Sacred Texts  Bible  Index 
Polyglot  KJV  Vul 

Ezra Index
  Previous  Next 

Tanach (Hebrew): Ezra Chapter 10

1 ‏וּכְהִתְפַּלֵּ֤ל עֶזְרָא֙ וּכְ֨הִתְוַדֹּת֔וֹ3 בֹּכֶה֙ וּמִתְנַפֵּ֔ל לִפְנֵ֖י בֵּ֣ית הָאֱלֹהִ֑ים נִקְבְּצוּ֩ אֵלָ֨יו מִיִּשְׂרָאֵ֜ל קָהָ֣ל רַב־מְאֹ֗ד אֲנָשִׁ֤ים וְנָשִׁים֙ וִֽילָדִ֔ים כִּֽי־בָכ֥וּ הָעָ֖ם הַרְבֵּה־בֶֽכֶה׃ ס

2 ‏וַיַּעַן֩ שְׁכַנְיָ֨ה בֶן־יְחִיאֵ֜ל מִבְּנֵ֤י עולם עֵילָם֙ וַיֹּ֣אמֶר לְעֶזְרָ֔א אֲנַ֙חְנוּ֙ מָעַ֣לְנוּ בֵאלֹהֵ֔ינוּ וַנֹּ֛שֶׁב נָשִׁ֥ים נָכְרִיּ֖וֹת מֵעַמֵּ֣י הָאָ֑רֶץ וְעַתָּ֛ה יֵשׁ־מִקְוֶ֥ה לְיִשְׂרָאֵ֖ל עַל־זֹֽאת׃

3 ‏וְעַתָּ֣ה נִֽכְרָת־בְּרִ֣ית לֵ֠אלֹהֵינוּ לְהוֹצִ֨יא כָל־נָשִׁ֜ים וְהַנּוֹלָ֤ד מֵהֶם֙ בַּעֲצַ֣ת אֲדֹנָ֔י וְהַחֲרֵדִ֖ים בְּמִצְוַ֣ת אֱלֹהֵ֑ינוּ וְכַתּוֹרָ֖ה יֵעָשֶֽׂה׃

4 ‏ק֛וּם כִּֽי־עָלֶ֥יךָ הַדָּבָ֖ר וַאֲנַ֣חְנוּ עִמָּ֑ךְ חֲזַ֖ק וַעֲשֵֽׂה׃ פ

5 ‏וַיָּ֣קָם עֶזְרָ֡א וַיַּשְׁבַּ֣ע אֶת־שָׂרֵי֩ הַכֹּהֲנִ֨ים הַלְוִיִּ֜ם וְכָל־יִשְׂרָאֵ֗ל לַעֲשׂ֛וֹת כַּדָּבָ֥ר הַזֶּ֖ה וַיִּשָּׁבֵֽעוּ׃

6 ‏וַיָּ֣קָם עֶזְרָ֗א מִלִּפְנֵי֙ בֵּ֣ית הָֽאֱלֹהִ֔ים וַיֵּ֕לֶךְ אֶל־לִשְׁכַּ֖ת יְהוֹחָנָ֣ן בֶּן־אֶלְיָשִׁ֑יב וַיֵּ֣לֶךְ שָׁ֗ם לֶ֤חֶם לֹֽא־אָכַל֙ וּמַ֣יִם לֹֽא־שָׁתָ֔ה כִּ֥י מִתְאַבֵּ֖ל עַל־מַ֥עַל הַגּוֹלָֽה׃ ס

7 ‏וַיַּעֲבִ֨ירוּ ק֜וֹל בִּיהוּדָ֣ה וִירֽוּשָׁלִַ֗ם לְכֹל֙ בְּנֵ֣י הַגּוֹלָ֔ה לְהִקָּבֵ֖ץ יְרוּשָׁלִָֽם׃

8 ‏וְכֹל֩ אֲשֶׁ֨ר לֹֽא־יָב֜וֹא1 לִשְׁלֹ֣שֶׁת הַיָּמִ֗ים כַּעֲצַ֤ת הַשָּׂרִים֙ וְהַזְּקֵנִ֔ים יָחֳרַ֖ם כָּל־רְכוּשׁ֑וֹ וְה֥וּא יִבָּדֵ֖ל מִקְּהַ֥ל הַגּוֹלָֽה׃ ס

9 ‏וַיִּקָּבְצ֣וּ כָל־אַנְשֵֽׁי־יְהוּדָה֩ וּבִנְיָמִ֨ן׀ יְרוּשָׁלִַ֜ם לִשְׁלֹ֣שֶׁת הַיָּמִ֗ים ה֛וּא חֹ֥דֶשׁ הַתְּשִׁיעִ֖י בְּעֶשְׂרִ֣ים בַּחֹ֑דֶשׁ וַיֵּשְׁב֣וּ כָל־הָעָ֗ם בִּרְחוֹב֙ בֵּ֣ית הָאֱלֹהִ֔ים מַרְעִידִ֥ים עַל־הַדָּבָ֖ר וּמֵהַגְּשָׁמִֽים׃ פ

10 ‏וַיָּ֨קָם עֶזְרָ֤א הַכֹּהֵן֙ וַיֹּ֣אמֶר אֲלֵהֶ֔ם אַתֶּ֣ם מְעַלְתֶּ֔ם וַתֹּשִׁ֖יבוּ נָשִׁ֣ים נָכְרִיּ֑וֹת לְהוֹסִ֖יף עַל־אַשְׁמַ֥ת יִשְׂרָאֵֽל׃

11 ‏וְעַתָּ֗ה תְּנ֥וּ תוֹדָ֛ה לַיהוָ֥ה אֱלֹהֵֽי־אֲבֹתֵיכֶ֖ם וַעֲשׂ֣וּ רְצוֹנ֑וֹ וְהִבָּֽדְלוּ֙ מֵעַמֵּ֣י הָאָ֔רֶץ וּמִן־הַנָּשִׁ֖ים הַנָּכְרִיּֽוֹת׃

12 ‏וַיַּֽעְנ֧וּ כָֽל־הַקָּהָ֛ל וַיֹּאמְר֖וּ ק֣וֹל גָּד֑וֹל כֵּ֛ן כדבריך כִּדְבָרְךָ֥ עָלֵ֖ינוּ לַעֲשֽׂוֹת׃

13 ‏אֲבָ֞ל הָעָ֥ם רָב֙ וְהָעֵ֣ת גְּשָׁמִ֔ים וְאֵ֥ין כֹּ֖חַ לַעֲמ֣וֹד בַּח֑וּץ וְהַמְּלָאכָ֗ה לֹֽא־לְי֤וֹם אֶחָד֙ וְלֹ֣א לִשְׁנַ֔יִם כִּֽי־הִרְבִּ֥ינוּ לִפְשֹׁ֖עַ בַּדָּבָ֥ר הַזֶּֽה׃

14 ‏יַֽעֲמְדוּ־נָ֣א שָׂ֠רֵינוּ לְֽכָל־הַקָּהָ֞ל וְכֹ֣ל׀ אֲשֶׁ֣ר בֶּעָרֵ֗ינוּ הַהֹשִׁ֞יב נָשִׁ֤ים נָכְרִיּוֹת֙ יָבֹא֙ לְעִתִּ֣ים מְזֻמָּנִ֔ים וְעִמָּהֶ֛ם זִקְנֵי־עִ֥יר וָעִ֖יר וְשֹׁפְטֶ֑יהָ עַ֠ד לְהָשִׁ֞יב חֲר֤וֹן אַף־אֱלֹהֵ֙ינוּ֙ מִמֶּ֔נּוּ עַ֖ד לַדָּבָ֥ר הַזֶּֽה׃ פ

15 ‏אַ֣ךְ יוֹנָתָ֧ן בֶּן־עֲשָׂהאֵ֛ל וְיַחְזְיָ֥ה בֶן־תִּקְוָ֖ה עָמְד֣וּ עַל־זֹ֑את וּמְשֻׁלָּ֛ם וְשַׁבְּתַ֥י הַלֵּוִ֖י עֲזָרֻֽם׃

16 ‏וַיַּֽעֲשׂוּ־כֵן֮ בְּנֵ֣י הַגּוֹלָה֒ וַיִּבָּדְלוּ֩ עֶזְרָ֨א הַכֹּהֵ֜ן אֲנָשִׁ֨ים רָאשֵׁ֧י הָאָב֛וֹת לְבֵ֥ית אֲבֹתָ֖ם וְכֻלָּ֣ם בְּשֵׁמ֑וֹת וַיֵּשְׁב֗וּ בְּי֤וֹם אֶחָד֙ לַחֹ֣דֶשׁ הָעֲשִׂירִ֔י לְדַרְי֖וֹשׁ הַדָּבָֽר׃

17 ‏וַיְכַלּ֣וּ בַכֹּ֔ל אֲנָשִׁ֕ים הַהֹשִׁ֖יבוּ נָשִׁ֣ים נָכְרִיּ֑וֹת עַ֛ד י֥וֹם אֶחָ֖ד לַחֹ֥דֶשׁ הָרִאשֽׁוֹן׃ פ

18 ‏וַיִּמָּצֵא֙ מִבְּנֵ֣י הַכֹּהֲנִ֔ים אֲשֶׁ֥ר הֹשִׁ֖יבוּ נָשִׁ֣ים נָכְרִיּ֑וֹת מִבְּנֵי֙ יֵשׁ֤וּעַ בֶּן־יֽוֹצָדָק֙ וְאֶחָ֔יו מַֽעֲשֵׂיָה֙ וֶֽאֱלִיעֶ֔זֶר וְיָרִ֖יב וּגְדַלְיָֽה׃

19 ‏וַיִּתְּנ֥וּ יָדָ֖ם לְהוֹצִ֣יא נְשֵׁיהֶ֑ם וַאֲשֵׁמִ֥ים אֵֽיל־צֹ֖אן עַל־אַשְׁמָתָֽם׃ ס

20 ‏וּמִבְּנֵ֣י אִמֵּ֔ר חֲנָ֖נִי וּזְבַדְיָֽה׃ ס

21 ‏וּמִבְּנֵ֖י חָרִ֑ם מַעֲשֵׂיָ֤ה וְאֵֽלִיָּה֙ וּֽשְׁמַֽעְיָ֔ה וִיחִיאֵ֖ל וְעֻזִיָּֽה׃

22 ‏וּמִבְּנֵ֖י פַּשְׁח֑וּר אֶלְיוֹעֵינַ֤י מַֽעֲשֵׂיָה֙ יִשְׁמָעֵ֣אל נְתַנְאֵ֔ל יוֹזָבָ֖ד וְאֶלְעָשָֽׂה׃ ס

23 ‏וּמִֽן־הַלְוִיִּ֑ם יוֹזָבָ֣ד וְשִׁמְעִ֗י וְקֵֽלָיָה֙ ה֣וּא קְלִיטָ֔א פְּתַֽחְיָ֥ה יְהוּדָ֖ה וֶאֱלִיעֶֽזֶר׃ ס

24 ‏וּמִן־הַמְשֹׁרְרִ֖ים אֶלְיָשִׁ֑יב וּמִן־הַשֹּׁ֣עֲרִ֔ים שַׁלֻּ֥ם וָטֶ֖לֶם וְאוּרִֽי׃ ס

25 ‏וּמִֽיִּשְׂרָאֵ֑ל מִבְּנֵ֣י פַרְעֹ֡שׁ רַ֠מְיָה וְיִזִּיָּ֤ה וּמַלְכִּיָּה֙ וּמִיָּמִ֣ן וְאֶלְעָזָ֔ר וּמַלְכִּיָּ֖ה וּבְנָיָֽה׃ ס

26 ‏וּמִבְּנֵ֖י עֵילָ֑ם מַתַּנְיָ֤ה זְכַרְיָה֙ וִיחִיאֵ֣ל וְעַבְדִּ֔י וִירֵמ֖וֹת וְאֵלִיָּֽה׃ ס

27 ‏וּמִבְּנֵ֖י זַתּ֑וּא אֶלְיוֹעֵנַ֤י אֶלְיָשִׁיב֙ מַתַּנְיָ֣ה וִֽירֵמ֔וֹת וְזָבָ֖ד וַעֲזִיזָֽא׃ ס

28 ‏וּמִבְּנֵ֖י בֵּבָ֑י יְהוֹחָנָ֥ן חֲנַנְיָ֖ה זַבַּ֥י עַתְלָֽי׃ ס

29 ‏וּמִבְּנֵ֖י בָּנִ֑י מְשֻׁלָּ֤ם מַלּוּךְ֙ וַעֲדָיָ֔ה יָשׁ֖וּב וּשְׁאָ֥ל ירמות וְרָמֽוֹת׃ ס

30 ‏וּמִבְּנֵ֛י פַּחַ֥ת מוֹאָ֖ב עַדְנָ֣א וּכְלָ֑ל בְּנָיָ֤ה מַעֲשֵׂיָה֙ מַתַּנְיָ֣ה בְצַלְאֵ֔ל וּבִנּ֖וּי וּמְנַשֶּֽׁה׃ ס

31 ‏וּבְנֵ֖י חָרִ֑ם אֱלִיעֶ֧זֶר יִשִּׁיָּ֛ה מַלְכִּיָּ֖ה שְׁמַֽעְיָ֥ה שִׁמְעֽוֹן׃

32 ‏בְּנְיָמִ֥ן1 מַלּ֖וּךְ שְׁמַרְיָֽה׃ ס

33 ‏מִבְּנֵ֖י חָשֻׁ֑ם מַתְּנַ֤י מַתַּתָּה֙ זָבָ֣ד אֱלִיפֶ֔לֶט יְרֵמַ֥י מְנַשֶּׁ֖ה שִׁמְעִֽי׃ ס

34 ‏מִבְּנֵ֣י בָנִ֔י מַעֲדַ֥י עַמְרָ֖ם וְאוּאֵֽל׃ ס

35 ‏בְּנָיָ֥ה בֵדְיָ֖ה כלהי כְּלֽוּהוּ׃

36 ‏וַנְיָ֥ה מְרֵמ֖וֹת אֶלְיָשִֽׁיב׃

37 ‏מַתַּנְיָ֥ה מַתְּנַ֖י ויעשו וְיַעֲשָֽׂי׃

38 ‏וּבָנִ֥י וּבִנּ֖וּי שִׁמְעִֽי׃

39 ‏וְשֶֽׁלֶמְיָ֥ה וְנָתָ֖ן וַעֲדָיָֽה׃

40 ‏מַכְנַדְבַ֥י שָׁשַׁ֖י שָׁרָֽי׃

41 ‏עֲזַרְאֵ֥ל וְשֶׁלֶמְיָ֖הוּ שְׁמַרְיָֽה׃

42 ‏שַׁלּ֥וּם אֲמַרְיָ֖ה יוֹסֵֽף׃ ס

43 ‏מִבְּנֵ֖י נְב֑וֹ יְעִיאֵ֤ל מַתִּתְיָה֙ זָבָ֣ד זְבִינָ֔א ידו יַדַּ֥י וְיוֹאֵ֖ל בְּנָיָֽה׃

44 ‏כָּל־אֵ֕לֶּה נשאו1 נָשְׂא֖וּ נָשִׁ֣ים נָכְרִיּ֑וֹת וְיֵ֣שׁ מֵהֶ֣ם נָשִׁ֔ים וַיָּשִׂ֖ימוּ בָּנִֽים׃ פ

1 ûḵəhiṯəpallēl ‘ezərā’ ûḵəhiṯəwadōṯwō3 bōḵeh ûmiṯənapēl lifənê bêṯ hā’ĕlōhîm niqəbəṣû ’ēlāyw mîyiśərā’ēl qâāl raḇ-mə’ōḏ ’ănāšîm wənāšîm wîlāḏîm kî-ḇāḵû hā‘ām harəbēh-ḇeḵeh: s

2 wayya‘an šəḵanəyâ ḇen-yəḥî’ēl mibənê ‘wōlām ‘êlām wayyō’mer lə‘ezərā’ ’ănaḥənû mā‘alənû ḇē’lōhênû wannōšeḇ nāšîm nāḵərîywōṯ mē‘ammê hā’āreṣ wə‘atâ yēš-miqəweh ləyiśərā’ēl ‘al-zō’ṯ:

3 wə‘atâ niḵərāṯ-bərîṯ lē’lōhênû ləhwōṣî’ ḵāl-nāšîm wəhannwōlāḏ mēhem ba‘ăṣaṯ ’ăḏōnāy wəhaḥărēḏîm bəmiṣəwaṯ ’ĕlōhênû wəḵatwōrâ yē‘āśeh:

4 qûm kî-‘āleyḵā hadāḇār wa’ănaḥənû ‘immāḵə ḥăzaq wa‘ăśēh: f

5 wayyāqām ‘ezərā’ wayyašəba‘ ’eṯ-śārê hakōhănîm haləwîyim wəḵāl-yiśərā’ēl la‘ăśwōṯ kadāḇār hazzeh wayyiššāḇē‘û:

6 wayyāqām ‘ezərā’ millifənê bêṯ hā’ĕlōhîm wayyēleḵə ’el-lišəkaṯ yəhwōḥānān ben-’eləyāšîḇ wayyēleḵə šām leḥem lō’-’āḵal ûmayim lō’-šāṯâ kî miṯə’abēl ‘al-ma‘al hagwōlâ: s

7 wayya‘ăḇîrû qwōl bîhûḏâ wîrûšālaim ləḵōl bənê hagwōlâ ləhiqqāḇēṣ yərûšālāim:

8 wəḵōl ’ăšer lō’-yāḇwō’1 lišəlōšeṯ hayyāmîm ka‘ăṣaṯ haśśārîm wəhazzəqēnîm yāḥŏram kāl-rəḵûšwō wəhû’ yibāḏēl miqqəhal hagwōlâ: s

9 wayyiqqāḇəṣû ḵāl-’anəšê-yəhûḏâ ûḇinəyāmin| yərûšālaim lišəlōšeṯ hayyāmîm hû’ ḥōḏeš hatəšî‘î bə‘eśərîm baḥōḏeš wayyēšəḇû ḵāl-hā‘ām birəḥwōḇ bêṯ hā’ĕlōhîm marə‘îḏîm ‘al-hadāḇār ûmēhagəšāmîm: f

10 wayyāqām ‘ezərā’ hakōhēn wayyō’mer ’ălēhem ’atem mə‘alətem watōšîḇû nāšîm nāḵərîywōṯ ləhwōsîf ‘al-’ašəmaṯ yiśərā’ēl:

11 wə‘atâ tənû ṯwōḏâ layhwâ ’ĕlōhê-’ăḇōṯêḵem wa‘ăśû rəṣwōnwō wəhibāḏəlû mē‘ammê hā’āreṣ ûmin-hannāšîm hannāḵərîywōṯ:

12 wayya‘ənû ḵāl-haqqâāl wayyō’mərû qwōl gāḏwōl kēn kiḏəḇāreyḵā kiḏəḇārəḵā ‘ālênû la‘ăśwōṯ:

13 ’ăḇāl hā‘ām rāḇ wəhā‘ēṯ gəšāmîm wə’ên kōḥa la‘ămwōḏ baḥûṣ wəhamməlā’ḵâ lō’-ləywōm ’eḥāḏ wəlō’ lišənayim kî-hirəbînû lifəšō‘a badāḇār hazzeh:

14 ya‘ăməḏû-nā’ śārênû ləḵāl-haqqâāl wəḵōl| ’ăšer be‘ārênû hahōšîḇ nāšîm nāḵərîywōṯ yāḇō’ lə‘itîm məzummānîm wə‘immâem ziqənê-‘îr wā‘îr wəšōfəṭeyhā ‘aḏ ləhāšîḇ ḥărwōn ’af-’ĕlōhênû mimmennû ‘aḏ ladāḇār hazzeh: f

15 ’aḵə ywōnāṯān ben-‘ăśâ’ēl wəyaḥəzəyâ ḇen-tiqəwâ ‘āməḏû ‘al-zō’ṯ ûməšullām wəšabəṯay hallēwî ‘ăzārum:

16 wayya‘ăśû-ḵēn bənê hagwōlâ wayyibāḏəlû ‘ezərā’ hakōhēn ’ănāšîm rā’šê hā’āḇwōṯ ləḇêṯ ’ăḇōṯām wəḵullām bəšēmwōṯ wayyēšəḇû bəywōm ’eḥāḏ laḥōḏeš hā‘ăśîrî ləḏarəywōš hadāḇār:

17 wayəḵallû ḇakōl ’ănāšîm hahōšîḇû nāšîm nāḵərîywōṯ ‘aḏ ywōm ’eḥāḏ laḥōḏeš hāri’šwōn: f

18 wayyimmāṣē’ mibənê hakōhănîm ’ăšer hōšîḇû nāšîm nāḵərîywōṯ mibənê yēšû‘a ben-ywōṣāḏāq wə’eḥāyw ma‘ăśêâ we’ĕlî‘ezer wəyārîḇ ûḡəḏaləyâ:

19 wayyitənû yāḏām ləhwōṣî’ nəšêhem wa’ăšēmîm ’êl-ṣō’n ‘al-’ašəmāṯām: s

20 ûmibənê ’immēr ḥănānî ûzəḇaḏəyâ: s

21 ûmibənê ḥārim ma‘ăśêâ wə’ēlîyâ ûšəma‘əyâ wîḥî’ēl wə‘uzîyâ:

22 ûmibənê pašəḥûr ’eləywō‘ênay ma‘ăśêâ yišəmā‘ē’l nəṯanə’ēl ywōzāḇāḏ wə’elə‘āśâ: s

23 ûmin-haləwîyim ywōzāḇāḏ wəšimə‘î wəqēlāyâ hû’ qəlîṭā’ pəṯaḥəyâ yəhûḏâ we’ĕlî‘ezer: s

24 ûmin-haməšōrərîm ’eləyāšîḇ ûmin-haššō‘ărîm šallum wāṭelem wə’ûrî: s

25 ûmîyiśərā’ēl mibənê farə‘ōš raməyâ wəyizzîyâ ûmaləkîyâ ûmîyāmin wə’elə‘āzār ûmaləkîyâ ûḇənāyâ: s

26 ûmibənê ‘êlām matanəyâ zəḵarəyâ wîḥî’ēl wə‘aḇədî wîrēmwōṯ wə’ēlîyâ: s

27 ûmibənê zatû’ ’eləywō‘ēnay ’eləyāšîḇ matanəyâ wîrēmwōṯ wəzāḇāḏ wa‘ăzîzā’: s

28 ûmibənê bēḇāy yəhwōḥānān ḥănanəyâ zabay ‘aṯəlāy: s

29 ûmibənê bānî məšullām mallûḵə wa‘ăḏāyâ yāšûḇ ûšə’āl yərēmwōṯ wərāmwōṯ: s

30 ûmibənê paḥaṯ mwō’āḇ ‘aḏənā’ ûḵəlāl bənāyâ ma‘ăśêâ matanəyâ ḇəṣalə’ēl ûḇinnûy ûmənaššeh: s

31 ûḇənê ḥārim ’ĕlî‘ezer yiššîyâ maləkîyâ šəma‘əyâ šimə‘wōn:

32 bənəyāmin1 mallûḵə šəmarəyâ: s

33 mibənê ḥāšum matənay matatâ zāḇāḏ ’ĕlîfeleṭ yərēmay mənaššeh šimə‘î: s

34 mibənê ḇānî ma‘ăḏay ‘amərām wə’û’ēl: s

35 bənāyâ ḇēḏəyâ kəlâay kəlûhû:

36 wanəyâ mərēmwōṯ ’eləyāšîḇ:

37 matanəyâ matənay wəya‘ăśwō wəya‘ăśāy:

38 ûḇānî ûḇinnûy šimə‘î:

39 wəšeleməyâ wənāṯān wa‘ăḏāyâ:

40 maḵənaḏəḇay šāšay šārāy:

41 ‘ăzarə’ēl wəšeleməyâû šəmarəyâ:

42 šallûm ’ămarəyâ ywōsēf: s

43 mibənê nəḇwō yə‘î’ēl matiṯəyâ zāḇāḏ zəḇînā’ yadwō yaday wəywō’ēl bənāyâ:

44 kāl-’ēlleh nāśə’û1 nāśə’û nāšîm nāḵərîywōṯ wəyēš mēhem nāšîm wayyāśîmû bānîm: f


Next: Nehemiah (Nechemiyah) Chapter 1