‎1 ‏כִּי־יִמָּצֵ֣א חָלָ֗ל בָּאֲדָמָה֙ אֲשֶׁר֩ יְהוָ֨ה אֱלֹהֶ֜יךָ נֹתֵ֤ן לְךָ֙ לְרִשְׁתָּ֔הּ נֹפֵ֖ל בַּשָּׂדֶ֑ה לֹ֥א נוֹדַ֖ע מִ֥י הִכָּֽהוּ׃

‎2 ‏וְיָצְא֥וּ זְקֵנֶ֖יךָ וְשֹׁפְטֶ֑יךָ וּמָדְדוּ֙ אֶל־הֶ֣עָרִ֔ים אֲשֶׁ֖ר סְבִיבֹ֥ת הֶחָלָֽל׃

‎3 ‏וְהָיָ֣ה הָעִ֔יר הַקְּרֹבָ֖ה אֶל־הֶחָלָ֑ל וְלָֽקְח֡וּ זִקְנֵי֩ הָעִ֨יר הַהִ֜וא עֶגְלַ֣ת בָּקָ֗ר אֲשֶׁ֤ר לֹֽא־עֻבַּד֙ בָּ֔הּ אֲשֶׁ֥ר לֹא־מָשְׁכָ֖ה בְּעֹֽל׃

‎4 ‏וְהוֹרִ֡דוּ זִקְנֵי֩ הָעִ֨יר הַהִ֤וא אֶת־הָֽעֶגְלָה֙ אֶל־נַ֣חַל אֵיתָ֔ן אֲשֶׁ֛ר לֹא־יֵעָבֵ֥ד בּ֖וֹ וְלֹ֣א יִזָּרֵ֑עַ וְעָֽרְפוּ־שָׁ֥ם אֶת־הָעֶגְלָ֖ה בַּנָּֽחַל׃

‎5 ‏וְנִגְּשׁ֣וּ הַכֹּהֲנִים֮ בְּנֵ֣י לֵוִי֒ כִּ֣י בָ֗ם בָּחַ֞ר יְהוָ֤ה אֱלֹהֶ֙יךָ֙ לְשָׁ֣רְת֔וֹ וּלְבָרֵ֖ךְ בְּשֵׁ֣ם יְהוָ֑ה וְעַל־פִּיהֶ֥ם יִהְיֶ֖ה כָּל־רִ֥יב וְכָל־נָֽגַע׃

‎6 ‏וְכֹ֗ל זִקְנֵי֙ הָעִ֣יר הַהִ֔וא הַקְּרֹבִ֖ים אֶל־הֶחָלָ֑ל יִרְחֲצוּ֙ אֶת־יְדֵיהֶ֔ם עַל־הָעֶגְלָ֖ה הָעֲרוּפָ֥ה בַנָּֽחַל׃

‎7 ‏וְעָנ֖וּ וְאָמְר֑וּ יָדֵ֗ינוּ לֹ֤א שפכה שָֽׁפְכוּ֙ אֶת־הַדָּ֣ם הַזֶּ֔ה וְעֵינֵ֖ינוּ לֹ֥א רָאֽוּ׃

‎8 ‏כַּפֵּר֩ לְעַמְּךָ֙ יִשְׂרָאֵ֤ל אֲשֶׁר־פָּדִ֙יתָ֙ יְהוָ֔ה וְאַל־תִּתֵּן֙ דָּ֣ם נָקִ֔י בְּקֶ֖רֶב עַמְּךָ֣ יִשְׂרָאֵ֑ל וְנִכַּפֵּ֥ר לָהֶ֖ם הַדָּֽם׃

‎9 ‏וְאַתָּ֗ה תְּבַעֵ֛ר הַדָּ֥ם הַנָּקִ֖י מִקִּרְבֶּ֑ךָ כִּֽי־תַעֲשֶׂ֥ה הַיָּשָׁ֖ר בְּעֵינֵ֥י יְהוָֽה׃ ס

‎10 ‏כִּֽי־תֵצֵ֥א לַמִּלְחָמָ֖ה עַל־אֹיְבֶ֑יךָ וּנְתָנ֞וֹ יְהוָ֧ה אֱלֹהֶ֛יךָ בְּיָדֶ֖ךָ וְשָׁבִ֥יתָ שִׁבְיֽוֹ׃

‎11 ‏וְרָאִיתָ֙ בַּשִּׁבְיָ֔ה אֵ֖שֶׁת יְפַת־תֹּ֑אַר וְחָשַׁקְתָּ֣ בָ֔הּ וְלָקַחְתָּ֥ לְךָ֖ לְאִשָּֽׁה׃

‎12 ‏וַהֲבֵאתָ֖הּ אֶל־תּ֣וֹךְ בֵּיתֶ֑ךָ וְגִלְּחָה֙ אֶת־רֹאשָׁ֔הּ וְעָשְׂתָ֖ה אֶת־צִפָּרְנֶֽיהָ׃

‎13 ‏וְהֵסִ֩ירָה֩ אֶת־שִׂמְלַ֨ת שִׁבְיָ֜הּ מֵעָלֶ֗יהָ וְיָֽשְׁבָה֙ בְּבֵיתֶ֔ךָ וּבָֽכְתָ֛ה אֶת־אָבִ֥יהָ וְאֶת־אִמָּ֖הּ יֶ֣רַח יָמִ֑ים וְאַ֨חַר כֵּ֜ן תָּב֤וֹא אֵלֶ֙יהָ֙ וּבְעַלְתָּ֔הּ וְהָיְתָ֥ה לְךָ֖ לְאִשָּֽׁה׃

‎14 ‏וְהָיָ֞ה אִם־לֹ֧א חָפַ֣צְתָּ בָּ֗הּ וְשִׁלַּחְתָּהּ֙ לְנַפְשָׁ֔הּ וּמָכֹ֥ר לֹא־תִמְכְּרֶ֖נָּה בַּכָּ֑סֶף לֹא־תִתְעַמֵּ֣ר בָּ֔הּ תַּ֖חַת אֲשֶׁ֥ר עִנִּיתָֽהּ׃ ס

‎15 ‏כִּֽי־תִהְיֶ֨יןָ לְאִ֜ישׁ שְׁתֵּ֣י נָשִׁ֗ים הָאַחַ֤ת אֲהוּבָה֙ וְהָאַחַ֣ת שְׂנוּאָ֔ה וְיָֽלְדוּ־ל֣וֹ בָנִ֔ים הָאֲהוּבָ֖ה וְהַשְּׂנוּאָ֑ה וְהָיָ֛ה הַבֵּ֥ן הַבְּכ֖וֹר לַשְּׂנִיאָֽה׃

‎16 ‏וְהָיָ֗ה בְּיוֹם֙ הַנְחִיל֣וֹ אֶת־בָּנָ֔יו אֵ֥ת אֲשֶׁר־יִהְיֶ֖ה ל֑וֹ לֹ֣א יוּכַ֗ל לְבַכֵּר֙ אֶת־בֶּן־הָ֣אֲהוּבָ֔ה עַל־פְּנֵ֥י בֶן־הַשְּׂנוּאָ֖ה הַבְּכֹֽר׃

‎17 ‏כִּי֩ אֶת־הַבְּכֹ֨ר בֶּן־הַשְּׂנוּאָ֜ה יַכִּ֗יר לָ֤תֶת לוֹ֙ פִּ֣י שְׁנַ֔יִם בְּכֹ֥ל אֲשֶׁר־יִמָּצֵ֖א ל֑וֹ כִּי־הוּא֙ רֵאשִׁ֣ית אֹנ֔וֹ ל֖וֹ מִשְׁפַּ֥ט הַבְּכֹרָֽה׃ ס

‎18 ‏כִּֽי־יִהְיֶ֣ה לְאִ֗ישׁ בֵּ֚ן סוֹרֵ֣ר וּמוֹרֶ֔ה אֵינֶ֣נּוּ שֹׁמֵ֔עַ בְּק֥וֹל אָבִ֖יו וּבְק֣וֹל אִמּ֑וֹ וְיִסְּר֣וּ אֹת֔וֹ וְלֹ֥א יִשְׁמַ֖ע אֲלֵיהֶֽם׃

‎19 ‏וְתָ֥פְשׂוּ ב֖וֹ אָבִ֣יו וְאִמּ֑וֹ וְהוֹצִ֧יאוּ אֹת֛וֹ אֶל־זִקְנֵ֥י עִיר֖וֹ וְאֶל־שַׁ֥עַר מְקֹמֽוֹ׃

‎20 ‏וְאָמְר֞וּ אֶל־זִקְנֵ֣י עִיר֗וֹ בְּנֵ֤נוּ זֶה֙ סוֹרֵ֣ר וּמֹרֶ֔ה אֵינֶ֥נּוּ שֹׁמֵ֖עַ בְּקֹלֵ֑נוּ זוֹלֵ֖ל וְסֹבֵֽא׃

‎21 ‏וּ֠רְגָמֻהוּ כָּל־אַנְשֵׁ֨י עִיר֤וֹ בָֽאֲבָנִים֙ וָמֵ֔ת וּבִֽעַרְתָּ֥ הָרָ֖ע מִקִּרְבֶּ֑ךָ וְכָל־יִשְׂרָאֵ֖ל יִשְׁמְע֥וּ וְיִרָֽאוּ׃ ס

‎22 ‏וְכִֽי־יִהְיֶ֣ה בְאִ֗ישׁ חֵ֛טְא מִשְׁפַּט־מָ֖וֶת וְהוּמָ֑ת וְתָלִ֥יתָ אֹת֖וֹ עַל־עֵֽץ׃

‎23 ‏לֹא־תָלִ֨ין נִבְלָת֜וֹ עַל־הָעֵ֗ץ כִּֽי־קָב֤וֹר תִּקְבְּרֶ֙נּוּ֙ בַּיּ֣וֹם הַה֔וּא כִּֽי־קִלְלַ֥ת אֱלֹהִ֖ים תָּל֑וּי וְלֹ֤א תְטַמֵּא֙ אֶת־אַדְמָ֣תְךָ֔ אֲשֶׁר֙ יְהוָ֣ה אֱלֹהֶ֔יךָ נֹתֵ֥ן לְךָ֖ נַחֲלָֽה׃ ס

1 kî-yimmāṣē’ ḥālāl bā’ăḏāmâ ’ăšer yəhwâ ’ĕlōheyḵā nōṯēn ləḵā lərišətāh nōfēl baśśāḏeh lō’ nwōḏ^a‘ mî hikâû:

2 wəyāṣə’û zəqēneyḵā wəšōfəṭeyḵā ûmāḏəḏû ’el-he‘ārîm ’ăšer səḇîḇōṯ heḥālāl:

3 wəhāyâ hā‘îr haqqərōḇâ ’el-heḥālāl wəlāqəḥû ziqənê hā‘îr hahiw’ ‘eḡəlaṯ bāqār ’ăšer lō’-‘ubaḏ bāh ’ăšer lō’-māšəḵâ bə‘ōl:

4 wəhwōriḏû ziqənê hā‘îr hahiw’ ’eṯ-hā‘eḡəlâ ’el-n^aḥal ’êṯān ’ăšer lō’-yē‘āḇēḏ bwō wəlō’ yizzārē‘a wə‘ārəfû-šām ’eṯ-hā‘eḡəlâ bannāḥal:

5 wənigəšû hakōhănîm bənê lēwî kî ḇām bāḥar yəhwâ ’ĕlōheyḵā ləšārəṯwō ûləḇārēḵə bəšēm yəhwâ wə‘al-pîhem yihəyeh kāl-rîḇ wəḵāl-nāḡ^a‘:

6 wəḵōl ziqənê hā‘îr hahiw’ haqqərōḇîm ’el-heḥālāl yirəḥăṣû ’eṯ-yəḏêhem ‘al-hā‘eḡəlâ hā‘ărûfâ ḇannāḥal:

7 wə‘ānû wə’āmərû yāḏênû lō’ šāfəḵâ šāfəḵû ’eṯ-hadām hazzeh wə‘ênênû lō’ rā’û:

8 kapēr lə‘amməḵā yiśərā’ēl ’ăšer-pāḏîṯā yəhwâ wə’al-titēn dām nāqî bəqereḇ ‘amməḵā yiśərā’ēl wənikapēr lâem hadām:

9 wə’atâ təḇ^a‘ēr hadām hannāqî miqqirəbeḵā kî-ṯ^a‘ăśeh hayyāšār bə‘ênê yəhwâ: s

10 kî-ṯēṣē’ lammiləḥāmâ ‘al-’ōyəḇeyḵā ûnəṯānwō yəhwâ ’ĕlōheyḵā bəyāḏeḵā wəšāḇîṯā šiḇəywō:

11 wərā’îṯā baššiḇəyâ ’ēšeṯ yəfaṯ-tō’ar wəḥāšaqətā ḇāh wəlāq^aḥətā ləḵā lə’iššâ:

12 wahăḇē’ṯāh ’el-twōḵə bêṯeḵā wəḡilləḥâ ’eṯ-rō’šāh wə‘āśəṯâ ’eṯ-ṣipārəneyhā:

13 wəhēsîrâ ’eṯ-śiməlaṯ šiḇəyāh mē‘āleyhā wəyāšəḇâ bəḇêṯeḵā ûḇāḵəṯâ ’eṯ-’āḇîhā wə’eṯ-’immāh yer^aḥ yāmîm wə’^aḥar kēn tāḇwō’ ’ēleyhā ûḇə‘alətāh wəhāyəṯâ ləḵā lə’iššâ:

14 wəhāyâ ’im-lō’ ḥāfaṣətā bāh wəšill^aḥətāh lənafəšāh ûmāḵōr lō’-ṯiməkərennâ bakāsef lō’-ṯiṯə‘ammēr bāh t^aḥaṯ ’ăšer ‘innîṯāh: s

15 kî-ṯihəyeynā lə’îš šətê nāšîm hā’^aḥaṯ ’ăhûḇâ wəhā’^aḥaṯ śənû’â wəyāləḏû-lwō ḇānîm hā’ăhûḇâ wəhaśśənû’â wəhāyâ habēn habəḵwōr laśśənî’â:

16 wəhāyâ bəywōm hanəḥîlwō ’eṯ-bānāyw ’ēṯ ’ăšer-yihəyeh lwō lō’ yûḵal ləḇakēr ’eṯ-ben-hā’ăhûḇâ ‘al-pənê ḇen-haśśənû’â habəḵōr:

17 kî ’eṯ-habəḵōr ben-haśśənû’â yakîr lāṯeṯ lwō pî šənayim bəḵōl ’ăšer-yimmāṣē’ lwō kî-hû’ rē’šîṯ ’ōnwō lwō mišəpaṭ habəḵōrâ: s

18 kî-yihəyeh lə’îš bēn swōrēr ûmwōreh ’ênennû šōmē‘a bəqwōl ’āḇîw ûḇəqwōl ’immwō wəyissərû ’ōṯwō wəlō’ yišəm^a‘ ’ălêhem:

19 wəṯāfəśû ḇwō ’āḇîw wə’immwō wəhwōṣî’û ’ōṯwō ’el-ziqənê ‘îrwō wə’el-š^a‘ar məqōmwō:

20 wə’āmərû ’el-ziqənê ‘îrwō bənēnû zeh swōrēr ûmōreh ’ênennû šōmē‘a bəqōlēnû zwōlēl wəsōḇē’:

21 ûrəḡāmuhû kāl-’anəšê ‘îrwō ḇā’ăḇānîm wāmēṯ ûḇi‘arətā hārā‘ miqqirəbeḵā wəḵāl-yiśərā’ēl yišəmə‘û wəyirā’û: s

22 wəḵî-yihəyeh ḇə’îš ḥēṭə’ mišəpaṭ-māweṯ wəhûmāṯ wəṯālîṯā ’ōṯwō ‘al-‘ēṣ:

23 lō’-ṯālîn niḇəlāṯwō ‘al-hā‘ēṣ kî-qāḇwōr tiqəbərennû bayywōm hahû’ kî-qiləlaṯ ’ĕlōhîm tālûy wəlō’ ṯəṭammē’ ’eṯ-’aḏəmāṯəḵā ’ăšer yəhwâ ’ĕlōheyḵā nōṯēn ləḵā n^aḥălâ: s