‎1 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎2 ‏בֶּן־אָדָ֡ם אֱמֹר֩ לִנְגִ֨יד צֹ֜ר כֹּֽה־אָמַ֣ר׀ אֲדֹנָ֣י יְהוִֹ֗ה יַ֣עַן גָּבַ֤הּ לִבְּךָ֙ וַתֹּ֙אמֶר֙ אֵ֣ל אָ֔נִי מוֹשַׁ֧ב אֱלֹהִ֛ים יָשַׁ֖בְתִּי בְּלֵ֣ב יַמִּ֑ים וְאַתָּ֤ה אָדָם֙ וְֽלֹא־אֵ֔ל וַתִּתֵּ֥ן לִבְּךָ֖ כְּלֵ֥ב אֱלֹהִֽים׃

‎3 ‏הִנֵּ֥ה חָכָ֛ם אַתָּ֖ה מדנאל מִדָּֽנִיאֵ֑ל כָּל־סָת֖וּם לֹ֥א עֲמָמֽוּךָ׃

‎4 ‏בְּחָכְמָֽתְךָ֙ וּבִתְבוּנָ֣תְךָ֔³ עָשִׂ֥יתָ לְּךָ֖ חָ֑יִל וַתַּ֛עַשׂ זָהָ֥ב וָכֶ֖סֶף בְּאוֹצְרוֹתֶֽיךָ׃

‎5 ‏בְּרֹ֧ב חָכְמָתְךָ֛ בִּרְכֻלָּתְךָ֖ הִרְבִּ֣יתָ חֵילֶ֑ךָ וַיִּגְבַּ֥הּ לְבָבְךָ֖ בְּחֵילֶֽךָ׃ ס

‎6 ‏לָכֵ֕ן כֹּ֥ה אָמַ֖ר אֲדֹנָ֣י יְהוִ֑ה יַ֛עַן תִּתְּךָ֥ אֶת־לְבָבְךָ֖ כְּלֵ֥ב אֱלֹהִֽים׃

‎7 ‏לָכֵ֗ן הִנְנִ֨י מֵבִ֤יא עָלֶ֙יךָ֙ זָרִ֔ים עָרִיצֵ֖י גּוֹיִ֑ם וְהֵרִ֤יקוּ חַרְבוֹתָם֙ עַל־יְפִ֣י חָכְמָתֶ֔ךָ וְחִלְּל֖וּ יִפְעָתֶֽךָ׃

‎8 ‏לַשַּׁ֖חַת יֽוֹרִד֑וּךָ וָמַ֛תָּה מְמוֹתֵ֥י חָלָ֖ל בְּלֵ֥ב יַמִּֽים׃

‎9 ‏הֶאָמֹ֤ר תֹּאמַר֙ אֱלֹהִ֣ים אָ֔נִי לִפְנֵ֖י הֹֽרְגֶ֑ךָ וְאַתָּ֥ה אָדָ֛ם וְלֹא־אֵ֖ל בְּיַ֥ד מְחַלְלֶֽיךָ׃

‎10 ‏מוֹתֵ֧י עֲרֵלִ֛ים תָּמ֖וּת בְּיַד־זָרִ֑ים כִּ֚י אֲנִ֣י דִבַּ֔רְתִּי נְאֻ֖ם אֲדֹנָ֥י יְהוִֽה׃ ס

‎11 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎12 ‏בֶּן־אָדָ֕ם שָׂ֥א קִינָ֖ה עַל־מֶ֣לֶךְ צ֑וֹר וְאָמַ֣רְתָּ לּ֗וֹ כֹּ֤ה אָמַר֙ אֲדֹנָ֣י יְהוִ֔ה אַתָּה֙ חוֹתֵ֣ם תָּכְנִ֔ית מָלֵ֥א חָכְמָ֖ה וּכְלִ֥יל יֹֽפִי׃

‎13 ‏בְּעֵ֨דֶן גַּן־אֱלֹהִ֜ים הָיִ֗יתָ כָּל־אֶ֨בֶן יְקָרָ֤ה מְסֻכָתֶ֙ךָ֙ אֹ֣דֶם פִּטְדָ֞ה וְיָהֲלֹ֗ם תַּרְשִׁ֥ישׁ שֹׁ֙הַם֙ וְיָ֣שְׁפֵ֔ה סַפִּ֣יר נֹ֔פֶךְ וּבָרְקַ֖ת וְזָהָ֑ב מְלֶ֨אכֶת תֻּפֶּ֤יךָ וּנְקָבֶ֙יךָ֙ בָּ֔ךְ בְּי֥וֹם הִבָּרַאֲךָ֖ כּוֹנָֽנוּ׃

‎14 ‏אַ֨תְּ־כְּר֔וּב מִמְשַׁ֖ח הַסּוֹכֵ֑ךְ וּנְתַתִּ֗יךָ בְּהַ֨ר קֹ֤דֶשׁ אֱלֹהִים֙ הָיִ֔יתָ בְּת֥וֹךְ אַבְנֵי־אֵ֖שׁ הִתְהַלָּֽכְתָּ׃

‎15 ‏תָּמִ֤ים אַתָּה֙ בִּדְרָכֶ֔יךָ מִיּ֖וֹם הִבָּֽרְאָ֑ךְ עַד־נִמְצָ֥א עַוְלָ֖תָה בָּֽךְ׃

‎16 ‏בְּרֹ֣ב רְכֻלָּתְךָ֗ מָל֧וּ תוֹכְךָ֛ חָמָ֖ס וַֽתֶּחֱטָ֑א וָאֶחַלֶּלְךָ֩ מֵהַ֨ר אֱלֹהִ֤ים וָֽאַבֶּדְךָ֙ כְּר֣וּב הַסֹּכֵ֔ךְ מִתּ֖וֹךְ אַבְנֵי־אֵֽשׁ׃

‎17 ‏גָּבַ֤הּ לִבְּךָ֙ בְּיָפְיֶ֔ךָ שִׁחַ֥תָּ חָכְמָתְךָ֖ עַל־יִפְעָתֶ֑ךָ עַל־אֶ֣רֶץ הִשְׁלַכְתִּ֗יךָ לִפְנֵ֧י מְלָכִ֛ים נְתַתִּ֖יךָ לְרַ֥אֲוָה בָֽךְ׃

‎18 ‏מֵרֹ֣ב עֲוֹנֶ֗יךָ בְּעֶ֙וֶל֙ רְכֻלָּ֣תְךָ֔ חִלַּ֖לְתָּ מִקְדָּשֶׁ֑יךָ וָֽאוֹצִא־אֵ֤שׁ מִתּֽוֹכְךָ֙ הִ֣יא אֲכָלַ֔תְךָ וָאֶתֶּנְךָ֤ לְאֵ֙פֶר֙ עַל־הָאָ֔רֶץ לְעֵינֵ֖י כָּל־רֹאֶֽיךָ׃

‎19 ‏כָּל־יוֹדְעֶ֙יךָ֙ בָּֽעַמִּ֔ים שָׁמְמ֖וּ עָלֶ֑יךָ בַּלָּה֣וֹת הָיִ֔יתָ וְאֵינְךָ֖ עַד־עוֹלָֽם׃ פ

‎20 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎21 ‏בֶּן־אָדָ֕ם שִׂ֥ים פָּנֶ֖יךָ אֶל־צִיד֑וֹן וְהִנָּבֵ֖א עָלֶֽיהָ׃

‎22 ‏וְאָמַרְתָּ֗ כֹּ֤ה אָמַר֙ אֲדֹנָ֣י יְהוִ֔ה הִנְנִ֤י עָלַ֙יִךְ֙ צִיד֔וֹן וְנִכְבַּדְתִּ֖י בְּתוֹכֵ֑ךְ וְֽיָדְע֞וּ כִּֽי־אֲנִ֣י יְהוָ֗ה בַּעֲשׂ֥וֹתִי בָ֛הּ שְׁפָטִ֖ים וְנִקְדַּ֥שְׁתִּי בָֽהּ׃

‎23 ‏וְשִׁלַּחְתִּי־בָ֞הּ דֶּ֤בֶר וָדָם֙ בְּח֣וּצוֹתֶ֔יהָ וְנִפְלַ֤ל חָלָל֙ בְּתוֹכָ֔הּ בְּחֶ֥רֶב עָלֶ֖יהָ מִסָּבִ֑יב וְיָדְע֖וּ כִּֽי־אֲנִ֥י יְהוָֽה׃

‎24 ‏וְלֹֽא־יִהְיֶ֨ה ע֜וֹד לְבֵ֣ית יִשְׂרָאֵ֗ל סִלּ֤וֹן מַמְאִיר֙ וְק֣וֹץ מַכְאִ֔ב מִכֹּל֙ סְבִ֣יבֹתָ֔ם הַשָּׁאטִ֖ים אוֹתָ֑ם וְיָ֣דְע֔וּ כִּ֥י אֲנִ֖י אֲדֹנָ֥י יְהוִֽה׃ ס

‎25 ‏כֹּֽה־אָמַר֮ אֲדֹנָ֣י יְהוִה֒ בְּקַבְּצִ֣י׀ אֶת־בֵּ֣ית יִשְׂרָאֵ֗ל מִן־הָֽעַמִּים֙ אֲשֶׁ֣ר נָפֹ֣צוּ בָ֔ם וְנִקְדַּ֥שְׁתִּי בָ֖ם לְעֵינֵ֣י הַגּוֹיִ֑ם וְיָֽשְׁבוּ֙ עַל־אַדְמָתָ֔ם אֲשֶׁ֥ר נָתַ֖תִּי לְעַבְדִּ֥י לְיַעֲקֹֽב׃

‎26 ‏וְיָשְׁב֣וּ עָלֶיהָ֮ לָבֶטַח֒ וּבָנ֤וּ בָתִּים֙ וְנָטְע֣וּ כְרָמִ֔ים וְיָשְׁב֖וּ לָבֶ֑טַח בַּעֲשׂוֹתִ֣י שְׁפָטִ֗ים בְּכֹ֨ל הַשָּׁאטִ֤ים אֹתָם֙ מִסְּבִ֣יבוֹתָ֔ם וְיָ֣דְע֔וּ כִּ֛י אֲנִ֥י יְהוָ֖ה אֱלֹהֵיהֶֽם׃ ס

1 wayəhî ḏəḇar-yəhwâ ’ēlay lē’mōr:

2 ben-’āḏām ’ĕmōr linəḡîḏ ṣōr kōh-’āmar| ’ăḏōnāy yəhwōih y^a‘an gāḇ^ah libəḵā watō’mer ’ēl ’ānî mwōšaḇ ’ĕlōhîm yāšaḇətî bəlēḇ yammîm wə’atâ ’āḏām wəlō’-’ēl watitēn libəḵā kəlēḇ ’ĕlōhîm:

3 hinnēh ḥāḵām ’atâ midāni’ēl midānî’ēl kāl-sāṯûm lō’ ‘ămāmûḵā:

4 bəḥāḵəmāṯəḵā ûḇiṯəḇûnāṯəḵā³ ‘āśîṯā lləḵā ḥāyil wat^a‘aś zâāḇ wāḵesef bə’wōṣərwōṯeyḵā:

5 bərōḇ ḥāḵəmāṯəḵā birəḵullāṯəḵā hirəbîṯā ḥêleḵā wayyiḡəb^ah ləḇāḇəḵā bəḥêleḵā: s

6 lāḵēn kōh ’āmar ’ăḏōnāy yəhwih y^a‘an titəḵā ’eṯ-ləḇāḇəḵā kəlēḇ ’ĕlōhîm:

7 lāḵēn hinənî mēḇî’ ‘āleyḵā zārîm ‘ārîṣê gwōyim wəhērîqû ḥarəḇwōṯām ‘al-yəfî ḥāḵəmāṯeḵā wəḥilləlû yifə‘āṯeḵā:

8 lašš^aḥaṯ ywōriḏûḵā wāmatâ məmwōṯê ḥālāl bəlēḇ yammîm:

9 he’āmōr tō’mar ’ĕlōhîm ’ānî lifənê hōrəḡeḵā wə’atâ ’āḏām wəlō’-’ēl bəyaḏ məḥaləleyḵā:

10 mwōṯê ‘ărēlîm tāmûṯ bəyaḏ-zārîm kî ’ănî ḏibarətî nə’um ’ăḏōnāy yəhwih: s

11 wayəhî ḏəḇar-yəhwâ ’ēlay lē’mōr:

12 ben-’āḏām śā’ qînâ ‘al-meleḵə ṣwōr wə’āmarətā llwō kōh ’āmar ’ăḏōnāy yəhwih ’atâ ḥwōṯēm tāḵənîṯ mālē’ ḥāḵəmâ ûḵəlîl yōfî:

13 bə‘ēḏen gan-’ĕlōhîm hāyîṯā kāl-’eḇen yəqārâ məsuḵāṯeḵā ’ōḏem piṭəḏâ wəyâălōm tarəšîš šōham wəyāšəfēh sapîr nōfeḵə ûḇārəqaṯ wəzâāḇ məle’ḵeṯ tupeyḵā ûnəqāḇeyḵā bāḵə bəywōm hibāra’ăḵā kwōnānû:

14 ’atə-kərûḇ miməš^aḥ hasswōḵēḵə ûnəṯatîḵā bəhar qōḏeš ’ĕlōhîm hāyîṯā bəṯwōḵə ’aḇənê-’ēš hiṯəhallāḵətā:

15 tāmîm ’atâ biḏərāḵeyḵā mîywōm hibārə’āḵə ‘aḏ-niməṣā’ ‘awəlāṯâ bāḵə:

16 bərōḇ rəḵullāṯəḵā mālû ṯwōḵəḵā ḥāmās wateḥĕṭā’ wā’eḥalleləḵā mēhar ’ĕlōhîm wā’abeḏəḵā kərûḇ hassōḵēḵə mitwōḵə ’aḇənê-’ēš:

17 gāḇ^ah libəḵā bəyāfəyeḵā šiḥatā ḥāḵəmāṯəḵā ‘al-yifə‘āṯeḵā ‘al-’ereṣ hišəlaḵətîḵā lifənê məlāḵîm nəṯatîḵā ləra’ăwâ ḇāḵə:

18 mērōḇ ‘ăwōneyḵā bə‘ewel rəḵullāṯəḵā ḥillalətā miqədāšeyḵā wā’wōṣi’-’ēš mitwōḵəḵā hî’ ’ăḵālaṯəḵā wā’etenəḵā lə’ēfer ‘al-hā’āreṣ lə‘ênê kāl-rō’eyḵā:

19 kāl-ywōḏə‘eyḵā bā‘ammîm šāməmû ‘āleyḵā ballâwōṯ hāyîṯā wə’ênəḵā ‘aḏ-‘wōlām: f

20 wayəhî ḏəḇar-yəhwâ ’ēlay lē’mōr:

21 ben-’āḏām śîm pāneyḵā ’el-ṣîḏwōn wəhinnāḇē’ ‘āleyhā:

22 wə’āmarətā kōh ’āmar ’ăḏōnāy yəhwih hinənî ‘ālayiḵə ṣîḏwōn wəniḵəbaḏətî bəṯwōḵēḵə wəyāḏə‘û kî-’ănî yəhwâ b^a‘ăśwōṯî ḇāh šəfāṭîm wəniqədašətî ḇāh:

23 wəšill^aḥətî-ḇāh deḇer wāḏām bəḥûṣwōṯeyhā wənifəlal ḥālāl bəṯwōḵāh bəḥereḇ ‘āleyhā missāḇîḇ wəyāḏə‘û kî-’ănî yəhwâ:

24 wəlō’-yihəyeh ‘wōḏ ləḇêṯ yiśərā’ēl sillwōn mamə’îr wəqwōṣ maḵə’iḇ mikōl səḇîḇōṯām haššā’ṭîm ’wōṯām wəyāḏə‘û kî ’ănî ’ăḏōnāy yəhwih: s

25 kōh-’āmar ’ăḏōnāy yəhwih bəqabəṣî| ’eṯ-bêṯ yiśərā’ēl min-hā‘ammîm ’ăšer nāfōṣû ḇām wəniqədašətî ḇām lə‘ênê hagwōyim wəyāšəḇû ‘al-’aḏəmāṯām ’ăšer nāṯatî lə‘aḇədî ləy^a‘ăqōḇ:

26 wəyāšəḇû ‘āleyhā lāḇeṭ^aḥ ûḇānû ḇātîm wənāṭə‘û ḵərāmîm wəyāšəḇû lāḇeṭ^aḥ b^a‘ăśwōṯî šəfāṭîm bəḵōl haššā’ṭîm ’ōṯām missəḇîḇwōṯām wəyāḏə‘û kî ’ănî yəhwâ ’ĕlōhêhem: s