Sacred Texts  Bible  Index 
Polyglot  KJV  Sep  Vul 

Isaiah (Yisheyah) Index
  Previous  Next 

Tanach (Hebrew): Isaiah (Yisheyah) Chapter 4

1 ‏וְהֶחֱזִיקוּ֩ שֶׁ֨בַע נָשִׁ֜ים בְּאִ֣ישׁ אֶחָ֗ד בַּיּ֤וֹם הַהוּא֙ לֵאמֹ֔ר לַחְמֵ֣נוּ נֹאכֵ֔ל וְשִׂמְלָתֵ֖נוּ נִלְבָּ֑שׁ רַ֗ק יִקָּרֵ֤א שִׁמְךָ֙ עָלֵ֔ינוּ אֱסֹ֖ף חֶרְפָּתֵֽנוּ׃ ס

2 ‏בַּיּ֣וֹם הַה֗וּא יִֽהְיֶה֙ צֶ֣מַח יְהוָ֔ה לִצְבִ֖י וּלְכָב֑וֹד וּפְרִ֤י הָאָ֙רֶץ֙ לְגָא֣וֹן וּלְתִפְאֶ֔רֶת לִפְלֵיטַ֖ת יִשְׂרָאֵֽל׃

3 ‏וְהָיָ֣ה׀ הַנִּשְׁאָ֣ר בְּצִיּ֗וֹן וְהַנּוֹתָר֙ בִּיר֣וּשָׁלִַ֔ם קָד֖וֹשׁ יֵאָ֣מֶר ל֑וֹ כָּל־הַכָּת֥וּב לַחַיִּ֖ים בִּירוּשָׁלִָֽם׃

4 ‏אִ֣ם׀ רָחַ֣ץ אֲדֹנָ֗י אֵ֚ת צֹאַ֣ת בְּנוֹת־צִיּ֔וֹן וְאֶת־דְּמֵ֥י יְרוּשָׁלִַ֖ם יָדִ֣יחַ מִקִּרְבָּ֑הּ בְּר֥וּחַ מִשְׁפָּ֖ט וּבְר֥וּחַ בָּעֵֽר׃

5 ‏וּבָרָ֣א יְהוָ֡ה עַל֩ כָּל־מְכ֨וֹן הַר־צִיּ֜וֹן וְעַל־מִקְרָאֶ֗הָ עָנָ֤ן׀ יוֹמָם֙ וְעָשָׁ֔ן וְנֹ֛גַהּ אֵ֥שׁ לֶהָבָ֖ה לָ֑יְלָה כִּ֥י עַל־כָּל־כָּב֖וֹד חֻפָּֽה׃

6 ‏וְסֻכָּ֛ה תִּהְיֶ֥ה לְצֵל־יוֹמָ֖ם מֵחֹ֑רֶב וּלְמַחְסֶה֙ וּלְמִסְתּ֔וֹר מִזֶּ֖רֶם וּמִמָּטָֽר׃ פ

1 wəheḥĕzîqû šeḇa‘ nāšîm bə’îš ’eḥāḏ bayywōm hahû’ lē’mōr laḥəmēnû nō’ḵēl wəśiməlāṯēnû niləbāš raq yiqqārē’ šiməḵā ‘ālênû ’ĕsōf ḥerəpāṯēnû: s

2 bayywōm hahû’ yihəyeh ṣemaḥ yəhwâ liṣəḇî ûləḵāḇwōḏ ûfərî hā’āreṣ ləḡā’wōn ûləṯifə’ereṯ lifəlêṭaṯ yiśərā’ēl:

3 wəhāyâ| hannišə’ār bəṣîywōn wəhannwōṯār bîrûšālaim qāḏwōš yē’āmer lwō kāl-hakāṯûḇ laḥayyîm bîrûšālāim:

4 ’im| rāḥaṣ ’ăḏōnāy ’ēṯ ṣō’aṯ bənwōṯ-ṣîywōn wə’eṯ-dəmê yərûšālaim yāḏîḥa miqqirəbāh bərûḥa mišəpāṭ ûḇərûḥa bā‘ēr:

5 ûḇārā’ yəhwâ ‘al kāl-məḵwōn har-ṣîywōn wə‘al-miqərā’ehā ‘ānān| ywōmām wə‘āšān wənōḡah ’ēš lehāḇâ lāyəlâ kî ‘al-kāl-kāḇwōḏ ḥupâ:

6 wəsukâ tihəyeh ləṣēl-ywōmām mēḥōreḇ ûləmaḥəseh ûləmisətwōr mizzerem ûmimmāṭār: f


Next: Isaiah (Yisheyah) Chapter 5