‎1 ‏לֹא־יִקַּ֥ח אִ֖ישׁ אֶת־אֵ֣שֶׁת אָבִ֑יו וְלֹ֥א יְגַלֶּ֖ה כְּנַ֥ף אָבִֽיו׃ ס

‎2 ‏לֹֽא־יָבֹ֧א פְצֽוּעַ־דַּכָּ֛א וּכְר֥וּת שָׁפְכָ֖ה בִּקְהַ֥ל יְהוָֽה׃ ס

‎3 ‏לֹא־יָבֹ֥א מַמְזֵ֖ר בִּקְהַ֣ל יְהוָ֑ה גַּ֚ם דּ֣וֹר עֲשִׂירִ֔י לֹא־יָ֥בֹא ל֖וֹ בִּקְהַ֥ל יְהוָֽה׃ ס

‎4 ‏לֹֽא־יָבֹ֧א עַמּוֹנִ֛י וּמוֹאָבִ֖י בִּקְהַ֣ל יְהוָ֑ה גַּ֚ם דּ֣וֹר עֲשִׂירִ֔י לֹא־יָבֹ֥א לָהֶ֛ם בִּקְהַ֥ל יְהוָ֖ה עַד־עוֹלָֽם׃

‎5 ‏עַל־דְּבַ֞ר אֲשֶׁ֨ר לֹא־קִדְּמ֤וּ אֶתְכֶם֙ בַּלֶּ֣חֶם וּבַמַּ֔יִם בַּדֶּ֖רֶךְ בְּצֵאתְכֶ֣ם מִמִּצְרָ֑יִם וַאֲשֶׁר֩ שָׂכַ֨ר עָלֶ֜יךָ אֶת־בִּלְעָ֣ם בֶּן־בְּע֗וֹר מִפְּת֛וֹר אֲרַ֥ם נַהֲרַ֖יִם לְקַֽלְלֶֽךָּ׃

‎6 ‏וְלֹֽא־אָבָ֞ה יְהוָ֤ה אֱלֹהֶ֙יךָ֙ לִשְׁמֹ֣עַ אֶל־בִּלְעָ֔ם וַיַּהֲפֹךְ֩ יְהוָ֨ה אֱלֹהֶ֧יךָ לְּךָ֛ אֶת־הַקְּלָלָ֖ה לִבְרָכָ֑ה כִּ֥י אֲהֵֽבְךָ֖ יְהוָ֥ה אֱלֹהֶֽיךָ׃

‎7 ‏לֹא־תִדְרֹ֥שׁ שְׁלֹמָ֖ם וְטֹבָתָ֑ם כָּל־יָמֶ֖יךָ לְעוֹלָֽם׃ ס

‎8 ‏לֹֽא־תְתַעֵ֣ב אֲדֹמִ֔י כִּ֥י אָחִ֖יךָ ה֑וּא סלֹא־תְתַעֵ֣ב מִצְרִ֔י כִּי־גֵ֖ר הָיִ֥יתָ בְאַרְצֽוֹ׃

‎9 ‏בָּנִ֛ים אֲשֶׁר־יִוָּלְד֥וּ לָהֶ֖ם דּ֣וֹר שְׁלִישִׁ֑י יָבֹ֥א לָהֶ֖ם בִּקְהַ֥ל יְהוָֽה׃ ס

‎10 ‏כִּֽי־תֵצֵ֥א מַחֲנֶ֖ה עַל־אֹיְבֶ֑יךָ וְנִ֨שְׁמַרְתָּ֔ מִכֹּ֖ל דָּבָ֥ר רָֽע׃

‎11 ‏כִּֽי־יִהְיֶ֤ה בְךָ֙ אִ֔ישׁ אֲשֶׁ֛ר לֹא־יִהְיֶ֥ה טָה֖וֹר מִקְּרֵה־לָ֑יְלָה וְיָצָא֙ אֶל־מִח֣וּץ לַֽמַּחֲנֶ֔ה לֹ֥א יָבֹ֖א אֶל־תּ֥וֹךְ הַֽמַּחֲנֶֽה׃

‎12 ‏וְהָיָ֥ה לִפְנֽוֹת־עֶ֖רֶב יִרְחַ֣ץ בַּמָּ֑יִם וּכְבֹ֣א הַשֶּׁ֔מֶשׁ יָבֹ֖א אֶל־תּ֥וֹךְ הַֽמַּחֲנֶה׃¹

‎13 ‏וְיָד֙ תִּהְיֶ֣ה לְךָ֔ מִח֖וּץ לַֽמַּחֲנֶ֑ה וְיָצָ֥אתָ שָׁ֖מָּה חֽוּץ׃

‎14 ‏וְיָתֵ֛ד תִּהְיֶ֥ה לְךָ֖ עַל־אֲזֵנֶ֑ךָ וְהָיָה֙ בְּשִׁבְתְּךָ֣ ח֔וּץ וְחָפַרְתָּ֣ה בָ֔הּ וְשַׁבְתָּ֖ וְכִסִּ֥יתָ אֶת־צֵאָתֶֽךָ׃

‎15 ‏כִּי֩ יְהוָ֨ה אֱלֹהֶ֜יךָ מִתְהַלֵּ֣ךְ׀ בְּקֶ֣רֶב מַחֲנֶ֗ךָ לְהַצִּֽילְךָ֙³ וְלָתֵ֤ת אֹיְבֶ֙יךָ֙ לְפָנֶ֔יךָ וְהָיָ֥ה מַחֲנֶ֖יךָ קָד֑וֹשׁ וְלֹֽא־יִרְאֶ֤ה בְךָ֙ עֶרְוַ֣ת דָּבָ֔ר וְשָׁ֖ב מֵאַחֲרֶֽיךָ׃ ס

‎16 ‏לֹא־תַסְגִּ֥יר עֶ֖בֶד אֶל־אֲדֹנָ֑יו אֲשֶׁר־יִנָּצֵ֥ל אֵלֶ֖יךָ מֵעִ֥ם אֲדֹנָֽיו׃

‎17 ‏עִמְּךָ֞ יֵשֵׁ֣ב בְּקִרְבְּךָ֗ בַּמָּק֧וֹם אֲשֶׁר־יִבְחַ֛ר בְּאַחַ֥ד שְׁעָרֶ֖יךָ בַּטּ֣וֹב ל֑וֹ לֹ֖א תּוֹנֶֽנּוּ׃ ס

‎18 ‏לֹא־תִהְיֶ֥ה קְדֵשָׁ֖ה מִבְּנ֣וֹת יִשְׂרָאֵ֑ל וְלֹֽא־יִהְיֶ֥ה קָדֵ֖שׁ מִבְּנֵ֥י יִשְׂרָאֵל׃¹

‎19 ‏לֹא־תָבִיא֩ אֶתְנַ֨ן זוֹנָ֜ה וּמְחִ֣יר כֶּ֗לֶב בֵּ֛ית יְהוָ֥ה אֱלֹהֶ֖יךָ לְכָל־נֶ֑דֶר כִּ֧י תוֹעֲבַ֛ת יְהוָ֥ה אֱלֹהֶ֖יךָ גַּם־שְׁנֵיהֶֽם׃

‎20 ‏לֹא־תַשִּׁ֣יךְ לְאָחִ֔יךָ נֶ֥שֶׁךְ כֶּ֖סֶף נֶ֣שֶׁךְ אֹ֑כֶל נֶ֕שֶׁךְ כָּל־דָּבָ֖ר אֲשֶׁ֥ר יִשָּֽׁךְ׃

‎21 ‏לַנָּכְרִ֣י תַשִּׁ֔יךְ וּלְאָחִ֖יךָ לֹ֣א תַשִּׁ֑יךְ לְמַ֨עַן יְבָרֶכְךָ֜ יְהוָ֣ה אֱלֹהֶ֗יךָ בְּכֹל֙ מִשְׁלַ֣ח יָדֶ֔ךָ עַל־הָאָ֕רֶץ אֲשֶׁר־אַתָּ֥ה בָא־שָׁ֖מָּה לְרִשְׁתָּֽהּ׃ ס

‎22 ‏כִּֽי־תִדֹּ֥ר נֶ֙דֶר֙ לַיהוָ֣ה אֱלֹהֶ֔יךָ לֹ֥א תְאַחֵ֖ר לְשַׁלְּמ֑וֹ כִּֽי־דָּרֹ֨שׁ יִדְרְשֶׁ֜נּוּ יְהוָ֤ה אֱלֹהֶ֙יךָ֙ מֵֽעִמָּ֔ךְ וְהָיָ֥ה בְךָ֖ חֵֽטְא׃

‎23 ‏וְכִ֥י תֶחְדַּ֖ל לִנְדֹּ֑ר לֹֽא־יִהְיֶ֥ה בְךָ֖ חֵֽטְא׃

‎24 ‏מוֹצָ֥א שְׂפָתֶ֖יךָ תִּשְׁמֹ֣ר וְעָשִׂ֑יתָ כַּאֲשֶׁ֨ר נָדַ֜רְתָּ לַיהוָ֤ה אֱלֹהֶ֙יךָ֙ נְדָבָ֔ה אֲשֶׁ֥ר דִּבַּ֖רְתָּ בְּפִֽיךָ׃ ס

‎25 ‏כִּ֤י תָבֹא֙ בְּכֶ֣רֶם רֵעֶ֔ךָ וְאָכַלְתָּ֧ עֲנָבִ֛ים כְּנַפְשְׁךָ֖ שָׂבְעֶ֑ךָ וְאֶֽל־כֶּלְיְךָ֖ לֹ֥א תִתֵּֽן׃ ס

‎26 ‏כִּ֤י תָבֹא֙ בְּקָמַ֣ת רֵעֶ֔ךָ וְקָטַפְתָּ֥ מְלִילֹ֖ת בְּיָדֶ֑ךָ וְחֶרְמֵשׁ֙ לֹ֣א תָנִ֔יף עַ֖ל קָמַ֥ת רֵעֶֽךָ׃ ס

1 lō’-yiqq^aḥ ’îš ’eṯ-’ēšeṯ ’āḇîw wəlō’ yəḡalleh kənaf ’āḇîw: s

2 lō’-yāḇō’ fəṣû‘a-dakā’ ûḵərûṯ šāfəḵâ biqəhal yəhwâ: s

3 lō’-yāḇō’ maməzēr biqəhal yəhwâ gam dwōr ‘ăśîrî lō’-yāḇō’ lwō biqəhal yəhwâ: s

4 lō’-yāḇō’ ‘ammwōnî ûmwō’āḇî biqəhal yəhwâ gam dwōr ‘ăśîrî lō’-yāḇō’ lâem biqəhal yəhwâ ‘aḏ-‘wōlām:

5 ‘al-dəḇar ’ăšer lō’-qidəmû ’eṯəḵem balleḥem ûḇammayim badereḵə bəṣē’ṯəḵem mimmiṣərāyim wa’ăšer śāḵar ‘āleyḵā ’eṯ-bilə‘ām ben-bə‘wōr mipəṯwōr ’ăram nahărayim ləqaləleḵḵā:

6 wəlō’-’āḇâ yəhwâ ’ĕlōheyḵā lišəmō‘a ’el-bilə‘ām wayyahăfōḵə yəhwâ ’ĕlōheyḵā lləḵā ’eṯ-haqqəlālâ liḇərāḵâ kî ’ăhēḇəḵā yəhwâ ’ĕlōheyḵā:

7 lō’-ṯiḏərōš šəlōmām wəṭōḇāṯām kāl-yāmeyḵā lə‘wōlām: s

8 lō’-ṯəṯ^a‘ēḇ ’ăḏōmî kî ’āḥîḵā hû’ slō’-ṯəṯ^a‘ēḇ miṣərî kî-ḡēr hāyîṯā ḇə’arəṣwō:

9 bānîm ’ăšer-yiûāləḏû lâem dwōr šəlîšî yāḇō’ lâem biqəhal yəhwâ: s

10 kî-ṯēṣē’ m^aḥăneh ‘al-’ōyəḇeyḵā wənišəmarətā mikōl dāḇār rā‘:

11 kî-yihəyeh ḇəḵā ’îš ’ăšer lō’-yihəyeh ṭâwōr miqqərēh-lāyəlâ wəyāṣā’ ’el-miḥûṣ lamm^aḥăneh lō’ yāḇō’ ’el-twōḵə hamm^aḥăneh:

12 wəhāyâ lifənwōṯ-‘ereḇ yirəḥaṣ bammāyim ûḵəḇō’ haššemeš yāḇō’ ’el-twōḵə hamm^aḥăneh:¹

13 wəyāḏ tihəyeh ləḵā miḥûṣ lamm^aḥăneh wəyāṣā’ṯā šāmmâ ḥûṣ:

14 wəyāṯēḏ tihəyeh ləḵā ‘al-’ăzēneḵā wəhāyâ bəšiḇətəḵā ḥûṣ wəḥāfarətâ ḇāh wəšaḇətā wəḵissîṯā ’eṯ-ṣē’āṯeḵā:

15 kî yəhwâ ’ĕlōheyḵā miṯəhallēḵə| bəqereḇ m^aḥăneḵā ləhaṣṣîləḵā³ wəlāṯēṯ ’ōyəḇeyḵā ləfāneyḵā wəhāyâ m^aḥăneyḵā qāḏwōš wəlō’-yirə’eh ḇəḵā ‘erəwaṯ dāḇār wəšāḇ mē’^aḥăreyḵā: s

16 lō’-ṯasəgîr ‘eḇeḏ ’el-’ăḏōnāyw ’ăšer-yinnāṣēl ’ēleyḵā mē‘im ’ăḏōnāyw:

17 ‘imməḵā yēšēḇ bəqirəbəḵā bammāqwōm ’ăšer-yiḇəḥar bə’^aḥaḏ šə‘āreyḵā baṭṭwōḇ lwō lō’ twōnennû: s

18 lō’-ṯihəyeh qəḏēšâ mibənwōṯ yiśərā’ēl wəlō’-yihəyeh qāḏēš mibənê yiśərā’ēl:¹

19 lō’-ṯāḇî’ ’eṯənan zwōnâ ûməḥîr keleḇ bêṯ yəhwâ ’ĕlōheyḵā ləḵāl-neḏer kî ṯwō‘ăḇaṯ yəhwâ ’ĕlōheyḵā gam-šənêhem:

20 lō’-ṯaššîḵə lə’āḥîḵā nešeḵə kesef nešeḵə ’ōḵel nešeḵə kāl-dāḇār ’ăšer yiššāḵə:

21 lannāḵərî ṯaššîḵə ûlə’āḥîḵā lō’ ṯaššîḵə ləm^a‘an yəḇāreḵəḵā yəhwâ ’ĕlōheyḵā bəḵōl mišəl^aḥ yāḏeḵā ‘al-hā’āreṣ ’ăšer-’atâ ḇā’-šāmmâ lərišətāh: s

22 kî-ṯidōr neḏer layhwâ ’ĕlōheyḵā lō’ ṯə’^aḥēr ləšalləmwō kî-dārōš yiḏərəšennû yəhwâ ’ĕlōheyḵā mē‘immāḵə wəhāyâ ḇəḵā ḥēṭə’:

23 wəḵî ṯeḥədal linədōr lō’-yihəyeh ḇəḵā ḥēṭə’:

24 mwōṣā’ śəfāṯeyḵā tišəmōr wə‘āśîṯā ka’ăšer nāḏarətā layhwâ ’ĕlōheyḵā nəḏāḇâ ’ăšer dibarətā bəfîḵā: s

25 kî ṯāḇō’ bəḵerem rē‘eḵā wə’āḵalətā ‘ănāḇîm kənafəšəḵā śāḇə‘eḵā wə’el-keləyəḵā lō’ ṯitēn: s

26 kî ṯāḇō’ bəqāmaṯ rē‘eḵā wəqāṭafətā məlîlōṯ bəyāḏeḵā wəḥerəmēš lō’ ṯānîf ‘al qāmaṯ rē‘eḵā: s