Sacred Texts  Bible  Index 
Polyglot  KJV  Sep  Vul 

Job (Iyov) Index
  Previous  Next 

Tanach (Hebrew): Job (Iyov) Chapter 1

1 ‏אִ֛ישׁ הָיָ֥ה בְאֶֽרֶץ־ע֖וּץ אִיּ֣וֹב שְׁמ֑וֹ וְהָיָ֣ה׀ הָאִ֣ישׁ הַה֗וּא תָּ֧ם וְיָשָׁ֛ר וִירֵ֥א אֱלֹהִ֖ים וְסָ֥ר מֵרָֽע׃

2 ‏וַיִּוָּ֥לְדוּ ל֛וֹ שִׁבְעָ֥ה בָנִ֖ים וְשָׁל֥וֹשׁ בָּנֽוֹת׃

3 ‏וַיְהִ֣י מִ֠קְנֵהוּ שִֽׁבְעַ֨ת אַלְפֵי־צֹ֜אן וּשְׁלֹ֧שֶׁת אַלְפֵ֣י גְמַלִּ֗ים וַחֲמֵ֨שׁ מֵא֤וֹת צֶֽמֶד־בָּקָר֙ וַחֲמֵ֣שׁ מֵא֣וֹת אֲתוֹנ֔וֹת וַעֲבֻדָּ֖ה רַבָּ֣ה מְאֹ֑ד וַיְהִי֙ הָאִ֣ישׁ הַה֔וּא גָּד֖וֹל מִכָּל־בְּנֵי־קֶֽדֶם׃

4 ‏וְהָלְכ֤וּ בָנָיו֙ וְעָשׂ֣וּ מִשְׁתֶּ֔ה בֵּ֖ית אִ֣ישׁ יוֹמ֑וֹ וְשָׁלְח֗וּ וְקָרְאוּ֙ לִשְׁלֹ֣שֶׁת אחיתיהם אַחְיֽוֹתֵיהֶ֔ם לֶאֱכֹ֥ל וְלִשְׁתּ֖וֹת עִמָּהֶֽם׃

5 ‏וַיְהִ֡י כִּ֣י הִקִּיפֽוּ֩ יְמֵ֨י הַמִּשְׁתֶּ֜ה וַיִּשְׁלַ֧ח אִיּ֣וֹב וַֽיְקַדְּשֵׁ֗ם וְהִשְׁכִּ֣ים בַּבֹּקֶר֮ וְהֶעֱלָ֣ה עֹלוֹת֮ מִסְפַּ֣ר כֻּלָּם֒ כִּ֚י אָמַ֣ר אִיּ֔וֹב אוּלַי֙ חָטְא֣וּ בָנַ֔י וּבֵרֲכ֥וּ אֱלֹהִ֖ים בִּלְבָבָ֑ם כָּ֛כָה יַעֲשֶׂ֥ה אִיּ֖וֹב כָּל־הַיָּמִֽים׃ פ

6 ‏וַיְהִ֣י הַיּ֔וֹם וַיָּבֹ֙אוּ֙ בְּנֵ֣י הָאֱלֹהִ֔ים לְהִתְיַצֵּ֖ב עַל־יְהוָ֑ה וַיָּב֥וֹא גַֽם־הַשָּׂטָ֖ן בְּתוֹכָֽם׃

7 ‏וַיֹּ֧אמֶר יְהוָ֛ה אֶל־הַשָּׂטָ֖ן מֵאַ֣יִן תָּבֹ֑א וַיַּ֨עַן הַשָּׂטָ֤ן אֶת־יְהוָה֙ וַיֹּאמַ֔ר מִשּׁ֣וּט בָּאָ֔רֶץ וּמֵֽהִתְהַלֵּ֖ךְ בָּֽהּ׃

8 ‏וַיֹּ֤אמֶר יְהוָה֙ אֶל־הַשָּׂטָ֔ן הֲשַׂ֥מְתָּ לִבְּךָ֖ עַל־עַבְדִּ֣י אִיּ֑וֹב כִּ֣י אֵ֤ין כָּמֹ֙הוּ֙ בָּאָ֔רֶץ אִ֣ישׁ תָּ֧ם וְיָשָׁ֛ר יְרֵ֥א אֱלֹהִ֖ים וְסָ֥ר מֵרָֽע׃

9 ‏וַיַּ֧עַן הַשָּׂטָ֛ן אֶת־יְהוָ֖ה וַיֹּאמַ֑ר הַֽחִנָּ֔ם יָרֵ֥א אִיּ֖וֹב אֱלֹהִֽים׃

10 ‏הֲלֹֽא־את אַ֠תָּה שַׂ֣כְתָּ בַעֲד֧וֹ וּבְעַד־בֵּית֛וֹ וּבְעַ֥ד כָּל־אֲשֶׁר־ל֖וֹ מִסָּבִ֑יב מַעֲשֵׂ֤ה יָדָיו֙ בֵּרַ֔כְתָּ וּמִקְנֵ֖הוּ פָּרַ֥ץ בָּאָֽרֶץ׃

11 ‏וְאוּלָם֙ שְֽׁלַֽח־נָ֣א יָֽדְךָ֔ וְגַ֖ע בְּכָל־אֲשֶׁר־ל֑וֹ אִם־לֹ֥א עַל־פָּנֶ֖יךָ יְבָרֲכֶֽךָּ׃

12 ‏וַיֹּ֨אמֶר יְהוָ֜ה אֶל־הַשָּׂטָ֗ן הִנֵּ֤ה כָל־אֲשֶׁר־לוֹ֙ בְּיָדֶ֔ךָ רַ֣ק אֵלָ֔יו אַל־תִּשְׁלַ֖ח יָדֶ֑ךָ וַיֵּצֵא֙ הַשָּׂטָ֔ן מֵעִ֖ם פְּנֵ֥י יְהוָֽה׃

13 ‏וַיְהִ֖י הַיּ֑וֹם וּבָנָ֨יו וּבְנֹתָ֤יו אֹֽכְלִים֙ וְשֹׁתִ֣ים יַ֔יִן בְּבֵ֖ית אֲחִיהֶ֥ם הַבְּכֽוֹר׃

14 ‏וּמַלְאָ֛ךְ בָּ֥א אֶל־אִיּ֖וֹב וַיֹּאמַ֑ר הַבָּקָר֙ הָי֣וּ חֹֽרְשׁ֔וֹת וְהָאֲתֹנ֖וֹת רֹע֥וֹת עַל־יְדֵיהֶֽם׃

15 ‏וַתִּפֹּ֤ל שְׁבָא֙ וַתִּקָּחֵ֔ם וְאֶת־הַנְּעָרִ֖ים הִכּ֣וּ לְפִי־חָ֑רֶב וָֽאִמָּ֨לְטָ֧ה רַק־אֲנִ֛י לְבַדִּ֖י לְהַגִּ֥יד לָֽךְ׃

16 ‏ע֣וֹד׀ זֶ֣ה מְדַבֵּ֗ר וְזֶה֮ בָּ֣א וַיֹּאמַר֒ אֵ֣שׁ אֱלֹהִ֗ים נָֽפְלָה֙ מִן־הַשָּׁמַ֔יִם וַתִּבְעַ֥ר בַּצֹּ֛אן וּבַנְּעָרִ֖ים וַתֹּאכְלֵ֑ם וָאִמָּ֨לְטָ֧ה רַק־אֲנִ֛י לְבַדִּ֖י לְהַגִּ֥יד לָֽךְ׃

17 ‏ע֣וֹד׀ זֶ֣ה מְדַבֵּ֗ר וְזֶה֮ בָּ֣א וַיֹּאמַר֒ כַּשְׂדִּ֞ים שָׂ֣מוּ׀ שְׁלֹשָׁ֣ה רָאשִׁ֗ים וַֽיִּפְשְׁט֤וּ עַל־הַגְּמַלִּים֙ וַיִּקָּח֔וּם וְאֶת־הַנְּעָרִ֖ים הִכּ֣וּ לְפִי־חָ֑רֶב וָאִמָּ֨לְטָ֧ה רַק־אֲנִ֛י לְבַדִּ֖י לְהַגִּ֥יד לָֽךְ׃

18 ‏עַ֚ד זֶ֣ה מְדַבֵּ֔ר וְזֶ֖ה בָּ֣א וַיֹּאמַ֑ר בָּנֶ֨יךָ וּבְנוֹתֶ֤יךָ אֹֽכְלִים֙ וְשֹׁתִ֣ים יַ֔יִן בְּבֵ֖ית אֲחִיהֶ֥ם הַבְּכֽוֹר׃

19 ‏וְהִנֵּה֩ ר֨וּחַ גְּדוֹלָ֜ה בָּ֣אָה׀ מֵעֵ֣בֶר הַמִּדְבָּ֗ר וַיִּגַּע֙ בְּאַרְבַּע֙ פִּנּ֣וֹת הַבַּ֔יִת וַיִּפֹּ֥ל עַל־הַנְּעָרִ֖ים וַיָּמ֑וּתוּ וָאִמָּ֨לְטָ֧ה רַק־אֲנִ֛י לְבַדִּ֖י לְהַגִּ֥יד לָֽךְ׃

20 ‏וַיָּ֤קָם אִיּוֹב֙ וַיִּקְרַ֣ע אֶת־מְעִל֔וֹ3 וַיָּ֖גָז אֶת־רֹאשׁ֑וֹ וַיִּפֹּ֥ל אַ֖רְצָה וַיִּשְׁתָּֽחוּ׃

21 ‏וַיֹּאמֶר֩ עָרֹ֨ם יצתי יָצָ֜אתִי מִבֶּ֣טֶן אִמִּ֗י וְעָרֹם֙ אָשׁ֣וּב שָׁ֔מָה1 יְהוָ֣ה נָתַ֔ן וַיהוָ֖ה לָקָ֑ח יְהִ֛י שֵׁ֥ם יְהוָ֖ה מְבֹרָֽךְ׃

22 ‏בְּכָל־זֹ֖את לֹא־חָטָ֣א אִיּ֑וֹב וְלֹא־נָתַ֥ן תִּפְלָ֖ה לֵאלֹהִֽים׃ פ

1 ’îš hāyâ ḇə’ereṣ-‘ûṣ ’îywōḇ šəmwō wəhāyâ| hā’îš hahû’ tām wəyāšār wîrē’ ’ĕlōhîm wəsār mērā‘:

2 wayyiûāləḏû lwō šiḇə‘â ḇānîm wəšālwōš bānwōṯ:

3 wayəhî miqənēhû šiḇə‘aṯ ’aləfê-ṣō’n ûšəlōšeṯ ’aləfê ḡəmallîm waḥămēš mē’wōṯ ṣemeḏ-bāqār waḥămēš mē’wōṯ ’ăṯwōnwōṯ wa‘ăḇudâ rabâ mə’ōḏ wayəhî hā’îš hahû’ gāḏwōl mikāl-bənê-qeḏem:

4 wəhāləḵû ḇānāyw wə‘āśû mišəteh bêṯ ’îš ywōmwō wəšāləḥû wəqārə’û lišəlōšeṯ aḥəyōṯêhem aḥəywōṯêhem le’ĕḵōl wəlišətwōṯ ‘immâem:

5 wayəhî kî hiqqîfû yəmê hammišəteh wayyišəlaḥ ’îywōḇ wayəqadəšēm wəhišəkîm babōqer wəhe‘ĕlâ ‘ōlwōṯ misəpar kullām kî ’āmar ’îywōḇ ’ûlay ḥāṭə’û ḇānay ûḇērăḵû ’ĕlōhîm biləḇāḇām kāḵâ ya‘ăśeh ’îywōḇ kāl-hayyāmîm: f

6 wayəhî hayywōm wayyāḇō’û bənê hā’ĕlōhîm ləhiṯəyaṣṣēḇ ‘al-yəhwâ wayyāḇwō’ ḡam-haśśāṭān bəṯwōḵām:

7 wayyō’mer yəhwâ ’el-haśśāṭān mē’ayin tāḇō’ wayya‘an haśśāṭān ’eṯ-yəhwâ wayyō’mar miššûṭ bā’āreṣ ûmēhiṯəhallēḵə bāh:

8 wayyō’mer yəhwâ ’el-haśśāṭān hăśamətā libəḵā ‘al-‘aḇədî ’îywōḇ kî ’ên kāmōhû bā’āreṣ ’îš tām wəyāšār yərē’ ’ĕlōhîm wəsār mērā‘:

9 wayya‘an haśśāṭān ’eṯ-yəhwâ wayyō’mar haḥinnām yārē’ ’îywōḇ ’ĕlōhîm:

10 hălō’-’atə ’atâ śaḵətā ḇa‘ăḏwō ûḇə‘aḏ-bêṯwō ûḇə‘aḏ kāl-’ăšer-lwō missāḇîḇ ma‘ăśēh yāḏāyw bēraḵətā ûmiqənēhû pāraṣ bā’āreṣ:

11 wə’ûlām šəlaḥ-nā’ yāḏəḵā wəḡa‘ bəḵāl-’ăšer-lwō ’im-lō’ ‘al-pāneyḵā yəḇārăḵeḵḵā:

12 wayyō’mer yəhwâ ’el-haśśāṭān hinnēh ḵāl-’ăšer-lwō bəyāḏeḵā raq ’ēlāyw ’al-tišəlaḥ yāḏeḵā wayyēṣē’ haśśāṭān mē‘im pənê yəhwâ:

13 wayəhî hayywōm ûḇānāyw ûḇənōṯāyw ’ōḵəlîm wəšōṯîm yayin bəḇêṯ ’ăḥîhem habəḵwōr:

14 ûmalə’āḵə bā’ ’el-’îywōḇ wayyō’mar habāqār hāyû ḥōrəšwōṯ wəhā’ăṯōnwōṯ rō‘wōṯ ‘al-yəḏêhem:

15 watipōl šəḇā’ watiqqāḥēm wə’eṯ-hannə‘ārîm hikû ləfî-ḥāreḇ wā’immāləṭâ raq-’ănî ləḇadî ləhagîḏ lāḵə:

16 ‘wōḏ| zeh məḏabēr wəzeh bā’ wayyō’mar ’ēš ’ĕlōhîm nāfəlâ min-haššāmayim watiḇə‘ar baṣṣō’n ûḇannə‘ārîm watō’ḵəlēm wā’immāləṭâ raq-’ănî ləḇadî ləhagîḏ lāḵə:

17 ‘wōḏ| zeh məḏabēr wəzeh bā’ wayyō’mar kaśədîm śāmû| šəlōšâ rā’šîm wayyifəšəṭû ‘al-hagəmallîm wayyiqqāḥûm wə’eṯ-hannə‘ārîm hikû ləfî-ḥāreḇ wā’immāləṭâ raq-’ănî ləḇadî ləhagîḏ lāḵə:

18 ‘aḏ zeh məḏabēr wəzeh bā’ wayyō’mar bāneyḵā ûḇənwōṯeyḵā ’ōḵəlîm wəšōṯîm yayin bəḇêṯ ’ăḥîhem habəḵwōr:

19 wəhinnēh rûḥa gəḏwōlâ bā’â| mē‘ēḇer hammiḏəbār wayyiga‘ bə’arəba‘ pinnwōṯ habayiṯ wayyipōl ‘al-hannə‘ārîm wayyāmûṯû wā’immāləṭâ raq-’ănî ləḇadî ləhagîḏ lāḵə:

20 wayyāqām ’îywōḇ wayyiqəra‘ ’eṯ-mə‘ilwō3 wayyāḡāz ’eṯ-rō’šwō wayyipōl ’arəṣâ wayyišətāḥû:

21 wayyō’mer ‘ārōm yāṣāṯî yāṣā’ṯî mibeṭen ’immî wə‘ārōm ’āšûḇ šāmâ1 yəhwâ nāṯan wayhwâ lāqāḥ yəhî šēm yəhwâ məḇōrāḵə:

22 bəḵāl-zō’ṯ lō’-ḥāṭā’ ’îywōḇ wəlō’-nāṯan tifəlâ lē’lōhîm: f


Next: Job (Iyov) Chapter 2