‎1 ‏וְאֵ֣לֶּה׀ בְּנֵ֣י הַמְּדִינָ֗ה הָֽעֹלִים֙ מִשְּׁבִ֣י הַגּוֹלָ֔ה אֲשֶׁ֥ר הֶגְלָ֛ה נבוכדנצור נְבוּכַדְנֶצַּ֥ר מֶֽלֶךְ־בָּבֶ֖ל לְבָבֶ֑ל וַיָּשׁ֛וּבוּ לִירוּשָׁלִַ֥ם וִֽיהוּדָ֖ה אִ֥ישׁ לְעִירֽוֹ׃

‎2 ‏אֲשֶׁר־בָּ֣אוּ עִם־זְרֻבָּבֶ֗ל יֵשׁ֡וּעַ נְ֠חֶמְיָה שְׂרָיָ֨ה רְֽעֵלָיָ֜ה מָרְדֳּכַ֥י בִּלְשָׁ֛ן מִסְפָּ֥ר בִּגְוַ֖י רְח֣וּם בַּעֲנָ֑ה מִסְפַּ֕ר אַנְשֵׁ֖י עַ֥ם יִשְׂרָאֵֽל׃ ס

‎3 ‏בְּנֵ֣י פַרְעֹ֔שׁ אַלְפַּ֕יִם מֵאָ֖ה שִׁבְעִ֥ים וּשְׁנָֽיִם׃ ס

‎4 ‏בְּנֵ֣י שְׁפַטְיָ֔ה שְׁלֹ֥שׁ מֵא֖וֹת שִׁבְעִ֥ים וּשְׁנָֽיִם׃ ס

‎5 ‏בְּנֵ֣י אָרַ֔ח שְׁבַ֥ע מֵא֖וֹת חֲמִשָּׁ֥ה וְשִׁבְעִֽים׃ ס

‎6 ‏בְּנֵֽי־פַחַ֥ת מוֹאָ֛ב לִבְנֵ֥י יֵשׁ֖וּעַ יוֹאָ֑ב אַלְפַּ֕יִם שְׁמֹנֶ֥ה מֵא֖וֹת וּשְׁנֵ֥ים עָשָֽׂר׃ ס

‎7 ‏בְּנֵ֣י עֵילָ֔ם אֶ֕לֶף מָאתַ֖יִם חֲמִשִּׁ֥ים וְאַרְבָּעָֽה׃ ס

‎8 ‏בְּנֵ֣י זַתּ֔וּא תְּשַׁ֥ע מֵא֖וֹת וְאַרְבָּעִ֥ים וַחֲמִשָּֽׁה׃ ס

‎9 ‏בְּנֵ֣י זַכָּ֔י שְׁבַ֥ע מֵא֖וֹת וְשִׁשִּֽׁים׃ ס

‎10 ‏בְּנֵ֣י בָנִ֔י שֵׁ֥שׁ מֵא֖וֹת אַרְבָּעִ֥ים וּשְׁנָֽיִם׃ ס

‎11 ‏בְּנֵ֣י בֵבָ֔י שֵׁ֥שׁ מֵא֖וֹת עֶשְׂרִ֥ים וּשְׁלֹשָֽׁה׃ ס

‎12 ‏בְּנֵ֣י עַזְגָּ֔ד אֶ֕לֶף מָאתַ֖יִם עֶשְׂרִ֥ים וּשְׁנָֽיִם׃ ס

‎13 ‏בְּנֵי֙ אֲדֹ֣נִיקָ֔ם שֵׁ֥שׁ מֵא֖וֹת שִׁשִּׁ֥ים וְשִׁשָּֽׁה׃ ס

‎14 ‏בְּנֵ֣י בִגְוָ֔י אַלְפַּ֖יִם חֲמִשִּׁ֥ים וְשִׁשָּֽׁה׃ ס

‎15 ‏בְּנֵ֣י עָדִ֔ין אַרְבַּ֥ע מֵא֖וֹת חֲמִשִּׁ֥ים וְאַרְבָּעָֽה׃ ס

‎16 ‏בְּנֵֽי־אָטֵ֥ר לִֽיחִזְקִיָּ֖ה תִּשְׁעִ֥ים וּשְׁמֹנָֽה׃ ס

‎17 ‏בְּנֵ֣י בֵצָ֔י שְׁלֹ֥שׁ מֵא֖וֹת עֶשְׂרִ֥ים וּשְׁלֹשָֽׁה׃ ס

‎18 ‏בְּנֵ֣י יוֹרָ֔ה מֵאָ֖ה וּשְׁנֵ֥ים עָשָֽׂר׃ ס

‎19 ‏בְּנֵ֣י חָשֻׁ֔ם מָאתַ֖יִם עֶשְׂרִ֥ים וּשְׁלֹשָֽׁה׃ ס

‎20 ‏בְּנֵ֥י גִבָּ֖ר תִּשְׁעִ֥ים וַחֲמִשָּֽׁה׃ ס

‎21 ‏בְּנֵ֣י בֵֽית־לָ֔חֶם מֵאָ֖ה עֶשְׂרִ֥ים וּשְׁלֹשָֽׁה׃ ס

‎22 ‏אַנְשֵׁ֥י נְטֹפָ֖ה חֲמִשִּׁ֥ים וְשִׁשָּֽׁה׃

‎23 ‏אַנְשֵׁ֣י עֲנָת֔וֹת מֵאָ֖ה עֶשְׂרִ֥ים וּשְׁמֹנָֽה׃ ס

‎24 ‏בְּנֵ֥י עַזְמָ֖וֶת אַרְבָּעִ֥ים וּשְׁנָֽיִם׃ ס

‎25 ‏בְּנֵ֨י קִרְיַ֤ת עָרִים֙ כְּפִירָ֣ה וּבְאֵר֔וֹת שְׁבַ֥ע מֵא֖וֹת וְאַרְבָּעִ֥ים וּשְׁלֹשָֽׁה׃ ס

‎26 ‏בְּנֵ֤י הָרָמָה֙ וָגָ֔בַע שֵׁ֥שׁ מֵא֖וֹת עֶשְׂרִ֥ים וְאֶחָֽד׃ ס

‎27 ‏אַנְשֵׁ֣י מִכְמָ֔ס מֵאָ֖ה עֶשְׂרִ֥ים וּשְׁנָֽיִם׃ ס

‎28 ‏אַנְשֵׁ֤י בֵֽית־אֵל֙ וְהָעָ֔י מָאתַ֖יִם עֶשְׂרִ֥ים וּשְׁלֹשָֽׁה׃ ס

‎29 ‏בְּנֵ֥י נְב֖וֹ חֲמִשִּׁ֥ים וּשְׁנָֽיִם׃ ס

‎30 ‏בְּנֵ֣י מַגְבִּ֔ישׁ מֵאָ֖ה חֲמִשִּׁ֥ים וְשִׁשָּֽׁה׃ ס

‎31 ‏בְּנֵי֙ עֵילָ֣ם אַחֵ֔ר אֶ֕לֶף מָאתַ֖יִם חֲמִשִּׁ֥ים וְאַרְבָּעָֽה׃ ס

‎32 ‏בְּנֵ֣י חָרִ֔ם שְׁלֹ֥שׁ מֵא֖וֹת וְעֶשְׂרִֽים׃ ס

‎33 ‏בְּנֵי־לֹד֙ חָדִ֣יד וְאוֹנ֔וֹ שְׁבַ֥ע מֵא֖וֹת עֶשְׂרִ֥ים וַחֲמִשָּֽׁה׃ ס

‎34 ‏בְּנֵ֣י יְרֵח֔וֹ שְׁלֹ֥שׁ מֵא֖וֹת אַרְבָּעִ֥ים וַחֲמִשָּֽׁה׃ ס

‎35 ‏בְּנֵ֣י סְנָאָ֔ה שְׁלֹ֣שֶׁת אֲלָפִ֔ים וְשֵׁ֥שׁ מֵא֖וֹת וּשְׁלֹשִֽׁים׃ ס

‎36 ‏הַֽכֹּהֲנִ֑ים בְּנֵ֤י יְדַֽעְיָה֙ לְבֵ֣ית יֵשׁ֔וּעַ תְּשַׁ֥ע מֵא֖וֹת שִׁבְעִ֥ים וּשְׁלֹשָֽׁה׃ ס

‎37 ‏בְּנֵ֣י אִמֵּ֔ר אֶ֖לֶף חֲמִשִּׁ֥ים וּשְׁנָֽיִם׃ ס

‎38 ‏בְּנֵ֣י פַשְׁח֔וּר אֶ֕לֶף מָאתַ֖יִם אַרְבָּעִ֥ים וְשִׁבְעָֽה׃ ס

‎39 ‏בְּנֵ֣י חָרִ֔ם אֶ֖לֶף וְשִׁבְעָ֥ה עָשָֽׂר׃ ס

‎40 ‏הַלְוִיִּ֑ם בְּנֵי־יֵשׁ֧וּעַ וְקַדְמִיאֵ֛ל לִבְנֵ֥י הוֹדַוְיָ֖ה שִׁבְעִ֥ים וְאַרְבָּעָֽה׃ ס

‎41 ‏הַֽמְשֹׁרְרִ֑ים בְּנֵ֣י אָסָ֔ף מֵאָ֖ה עֶשְׂרִ֥ים וּשְׁמֹנָֽה׃ פ

‎42 ‏בְּנֵ֣י הַשֹּֽׁעֲרִ֗ים בְּנֵי־שַׁלּ֤וּם בְּנֵֽי־אָטֵר֙ בְּנֵי־טַלְמ֣וֹן בְּנֵי־עַקּ֔וּב בְּנֵ֥י חֲטִיטָ֖א בְּנֵ֣י שֹׁבָ֑י הַכֹּ֕ל מֵאָ֖ה שְׁלֹשִׁ֥ים וְתִשְׁעָֽה׃ פ

‎43 ‏הַנְּתִינִ֑ים בְּנֵי־צִיחָ֥א בְנֵי־חֲשׂוּפָ֖א בְּנֵ֥י טַבָּעֽוֹת׃

‎44 ‏בְּנֵי־קֵרֹ֥ס בְּֽנֵי־סִֽיעֲהָ֖א בְּנֵ֥י פָדֽוֹן׃

‎45 ‏בְּנֵי־לְבָנָ֥ה בְנֵי־חֲגָבָ֖ה בְּנֵ֥י עַקּֽוּב׃

‎46 ‏בְּנֵי־חָגָ֥ב בְּנֵי־שמלי שַׁלְמַ֖י בְּנֵ֥י חָנָֽן׃

‎47 ‏בְּנֵי־גִדֵּ֥ל בְּנֵי־גַ֖חַר בְּנֵ֥י רְאָיָֽה׃

‎48 ‏בְּנֵי־רְצִ֥ין בְּנֵי־נְקוֹדָ֖א בְּנֵ֥י גַזָּֽם׃

‎49 ‏בְּנֵי־עֻזָּ֥א בְנֵי־פָסֵ֖חַ בְּנֵ֥י בֵסָֽי׃

‎50 ‏בְּנֵי־אַסְנָ֥ה בְנֵי־מעינים מְעוּנִ֖ים בְּנֵ֥י נפיסים נְפוּסִֽים׃

‎51 ‏בְּנֵי־בַקְבּ֥וּק בְּנֵי־חֲקוּפָ֖א בְּנֵ֥י חַרְחֽוּר׃

‎52 ‏בְּנֵי־בַצְל֥וּת בְּנֵי־מְחִידָ֖א בְּנֵ֥י חַרְשָֽׁא׃

‎53 ‏בְּנֵי־בַרְק֥וֹס בְּֽנֵי־סִֽיסְרָ֖א בְּנֵי־תָֽמַח׃

‎54 ‏בְּנֵ֥י נְצִ֖יחַ בְּנֵ֥י חֲטִיפָֽא׃

‎55 ‏בְּנֵ֖י עַבְדֵ֣י שְׁלֹמֹ֑ה בְּנֵי־סֹטַ֥י בְּנֵי־הַסֹּפֶ֖רֶת בְּנֵ֥י פְרוּדָֽא׃

‎56 ‏בְּנֵי־יַעְלָ֥ה בְנֵי־דַרְק֖וֹן בְּנֵ֥י גִדֵּֽל׃

‎57 ‏בְּנֵ֧י שְׁפַטְיָ֣ה בְנֵֽי־חַטִּ֗יל בְּנֵ֛י פֹּכֶ֥רֶת הַצְּבָיִ֖ים בְּנֵ֥י אָמִֽי׃

‎58 ‏כָּ֨ל־הַנְּתִינִ֔ים וּבְנֵ֖י עַבְדֵ֣י שְׁלֹמֹ֑ה שְׁלֹ֥שׁ מֵא֖וֹת תִּשְׁעִ֥ים וּשְׁנָֽיִם׃ ס

‎59 ‏וְאֵ֗לֶּה הָֽעֹלִים֙ מִתֵּ֥ל מֶ֙לַח֙ תֵּ֣ל חַרְשָׁ֔א כְּר֥וּב אַדָּ֖ן אִמֵּ֑ר וְלֹ֣א יָֽכְל֗וּ לְהַגִּ֤יד בֵּית־אֲבוֹתָם֙ וְזַרְעָ֔ם אִ֥ם מִיִּשְׂרָאֵ֖ל הֵֽם׃

‎60 ‏בְּנֵי־דְלָיָ֥ה בְנֵי־טוֹבִיָּ֖ה בְּנֵ֣י נְקוֹדָ֑א שֵׁ֥שׁ מֵא֖וֹת חֲמִשִּׁ֥ים וּשְׁנָֽיִם׃ ס

‎61 ‏וּמִבְּנֵי֙ הַכֹּ֣הֲנִ֔ים בְּנֵ֥י חֳבַיָּ֖ה בְּנֵ֣י הַקּ֑וֹץ בְּנֵ֣י בַרְזִלַּ֗י אֲשֶׁ֣ר לָ֠קַח מִבְּנ֞וֹת בַּרְזִלַּ֤י הַגִּלְעָדִי֙ אִשָּׁ֔ה וַיִּקָּרֵ֖א עַל־שְׁמָֽם׃

‎62 ‏אֵ֗לֶּה בִּקְשׁ֧וּ כְתָבָ֛ם הַמִּתְיַחְשִׂ֖ים וְלֹ֣א נִמְצָ֑אוּ וַֽיְגֹאֲל֖וּ מִן־הַכְּהֻנָּֽה׃

‎63 ‏וַיֹּ֤אמֶר הַתִּרְשָׁ֙תָא֙ לָהֶ֔ם אֲשֶׁ֥ר לֹא־יֹאכְל֖וּ מִקֹּ֣דֶשׁ הַקֳּדָשִׁ֑ים עַ֛ד עֲמֹ֥ד כֹּהֵ֖ן לְאוּרִ֥ים וּלְתֻמִּֽים׃

‎64 ‏כָּל־הַקָּהָ֖ל כְּאֶחָ֑ד אַרְבַּ֣ע רִבּ֔וֹא אַלְפַּ֖יִם שְׁלֹשׁ־מֵא֥וֹת שִׁשִּֽׁים׃

‎65 ‏מִ֠לְּבַד עַבְדֵיהֶ֤ם וְאַמְהֹֽתֵיהֶם֙ אֵ֔לֶּה שִׁבְעַ֣ת אֲלָפִ֔ים שְׁלֹ֥שׁ מֵא֖וֹת שְׁלֹשִׁ֣ים וְשִׁבְעָ֑ה וְלָהֶ֛ם מְשֹׁרְרִ֥ים וּֽמְשֹׁרְר֖וֹת מָאתָֽיִם׃

‎66 ‏סוּסֵיהֶ֕ם שְׁבַ֥ע מֵא֖וֹת שְׁלֹשִׁ֣ים וְשִׁשָּׁ֑ה פִּרְדֵיהֶ֕ם מָאתַ֖יִם אַרְבָּעִ֥ים וַחֲמִשָּֽׁה׃

‎67 ‏גְּמַ֨לֵּיהֶ֔ם אַרְבַּ֥ע מֵא֖וֹת שְׁלֹשִׁ֣ים וַחֲמִשָּׁ֑ה חֲמֹרִ֕ים שֵׁ֣שֶׁת אֲלָפִ֔ים שְׁבַ֥ע מֵא֖וֹת וְעֶשְׂרִֽים׃ פ

‎68 ‏וּמֵרָאשֵׁי֙ הָֽאָב֔וֹת בְּבוֹאָ֕ם לְבֵ֥ית יְהוָ֖ה אֲשֶׁ֣ר בִּירוּשָׁלִָ֑ם הִֽתְנַדְּבוּ֙ לְבֵ֣ית הָֽאֱלֹהִ֔ים לְהַעֲמִיד֖וֹ עַל־מְכוֹנֽוֹ׃

‎69 ‏כְּכֹחָ֗ם נָתְנוּ֮ לְאוֹצַ֣ר הַמְּלָאכָה֒ זָהָ֗ב דַּרְכְּמוֹנִים֙ שֵׁשׁ־רִבֹּ֣אות וָאֶ֔לֶף סוְכֶ֕סֶף מָנִ֖ים חֲמֵ֣שֶׁת אֲלָפִ֑ים וְכָתְנֹ֥ת כֹּהֲנִ֖ים מֵאָֽה׃ ס

‎70 ‏וַיֵּשְׁב֣וּ הַכֹּהֲנִ֣ים וְ֠הַלְוִיִּם וּֽמִן־הָעָ֞ם וְהַמְשֹׁרְרִ֧ים וְהַשּׁוֹעֲרִ֛ים וְהַנְּתִינִ֖ים בְּעָרֵיהֶ֑ם וְכָל־יִשְׂרָאֵ֖ל בְּעָרֵיהֶֽם׃ ס

1 wə’ēlleh| bənê hamməḏînâ hā‘ōlîm miššəḇî hagwōlâ ’ăšer heḡəlâ nəḇûḵaḏəneṣṣwōr nəḇûḵaḏəneṣṣar meleḵə-bāḇel ləḇāḇel wayyāšûḇû lîrûšālaim wîhûḏâ ’îš lə‘îrwō:

2 ’ăšer-bā’û ‘im-zərubāḇel yēšû‘a nəḥeməyâ śərāyâ rə‘ēlāyâ mārədŏḵay biləšān misəpār biḡəway rəḥûm b^a‘ănâ misəpar ’anəšê ‘am yiśərā’ēl: s

3 bənê farə‘ōš ’aləpayim mē’â šiḇə‘îm ûšənāyim: s

4 bənê šəfaṭəyâ šəlōš mē’wōṯ šiḇə‘îm ûšənāyim: s

5 bənê ’ār^aḥ šəḇ^a‘ mē’wōṯ ḥămiššâ wəšiḇə‘îm: s

6 bənê-f^aḥaṯ mwō’āḇ liḇənê yēšû‘a ywō’āḇ ’aləpayim šəmōneh mē’wōṯ ûšənêm ‘āśār: s

7 bənê ‘êlām ’elef mā’ṯayim ḥămiššîm wə’arəbā‘â: s

8 bənê zatû’ təš^a‘ mē’wōṯ wə’arəbā‘îm w^aḥămiššâ: s

9 bənê zakāy šəḇ^a‘ mē’wōṯ wəšiššîm: s

10 bənê ḇānî šēš mē’wōṯ ’arəbā‘îm ûšənāyim: s

11 bənê ḇēḇāy šēš mē’wōṯ ‘eśərîm ûšəlōšâ: s

12 bənê ‘azəgāḏ ’elef mā’ṯayim ‘eśərîm ûšənāyim: s

13 bənê ’ăḏōnîqām šēš mē’wōṯ šiššîm wəšiššâ: s

14 bənê ḇiḡəwāy ’aləpayim ḥămiššîm wəšiššâ: s

15 bənê ‘āḏîn ’arəb^a‘ mē’wōṯ ḥămiššîm wə’arəbā‘â: s

16 bənê-’āṭēr lîḥizəqîyâ tišə‘îm ûšəmōnâ: s

17 bənê ḇēṣāy šəlōš mē’wōṯ ‘eśərîm ûšəlōšâ: s

18 bənê ywōrâ mē’â ûšənêm ‘āśār: s

19 bənê ḥāšum mā’ṯayim ‘eśərîm ûšəlōšâ: s

20 bənê ḡibār tišə‘îm w^aḥămiššâ: s

21 bənê ḇêṯ-lāḥem mē’â ‘eśərîm ûšəlōšâ: s

22 ’anəšê nəṭōfâ ḥămiššîm wəšiššâ:

23 ’anəšê ‘ănāṯwōṯ mē’â ‘eśərîm ûšəmōnâ: s

24 bənê ‘azəmāweṯ ’arəbā‘îm ûšənāyim: s

25 bənê qirəyaṯ ‘ārîm kəfîrâ ûḇə’ērwōṯ šəḇ^a‘ mē’wōṯ wə’arəbā‘îm ûšəlōšâ: s

26 bənê hārāmâ wāḡāḇ^a‘ šēš mē’wōṯ ‘eśərîm wə’eḥāḏ: s

27 ’anəšê miḵəmās mē’â ‘eśərîm ûšənāyim: s

28 ’anəšê ḇêṯ-’ēl wəhā‘āy mā’ṯayim ‘eśərîm ûšəlōšâ: s

29 bənê nəḇwō ḥămiššîm ûšənāyim: s

30 bənê maḡəbîš mē’â ḥămiššîm wəšiššâ: s

31 bənê ‘êlām ’^aḥēr ’elef mā’ṯayim ḥămiššîm wə’arəbā‘â: s

32 bənê ḥārim šəlōš mē’wōṯ wə‘eśərîm: s

33 bənê-lōḏ ḥāḏîḏ wə’wōnwō šəḇ^a‘ mē’wōṯ ‘eśərîm w^aḥămiššâ: s

34 bənê yərēḥwō šəlōš mē’wōṯ ’arəbā‘îm w^aḥămiššâ: s

35 bənê sənā’â šəlōšeṯ ’ălāfîm wəšēš mē’wōṯ ûšəlōšîm: s

36 hakōhănîm bənê yəḏ^a‘əyâ ləḇêṯ yēšû‘a təš^a‘ mē’wōṯ šiḇə‘îm ûšəlōšâ: s

37 bənê ’immēr ’elef ḥămiššîm ûšənāyim: s

38 bənê fašəḥûr ’elef mā’ṯayim ’arəbā‘îm wəšiḇə‘â: s

39 bənê ḥārim ’elef wəšiḇə‘â ‘āśār: s

40 haləwîyim bənê-yēšû‘a wəqaḏəmî’ēl liḇənê hwōḏawəyâ šiḇə‘îm wə’arəbā‘â: s

41 haməšōrərîm bənê ’āsāf mē’â ‘eśərîm ûšəmōnâ: f

42 bənê haššō‘ărîm bənê-šallûm bənê-’āṭēr bənê-ṭaləmwōn bənê-‘aqqûḇ bənê ḥăṭîṭā’ bənê šōḇāy hakōl mē’â šəlōšîm wəṯišə‘â: f

43 hannəṯînîm bənê-ṣîḥā’ ḇənê-ḥăśûfā’ bənê ṭabā‘wōṯ:

44 bənê-qērōs bənê-sî‘ăhā’ bənê fāḏwōn:

45 bənê-ləḇānâ ḇənê-ḥăḡāḇâ bənê ‘aqqûḇ:

46 bənê-ḥāḡāḇ bənê-šaməlay šaləmay bənê ḥānān:

47 bənê-ḡidēl bənê-ḡ^aḥar bənê rə’āyâ:

48 bənê-rəṣîn bənê-nəqwōḏā’ bənê ḡazzām:

49 bənê-‘uzzā’ ḇənê-fāsēḥa bənê ḇēsāy:

50 bənê-’asənâ ḇənê-mə‘înîm mə‘ûnîm bənê nəfîsîm nəfûsîm:

51 bənê-ḇaqəbûq bənê-ḥăqûfā’ bənê ḥarəḥûr:

52 bənê-ḇaṣəlûṯ bənê-məḥîḏā’ bənê ḥarəšā’:

53 bənê-ḇarəqwōs bənê-sîsərā’ bənê-ṯām^aḥ:

54 bənê nəṣîḥa bənê ḥăṭîfā’:

55 bənê ‘aḇəḏê šəlōmōh bənê-sōṭay bənê-hassōfereṯ bənê fərûḏā’:

56 bənê-y^a‘əlâ ḇənê-ḏarəqwōn bənê ḡidēl:

57 bənê šəfaṭəyâ ḇənê-ḥaṭṭîl bənê pōḵereṯ haṣṣəḇāyîm bənê ’āmî:

58 kāl-hannəṯînîm ûḇənê ‘aḇəḏê šəlōmōh šəlōš mē’wōṯ tišə‘îm ûšənāyim: s

59 wə’ēlleh hā‘ōlîm mitēl mel^aḥ tēl ḥarəšā’ kərûḇ ’adān ’immēr wəlō’ yāḵəlû ləhagîḏ bêṯ-’ăḇwōṯām wəzarə‘ām ’im mîyiśərā’ēl hēm:

60 bənê-ḏəlāyâ ḇənê-ṭwōḇîyâ bənê nəqwōḏā’ šēš mē’wōṯ ḥămiššîm ûšənāyim: s

61 ûmibənê hakōhănîm bənê ḥŏḇayyâ bənê haqqwōṣ bənê ḇarəzillay ’ăšer lāq^aḥ mibənwōṯ barəzillay hagilə‘āḏî ’iššâ wayyiqqārē’ ‘al-šəmām:

62 ’ēlleh biqəšû ḵəṯāḇām hammiṯəy^aḥəśîm wəlō’ niməṣā’û wayəḡō’ălû min-hakəhunnâ:

63 wayyō’mer hatirəšāṯā’ lâem ’ăšer lō’-yō’ḵəlû miqqōḏeš haqqŏḏāšîm ‘aḏ ‘ămōḏ kōhēn lə’ûrîm ûləṯummîm:

64 kāl-haqqâāl kə’eḥāḏ ’arəb^a‘ ribwō’ ’aləpayim šəlōš-mē’wōṯ šiššîm:

65 milləḇaḏ ‘aḇəḏêhem wə’aməhōṯêhem ’ēlleh šiḇə‘aṯ ’ălāfîm šəlōš mē’wōṯ šəlōšîm wəšiḇə‘â wəlâem məšōrərîm ûməšōrərwōṯ mā’ṯāyim:

66 sûsêhem šəḇ^a‘ mē’wōṯ šəlōšîm wəšiššâ pirəḏêhem mā’ṯayim ’arəbā‘îm w^aḥămiššâ:

67 gəmallêhem ’arəb^a‘ mē’wōṯ šəlōšîm w^aḥămiššâ ḥămōrîm šēšeṯ ’ălāfîm šəḇ^a‘ mē’wōṯ wə‘eśərîm: f

68 ûmērā’šê hā’āḇwōṯ bəḇwō’ām ləḇêṯ yəhwâ ’ăšer bîrûšālāim hiṯənadəḇû ləḇêṯ hā’ĕlōhîm ləh^a‘ămîḏwō ‘al-məḵwōnwō:

69 kəḵōḥām nāṯənû lə’wōṣar hamməlā’ḵâ zâāḇ darəkəmwōnîm šēš-ribō’wṯ wā’elef swəḵesef mānîm ḥămēšeṯ ’ălāfîm wəḵāṯənōṯ kōhănîm mē’â: s

70 wayyēšəḇû hakōhănîm wəhaləwîyim ûmin-hā‘ām wəhaməšōrərîm wəhaššwō‘ărîm wəhannəṯînîm bə‘ārêhem wəḵāl-yiśərā’ēl bə‘ārêhem: s