‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏קַ֤ח אֶֽת־אַהֲרֹן֙ וְאֶת־בָּנָ֣יו אִתּ֔וֹ וְאֵת֙ הַבְּגָדִ֔ים וְאֵ֖ת שֶׁ֣מֶן הַמִּשְׁחָ֑ה וְאֵ֣ת׀ פַּ֣ר הַֽחַטָּ֗את וְאֵת֙ שְׁנֵ֣י הָֽאֵילִ֔ים וְאֵ֖ת סַ֥ל הַמַּצּֽוֹת׃

‎3 ‏וְאֵ֥ת כָּל־הָעֵדָ֖ה הַקְהֵ֑ל אֶל־פֶּ֖תַח אֹ֥הֶל מוֹעֵֽד׃

‎4 ‏וַיַּ֣עַשׂ מֹשֶׁ֔ה כַּֽאֲשֶׁ֛ר צִוָּ֥ה יְהוָ֖ה אֹת֑וֹ וַתִּקָּהֵל֙ הָֽעֵדָ֔ה אֶל־פֶּ֖תַח אֹ֥הֶל מוֹעֵֽד׃

‎5 ‏וַיֹּ֥אמֶר מֹשֶׁ֖ה אֶל־הָעֵדָ֑ה זֶ֣ה הַדָּבָ֔ר אֲשֶׁר־צִוָּ֥ה יְהוָ֖ה לַעֲשֽׂוֹת׃

‎6 ‏וַיַּקְרֵ֣ב מֹשֶׁ֔ה אֶֽת־אַהֲרֹ֖ן וְאֶת־בָּנָ֑יו וַיִּרְחַ֥ץ אֹתָ֖ם בַּמָּֽיִם׃

‎7 ‏וַיִּתֵּ֨ן עָלָ֜יו אֶת־הַכֻּתֹּ֗נֶת וַיַּחְגֹּ֤ר אֹתוֹ֙ בָּֽאַבְנֵ֔ט וַיַּלְבֵּ֤שׁ אֹתוֹ֙ אֶֽת־הַמְּעִ֔יל וַיִּתֵּ֥ן עָלָ֖יו אֶת־הָאֵפֹ֑ד וַיַּחְגֹּ֣ר אֹת֗וֹ בְּחֵ֙שֶׁב֙ הָֽאֵפֹ֔ד וַיֶּאְפֹּ֥ד ל֖וֹ בּֽוֹ׃

‎8 ‏וַיָּ֥שֶׂם עָלָ֖יו אֶת־הַחֹ֑שֶׁן וַיִּתֵּן֙ אֶל־הַחֹ֔שֶׁן אֶת־הָאוּרִ֖ים וְאֶת־הַתֻּמִּֽים׃

‎9 ‏וַיָּ֥שֶׂם אֶת־הַמִּצְנֶ֖פֶת עַל־רֹאשׁ֑וֹ וַיָּ֨שֶׂם עַֽל־הַמִּצְנֶ֜פֶת אֶל־מ֣וּל פָּנָ֗יו אֵ֣ת צִ֤יץ הַזָּהָב֙ נֵ֣זֶר הַקֹּ֔דֶשׁ כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎10 ‏וַיִּקַּ֤ח מֹשֶׁה֙ אֶת־שֶׁ֣מֶן הַמִּשְׁחָ֔ה וַיִּמְשַׁ֥ח אֶת־הַמִּשְׁכָּ֖ן וְאֶת־כָּל־אֲשֶׁר־בּ֑וֹ וַיְקַדֵּ֖שׁ אֹתָֽם׃

‎11 ‏וַיַּ֥ז מִמֶּ֛נּוּ עַל־הַמִּזְבֵּ֖חַ שֶׁ֣בַע פְּעָמִ֑ים וַיִּמְשַׁ֨ח אֶת־הַמִּזְבֵּ֜חַ וְאֶת־כָּל־כֵּלָ֗יו וְאֶת־הַכִּיֹּ֛ר וְאֶת־כַּנּ֖וֹ לְקַדְּשָֽׁם׃

‎12 ‏וַיִּצֹק֙ מִשֶּׁ֣מֶן הַמִּשְׁחָ֔ה עַ֖ל רֹ֣אשׁ אַהֲרֹ֑ן וַיִּמְשַׁ֥ח אֹת֖וֹ לְקַדְּשֽׁוֹ׃

‎13 ‏וַיַּקְרֵ֨ב מֹשֶׁ֜ה אֶת־בְּנֵ֣י אַהֲרֹ֗ן וַיַּלְבִּשֵׁ֤ם כֻּתֳּנֹת֙ וַיַּחְגֹּ֤ר אֹתָם֙ אַבְנֵ֔ט וַיַּחֲבֹ֥שׁ לָהֶ֖ם מִגְבָּע֑וֹת כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎14 ‏וַיַּגֵּ֕שׁ אֵ֖ת פַּ֣ר הַֽחַטָּ֑את וַיִּסְמֹ֨ךְ אַהֲרֹ֤ן וּבָנָיו֙ אֶת־יְדֵיהֶ֔ם עַל־רֹ֖אשׁ פַּ֥ר הַֽחַטָּֽאת׃

‎15 ‏וַיִּשְׁחָ֗ט וַיִּקַּ֨ח מֹשֶׁ֤ה אֶת־הַדָּם֙ וַ֠יִּתֵּן עַל־קַרְנ֨וֹת הַמִּזְבֵּ֤חַ סָבִיב֙ בְּאֶצְבָּע֔וֹ וַיְחַטֵּ֖א אֶת־הַמִּזְבֵּ֑חַ וְאֶת־הַדָּ֗ם יָצַק֙ אֶל־יְס֣וֹד הַמִּזְבֵּ֔חַ וַֽיְקַדְּשֵׁ֖הוּ לְכַפֵּ֥ר עָלָֽיו׃

‎16 ‏וַיִּקַּ֗ח אֶֽת־כָּל־הַחֵלֶב֮ אֲשֶׁ֣ר עַל־הַקֶּרֶב֒ וְאֵת֙ יֹתֶ֣רֶת הַכָּבֵ֔ד וְאֶת־שְׁתֵּ֥י הַכְּלָיֹ֖ת וְאֶֽת־חֶלְבְּהֶ֑ן וַיַּקְטֵ֥ר מֹשֶׁ֖ה הַמִּזְבֵּֽחָה׃

‎17 ‏וְאֶת־הַפָּ֤ר וְאֶת־עֹרוֹ֙ וְאֶת־בְּשָׂר֣וֹ וְאֶת־פִּרְשׁ֔וֹ שָׂרַ֣ף בָּאֵ֔שׁ מִח֖וּץ לַֽמַּחֲנֶ֑ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎18 ‏וַיַּקְרֵ֕ב אֵ֖ת אֵ֣יל הָעֹלָ֑ה וַֽיִּסְמְכ֞וּ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

‎19 ‏וַיִּשְׁחָ֑ט וַיִּזְרֹ֨ק מֹשֶׁ֧ה אֶת־הַדָּ֛ם עַל־הַמִּזְבֵּ֖חַ סָבִֽיב׃

‎20 ‏וְאֶת־הָאַ֔יִל נִתַּ֖ח לִנְתָחָ֑יו וַיַּקְטֵ֤ר מֹשֶׁה֙ אֶת־הָרֹ֔אשׁ וְאֶת־הַנְּתָחִ֖ים וְאֶת־הַפָּֽדֶר׃

‎21 ‏וְאֶת־הַקֶּ֥רֶב וְאֶת־הַכְּרָעַ֖יִם רָחַ֣ץ בַּמָּ֑יִם וַיַּקְטֵר֩ מֹשֶׁ֨ה אֶת־כָּל־הָאַ֜יִל הַמִּזְבֵּ֗חָה עֹלָ֨ה ה֤וּא לְרֵֽיחַ־נִיחֹ֙חַ֙ אִשֶּׁ֥ה הוּא֙ לַיהוָ֔ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎22 ‏וַיַּקְרֵב֙ אֶת־הָאַ֣יִל הַשֵּׁנִ֔י אֵ֖יל הַמִּלֻּאִ֑ים וַֽיִּסְמְכ֞וּ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

‎23 ‏וַיִּשְׁחָ֓ט׀ וַיִּקַּ֤ח מֹשֶׁה֙ מִדָּמ֔וֹ וַיִּתֵּ֛ן עַל־תְּנ֥וּךְ אֹֽזֶן־אַהֲרֹ֖ן הַיְמָנִ֑ית וְעַל־בֹּ֤הֶן יָדוֹ֙ הַיְמָנִ֔ית וְעַל־בֹּ֥הֶן רַגְל֖וֹ הַיְמָנִֽית׃

‎24 ‏וַיַּקְרֵ֞ב אֶת־בְּנֵ֣י אַהֲרֹ֗ן וַיִּתֵּ֨ן מֹשֶׁ֤ה מִן־הַדָּם֙ עַל־תְּנ֤וּךְ אָזְנָם֙ הַיְמָנִ֔ית וְעַל־בֹּ֤הֶן יָדָם֙ הַיְמָנִ֔ית וְעַל־בֹּ֥הֶן רַגְלָ֖ם הַיְמָנִ֑ית וַיִּזְרֹ֨ק מֹשֶׁ֧ה אֶת־הַדָּ֛ם עַל־הַֽמִּזְבֵּ֖חַ סָבִֽיב׃

‎25 ‏וַיִּקַּ֞ח אֶת־הַחֵ֣לֶב וְאֶת־הָֽאַלְיָ֗ה וְאֶֽת־כָּל־הַחֵלֶב֮ אֲשֶׁ֣ר עַל־הַקֶּרֶב֒ וְאֵת֙ יֹתֶ֣רֶת הַכָּבֵ֔ד וְאֶת־שְׁתֵּ֥י הַכְּלָיֹ֖ת וְאֶֽת־חֶלְבְּהֶ֑ן וְאֵ֖ת שׁ֥וֹק הַיָּמִֽין׃

‎26 ‏וּמִסַּ֨ל הַמַּצּ֜וֹת אֲשֶׁ֣ר׀ לִפְנֵ֣י יְהוָ֗ה לָ֠קַח חַלַּ֨ת מַצָּ֤ה אַחַת֙ וְֽחַלַּ֨ת לֶ֥חֶם שֶׁ֛מֶן אַחַ֖ת וְרָקִ֣יק אֶחָ֑ד וַיָּ֙שֶׂם֙ עַל־הַ֣חֲלָבִ֔ים וְעַ֖ל שׁ֥וֹק הַיָּמִֽין׃

‎27 ‏וַיִּתֵּ֣ן אֶת־הַכֹּ֔ל עַ֚ל כַּפֵּ֣י אַהֲרֹ֔ן וְעַ֖ל כַּפֵּ֣י בָנָ֑יו וַיָּ֧נֶף אֹתָ֛ם תְּנוּפָ֖ה לִפְנֵ֥י יְהוָֽה׃

‎28 ‏וַיִּקַּ֨ח מֹשֶׁ֤ה אֹתָם֙ מֵעַ֣ל כַּפֵּיהֶ֔ם וַיַּקְטֵ֥ר הַמִּזְבֵּ֖חָה עַל־הָעֹלָ֑ה מִלֻּאִ֥ים הֵם֙ לְרֵ֣יחַ נִיחֹ֔חַ אִשֶּׁ֥ה ה֖וּא לַיהוָֽה׃

‎29 ‏וַיִּקַּ֤ח מֹשֶׁה֙ אֶת־הֶ֣חָזֶ֔ה וַיְנִיפֵ֥הוּ תְנוּפָ֖ה לִפְנֵ֣י יְהוָ֑ה מֵאֵ֣יל הַמִּלֻּאִ֗ים לְמֹשֶׁ֤ה הָיָה֙ לְמָנָ֔ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎30 ‏וַיִּקַּ֨ח מֹשֶׁ֜ה מִשֶּׁ֣מֶן הַמִּשְׁחָ֗ה וּמִן־הַדָּם֮ אֲשֶׁ֣ר עַל־הַמִּזְבֵּחַ֒ וַיַּ֤ז עַֽל־אַהֲרֹן֙ עַל־בְּגָדָ֔יו וְעַל־בָּנָ֛יו וְעַל־בִּגְדֵ֥י בָנָ֖יו אִתּ֑וֹ וַיְקַדֵּ֤שׁ אֶֽת־אַהֲרֹן֙ אֶת־בְּגָדָ֔יו וְאֶת־בָּנָ֛יו וְאֶת־בִּגְדֵ֥י בָנָ֖יו אִתּֽוֹ׃

‎31 ‏וַיֹּ֨אמֶר מֹשֶׁ֜ה אֶל־אַהֲרֹ֣ן וְאֶל־בָּנָ֗יו בַּשְּׁל֣וּ אֶת־הַבָּשָׂר֮ פֶּ֣תַח אֹ֣הֶל מוֹעֵד֒ וְשָׁם֙ תֹּאכְל֣וּ אֹת֔וֹ וְאֶ֨ת־הַלֶּ֔חֶם אֲשֶׁ֖ר בְּסַ֣ל הַמִּלֻּאִ֑ים כַּאֲשֶׁ֤ר צִוֵּ֙יתִי֙ לֵאמֹ֔ר אַהֲרֹ֥ן וּבָנָ֖יו יֹאכְלֻֽהוּ׃

‎32 ‏וְהַנּוֹתָ֥ר בַּבָּשָׂ֖ר וּבַלָּ֑חֶם בָּאֵ֖שׁ תִּשְׂרֹֽפוּ׃

‎33 ‏וּמִפֶּתַח֩ אֹ֨הֶל מוֹעֵ֜ד לֹ֤א תֵֽצְאוּ֙ שִׁבְעַ֣ת יָמִ֔ים עַ֚ד י֣וֹם מְלֹ֔את יְמֵ֖י מִלֻּאֵיכֶ֑ם כִּ֚י שִׁבְעַ֣ת יָמִ֔ים יְמַלֵּ֖א אֶת־יֶדְכֶֽם׃

‎34 ‏כַּאֲשֶׁ֥ר עָשָׂ֖ה בַּיּ֣וֹם הַזֶּ֑ה צִוָּ֧ה יְהוָ֛ה לַעֲשֹׂ֖ת לְכַפֵּ֥ר עֲלֵיכֶֽם׃

‎35 ‏וּפֶתַח֩ אֹ֨הֶל מוֹעֵ֜ד תֵּשְׁב֨וּ יוֹמָ֤ם וָלַ֙יְלָה֙ שִׁבְעַ֣ת יָמִ֔ים וּשְׁמַרְתֶּ֛ם אֶת־מִשְׁמֶ֥רֶת יְהוָ֖ה וְלֹ֣א תָמ֑וּתוּ כִּי־כֵ֖ן צֻוֵּֽיתִי׃

‎36 ‏וַיַּ֥עַשׂ אַהֲרֹ֖ן וּבָנָ֑יו אֵ֚ת כָּל־הַדְּבָרִ֔ים אֲשֶׁר־צִוָּ֥ה יְהוָ֖ה בְּיַד־מֹשֶֽׁה׃ ס

1 wayəḏabēr yəhwâ ’el-mōšeh llē’mōr:

2 q^aḥ ’eṯ-’ahărōn wə’eṯ-bānāyw ’itwō wə’ēṯ habəḡāḏîm wə’ēṯ šemen hammišəḥâ wə’ēṯ| par h^aḥaṭṭā’ṯ wə’ēṯ šənê hā’êlîm wə’ēṯ sal hammaṣṣwōṯ:

3 wə’ēṯ kāl-hā‘ēḏâ haqəhēl ’el-peṯ^aḥ ’ōhel mwō‘ēḏ:

4 wayy^a‘aś mōšeh ka’ăšer ṣiûâ yəhwâ ’ōṯwō watiqqâēl hā‘ēḏâ ’el-peṯ^aḥ ’ōhel mwō‘ēḏ:

5 wayyō’mer mōšeh ’el-hā‘ēḏâ zeh hadāḇār ’ăšer-ṣiûâ yəhwâ l^a‘ăśwōṯ:

6 wayyaqərēḇ mōšeh ’eṯ-’ahărōn wə’eṯ-bānāyw wayyirəḥaṣ ’ōṯām bammāyim:

7 wayyitēn ‘ālāyw ’eṯ-hakutōneṯ wayy^aḥəgōr ’ōṯwō bā’aḇənēṭ wayyaləbēš ’ōṯwō ’eṯ-hammə‘îl wayyitēn ‘ālāyw ’eṯ-hā’ēfōḏ wayy^aḥəgōr ’ōṯwō bəḥēšeḇ hā’ēfōḏ wayye’əpōḏ lwō bwō:

8 wayyāśem ‘ālāyw ’eṯ-h^aḥōšen wayyitēn ’el-h^aḥōšen ’eṯ-hā’ûrîm wə’eṯ-hatummîm:

9 wayyāśem ’eṯ-hammiṣənefeṯ ‘al-rō’šwō wayyāśem ‘al-hammiṣənefeṯ ’el-mûl pānāyw ’ēṯ ṣîṣ hazzâāḇ nēzer haqqōḏeš ka’ăšer ṣiûâ yəhwâ ’eṯ-mōšeh:

10 wayyiqq^aḥ mōšeh ’eṯ-šemen hammišəḥâ wayyiməš^aḥ ’eṯ-hammišəkān wə’eṯ-kāl-’ăšer-bwō wayəqadēš ’ōṯām:

11 wayyaz mimmennû ‘al-hammizəbēḥa šeḇ^a‘ pə‘āmîm wayyiməš^aḥ ’eṯ-hammizəbēḥa wə’eṯ-kāl-kēlāyw wə’eṯ-hakîyōr wə’eṯ-kannwō ləqadəšām:

12 wayyiṣōq miššemen hammišəḥâ ‘al rō’š ’ahărōn wayyiməš^aḥ ’ōṯwō ləqadəšwō:

13 wayyaqərēḇ mōšeh ’eṯ-bənê ’ahărōn wayyaləbišēm kutŏnōṯ wayy^aḥəgōr ’ōṯām ’aḇənēṭ wayy^aḥăḇōš lâem miḡəbā‘wōṯ ka’ăšer ṣiûâ yəhwâ ’eṯ-mōšeh:

14 wayyagēš ’ēṯ par h^aḥaṭṭā’ṯ wayyisəmōḵə ’ahărōn ûḇānāyw ’eṯ-yəḏêhem ‘al-rō’š par h^aḥaṭṭā’ṯ:

15 wayyišəḥāṭ wayyiqq^aḥ mōšeh ’eṯ-hadām wayyitēn ‘al-qarənwōṯ hammizəbēḥa sāḇîḇ bə’eṣəbā‘wō wayəḥaṭṭē’ ’eṯ-hammizəbēḥa wə’eṯ-hadām yāṣaq ’el-yəswōḏ hammizəbēḥa wayəqadəšēhû ləḵapēr ‘ālāyw:

16 wayyiqq^aḥ ’eṯ-kāl-h^aḥēleḇ ’ăšer ‘al-haqqereḇ wə’ēṯ yōṯereṯ hakāḇēḏ wə’eṯ-šətê hakəlāyōṯ wə’eṯ-ḥeləbəhen wayyaqəṭēr mōšeh hammizəbēḥâ:

17 wə’eṯ-hapār wə’eṯ-‘ōrwō wə’eṯ-bəśārwō wə’eṯ-pirəšwō śāraf bā’ēš miḥûṣ lamm^aḥăneh ka’ăšer ṣiûâ yəhwâ ’eṯ-mōšeh:

18 wayyaqərēḇ ’ēṯ ’êl hā‘ōlâ wayyisəməḵû ’ahărōn ûḇānāyw ’eṯ-yəḏêhem ‘al-rō’š hā’āyil:

19 wayyišəḥāṭ wayyizərōq mōšeh ’eṯ-hadām ‘al-hammizəbēḥa sāḇîḇ:

20 wə’eṯ-hā’ayil nit^aḥ linəṯāḥāyw wayyaqəṭēr mōšeh ’eṯ-hārō’š wə’eṯ-hannəṯāḥîm wə’eṯ-hapāḏer:

21 wə’eṯ-haqqereḇ wə’eṯ-hakərā‘ayim rāḥaṣ bammāyim wayyaqəṭēr mōšeh ’eṯ-kāl-hā’ayil hammizəbēḥâ ‘ōlâ hû’ lərêḥa-nîḥōḥa ’iššeh hû’ layhwâ ka’ăšer ṣiûâ yəhwâ ’eṯ-mōšeh:

22 wayyaqərēḇ ’eṯ-hā’ayil haššēnî ’êl hammillu’îm wayyisəməḵû ’ahărōn ûḇānāyw ’eṯ-yəḏêhem ‘al-rō’š hā’āyil:

23 wayyišəḥāṭ| wayyiqq^aḥ mōšeh midāmwō wayyitēn ‘al-tənûḵə ’ōzen-’ahărōn hayəmānîṯ wə‘al-bōhen yāḏwō hayəmānîṯ wə‘al-bōhen raḡəlwō hayəmānîṯ:

24 wayyaqərēḇ ’eṯ-bənê ’ahărōn wayyitēn mōšeh min-hadām ‘al-tənûḵə ’āzənām hayəmānîṯ wə‘al-bōhen yāḏām hayəmānîṯ wə‘al-bōhen raḡəlām hayəmānîṯ wayyizərōq mōšeh ’eṯ-hadām ‘al-hammizəbēḥa sāḇîḇ:

25 wayyiqq^aḥ ’eṯ-h^aḥēleḇ wə’eṯ-hā’aləyâ wə’eṯ-kāl-h^aḥēleḇ ’ăšer ‘al-haqqereḇ wə’ēṯ yōṯereṯ hakāḇēḏ wə’eṯ-šətê hakəlāyōṯ wə’eṯ-ḥeləbəhen wə’ēṯ šwōq hayyāmîn:

26 ûmissal hammaṣṣwōṯ ’ăšer| lifənê yəhwâ lāq^aḥ ḥallaṯ maṣṣâ ’^aḥaṯ wəḥallaṯ leḥem šemen ’^aḥaṯ wərāqîq ’eḥāḏ wayyāśem ‘al-h^aḥălāḇîm wə‘al šwōq hayyāmîn:

27 wayyitēn ’eṯ-hakōl ‘al kapê ’ahărōn wə‘al kapê ḇānāyw wayyānef ’ōṯām tənûfâ lifənê yəhwâ:

28 wayyiqq^aḥ mōšeh ’ōṯām mē‘al kapêhem wayyaqəṭēr hammizəbēḥâ ‘al-hā‘ōlâ millu’îm hēm lərêḥa nîḥōḥa ’iššeh hû’ layhwâ:

29 wayyiqq^aḥ mōšeh ’eṯ-heḥāzeh wayənîfēhû ṯənûfâ lifənê yəhwâ mē’êl hammillu’îm ləmōšeh hāyâ ləmānâ ka’ăšer ṣiûâ yəhwâ ’eṯ-mōšeh:

30 wayyiqq^aḥ mōšeh miššemen hammišəḥâ ûmin-hadām ’ăšer ‘al-hammizəbēḥa wayyaz ‘al-’ahărōn ‘al-bəḡāḏāyw wə‘al-bānāyw wə‘al-biḡəḏê ḇānāyw ’itwō wayəqadēš ’eṯ-’ahărōn ’eṯ-bəḡāḏāyw wə’eṯ-bānāyw wə’eṯ-biḡəḏê ḇānāyw ’itwō:

31 wayyō’mer mōšeh ’el-’ahărōn wə’el-bānāyw baššəlû ’eṯ-habāśār peṯ^aḥ ’ōhel mwō‘ēḏ wəšām tō’ḵəlû ’ōṯwō wə’eṯ-halleḥem ’ăšer bəsal hammillu’îm ka’ăšer ṣiûêṯî lē’mōr ’ahărōn ûḇānāyw yō’ḵəluhû:

32 wəhannwōṯār babāśār ûḇallāḥem bā’ēš tiśərōfû:

33 ûmipeṯ^aḥ ’ōhel mwō‘ēḏ lō’ ṯēṣə’û šiḇə‘aṯ yāmîm ‘aḏ ywōm məlō’ṯ yəmê millu’êḵem kî šiḇə‘aṯ yāmîm yəmallē’ ’eṯ-yeḏəḵem:

34 ka’ăšer ‘āśâ bayywōm hazzeh ṣiûâ yəhwâ l^a‘ăśōṯ ləḵapēr ‘ălêḵem:

35 ûfeṯ^aḥ ’ōhel mwō‘ēḏ tēšəḇû ywōmām wālayəlâ šiḇə‘aṯ yāmîm ûšəmarətem ’eṯ-mišəmereṯ yəhwâ wəlō’ ṯāmûṯû kî-ḵēn ṣuûêṯî:

36 wayy^a‘aś ’ahărōn ûḇānāyw ’ēṯ kāl-hadəḇārîm ’ăšer-ṣiûâ yəhwâ bəyaḏ-mōšeh: s