Sacred Texts  Bible  Index 
Polyglot  KJV  Sep  Vul 

Esther (Esther) Index
  Previous  Next 

Tanach (Hebrew): Esther (Esther) Chapter 6

1 ‏בַּלַּ֣יְלָה הַה֔וּא נָדְדָ֖ה שְׁנַ֣ת הַמֶּ֑לֶךְ וַיֹּ֗אמֶר לְהָבִ֞יא אֶת־סֵ֤פֶר הַזִּכְרֹנוֹת֙ דִּבְרֵ֣י הַיָּמִ֔ים וַיִּהְי֥וּ נִקְרָאִ֖ים לִפְנֵ֥י הַמֶּֽלֶךְ׃

2 ‏וַיִּמָּצֵ֣א כָת֗וּב אֲשֶׁר֩ הִגִּ֨יד מָרְדֳּכַ֜י עַל־בִּגְתָ֣נָא וָתֶ֗רֶשׁ שְׁנֵי֙ סָרִיסֵ֣י הַמֶּ֔לֶךְ מִשֹּׁמְרֵ֖י הַסַּ֑ף אֲשֶׁ֤ר בִּקְשׁוּ֙ לִשְׁלֹ֣חַ יָ֔ד בַּמֶּ֖לֶךְ אֲחַשְׁוֵרֽוֹשׁ׃

3 ‏וַיֹּ֣אמֶר הַמֶּ֔לֶךְ מַֽה־נַּעֲשָׂ֞ה יְקָ֧ר וּגְדוּלָּ֛ה לְמָרְדֳּכַ֖י עַל־זֶ֑ה וַיֹּ֨אמְר֜וּ נַעֲרֵ֤י הַמֶּ֙לֶךְ֙ מְשָׁ֣רְתָ֔יו לֹא־נַעֲשָׂ֥ה עִמּ֖וֹ דָּבָֽר׃

4 ‏וַיֹּ֥אמֶר הַמֶּ֖לֶךְ מִ֣י בֶחָצֵ֑ר וְהָמָ֣ן בָּ֗א לַחֲצַ֤ר בֵּית־הַמֶּ֙לֶךְ֙ הַחִ֣יצוֹנָ֔ה לֵאמֹ֣ר לַמֶּ֔לֶךְ לִתְלוֹת֙ אֶֽת־מָרְדֳּכַ֔י עַל־הָעֵ֖ץ אֲשֶׁר־הֵכִ֥ין לֽוֹ׃

5 ‏וַיֹּ֨אמְר֜וּ נַעֲרֵ֤י הַמֶּ֙לֶךְ֙ אֵלָ֔יו הִנֵּ֥ה הָמָ֖ן עֹמֵ֣ד בֶּחָצֵ֑ר וַיֹּ֥אמֶר הַמֶּ֖לֶךְ יָבֽוֹא׃

6 ‏וַיָּבוֹא֮ הָמָן֒ וַיֹּ֤אמֶר לוֹ֙ הַמֶּ֔לֶךְ מַה־לַעֲשׂ֕וֹת בָּאִ֕ישׁ אֲשֶׁ֥ר הַמֶּ֖לֶךְ חָפֵ֣ץ בִּיקָר֑וֹ וַיֹּ֤אמֶר הָמָן֙ בְּלִבּ֔וֹ לְמִ֞י יַחְפֹּ֥ץ הַמֶּ֛לֶךְ לַעֲשׂ֥וֹת יְקָ֖ר יוֹתֵ֥ר מִמֶּֽנִּי׃

7 ‏וַיֹּ֥אמֶר הָמָ֖ן אֶל־הַמֶּ֑לֶךְ אִ֕ישׁ אֲשֶׁ֥ר הַמֶּ֖לֶךְ חָפֵ֥ץ בִּיקָרֽוֹ׃

8 ‏יָבִ֙יאוּ֙ לְב֣וּשׁ מַלְכ֔וּת אֲשֶׁ֥ר לָֽבַשׁ־בּ֖וֹ הַמֶּ֑לֶךְ וְס֗וּס אֲשֶׁ֨ר רָכַ֤ב עָלָיו֙ הַמֶּ֔לֶךְ וַאֲשֶׁ֥ר נִתַּ֛ן כֶּ֥תֶר מַלְכ֖וּת בְּרֹאשֽׁוֹ׃

9 ‏וְנָת֨וֹן הַלְּב֜וּשׁ וְהַסּ֗וּס עַל־יַד־אִ֞ישׁ מִשָּׂרֵ֤י הַמֶּ֙לֶךְ֙ הַֽפַּרְתְּמִ֔ים וְהִלְבִּ֙ישׁוּ֙ אֶת־הָאִ֔ישׁ אֲשֶׁ֥ר הַמֶּ֖לֶךְ חָפֵ֣ץ בִּֽיקָר֑וֹ וְהִרְכִּיבֻ֤הוּ עַל־הַסּוּס֙ בִּרְח֣וֹב הָעִ֔יר וְקָרְא֣וּ לְפָנָ֔יו כָּ֚כָה יֵעָשֶׂ֣ה לָאִ֔ישׁ אֲשֶׁ֥ר הַמֶּ֖לֶךְ חָפֵ֥ץ בִּיקָרֽוֹ׃

10 ‏וַיֹּ֨אמֶר הַמֶּ֜לֶךְ לְהָמָ֗ן מַ֠הֵר קַ֣ח אֶת־הַלְּב֤וּשׁ וְאֶת־הַסּוּס֙ כַּאֲשֶׁ֣ר דִּבַּ֔רְתָּ וַֽעֲשֵׂה־כֵן֙ לְמָרְדֳּכַ֣י הַיְּהוּדִ֔י הַיּוֹשֵׁ֖ב בְּשַׁ֣עַר הַמֶּ֑לֶךְ אַל־תַּפֵּ֣ל דָּבָ֔ר מִכֹּ֖ל אֲשֶׁ֥ר דִּבַּֽרְתָּ׃

11 ‏וַיִּקַּ֤ח הָמָן֙ אֶת־הַלְּב֣וּשׁ וְאֶת־הַסּ֔וּס וַיַּלְבֵּ֖שׁ אֶֽת־מָרְדֳּכָ֑י וַיַּרְכִּיבֵ֙הוּ֙ בִּרְח֣וֹב הָעִ֔יר וַיִּקְרָ֣א לְפָנָ֔יו כָּ֚כָה יֵעָשֶׂ֣ה לָאִ֔ישׁ אֲשֶׁ֥ר הַמֶּ֖לֶךְ חָפֵ֥ץ בִּיקָרֽוֹ׃

12 ‏וַיָּ֥שָׁב מָרְדֳּכַ֖י אֶל־שַׁ֣עַר הַמֶּ֑לֶךְ וְהָמָן֙ נִדְחַ֣ף אֶל־בֵּית֔וֹ אָבֵ֖ל וַחֲפ֥וּי רֹֽאשׁ׃

13 ‏וַיְסַפֵּ֨ר הָמָ֜ן לְזֶ֤רֶשׁ אִשְׁתּוֹ֙ וּלְכָל־אֹ֣הֲבָ֔יו אֵ֖ת כָּל־אֲשֶׁ֣ר קָרָ֑הוּ וַיֹּ֩אמְרוּ֩3 ל֨וֹ חֲכָמָ֜יו וְזֶ֣רֶשׁ אִשְׁתּ֗וֹ אִ֣ם מִזֶּ֣רַע הַיְּהוּדִ֡ים מָרְדֳּכַ֞י אֲשֶׁר֩ הַחִלּ֨וֹתָ לִנְפֹּ֤ל לְפָנָיו֙ לֹא־תוּכַ֣ל ל֔וֹ כִּֽי־נָפ֥וֹל תִּפּ֖וֹל לְפָנָֽיו׃

14 ‏עוֹדָם֙ מְדַבְּרִ֣ים עִמּ֔וֹ וְסָרִיסֵ֥י הַמֶּ֖לֶךְ הִגִּ֑יעוּ וַיַּבְהִ֙לוּ֙ לְהָבִ֣יא אֶת־הָמָ֔ן אֶל־הַמִּשְׁתֶּ֖ה אֲשֶׁר־עָשְׂתָ֥ה אֶסְתֵּֽר׃

1 ballayəlâ hahû’ nāḏəḏâ šənaṯ hammeleḵə wayyō’mer ləhāḇî’ ’eṯ-sēfer hazziḵərōnwōṯ diḇərê hayyāmîm wayyihəyû niqərā’îm lifənê hammeleḵə:

2 wayyimmāṣē’ ḵāṯûḇ ’ăšer higîḏ mārədŏḵay ‘al-biḡəṯānā’ wāṯereš šənê sārîsê hammeleḵə miššōmərê hassaf ’ăšer biqəšû lišəlōḥa yāḏ bammeleḵə ’ăḥašəwērwōš:

3 wayyō’mer hammeleḵə mah-nna‘ăśâ yəqār ûḡəḏûllâ ləmārədŏḵay ‘al-zeh wayyō’mərû na‘ărê hammeleḵə məšārəṯāyw lō’-na‘ăśâ ‘immwō dāḇār:

4 wayyō’mer hammeleḵə mî ḇeḥāṣēr wəhāmān bā’ laḥăṣar bêṯ-hammeleḵə haḥîṣwōnâ lē’mōr lammeleḵə liṯəlwōṯ ’eṯ-mārədŏḵay ‘al-hā‘ēṣ ’ăšer-hēḵîn lwō:

5 wayyō’mərû na‘ărê hammeleḵə ’ēlāyw hinnēh hāmān ‘ōmēḏ beḥāṣēr wayyō’mer hammeleḵə yāḇwō’:

6 wayyāḇwō’ hāmān wayyō’mer lwō hammeleḵə mah-la‘ăśwōṯ bā’îš ’ăšer hammeleḵə ḥāfēṣ bîqārwō wayyō’mer hāmān bəlibwō ləmî yaḥəpōṣ hammeleḵə la‘ăśwōṯ yəqār ywōṯēr mimmennî:

7 wayyō’mer hāmān ’el-hammeleḵə ’îš ’ăšer hammeleḵə ḥāfēṣ bîqārwō:

8 yāḇî’û ləḇûš maləḵûṯ ’ăšer lāḇaš-bwō hammeleḵə wəsûs ’ăšer rāḵaḇ ‘ālāyw hammeleḵə wa’ăšer nitan keṯer maləḵûṯ bərō’šwō:

9 wənāṯwōn halləḇûš wəhassûs ‘al-yaḏ-’îš miśśārê hammeleḵə haparətəmîm wəhiləbîšû ’eṯ-hā’îš ’ăšer hammeleḵə ḥāfēṣ bîqārwō wəhirəkîḇuhû ‘al-hassûs birəḥwōḇ hā‘îr wəqārə’û ləfānāyw kāḵâ yē‘āśeh lā’îš ’ăšer hammeleḵə ḥāfēṣ bîqārwō:

10 wayyō’mer hammeleḵə ləhāmān mahēr qaḥ ’eṯ-halləḇûš wə’eṯ-hassûs ka’ăšer dibarətā wa‘ăśēh-ḵēn ləmārədŏḵay hayyəhûḏî hayywōšēḇ bəša‘ar hammeleḵə ’al-tapēl dāḇār mikōl ’ăšer dibarətā:

11 wayyiqqaḥ hāmān ’eṯ-halləḇûš wə’eṯ-hassûs wayyaləbēš ’eṯ-mārədŏḵāy wayyarəkîḇēhû birəḥwōḇ hā‘îr wayyiqərā’ ləfānāyw kāḵâ yē‘āśeh lā’îš ’ăšer hammeleḵə ḥāfēṣ bîqārwō:

12 wayyāšāḇ mārədŏḵay ’el-ša‘ar hammeleḵə wəhāmān niḏəḥaf ’el-bêṯwō ’āḇēl waḥăfûy rō’š:

13 wayəsapēr hāmān ləzereš ’išətwō ûləḵāl-’ōhăḇāyw ’ēṯ kāl-’ăšer qārâû wayyō’mərû3 lwō ḥăḵāmāyw wəzereš ’išətwō ’im mizzera‘ hayyəhûḏîm mārədŏḵay ’ăšer haḥillwōṯā linəpōl ləfānāyw lō’-ṯûḵal lwō kî-nāfwōl tipwōl ləfānāyw:

14 ‘wōḏām məḏabərîm ‘immwō wəsārîsê hammeleḵə higî‘û wayyaḇəhilû ləhāḇî’ ’eṯ-hāmān ’el-hammišəteh ’ăšer-‘āśəṯâ ’esətēr:


Next: Esther (Esther) Chapter 7