‎1 ‏וַיֹּ֨אמֶר יְהוָ֜ה אֵלַ֗י ע֚וֹד לֵ֣ךְ אֱ‍ֽהַב־אִשָּׁ֔ה אֲהֻ֥בַת רֵ֖עַ וּמְנָאָ֑פֶת כְּאַהֲבַ֤ת יְהוָה֙ אֶת־בְּנֵ֣י יִשְׂרָאֵ֔ל וְהֵ֗ם פֹּנִים֙ אֶל־אֱלֹהִ֣ים אֲחֵרִ֔ים וְאֹהֲבֵ֖י אֲשִׁישֵׁ֥י עֲנָבִֽים׃

‎2 ‏וָאֶכְּרֶ֣הָ לִּ֔י בַּחֲמִשָּׁ֥ה עָשָׂ֖ר כָּ֑סֶף וְחֹ֥מֶר שְׂעֹרִ֖ים וְלֵ֥תֶךְ שְׂעֹרִֽים׃

‎3 ‏וָאֹמַ֣ר אֵלֶ֗יהָ יָמִ֤ים רַבִּים֙ תֵּ֣שְׁבִי לִ֔י לֹ֣א תִזְנִ֔י וְלֹ֥א תִֽהְיִ֖י לְאִ֑ישׁ וְגַם־אֲנִ֖י אֵלָֽיִךְ׃

‎4 ‏כִּ֣י׀ יָמִ֣ים רַבִּ֗ים יֵֽשְׁבוּ֙ בְּנֵ֣י יִשְׂרָאֵ֔ל אֵ֥ין מֶ֙לֶךְ֙ וְאֵ֣ין שָׂ֔ר וְאֵ֥ין זֶ֖בַח וְאֵ֣ין מַצֵּבָ֑ה וְאֵ֥ין אֵפ֖וֹד וּתְרָפִֽים׃

‎5 ‏אַחַ֗ר יָשֻׁ֙בוּ֙ בְּנֵ֣י יִשְׂרָאֵ֔ל וּבִקְשׁוּ֙ אֶת־יְהוָ֣ה אֱלֹהֵיהֶ֔ם וְאֵ֖ת דָּוִ֣ד מַלְכָּ֑ם וּפָחֲד֧וּ אֶל־יְהוָ֛ה וְאֶל־טוּב֖וֹ בְּאַחֲרִ֥ית הַיָּמִֽים׃ פ

1 wayyō’mer yəhwâ ’ēlay ‘wōḏ lēḵə ’ĕ‍haḇ-’iššâ ’ăhuḇaṯ rē‘a ûmənā’āfeṯ kə’ahăḇaṯ yəhwâ ’eṯ-bənê yiśərā’ēl wəhēm pōnîm ’el-’ĕlōhîm ’ăḥērîm wə’ōhăḇê ’ăšîšê ‘ănāḇîm:

2 wā’ekərehā llî b^aḥămiššâ ‘āśār kāsef wəḥōmer śə‘ōrîm wəlēṯeḵə śə‘ōrîm:

3 wā’ōmar ’ēleyhā yāmîm rabîm tēšəḇî lî lō’ ṯizənî wəlō’ ṯihəyî lə’îš wəḡam-’ănî ’ēlāyiḵə:

4 kî| yāmîm rabîm yēšəḇû bənê yiśərā’ēl ’ên meleḵə wə’ên śār wə’ên zeḇ^aḥ wə’ên maṣṣēḇâ wə’ên ’ēfwōḏ ûṯərāfîm:

5 ’^aḥar yāšuḇû bənê yiśərā’ēl ûḇiqəšû ’eṯ-yəhwâ ’ĕlōhêhem wə’ēṯ dāwiḏ maləkām ûfāḥăḏû ’el-yəhwâ wə’el-ṭûḇwō bə’^aḥărîṯ hayyāmîm: f