Sacred Texts  Bible  Index 
Polyglot  KJV  Sep  Vul 

Jonah (Yonah) Index
  Previous  Next 

Tanach (Hebrew): Jonah (Yonah) Chapter 4

1 ‏וַיֵּ֥רַע אֶל־יוֹנָ֖ה רָעָ֣ה גְדוֹלָ֑ה וַיִּ֖חַר לֽוֹ׃

2 ‏וַיִּתְפַּלֵּ֨ל אֶל־יְהוָ֜ה וַיֹּאמַ֗ר אָנָּ֤ה יְהוָה֙ הֲלוֹא־זֶ֣ה דְבָרִ֗י עַד־הֱיוֹתִי֙ עַל־אַדְמָתִ֔י עַל־כֵּ֥ן קִדַּ֖מְתִּי לִבְרֹ֣חַ תַּרְשִׁ֑ישָׁה כִּ֣י יָדַ֗עְתִּי כִּ֤י אַתָּה֙ אֵֽל־חַנּ֣וּן וְרַח֔וּם אֶ֤רֶךְ אַפַּ֙יִם֙ וְרַב־חֶ֔סֶד וְנִחָ֖ם עַל־הָרָעָֽה׃

3 ‏וְעַתָּ֣ה יְהוָ֔ה קַח־נָ֥א אֶת־נַפְשִׁ֖י מִמֶּ֑נִּי כִּ֛י ט֥וֹב מוֹתִ֖י מֵחַיָּֽי׃ ס

4 ‏וַיֹּ֣אמֶר יְהוָ֔ה הַהֵיטֵ֖ב חָ֥רָה לָֽךְ׃

5 ‏וַיֵּצֵ֤א יוֹנָה֙ מִן־הָעִ֔יר וַיֵּ֖שֶׁב מִקֶּ֣דֶם לָעִ֑יר וַיַּעַשׂ֩ ל֨וֹ שָׁ֜ם סֻכָּ֗ה וַיֵּ֤שֶׁב תַּחְתֶּ֙יהָ֙ בַּצֵּ֔ל עַ֚ד אֲשֶׁ֣ר יִרְאֶ֔ה מַה־יִּהְיֶ֖ה בָּעִֽיר׃

6 ‏וַיְמַ֣ן יְהוָֽה־אֱ֠לֹהִים קִיקָי֞וֹן וַיַּ֣עַל׀ מֵעַ֣ל לְיוֹנָ֗ה לִֽהְי֥וֹת צֵל֙ עַל־רֹאשׁ֔וֹ לְהַצִּ֥יל ל֖וֹ מֵרָֽעָת֑וֹ וַיִּשְׂמַ֥ח יוֹנָ֛ה עַל־הַקִּֽיקָי֖וֹן שִׂמְחָ֥ה גְדוֹלָֽה׃

7 ‏וַיְמַ֤ן הָֽאֱלֹהִים֙ תּוֹלַ֔עַת בַּעֲל֥וֹת הַשַּׁ֖חַר לַֽמָּחֳרָ֑ת וַתַּ֥ךְ אֶת־הַקִּֽיקָי֖וֹן וַיִּיבָֽשׁ׃

8 ‏וַיְהִ֣י׀ כִּזְרֹ֣חַ הַשֶּׁ֗מֶשׁ וַיְמַ֨ן אֱלֹהִ֜ים ר֤וּחַ קָדִים֙ חֲרִישִׁ֔ית וַתַּ֥ךְ הַשֶּׁ֛מֶשׁ עַל־רֹ֥אשׁ יוֹנָ֖ה וַיִּתְעַלָּ֑ף וַיִּשְׁאַ֤ל אֶת־נַפְשׁוֹ֙ לָמ֔וּת וַיֹּ֕אמֶר ט֥וֹב מוֹתִ֖י מֵחַיָּֽי׃

9 ‏וַיֹּ֤אמֶר אֱלֹהִים֙ אֶל־יוֹנָ֔ה הַהֵיטֵ֥ב חָרָֽה־לְךָ֖ עַל־הַקִּֽיקָי֑וֹן וַיֹּ֕אמֶר הֵיטֵ֥ב חָֽרָה־לִ֖י עַד־מָֽוֶת׃

10 ‏וַיֹּ֣אמֶר יְהוָ֔ה אַתָּ֥ה חַ֙סְתָּ֙ עַל־הַקִּ֣יקָי֔וֹן אֲשֶׁ֛ר לֹא־עָמַ֥לְתָּ בּ֖וֹ וְלֹ֣א גִדַּלְתּ֑וֹ שֶׁבִּן־לַ֥יְלָה הָיָ֖ה וּבִן־לַ֥יְלָה אָבָֽד׃

11 ‏וַֽאֲנִי֙ לֹ֣א אָח֔וּס עַל־נִינְוֵ֖ה הָעִ֣יר הַגְּדוֹלָ֑ה אֲשֶׁ֣ר יֶשׁ־בָּ֡הּ הַרְבֵּה֩ מִֽשְׁתֵּים־עֶשְׂרֵ֨ה רִבּ֜וֹ אָדָ֗ם אֲשֶׁ֤ר לֹֽא־יָדַע֙ בֵּין־יְמִינ֣וֹ לִשְׂמֹאל֔וֹ וּבְהֵמָ֖ה רַבָּֽה׃

1 wayyēra‘ ’el-ywōnâ rā‘â ḡəḏwōlâ wayyiḥar lwō:

2 wayyiṯəpallēl ’el-yəhwâ wayyō’mar ’ānnâ yəhwâ hălwō’-zeh ḏəḇārî ‘aḏ-hĕywōṯî ‘al-’aḏəmāṯî ‘al-kēn qidamətî liḇərōḥa tarəšîšâ kî yāḏa‘ətî kî ’atâ ’ēl-ḥannûn wəraḥûm ’ereḵə ’apayim wəraḇ-ḥeseḏ wəniḥām ‘al-hārā‘â:

3 wə‘atâ yəhwâ qaḥ-nā’ ’eṯ-nafəšî mimmennî kî ṭwōḇ mwōṯî mēḥayyāy: s

4 wayyō’mer yəhwâ hahêṭēḇ ḥārâ lāḵə:

5 wayyēṣē’ ywōnâ min-hā‘îr wayyēšeḇ miqqeḏem lā‘îr wayya‘aś lwō šām sukâ wayyēšeḇ taḥəteyhā baṣṣēl ‘aḏ ’ăšer yirə’eh mah-yyihəyeh bā‘îr:

6 wayəman yəhwâ-’ĕlōhîm qîqāywōn wayya‘al| mē‘al ləywōnâ lihəywōṯ ṣēl ‘al-rō’šwō ləhaṣṣîl lwō mērā‘āṯwō wayyiśəmaḥ ywōnâ ‘al-haqqîqāywōn śiməḥâ ḡəḏwōlâ:

7 wayəman hā’ĕlōhîm twōla‘aṯ ba‘ălwōṯ haššaḥar lammāḥŏrāṯ wataḵə ’eṯ-haqqîqāywōn wayyîḇāš:

8 wayəhî| kizərōḥa haššemeš wayəman ’ĕlōhîm rûḥa qāḏîm ḥărîšîṯ wataḵə haššemeš ‘al-rō’š ywōnâ wayyiṯə‘allāf wayyišə’al ’eṯ-nafəšwō lāmûṯ wayyō’mer ṭwōḇ mwōṯî mēḥayyāy:

9 wayyō’mer ’ĕlōhîm ’el-ywōnâ hahêṭēḇ ḥārâ-ləḵā ‘al-haqqîqāywōn wayyō’mer hêṭēḇ ḥārâ-lî ‘aḏ-māweṯ:

10 wayyō’mer yəhwâ ’atâ ḥasətā ‘al-haqqîqāywōn ’ăšer lō’-‘āmalətā bwō wəlō’ ḡidalətwō šebin-layəlâ hāyâ ûḇin-layəlâ ’āḇāḏ:

11 wa’ănî lō’ ’āḥûs ‘al-nînəwēh hā‘îr hagəḏwōlâ ’ăšer yeš-bāh harəbēh mišətêm-‘eśərēh ribwō ’āḏām ’ăšer lō’-yāḏa‘ bên-yəmînwō liśəmō’lwō ûḇəhēmâ rabâ:


Next: Micah (Mikhah) Chapter 1