Sacred Texts  Bible  Index 
Polyglot  KJV  Sep  Vul 

Esther (Esther) Index
  Previous  Next 

Tanach (Hebrew): Esther (Esther) Chapter 4

1 ‏וּמָרְדֳּכַ֗י יָדַע֙ אֶת־כָּל־אֲשֶׁ֣ר נַעֲשָׂ֔ה וַיִּקְרַ֤ע מָרְדֳּכַי֙ אֶת־בְּגָדָ֔יו וַיִּלְבַּ֥שׁ שַׂ֖ק וָאֵ֑פֶר וַיֵּצֵא֙ בְּת֣וֹךְ הָעִ֔יר וַיִּזְעַ֛ק זְעָקָ֥ה גְדֹלָ֖ה וּמָרָֽה׃

2 ‏וַיָּב֕וֹא עַ֖ד לִפְנֵ֣י שַֽׁעַר־הַמֶּ֑לֶךְ כִּ֣י אֵ֥ין לָב֛וֹא אֶל־שַׁ֥עַר הַמֶּ֖לֶךְ בִּלְב֥וּשׁ שָֽׂק׃

3 ‏וּבְכָל־מְדִינָ֣ה וּמְדִינָ֗ה מְקוֹם֙ אֲשֶׁ֨ר דְּבַר־הַמֶּ֤לֶךְ וְדָתוֹ֙ מַגִּ֔יעַ אֵ֤בֶל גָּדוֹל֙ לַיְּהוּדִ֔ים וְצ֥וֹם וּבְכִ֖י וּמִסְפֵּ֑ד שַׂ֣ק וָאֵ֔פֶר יֻצַּ֖ע לָֽרַבִּֽים׃

4 ‏ותבואינה וַ֠תָּבוֹאנָה9 נַעֲר֨וֹת אֶסְתֵּ֤ר וְסָרִיסֶ֙יהָ֙ וַיַּגִּ֣ידוּ לָ֔הּ וַתִּתְחַלְחַ֥ל הַמַּלְכָּ֖ה מְאֹ֑ד וַתִּשְׁלַ֨ח בְּגָדִ֜ים לְהַלְבִּ֣ישׁ אֶֽת־מָרְדֳּכַ֗י וּלְהָסִ֥יר שַׂקּ֛וֹ מֵעָלָ֖יו וְלֹ֥א קִבֵּֽל׃

5 ‏וַתִּקְרָא֩ אֶסְתֵּ֨ר לַהֲתָ֜ךְ מִסָּרִיסֵ֤י הַמֶּ֙לֶךְ֙ אֲשֶׁ֣ר הֶעֱמִ֣יד לְפָנֶ֔יהָ וַתְּצַוֵּ֖הוּ עַֽל־מָרְדֳּכָ֑י לָדַ֥עַת מַה־זֶּ֖ה וְעַל־מַה־זֶּֽה׃

6 ‏וַיֵּצֵ֥א הֲתָ֖ךְ אֶֽל־מָרְדֳּכָ֑י אֶל־רְח֣וֹב הָעִ֔יר אֲשֶׁ֖ר לִפְנֵ֥י שַֽׁעַר־הַמֶּֽלֶךְ׃

7 ‏וַיַּגֶּד־ל֣וֹ מָרְדֳּכַ֔י אֵ֖ת כָּל־אֲשֶׁ֣ר קָרָ֑הוּ וְאֵ֣ת׀ פָּרָשַׁ֣ת הַכֶּ֗סֶף אֲשֶׁ֨ר אָמַ֤ר הָמָן֙ לִ֠שְׁקוֹל עַל־גִּנְזֵ֥י הַמֶּ֛לֶךְ ביהודיים בַּיְּהוּדִ֖יםy לְאַבְּדָֽם׃

8 ‏וְאֶת־פַּתְשֶׁ֣גֶן כְּתָֽב־הַ֠דָּת אֲשֶׁר־נִתַּ֨ן בְּשׁוּשָׁ֤ן לְהַשְׁמִידָם֙ נָ֣תַן ל֔וֹ לְהַרְא֥וֹת אֶת־אֶסְתֵּ֖ר וּלְהַגִּ֣יד לָ֑הּ וּלְצַוּ֣וֹת עָלֶ֗יהָ לָב֨וֹא אֶל־הַמֶּ֧לֶךְ לְהִֽתְחַנֶּן־ל֛וֹ וּלְבַקֵּ֥שׁ מִלְּפָנָ֖יו עַל־עַמָּֽהּ׃

9 ‏וַיָּב֖וֹא הֲתָ֑ךְ וַיַּגֵּ֣ד לְאֶסְתֵּ֔ר אֵ֖ת דִּבְרֵ֥י מָרְדֳּכָֽי׃

10 ‏וַתֹּ֤אמֶר אֶסְתֵּר֙ לַהֲתָ֔ךְ וַתְּצַוֵּ֖הוּ אֶֽל־מָרְדֳּכָֽי׃

11 ‏כָּל־עַבְדֵ֣י הַמֶּ֡לֶךְ וְעַם־מְדִינ֨וֹת הַמֶּ֜לֶךְ יֽוֹדְעִ֗ים אֲשֶׁ֣ר כָּל־אִ֣ישׁ וְאִשָּׁ֡ה אֲשֶׁ֣ר יָבֽוֹא־אֶל־הַמֶּלֶךְ֩ אֶל־הֶחָצֵ֨ר הַפְּנִימִ֜ית אֲשֶׁ֣ר לֹֽא־יִקָּרֵ֗א אַחַ֤ת דָּתוֹ֙ לְהָמִ֔ית לְ֠בַד מֵאֲשֶׁ֨ר יֽוֹשִׁיט־ל֥וֹ הַמֶּ֛לֶךְ אֶת־שַׁרְבִ֥יט הַזָּהָ֖ב וְחָיָ֑ה וַאֲנִ֗י לֹ֤א נִקְרֵ֙אתִי֙ לָב֣וֹא אֶל־הַמֶּ֔לֶךְ זֶ֖ה שְׁלוֹשִׁ֥ים יֽוֹם׃

12 ‏וַיַּגִּ֣ידוּ לְמָרְדֳּכָ֔י אֵ֖ת דִּבְרֵ֥י אֶסְתֵּֽר׃ פ

13 ‏וַיֹּ֥אמֶר מָרְדֳּכַ֖י לְהָשִׁ֣יב אֶל־אֶסְתֵּ֑ר אַל־תְּדַמִּ֣י בְנַפְשֵׁ֔ךְ לְהִמָּלֵ֥ט בֵּית־הַמֶּ֖לֶךְ מִכָּל־הַיְּהוּדִֽים׃

14 ‏כִּ֣י אִם־הַחֲרֵ֣שׁ תַּחֲרִישִׁי֮ בָּעֵ֣ת הַזֹּאת֒ רֶ֣וַח וְהַצָּלָ֞ה יַעֲמ֤וֹד לַיְּהוּדִים֙ מִמָּק֣וֹם אַחֵ֔ר וְאַ֥תְּ וּבֵית־אָבִ֖יךְ תֹּאבֵ֑דוּ וּמִ֣י יוֹדֵ֔עַ אִם־לְעֵ֣ת כָּזֹ֔את הִגַּ֖עַתְּ לַמַּלְכֽוּת׃

15 ‏וַתֹּ֥אמֶר אֶסְתֵּ֖ר לְהָשִׁ֥יב אֶֽל־מָרְדֳּכָֽי׃

16 ‏לֵךְ֩ כְּנ֨וֹס אֶת־כָּל־הַיְּהוּדִ֜ים הַֽנִּמְצְאִ֣ים בְּשׁוּשָׁ֗ן וְצ֣וּמוּ עָ֠לַי וְאַל־תֹּאכְל֨וּ וְאַל־תִּשְׁתּ֜וּ שְׁלֹ֤שֶׁת יָמִים֙ לַ֣יְלָה וָי֔וֹם גַּם־אֲנִ֥י וְנַעֲרֹתַ֖י אָצ֣וּם כֵּ֑ן וּבְכֵ֞ן אָב֤וֹא אֶל־הַמֶּ֙לֶךְ֙ אֲשֶׁ֣ר לֹֽא־כַדָּ֔ת וְכַאֲשֶׁ֥ר אָבַ֖דְתִּי אָבָֽדְתִּי׃

17 ‏וַֽיַּעֲבֹ֖ר מָרְדֳּכָ֑י וַיַּ֕עַשׂ כְּכֹ֛ל אֲשֶׁר־צִוְּתָ֥ה עָלָ֖יו אֶסְתֵּֽר׃ ס

1 ûmārədŏḵay yāḏa‘ ’eṯ-kāl-’ăšer na‘ăśâ wayyiqəra‘ mārədŏḵay ’eṯ-bəḡāḏāyw wayyiləbaš śaq wā’ēfer wayyēṣē’ bəṯwōḵə hā‘îr wayyizə‘aq zə‘āqâ ḡəḏōlâ ûmārâ:

2 wayyāḇwō’ ‘aḏ lifənê ša‘ar-hammeleḵə kî ’ên lāḇwō’ ’el-ša‘ar hammeleḵə biləḇûš śāq:

3 ûḇəḵāl-məḏînâ ûməḏînâ məqwōm ’ăšer dəḇar-hammeleḵə wəḏāṯwō magî‘a ’ēḇel gāḏwōl layyəhûḏîm wəṣwōm ûḇəḵî ûmisəpēḏ śaq wā’ēfer yuṣṣa‘ lārabîm:

watəḇwō’eynâ watāḇwō’nâ9 na‘ărwōṯ ’esətēr wəsārîseyhā wayyagîḏû lāh watiṯəḥaləḥal hammaləkâ mə’ōḏ watišəlaḥ bəḡāḏîm ləhaləbîš ’eṯ-mārədŏḵay ûləhāsîr śaqqwō mē‘ālāyw wəlō’ qibēl:

5 watiqərā’ ’esətēr lahăṯāḵə missārîsê hammeleḵə ’ăšer he‘ĕmîḏ ləfāneyhā watəṣaûēhû ‘al-mārədŏḵāy lāḏa‘aṯ mah-zzeh wə‘al-mah-zzeh:

6 wayyēṣē’ hăṯāḵə ’el-mārədŏḵāy ’el-rəḥwōḇ hā‘îr ’ăšer lifənê ša‘ar-hammeleḵə:

7 wayyageḏ-lwō mārədŏḵay ’ēṯ kāl-’ăšer qārâû wə’ēṯ| pārāšaṯ hakesef ’ăšer ’āmar hāmān lišəqwōl ‘al-ginəzê hammeleḵə bayyəhûḏîyîm bayyəhûḏîmy lə’abəḏām:

8 wə’eṯ-paṯəšeḡen kəṯāḇ-hadāṯ ’ăšer-nitan bəšûšān ləhašəmîḏām nāṯan lwō ləharə’wōṯ ’eṯ-’esətēr ûləhagîḏ lāh ûləṣaûwōṯ ‘āleyhā lāḇwō’ ’el-hammeleḵə ləhiṯəḥannen-lwō ûləḇaqqēš milləfānāyw ‘al-‘ammāh:

9 wayyāḇwō’ hăṯāḵə wayyagēḏ lə’esətēr ’ēṯ diḇərê mārədŏḵāy:

10 watō’mer ’esətēr lahăṯāḵə watəṣaûēhû ’el-mārədŏḵāy:

11 kāl-‘aḇəḏê hammeleḵə wə‘am-məḏînwōṯ hammeleḵə ywōḏə‘îm ’ăšer kāl-’îš wə’iššâ ’ăšer yāḇwō’-’el-hammeleḵə ’el-heḥāṣēr hapənîmîṯ ’ăšer lō’-yiqqārē’ ’aḥaṯ dāṯwō ləhāmîṯ ləḇaḏ mē’ăšer ywōšîṭ-lwō hammeleḵə ’eṯ-šarəḇîṭ hazzâāḇ wəḥāyâ wa’ănî lō’ niqərē’ṯî lāḇwō’ ’el-hammeleḵə zeh šəlwōšîm ywōm:

12 wayyagîḏû ləmārədŏḵāy ’ēṯ diḇərê ’esətēr: f

13 wayyō’mer mārədŏḵay ləhāšîḇ ’el-’esətēr ’al-təḏammî ḇənafəšēḵə ləhimmālēṭ bêṯ-hammeleḵə mikāl-hayyəhûḏîm:

14 kî ’im-haḥărēš taḥărîšî bā‘ēṯ hazzō’ṯ rewaḥ wəhaṣṣālâ ya‘ămwōḏ layyəhûḏîm mimmāqwōm ’aḥēr wə’atə ûḇêṯ-’āḇîḵə tō’ḇēḏû ûmî ywōḏē‘a ’im-lə‘ēṯ kāzō’ṯ higa‘atə lammaləḵûṯ:

15 watō’mer ’esətēr ləhāšîḇ ’el-mārədŏḵāy:

16 lēḵə kənwōs ’eṯ-kāl-hayyəhûḏîm hanniməṣə’îm bəšûšān wəṣûmû ‘ālay wə’al-tō’ḵəlû wə’al-tišətû šəlōšeṯ yāmîm layəlâ wāywōm gam-’ănî wəna‘ărōṯay ’āṣûm kēn ûḇəḵēn ’āḇwō’ ’el-hammeleḵə ’ăšer lō’-ḵadāṯ wəḵa’ăšer ’āḇaḏətî ’āḇāḏətî:

17 wayya‘ăḇōr mārədŏḵāy wayya‘aś kəḵōl ’ăšer-ṣiûəṯâ ‘ālāyw ’esətēr: s


Next: Esther (Esther) Chapter 5