥāḏēllû ‘aḏ-‘ăqārâ yāləḏâ šiḇə‘â wərabaṯ bānîm ’uməlālâ:

6 yəhwâ mēmîṯ ûməḥayyeh mwōrîḏ šə’wōl wayyā‘al:

7 yəhwâ mwōrîš ûma‘ăšîr mašəpîl ’af-mərwōmēm:

8 mēqîm mē‘āfār dāl mē’ašəpōṯ yārîm ’eḇəywōn ləhwōšîḇ ‘im-nəḏîḇîm wəḵissē’ ḵāḇwōḏ yanəḥilēm kî layhwâ məṣuqê ’ereṣ wayyāšeṯ ‘ălêhem tēḇēl:

9 raḡəlê ḥăsîḏwō ḥăsîḏāyw yišəmōr ûrəšā‘îm baḥōšeḵə yidāmmû kî-lō’ ḇəḵōḥa yiḡəbar-’îš:

10 yəhwâ yēḥatû mərîḇwō mərîḇāyw ‘ālwō ‘ālāyw baššāmayim yarə‘ēm yəhwâ yāḏîn ’afəsê-’āreṣ wəyiten-‘ōz ləmaləkwō wəyārēm qeren məšîḥwō: f

11 wayyēleḵə ’eləqānâ hārāmāṯâ ‘al-bêṯwō wəhanna‘ar hāyâ məšārēṯ ’eṯ-yəhwâ ’eṯ-pənê ‘ēlî hakōhēn:

12 ûḇənê ‘ēlî bənê ḇəlîyā‘al lō’ yāḏə‘û ’eṯ-yəhwâ:

13 ûmišəpaṭ hakōhănîm ’eṯ-hā‘ām kāl-’îš zōḇēḥa zeḇaḥ ûḇā’ na‘ar hakōhēn kəḇaššēl habāśār wəhammazəlēḡ šəlōš-haššinnayim bəyāḏwō:

14 wəhikâ ḇakîywōr ’wō ḇadûḏ ’wō ḇaqqallaḥaṯ ’wō ḇapārûr kōl ’ăšer ya‘ăleh hammazəlēḡ yiqqaḥ hakōhēn bwō kāḵâ ya‘ăśû ləḵāl-yiśərā’ēl habā’îm šām bəšilōh:

15 gam bəṭerem yaqəṭirûn ’eṯ-haḥēleḇ ûḇā’| na‘ar hakōhēn wə’āmar lā’îš hazzōḇēḥa tənâ ḇāśār liṣəlwōṯ lakōhēn wəlō’-yiqqaḥ mimməḵā bāśār məḇuššāl kî ’im-ḥāy:

16 wayyō’mer ’ēlāyw hā’îš qaṭṭēr yaqəṭîrûn kayywōm haḥēleḇ wəqaḥ-ləḵā ka’ăšer tə’aûeh nafəšeḵā wə’āmar| lwō lō’ kî ‘atâ ṯitēn wə’im-lō’ lāqaḥətî ḇəḥāzəqâ:

17 watəhî ḥaṭṭa’ṯ hannə‘ārîm gəḏwōlâ mə’ōḏ ’eṯ-pənê yəhwâ kî ni’ăṣû hā’ănāšîm ’ēṯ minəḥaṯ yəhwâ:

18 ûšəmû’ēl məšārēṯ ’eṯ-pənê yəhwâ na‘ar ḥāḡûr ’ēfwōḏ bāḏ:

19 ûmə‘îl qāṭōn ta‘ăśeh-llwō ’immwō wəha‘aləṯâ lwō mîyāmîm| yāmîmâ ba‘ălwōṯāh ’eṯ-’îšāh lizəbōḥa ’eṯ-zeḇaḥ hayyāmîm:

20 ûḇēraḵə ‘ēlî ’eṯ-’eləqānâ wə’eṯ-’išətwō wə’āmar yāśēm yəhwâ ləḵā zera‘ min-hā’iššâ hazzō’ṯ taḥaṯ haššə’ēlâ ’ăšer šā’al layhwâ wəhāləḵû liməqōmwō:

21 kî-fāqaḏ yəhwâ ’eṯ-ḥannâ watahar watēleḏ šəlōšâ-ḇānîm ûšətê ḇānwōṯ wayyiḡədal hanna‘ar šəmû’ēl ‘im-yəhwâ: s

22 wə‘ēlî zāqēn mə’ōḏ wəšāma‘ ’ēṯ kāl-’ăšer ya‘ăśûn bānāyw ləḵāl-yiśərā’ēl wə’ēṯ ’ăšer-yišəkəḇûn ’eṯ-hannāšîm haṣṣōḇə’wōṯ peṯaḥ ’ōhel mwō‘ēḏ:

23 wayyō’mer lâem lāmmâ ṯa‘ăśûn kadəḇārîm hā’ēlleh ’ăšer ’ānōḵî šōmē‘a ’eṯ-diḇərêḵem rā‘îm mē’ēṯ kāl-hā‘ām ’ēlleh:

24 ’al bānāy kî lwō’-ṭwōḇâ haššəmu‘â ’ăšer ’ānōḵî šōmē‘a ma‘ăḇirîm ‘am-yəhwâ:

25 ’im-yeḥĕṭā’ ’îš lə’îš ûfiləlwō ’ĕlōhîm wə’im layhwâ yeḥĕṭā’-’îš mî yiṯəpallel-lwō wəlō’ yišəmə‘û ləqwōl ’ăḇîhem kî-ḥāfēṣ yəhwâ lahămîṯām:

26 wəhanna‘ar šəmû’ēl hōlēḵə wəḡāḏēl wāṭwōḇ gam ‘im-yəhwâ wəḡam ‘im-’ănāšîm: s

27 wayyāḇō’ ’îš-’ĕlōhîm ’el-‘ēlî wayyō’mer ’ēlāyw kōh ’āmar yəhwâ hăniḡəlōh niḡəlêṯî ’el-bêṯ ’āḇîḵā bihəywōṯām bəmiṣərayim ləḇêṯ parə‘ōh:

28 ûḇāḥōr ’ōṯwō mikāl-šiḇəṭê yiśərā’ēl lî ləḵōhēn la‘ălwōṯ ‘al-mizəbəḥî ləhaqəṭîr qəṭōreṯ lāśē’ṯ ’ēfwōḏ ləfānāy wā’etənâ ləḇêṯ ’āḇîḵā ’eṯ-kāl-’iššê bənê yiśərā’ēl:

29 lāmmâ ṯiḇə‘ăṭû bəziḇəḥî ûḇəminəḥāṯî ’ăšer ṣiûîṯî mā‘wōn watəḵabēḏ ’eṯ-bāneyḵā mimmennî ləhaḇərî’ăḵem mērē’šîṯ kāl-minəḥaṯ yiśərā’ēl lə‘ammî:

30 lāḵēn nə’um-yəhwâ ’ĕlōhê yiśərā’ēl ’āmwōr ’āmarətî bêṯəḵā ûḇêṯ ’āḇîḵā yiṯəhalləḵû ləfānay ‘aḏ-‘wōlām wə‘atâ nə’um-yəhwâ ḥālîlâ llî kî-məḵabəḏay ’ăḵabēḏ ûḇōzay yēqāllû:

31 hinnēh yāmîm bā’îm wəḡāḏa‘ətî ’eṯ-zərō‘ăḵā wə’eṯ-zərō‘a bêṯ ’āḇîḵā mihəywōṯ zāqēn bəḇêṯeḵā:

32 wəhibaṭətā ṣar mā‘wōn bəḵōl ’ăšer-yêṭîḇ ’eṯ-yiśərā’ēl wəlō’-yihəyeh zāqēn bəḇêṯəḵā kāl-hayyāmîm:

33 wə’îš lō’-’aḵərîṯ ləḵā mē‘im mizəbəḥî ləḵallwōṯ ’eṯ-‘êneyḵā wəla’ăḏîḇ ’eṯ-nafəšeḵā wəḵāl-marəbîṯ bêṯəḵā yāmûṯû ’ănāšîm:

34 wəzeh-lləḵā hā’wōṯ ’ăšer yāḇō’ ’el-šənê ḇāneyḵā ’el-ḥāfənî ûfînəḥās bəywōm ’eḥāḏ yāmûṯû šənêhem:

35 wahăqîmōṯî lî kōhēn ne’ĕmān ka’ăšer biləḇāḇî ûḇənafəšî ya‘ăśeh ûḇānîṯî lwō bayiṯ ne’ĕmān wəhṯəhallēḵə1 lifənê-məšîḥî kāl-hayyāmîm:

36 wəhāyâ kāl-hannwōṯār bəḇêṯəḵā yāḇwō’ ləhišətaḥăwōṯ lwō la’ăḡwōraṯ kesef wəḵikar-lāḥem wə’āmar səfāḥēnî nā’ ’el-’aḥaṯ hakəhunnwōṯ le’ĕḵōl paṯ-lāḥem: s


Next: 1 Samuel (1 Shmuel) Chapter 3