Sacred Texts  Bible  Index 
Polyglot  KJV  Vul 

Nehemiah (Nechemiyah) Index
  Previous  Next 

Tanach (Hebrew): Nehemiah (Nechemiyah) Chapter 2

1 ‏וַיְהִ֣י׀ בְּחֹ֣דֶשׁ נִיסָ֗ן שְׁנַ֥ת עֶשְׂרִ֛ים לְאַרְתַּחְשַׁ֥סְתְּא1 הַמֶּ֖לֶךְ יַ֣יִן לְפָנָ֑יו וָאֶשָּׂ֤א אֶת־הַיַּ֙יִן֙ וָאֶתְּנָ֣ה לַמֶּ֔לֶךְ וְלֹא־הָיִ֥יתִי רַ֖ע לְפָנָֽיו׃

2 ‏וַיֹּאמֶר֩ לִ֨י הַמֶּ֜לֶךְ מַדּ֣וּעַ׀ פָּנֶ֣יךָ רָעִ֗ים וְאַתָּה֙ אֵֽינְךָ֣ חוֹלֶ֔ה אֵ֣ין זֶ֔ה כִּי־אִ֖ם רֹ֣עַֽ לֵ֑ב וָאִירָ֖א הַרְבֵּ֥ה מְאֹֽד׃

3 ‏וָאֹמַ֣ר לַמֶּ֔לֶךְ הַמֶּ֖לֶךְ לְעוֹלָ֣ם יִחְיֶ֑ה מַדּ֜וּעַ לֹא־יֵרְע֣וּ פָנַ֗י אֲשֶׁ֨ר הָעִ֜יר בֵּית־קִבְר֤וֹת אֲבֹתַי֙ חֲרֵבָ֔ה וּשְׁעָרֶ֖יהָ אֻכְּל֥וּ בָאֵֽשׁ׃ ס

4 ‏וַיֹּ֤אמֶר לִי֙ הַמֶּ֔לֶךְ עַל־מַה־זֶּ֖ה אַתָּ֣ה מְבַקֵּ֑שׁ וָֽאֶתְפַּלֵּ֔ל אֶל־אֱלֹהֵ֖י הַשָּׁמָֽיִם׃

5 ‏וָאֹמַ֣ר לַמֶּ֔לֶךְ אִם־עַל־הַמֶּ֣לֶךְ ט֔וֹב וְאִם־יִיטַ֥ב עַבְדְּךָ֖ לְפָנֶ֑יךָ אֲשֶׁ֧ר תִּשְׁלָחֵ֣נִי אֶל־יְהוּדָ֗ה אֶל־עִ֛יר קִבְר֥וֹת אֲבֹתַ֖י וְאֶבְנֶֽנָּה׃

6 ‏וַיֹּאמֶר֩ לִ֨י הַמֶּ֜לֶךְ וְהַשֵּׁגַ֣ל׀ יוֹשֶׁ֣בֶת אֶצְל֗וֹ עַד־מָתַ֛י יִהְיֶ֥ה מַֽהֲלָכֲךָ֖ וּמָתַ֣י תָּשׁ֑וּב וַיִּיטַ֤ב לִפְנֵֽי־הַמֶּ֙לֶךְ֙ וַיִּשְׁלָחֵ֔נִי וָֽאֶתְּנָ֥ה ל֖וֹ זְמָֽן׃

7 ‏וָאוֹמַר֮ לַמֶּלֶךְ֒ אִם־עַל־הַמֶּ֣לֶךְ ט֔וֹב אִגְּרוֹת֙ יִתְּנוּ־לִ֔י עַֽל־פַּחֲו֖וֹת עֵ֣בֶר הַנָּהָ֑ר אֲשֶׁר֙ יַעֲבִיר֔וּנִי עַ֥ד אֲשֶׁר־אָב֖וֹא אֶל־יְהוּדָֽה׃

8 ‏וְאִגֶּ֡רֶת אֶל־אָסָף֩ שֹׁמֵ֨ר הַפַּרְדֵּ֜ס אֲשֶׁ֣ר לַמֶּ֗לֶךְ אֲשֶׁ֣ר יִתֶּן־לִ֣י עֵצִ֡ים לְ֠קָרוֹת אֶת־שַׁעֲרֵ֨י הַבִּירָ֤ה אֲשֶׁר־לַבַּ֙יִת֙ וּלְחוֹמַ֣ת הָעִ֔יר וְלַבַּ֖יִת אֲשֶׁר־אָב֣וֹא אֵלָ֑יו וַיִּתֶּן־לִ֣י הַמֶּ֔לֶךְ כְּיַד־אֱלֹהַ֖י הַטּוֹבָ֥ה עָלָֽי׃

9 ‏וָֽאָב֗וֹא אֶֽל־פַּֽחֲווֹת֙3 עֵ֣בֶר הַנָּהָ֔ר וָאֶתְּנָ֣ה לָהֶ֔ם אֵ֖ת אִגְּר֣וֹת הַמֶּ֑לֶךְ וַיִּשְׁלַ֤ח עִמִּי֙ הַמֶּ֔לֶךְ שָׂ֥רֵי חַ֖יִל וּפָרָשִֽׁים׃ פ

10 ‏וַיִּשְׁמַ֞ע סַנְבַלַּ֣ט הַחֹרֹנִ֗י וְטֽוֹבִיָּה֙ הָעֶ֣בֶד הָֽעַמֹּנִ֔י וַיֵּ֥רַע לָהֶ֖ם רָעָ֣ה גְדֹלָ֑ה אֲשֶׁר־בָּ֥א אָדָ֔ם לְבַקֵּ֥שׁ טוֹבָ֖ה לִבְנֵ֥י יִשְׂרָאֵֽל׃

11 ‏וָאָב֖וֹא אֶל־יְרוּשָׁלִָ֑ם וָאֱהִי־שָׁ֖ם יָמִ֥ים שְׁלֹשָֽׁה׃

12 ‏וָאָק֣וּם׀ לַ֗יְלָה אֲנִי֮ וַאֲנָשִׁ֣ים׀ מְעַט֮ עִמִּי֒ וְלֹא־הִגַּ֣דְתִּי לְאָדָ֔ם מָ֗ה אֱלֹהַי֙ נֹתֵ֣ן אֶל־לִבִּ֔י לַעֲשׂ֖וֹת לִירוּשָׁלִָ֑ם וּבְהֵמָה֙ אֵ֣ין עִמִּ֔י כִּ֚י אִם־הַבְּהֵמָ֔ה אֲשֶׁ֥ר אֲנִ֖י רֹכֵ֥ב בָּֽהּ׃

13 ‏וָאֵצְאָ֨ה בְשַֽׁעַר־הַגַּ֜יא לַ֗יְלָה וְאֶל־פְּנֵי֙ עֵ֣ין הַתַּנִּ֔ין וְאֶל־שַׁ֖עַר הָאַשְׁפֹּ֑ת וָאֱהִ֨י שֹׂבֵ֜ר בְּחוֹמֹ֤ת יְרוּשָׁלִַ֙ם֙ אֲשֶׁר־המפרוצים הֵ֣ם׀ פְּרוּצִ֔ים וּשְׁעָרֶ֖יהָ אֻכְּל֥וּ בָאֵֽשׁ׃

14 ‏וָאֶֽעֱבֹר֙ אֶל־שַׁ֣עַר הָעַ֔יִן וְאֶל־בְּרֵכַ֖ת הַמֶּ֑לֶךְ וְאֵין־מָק֥וֹם לַבְּהֵמָ֖ה לַעֲבֹ֥ר תַּחְתָּֽי׃

15 ‏וָאֱהִ֨י עֹלֶ֤ה בַנַּ֙חַל֙ לַ֔יְלָה וָאֱהִ֥י שֹׂבֵ֖ר בַּחוֹמָ֑ה וָאָשׁ֗וּב וָאָב֛וֹא בְּשַׁ֥עַר הַגַּ֖יְא וָאָשֽׁוּב׃

16 ‏וְהַסְּגָנִ֗ים לֹ֤א יָדְעוּ֙ אָ֣נָה הָלַ֔כְתִּי וּמָ֖ה אֲנִ֣י עֹשֶׂ֑ה וְלַיְּהוּדִ֨ים וְלַכֹּהֲנִ֜ים וְלַחֹרִ֣ים וְלַסְּגָנִ֗ים וּלְיֶ֙תֶר֙ עֹשֵׂ֣ה הַמְּלָאכָ֔ה עַד־כֵּ֖ן לֹ֥א הִגַּֽדְתִּי׃

17 ‏וָאוֹמַ֣ר אֲלֵהֶ֗ם אַתֶּ֤ם רֹאִים֙ הָרָעָה֙ אֲשֶׁ֣ר אֲנַ֣חְנוּ בָ֔הּ אֲשֶׁ֤ר יְרוּשָׁלִַ֙ם֙ חֲרֵבָ֔ה וּשְׁעָרֶ֖יהָ נִצְּת֣וּ בָאֵ֑שׁ לְכ֗וּ וְנִבְנֶה֙ אֶת־חוֹמַ֣ת יְרוּשָׁלִַ֔ם וְלֹא־נִהְיֶ֥ה ע֖וֹד חֶרְפָּֽה׃

18 ‏וָאַגִּ֨יד לָהֶ֜ם אֶת־יַ֣ד אֱלֹהַ֗י אֲשֶׁר־הִיא֙ טוֹבָ֣ה עָלַ֔י וְאַף־דִּבְרֵ֥י הַמֶּ֖לֶךְ אֲשֶׁ֣ר אָֽמַר־לִ֑י וַיֹּֽאמְרוּ֙ נָק֣וּם וּבָנִ֔ינוּ וַיְחַזְּק֥וּ יְדֵיהֶ֖ם לַטּוֹבָֽה׃ פ

19 ‏וַיִּשְׁמַע֩ סַנְבַלַּ֨ט הַחֹרֹנִ֜י וְטֹבִיָּ֣ה׀ הָעֶ֣בֶד הָֽעַמּוֹנִ֗י וְגֶ֙שֶׁם֙ הָֽעַרְבִ֔י וַיַּלְעִ֣גוּ לָ֔נוּ וַיִּבְז֖וּ עָלֵ֑ינוּ וַיֹּאמְר֗וּ מָֽה־הַדָּבָ֤ר הַזֶּה֙ אֲשֶׁ֣ר אַתֶּ֣ם עֹשִׂ֔ים הַעַ֥ל הַמֶּ֖לֶךְ אַתֶּ֥ם מֹרְדִֽים׃

20 ‏וָאָשִׁ֨יב אוֹתָ֜ם דָּבָ֗ר וָאוֹמַ֤ר לָהֶם֙ אֱלֹהֵ֣י הַשָּׁמַ֔יִם ה֚וּא יַצְלִ֣יחַֽ לָ֔נוּ וַאֲנַ֥חְנוּ עֲבָדָ֖יו נָק֣וּם וּבָנִ֑ינוּ וְלָכֶ֗ם אֵֽין־חֵ֧לֶק וּצְדָקָ֛ה וְזִכָּר֖וֹן בִּירוּשָׁלִָֽם׃

1 wayəhî| bəḥōḏeš nîsān šənaṯ ‘eśərîm lə’arətaḥəšasətə’1 hammeleḵə yayin ləfānāyw wā’eśśā’ ’eṯ-hayyayin wā’etənâ lammeleḵə wəlō’-hāyîṯî ra‘ ləfānāyw:

2 wayyō’mer lî hammeleḵə madû‘a| pāneyḵā rā‘îm wə’atâ ’ênəḵā ḥwōleh ’ên zeh kî-’im rō‘a lēḇ wā’îrā’ harəbēh mə’ōḏ:

3 wā’ōmar lammeleḵə hammeleḵə lə‘wōlām yiḥəyeh madû‘a lō’-yērə‘û fānay ’ăšer hā‘îr bêṯ-qiḇərwōṯ ’ăḇōṯay ḥărēḇâ ûšə‘āreyhā ’ukəlû ḇā’ēš: s

4 wayyō’mer lî hammeleḵə ‘al-mah-zzeh ’atâ məḇaqqēš wā’eṯəpallēl ’el-’ĕlōhê haššāmāyim:

5 wā’ōmar lammeleḵə ’im-‘al-hammeleḵə ṭwōḇ wə’im-yîṭaḇ ‘aḇədəḵā ləfāneyḵā ’ăšer tišəlāḥēnî ’el-yəhûḏâ ’el-‘îr qiḇərwōṯ ’ăḇōṯay wə’eḇənennâ:

6 wayyō’mer lî hammeleḵə wəhaššēḡal| ywōšeḇeṯ ’eṣəlwō ‘aḏ-māṯay yihəyeh mahălāḵăḵā ûmāṯay tāšûḇ wayyîṭaḇ lifənê-hammeleḵə wayyišəlāḥēnî wā’etənâ lwō zəmān:

7 wā’wōmar lammeleḵə ’im-‘al-hammeleḵə ṭwōḇ ’igərwōṯ yitənû-lî ‘al-paḥăwwōṯ ‘ēḇer hannâār ’ăšer ya‘ăḇîrûnî ‘aḏ ’ăšer-’āḇwō’ ’el-yəhûḏâ:

8 wə’igereṯ ’el-’āsāf šōmēr haparədēs ’ăšer lammeleḵə ’ăšer yiten-lî ‘ēṣîm ləqārwōṯ ’eṯ-ša‘ărê habîrâ ’ăšer-labayiṯ ûləḥwōmaṯ hā‘îr wəlabayiṯ ’ăšer-’āḇwō’ ’ēlāyw wayyiten-lî hammeleḵə kəyaḏ-’ĕlōhay haṭṭwōḇâ ‘ālāy:

9 wā’āḇwō’ ’el-paḥăwwōṯ3 ‘ēḇer hannâār wā’etənâ lâem ’ēṯ ’igərwōṯ hammeleḵə wayyišəlaḥ ‘immî hammeleḵə śārê ḥayil ûfārāšîm: f

10 wayyišəma‘ sanəḇallaṭ haḥōrōnî wəṭwōḇîyâ hā‘eḇeḏ hā‘ammōnî wayyēra‘ lâem rā‘â ḡəḏōlâ ’ăšer-bā’ ’āḏām ləḇaqqēš ṭwōḇâ liḇənê yiśərā’ēl:

11 wā’āḇwō’ ’el-yərûšālāim wā’ĕhî-šām yāmîm šəlōšâ:

12 wā’āqûm| layəlâ ’ănî wa’ănāšîm| mə‘aṭ ‘immî wəlō’-higaḏətî lə’āḏām mâ ’ĕlōhay nōṯēn ’el-libî la‘ăśwōṯ lîrûšālāim ûḇəhēmâ ’ên ‘immî kî ’im-habəhēmâ ’ăšer ’ănî rōḵēḇ bāh:

13 wā’ēṣə’â ḇəša‘ar-hagay’ layəlâ wə’el-pənê ‘ên hatannîn wə’el-ša‘ar hā’ašəpōṯ wā’ĕhî śōḇēr bəḥwōmōṯ yərûšālaim ’ăšer-haməfōrwāṣîm hēm| pərûṣîm ûšə‘āreyhā ’ukəlû ḇā’ēš:

14 wā’e‘ĕḇōr ’el-ša‘ar hā‘ayin wə’el-bərēḵaṯ hammeleḵə wə’ên-māqwōm labəhēmâ la‘ăḇōr taḥətāy:

15 wā’ĕhî ‘ōleh ḇannaḥal layəlâ wā’ĕhî śōḇēr baḥwōmâ wā’āšûḇ wā’āḇwō’ bəša‘ar hagayə’ wā’āšûḇ:

16 wəhassəḡānîm lō’ yāḏə‘û ’ānâ hālaḵətî ûmâ ’ănî ‘ōśeh wəlayyəhûḏîm wəlakōhănîm wəlaḥōrîm wəlassəḡānîm ûləyeṯer ‘ōśēh hamməlā’ḵâ ‘aḏ-kēn lō’ higaḏətî:

17 wā’wōmar ’ălēhem ’atem rō’îm hārā‘â ’ăšer ’ănaḥənû ḇāh ’ăšer yərûšālaim ḥărēḇâ ûšə‘āreyhā niṣṣəṯû ḇā’ēš ləḵû wəniḇəneh ’eṯ-ḥwōmaṯ yərûšālaim wəlō’-nihəyeh ‘wōḏ ḥerəpâ:

18 wā’agîḏ lâem ’eṯ-yaḏ ’ĕlōhay ’ăšer-hî’ ṭwōḇâ ‘ālay wə’af-diḇərê hammeleḵə ’ăšer ’āmar-lî wayyō’mərû nāqûm ûḇānînû wayəḥazzəqû yəḏêhem laṭṭwōḇâ: f

19 wayyišəma‘ sanəḇallaṭ haḥōrōnî wəṭōḇîyâ| hā‘eḇeḏ hā‘ammwōnî wəḡešem hā‘arəḇî wayyalə‘iḡû lānû wayyiḇəzû ‘ālênû wayyō’mərû mâ-hadāḇār hazzeh ’ăšer ’atem ‘ōśîm ha‘al hammeleḵə ’atem mōrəḏîm:

20 wā’āšîḇ ’wōṯām dāḇār wā’wōmar lâem ’ĕlōhê haššāmayim hû’ yaṣəlîḥa lānû wa’ănaḥənû ‘ăḇāḏāyw nāqûm ûḇānînû wəlāḵem ’ên-ḥēleq ûṣəḏāqâ wəzikārwōn bîrûšālāim:


Next: Nehemiah (Nechemiyah) Chapter 3