Sacred Texts  Bible  Index 
Polyglot  KJV  Sep  Vul 

2 Chronicles (2 Divrey Yamim) Index
  Previous  Next 

Tanach (Hebrew): 2 Chronicles (2 Divrey Yamim) Chapter 34

1 ‏בֶּן־שְׁמוֹנֶ֥ה שָׁנִ֖ים יֹאשִׁיָּ֣הוּ בְמָלְכ֑וֹ וּשְׁלֹשִׁ֤ים וְאַחַת֙ שָׁנָ֔ה מָלַ֖ךְ בִּירוּשָׁלִָֽם׃

2 ‏וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה וַיֵּ֗לֶךְ בְּדַרְכֵי֙ דָּוִ֣יד אָבִ֔יו וְלֹא־סָ֖ר יָמִ֥ין וּשְׂמֹֽאול׃

3 ‏וּבִשְׁמוֹנֶ֨ה שָׁנִ֜ים לְמָלְכ֗וֹ וְהוּא֙ עוֹדֶ֣נּוּ נַ֔עַר הֵחֵ֕ל לִדְר֕וֹשׁ לֵאלֹהֵ֖י דָּוִ֣יד אָבִ֑יו וּבִשְׁתֵּ֧ים עֶשְׂרֵ֣ה שָׁנָ֗ה הֵחֵל֙ לְטַהֵ֔ר אֶת־יְהוּדָה֙ וִיר֣וּשָׁלִַ֔ם מִן־הַבָּמוֹת֙ וְהָ֣אֲשֵׁרִ֔ים וְהַפְּסִלִ֖ים וְהַמַּסֵּכֽוֹת׃

4 ‏וַיְנַתְּצ֣וּ לְפָנָ֗יו אֵ֚ת מִזְבְּח֣וֹת הַבְּעָלִ֔ים וְהַֽחַמָּנִ֛ים אֲשֶׁר־לְמַ֥עְלָה מֵעֲלֵיהֶ֖ם גִּדֵּ֑עַ וְ֠הָאֲשֵׁרִים וְהַפְּסִלִ֤ים וְהַמַּסֵּכוֹת֙ שִׁבַּ֣ר וְהֵדַ֔ק וַיִּזְרֹק֙ עַל־פְּנֵ֣י הַקְּבָרִ֔ים הַזֹּבְחִ֖ים לָהֶֽם׃

5 ‏וְעַצְמוֹת֙ כֹּֽהֲנִ֔ים שָׂרַ֖ף עַל־מזבחותים מִזְבְּחוֹתָ֑ם וַיְטַהֵ֥ר אֶת־יְהוּדָ֖ה וְאֶת־יְרוּשָׁלִָֽם׃

6 ‏וּבְעָרֵ֨י מְנַשֶּׁ֧ה וְאֶפְרַ֛יִם וְשִׁמְע֖וֹן וְעַד־נַפְתָּלִ֑י בהר בתיהם בְּחַרְבֹתֵיהֶ֖ם סָבִֽיב׃

7 ‏וַיְנַתֵּ֣ץ אֶת־הַֽמִּזְבְּח֗וֹת וְאֶת־הָאֲשֵׁרִ֤ים וְהַפְּסִלִים֙ כִּתַּ֣ת לְהֵדַ֔ק וְכָל־הַֽחַמָּנִ֥ים גִּדַּ֖ע בְּכָל־אֶ֣רֶץ יִשְׂרָאֵ֑ל וַיָּ֖שָׁב לִירוּשָׁלִָֽם׃ ס

8 ‏וּבִשְׁנַ֨ת שְׁמוֹנֶ֤ה עֶשְׂרֵה֙ לְמָלְכ֔וֹ לְטַהֵ֥ר הָאָ֖רֶץ וְהַבָּ֑יִת שָׁ֠לַח אֶת־שָׁפָ֨ן בֶּן־אֲצַלְיָ֜הוּ וְאֶת־מַעֲשֵׂיָ֣הוּ שַׂר־הָעִ֗יר וְ֠אֵת יוֹאָ֤ח בֶּן־יֽוֹאָחָז֙ הַמַּזְכִּ֔יר לְחַזֵּ֕ק אֶת־בֵּ֖ית יְהוָ֥ה אֱלֹהָֽיו׃

9 ‏וַיָּבֹ֜אוּ אֶל־חִלְקִיָּ֣הוּ׀ הַכֹּהֵ֣ן הַגָּד֗וֹל וַֽיִּתְּנוּ֮ אֶת־הַכֶּסֶף֮ הַמּוּבָ֣א בֵית־אֱלֹהִים֒ אֲשֶׁ֣ר אָסְפֽוּ־הַלְוִיִּם֩ שֹׁמְרֵ֨י הַסַּ֜ף מִיַּ֧ד מְנַשֶּׁ֣ה וְאֶפְרַ֗יִם וּמִכֹּל֙ שְׁאֵרִ֣ית יִשְׂרָאֵ֔ל וּמִכָּל־יְהוּדָ֖ה וּבִנְיָמִ֑ן וישבי וַיָּשֻׁ֖בוּ יְרֽוּשָׁלִָֽם׃

10 ‏וַֽיִּתְּנ֗וּ עַל־יַד֙ עֹשֵׂ֣ה הַמְּלָאכָ֔ה הַמֻּפְקָדִ֖ים בְּבֵ֣ית יְהוָ֑ה וַיִּתְּנ֨וּ אֹת֜וֹ עוֹשֵׂ֣י הַמְּלָאכָ֗ה אֲשֶׁ֤ר עֹשִׂים֙ בְּבֵ֣ית יְהוָ֔ה לִבְדּ֥וֹק וּלְחַזֵּ֖ק הַבָּֽיִת׃

11 ‏וַֽיִּתְּנ֗וּ לֶחָֽרָשִׁים֙ וְלַבֹּנִ֔ים לִקְנוֹת֙ אַבְנֵ֣י מַחְצֵ֔ב וְעֵצִ֖ים לַֽמְחַבְּר֑וֹת וּלְקָרוֹת֙ אֶת־הַבָּ֣תִּ֔ים אֲשֶׁ֥ר הִשְׁחִ֖יתוּ מַלְכֵ֥י יְהוּדָֽה׃

12 ‏וְהָאֲנָשִׁים֩ עֹשִׂ֨ים בֶּאֱמוּנָ֜ה בַּמְּלָאכָ֗ה וַעֲלֵיהֶ֣ם׀ מֻ֠פְקָדִים יַ֣חַת וְעֹבַדְיָ֤הוּ הַלְוִיִּם֙ מִן־בְּנֵ֣י מְרָרִ֔י וּזְכַרְיָ֧ה וּמְשֻׁלָּ֛ם מִן־בְּנֵ֥י הַקְּהָתִ֖ים לְנַצֵּ֑חַ וְהַ֨לְוִיִּ֔ם כָּל־מֵבִ֖ין בִּכְלֵי־שִֽׁיר׃

13 ‏וְעַ֣ל הַסַּבָּלִ֗ים וּֽמְנַצְּחִים֙ לְכֹל֙ עֹשֵׂ֣ה מְלָאכָ֔ה לַעֲבוֹדָ֖ה וַעֲבוֹדָ֑ה וּמֵֽהַלְוִיִּ֔ם סוֹפְרִ֥ים וְשֹׁטְרִ֖ים וְשׁוֹעֲרִֽים׃

14 ‏וּבְהוֹצִיאָ֣ם אֶת־הַכֶּ֔סֶף הַמּוּבָ֖א בֵּ֣ית יְהוָ֑ה מָצָא֙ חִלְקִיָּ֣הוּ הַכֹּהֵ֔ן אֶת־סֵ֥פֶר תּֽוֹרַת־יְהוָ֖ה בְּיַד־מֹשֶֽׁה׃

15 ‏וַיַּ֣עַן חִלְקִיָּ֗הוּ וַיֹּ֙אמֶר֙3 אֶל־שָׁפָ֣ן הַסּוֹפֵ֔ר סֵ֧פֶר הַתּוֹרָ֛ה מָצָ֖אתִי בְּבֵ֣ית יְהוָ֑ה וַיִּתֵּ֧ן חִלְקִיָּ֛הוּ אֶת־הַסֵּ֖פֶר אֶל־שָׁפָֽן׃

16 ‏וַיָּבֵ֨א שָׁפָ֤ן אֶת־הַסֵּ֙פֶר֙ אֶל־הַמֶּ֔לֶךְ וַיָּ֨שֶׁב ע֧וֹד אֶת־הַמֶּ֛לֶךְ דָּבָ֖ר לֵאמֹ֑ר כֹּ֛ל אֲשֶׁר־נִתַּ֥ן בְּיַד־עֲבָדֶ֖יךָ הֵ֥ם עֹשִֽׂים׃

17 ‏וַיַּתִּ֕יכוּ אֶת־הַכֶּ֖סֶף הַנִּמְצָ֣א בְּבֵית־יְהוָ֑ה וַֽיִּתְּנ֗וּהוּ עַל־יַד֙ הַמֻּפְקָדִ֔ים וְעַל־יַ֖ד עוֹשֵׂ֥י הַמְּלָאכָֽה׃

18 ‏וַיַּגֵּ֞ד שָׁפָ֤ן הַסּוֹפֵר֙ לַמֶּ֣לֶךְ לֵאמֹ֔ר סֵ֚פֶר נָ֣תַן לִ֔י חִלְקִיָּ֖הוּ הַכֹּהֵ֑ן וַיִּקְרָא־ב֥וֹ שָׁפָ֖ן לִפְנֵ֥י הַמֶּֽלֶךְ׃

19 ‏וַיְהִי֙ כִּשְׁמֹ֣עַ הַמֶּ֔לֶךְ אֵ֖ת דִּבְרֵ֣י הַתּוֹרָ֑ה וַיִּקְרַ֖ע אֶת־בְּגָדָֽיו׃

20 ‏וַיְצַ֣ו הַמֶּ֡לֶךְ אֶת־חִלְקִיָּ֡הוּ וְאֶת־אֲחִיקָ֣ם בֶּן־שָׁ֠פָן וְאֶת־עַבְדּ֨וֹן בֶּן־מִיכָ֜ה וְאֵ֣ת׀ שָׁפָ֣ן הַסּוֹפֵ֗ר וְאֵ֛ת עֲשָׂיָ֥ה עֶֽבֶד־הַמֶּ֖לֶךְ לֵאמֹֽר׃

21 ‏לְכוּ֩ דִרְשׁ֨וּ אֶת־יְהוָ֜ה בַּעֲדִ֗י וּבְעַד֙ הַנִּשְׁאָר֙ בְּיִשְׂרָאֵ֣ל וּבִֽיהוּדָ֔ה עַל־דִּבְרֵ֥י הַסֵּ֖פֶר אֲשֶׁ֣ר נִמְצָ֑א כִּֽי־גְדוֹלָ֤ה חֲמַת־יְהוָה֙ אֲשֶׁ֣ר נִתְּכָ֣ה בָ֔נוּ עַל֩ אֲשֶׁ֨ר לֹא־שָׁמְר֤וּ אֲבוֹתֵ֙ינוּ֙ אֶת־דְּבַ֣ר יְהוָ֔ה לַעֲשׂ֕וֹת כְּכָל־הַכָּת֖וּב עַל־הַסֵּ֥פֶר הַזֶּֽה׃ פ

22 ‏וַיֵּ֨לֶךְ חִלְקִיָּ֜הוּ וַאֲשֶׁ֣ר הַמֶּ֗לֶךְ אֶל־חֻלְדָּ֨ה הַנְּבִיאָ֜ה אֵ֣שֶׁת׀ שַׁלֻּ֣ם בֶּן־תוקהת תָּקְהַ֗ת בֶּן־חַסְרָה֙ שׁוֹמֵ֣ר הַבְּגָדִ֔ים וְהִ֛יא יוֹשֶׁ֥בֶת בִּירוּשָׁלִַ֖ם בַּמִּשְׁנֶ֑ה וַיְדַבְּר֥וּ אֵלֶ֖יהָ כָּזֹֽאת׃ ס

23 ‏וַתֹּ֣אמֶר לָהֶ֔ם כֹּה־אָמַ֥ר יְהוָ֖ה אֱלֹהֵ֣י יִשְׂרָאֵ֑ל אִמְר֣וּ לָאִ֔ישׁ אֲשֶׁר־שָׁלַ֥ח אֶתְכֶ֖ם אֵלָֽי׃ ס

24 ‏כֹּ֚ה אָמַ֣ר יְהוָ֔ה הִנְנִ֨י מֵבִ֥יא רָעָ֛ה עַל־הַמָּק֥וֹם הַזֶּ֖ה וְעַל־יוֹשְׁבָ֑יו אֵ֤ת כָּל־הָאָלוֹת֙ הַכְּתוּב֣וֹת עַל־הַסֵּ֔פֶר אֲשֶׁ֣ר קָֽרְא֔וּ לִפְנֵ֖י מֶ֥לֶךְ יְהוּדָֽה׃

25 ‏תַּ֣חַת׀ אֲשֶׁ֣ר עֲזָב֗וּנִי ויקטירו וַֽיְקַטְּרוּ֙y לֵֽאלֹהִ֣ים אֲחֵרִ֔ים לְמַ֙עַן֙ הַכְעִיסֵ֔נִי בְּכֹ֖ל מַעֲשֵׂ֣י יְדֵיהֶ֑ם וְתִתַּ֧ךְ חֲמָתִ֛י בַּמָּק֥וֹם הַזֶּ֖ה וְלֹ֥א תִכְבֶּֽה׃

26 ‏וְאֶל־מֶ֣לֶךְ יְהוּדָ֗ה הַשֹּׁלֵ֤חַ אֶתְכֶם֙ לִדְר֣וֹשׁ בַּֽיהוָ֔ה כֹּ֥ה תֹאמְר֖וּ אֵלָ֑יו סכֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל הַדְּבָרִ֖ים אֲשֶׁ֥ר שָׁמָֽעְתָּ׃

27 ‏יַ֠עַן רַךְ־לְבָ֨בְךָ֜ וַתִּכָּנַ֣ע׀ מִלִּפְנֵ֣י אֱלֹהִ֗ים בְּשָׁמְעֲךָ֤ אֶת־דְּבָרָיו֙ עַל־הַמָּק֤וֹם הַזֶּה֙ וְעַל־יֹ֣שְׁבָ֔יו וַתִּכָּנַ֣ע לְפָנַ֔י וַתִּקְרַ֥ע אֶת־בְּגָדֶ֖יךָ וַתֵּ֣בְךְּ לְפָנָ֑י וְגַם־אֲנִ֥י שָׁמַ֖עְתִּי נְאֻם־יְהוָֽה׃

28 ‏הִנְנִ֨י אֹֽסִפְךָ֜ אֶל־אֲבֹתֶ֗יךָ וְנֶאֱסַפְתָּ֣ אֶל־קִבְרֹתֶיךָ֮ בְּשָׁלוֹם֒ וְלֹא־תִרְאֶ֣ינָה עֵינֶ֔יךָ בְּכֹל֙ הָֽרָעָ֔ה אֲשֶׁ֨ר אֲנִ֥י מֵבִ֛יא עַל־הַמָּק֥וֹם הַזֶּ֖ה וְעַל־יֹשְׁבָ֑יו וַיָּשִׁ֥יבוּ אֶת־הַמֶּ֖לֶךְ דָּבָֽר׃ פ

29 ‏וַיִּשְׁלַ֖ח הַמֶּ֑לֶךְ וַיֶּאֱסֹ֕ף אֶת־כָּל־זִקְנֵ֥י יְהוּדָ֖ה וִירוּשָׁלִָֽם׃

30 ‏וַיַּ֣עַל הַמֶּ֣לֶךְ בֵּית־יְ֠הוָה וְכָל־אִ֨ישׁ יְהוּדָ֜ה וְיֹשְׁבֵ֣י יְרוּשָׁלִַ֗ם וְהַכֹּֽהֲנִים֙ וְהַלְוִיִּ֔ם וְכָל־הָעָ֖ם מִגָּד֣וֹל וְעַד־קָטָ֑ן וַיִּקְרָ֣א בְאָזְנֵיהֶ֗ם אֶת־כָּל־דִּבְרֵי֙ סֵ֣פֶר הַבְּרִ֔ית הַנִּמְצָ֖א בֵּ֥ית יְהוָֽה׃

31 ‏וַיַּעֲמֹ֨ד הַמֶּ֜לֶךְ עַל־עָמְד֗וֹ וַיִּכְרֹ֣ת אֶֽת־הַבְּרִית֮ לִפְנֵ֣י יְהוָה֒ לָלֶ֜כֶת אַחֲרֵ֣י יְהוָ֗ה וְלִשְׁמ֤וֹר אֶת־מִצְוֹתָיו֙ וְעֵֽדְוֹתָ֣יו וְחֻקָּ֔יו בְּכָל־לְבָב֖וֹ וּבְכָל־נַפְשׁ֑וֹ לַעֲשׂוֹת֙ אֶת־דִּבְרֵ֣י הַבְּרִ֔ית הַכְּתוּבִ֖ים עַל־הַסֵּ֥פֶר הַזֶּֽה׃

32 ‏וַיַּעֲמֵ֕ד אֵ֛ת כָּל־הַנִּמְצָ֥א בִירוּשָׁלִַ֖ם וּבִנְיָמִ֑ן וַֽיַּעֲשׂוּ֙ יֹשְׁבֵ֣י יְרוּשָׁלִַ֔ם כִּבְרִ֥ית אֱלֹהִ֖ים אֱלֹהֵ֥י אֲבוֹתֵיהֶֽם׃

33 ‏וַיָּ֨סַר יֹֽאשִׁיָּ֜הוּ אֶת־כָּל־הַתּוֹעֵב֗וֹת מִֽכָּל־הָאֲרָצוֹת֮ אֲשֶׁ֣ר לִבְנֵ֣י יִשְׂרָאֵל֒ וַֽיַּעֲבֵ֗ד אֵ֤ת כָּל־הַנִּמְצָא֙ בְּיִשְׂרָאֵ֔ל לַעֲב֖וֹד אֶת־יְהוָ֣ה אֱלֹהֵיהֶ֑ם כָּל־יָמָ֕יו לֹ֣א סָ֔רוּ מֵֽאַחֲרֵ֕י יְהוָ֖ה אֱלֹהֵ֥י אֲבוֹתֵיהֶֽם׃ פ

1 ben-šəmwōneh šānîm yō’šîyâû ḇəmāləḵwō ûšəlōšîm wə’aḥaṯ šānâ mālaḵə bîrûšālāim:

2 wayya‘aś hayyāšār bə‘ênê yəhwâ wayyēleḵə bəḏarəḵê dāwîḏ ’āḇîw wəlō’-sār yāmîn ûśəmō’wl:

3 ûḇišəmwōneh šānîm ləmāləḵwō wəhû’ ‘wōḏennû na‘ar hēḥēl liḏərwōš lē’lōhê dāwîḏ ’āḇîw ûḇišətêm ‘eśərēh šānâ hēḥēl ləṭahēr ’eṯ-yəhûḏâ wîrûšālaim min-habāmwōṯ wəhā’ăšērîm wəhapəsilîm wəhammassēḵwōṯ:

4 wayənatəṣû ləfānāyw ’ēṯ mizəbəḥwōṯ habə‘ālîm wəhaḥammānîm ’ăšer-ləma‘əlâ mē‘ălêhem gidē‘a wəhā’ăšērîm wəhapəsilîm wəhammassēḵwōṯ šibar wəhēḏaq wayyizərōq ‘al-pənê haqqəḇārîm hazzōḇəḥîm lâem:

5 wə‘aṣəmwōṯ kōhănîm śāraf ‘al-mizəbəḥwōṯāym mizəbəḥwōṯām wayəṭahēr ’eṯ-yəhûḏâ wə’eṯ-yərûšālāim:

6 ûḇə‘ārê mənaššeh wə’efərayim wəšimə‘wōn wə‘aḏ-nafətālî bəhar bātêhem bəḥarəḇōṯêhem sāḇîḇ:

7 wayənatēṣ ’eṯ-hammizəbəḥwōṯ wə’eṯ-hā’ăšērîm wəhapəsilîm kitaṯ ləhēḏaq wəḵāl-haḥammānîm gida‘ bəḵāl-’ereṣ yiśərā’ēl wayyāšāḇ lîrûšālāim: s

8 ûḇišənaṯ šəmwōneh ‘eśərēh ləmāləḵwō ləṭahēr hā’āreṣ wəhabāyiṯ šālaḥ ’eṯ-šāfān ben-’ăṣaləyâû wə’eṯ-ma‘ăśêâû śar-hā‘îr wə’ēṯ ywō’āḥ ben-ywō’āḥāz hammazəkîr ləḥazzēq ’eṯ-bêṯ yəhwâ ’ĕlōhāyw:

9 wayyāḇō’û ’el-ḥiləqîyâû| hakōhēn hagāḏwōl wayyitənû ’eṯ-hakesef hammûḇā’ ḇêṯ-’ĕlōhîm ’ăšer ’āsəfû-haləwîyim šōmərê hassaf mîyaḏ mənaššeh wə’efərayim ûmikōl šə’ērîṯ yiśərā’ēl ûmikāl-yəhûḏâ ûḇinəyāmin wəyōšəḇê wayyāšuḇû yərûšālāim:

10 wayyitənû ‘al-yaḏ ‘ōśēh hamməlā’ḵâ hammufəqāḏîm bəḇêṯ yəhwâ wayyitənû ’ōṯwō ‘wōśê hamməlā’ḵâ ’ăšer ‘ōśîm bəḇêṯ yəhwâ liḇədwōq ûləḥazzēq habāyiṯ:

11 wayyitənû leḥārāšîm wəlabōnîm liqənwōṯ ’aḇənê maḥəṣēḇ wə‘ēṣîm laməḥabərwōṯ ûləqārwōṯ ’eṯ-habātîm ’ăšer hišəḥîṯû maləḵê yəhûḏâ:

12 wəhā’ănāšîm ‘ōśîm be’ĕmûnâ bamməlā’ḵâ wa‘ălêhem| mufəqāḏîm yaḥaṯ wə‘ōḇaḏəyâû haləwîyim min-bənê mərārî ûzəḵarəyâ ûməšullām min-bənê haqqəhāṯîm lənaṣṣēḥa wəhaləwîyim kāl-mēḇîn biḵəlê-šîr:

13 wə‘al hassabālîm ûmənaṣṣəḥîm ləḵōl ‘ōśēh məlā’ḵâ la‘ăḇwōḏâ wa‘ăḇwōḏâ ûmēhaləwîyim swōfərîm wəšōṭərîm wəšwō‘ărîm:

14 ûḇəhwōṣî’ām ’eṯ-hakesef hammûḇā’ bêṯ yəhwâ māṣā’ ḥiləqîyâû hakōhēn ’eṯ-sēfer twōraṯ-yəhwâ bəyaḏ-mōšeh:

15 wayya‘an ḥiləqîyâû wayyō’mer3 ’el-šāfān hasswōfēr sēfer hatwōrâ māṣā’ṯî bəḇêṯ yəhwâ wayyitēn ḥiləqîyâû ’eṯ-hassēfer ’el-šāfān:

16 wayyāḇē’ šāfān ’eṯ-hassēfer ’el-hammeleḵə wayyāšeḇ ‘wōḏ ’eṯ-hammeleḵə dāḇār lē’mōr kōl ’ăšer-nitan bəyaḏ-‘ăḇāḏeyḵā hēm ‘ōśîm:

17 wayyatîḵû ’eṯ-hakesef hanniməṣā’ bəḇêṯ-yəhwâ wayyitənûhû ‘al-yaḏ hammufəqāḏîm wə‘al-yaḏ ‘wōśê hamməlā’ḵâ:

18 wayyagēḏ šāfān hasswōfēr lammeleḵə lē’mōr sēfer nāṯan lî ḥiləqîyâû hakōhēn wayyiqərā’-ḇwō šāfān lifənê hammeleḵə:

19 wayəhî kišəmō‘a hammeleḵə ’ēṯ diḇərê hatwōrâ wayyiqəra‘ ’eṯ-bəḡāḏāyw:

20 wayəṣaw hammeleḵə ’eṯ-ḥiləqîyâû wə’eṯ-’ăḥîqām ben-šāfān wə’eṯ-‘aḇədwōn ben-mîḵâ wə’ēṯ| šāfān hasswōfēr wə’ēṯ ‘ăśāyâ ‘eḇeḏ-hammeleḵə lē’mōr:

21 ləḵû ḏirəšû ’eṯ-yəhwâ ba‘ăḏî ûḇə‘aḏ hannišə’ār bəyiśərā’ēl ûḇîhûḏâ ‘al-diḇərê hassēfer ’ăšer niməṣā’ kî-ḡəḏwōlâ ḥămaṯ-yəhwâ ’ăšer nitəḵâ ḇānû ‘al ’ăšer lō’-šāmərû ’ăḇwōṯênû ’eṯ-dəḇar yəhwâ la‘ăśwōṯ kəḵāl-hakāṯûḇ ‘al-hassēfer hazzeh: f

22 wayyēleḵə ḥiləqîyâû wa’ăšer hammeleḵə ’el-ḥulədâ hannəḇî’â ’ēšeṯ| šallum ben-twōqəhaṯ tāqəhaṯ ben-ḥasərâ šwōmēr habəḡāḏîm wəhî’ ywōšeḇeṯ bîrûšālaim bammišəneh wayəḏabərû ’ēleyhā kāzō’ṯ: s

23 watō’mer lâem kōh-’āmar yəhwâ ’ĕlōhê yiśərā’ēl ’imərû lā’îš ’ăšer-šālaḥ ’eṯəḵem ’ēlāy: s

24 kōh ’āmar yəhwâ hinənî mēḇî’ rā‘â ‘al-hammāqwōm hazzeh wə‘al-ywōšəḇāyw ’ēṯ kāl-hā’ālwōṯ hakəṯûḇwōṯ ‘al-hassēfer ’ăšer qārə’û lifənê meleḵə yəhûḏâ:

25 taḥaṯ| ’ăšer ‘ăzāḇûnî wayyaqəṭîrû wayəqaṭṭərûy lē’lōhîm ’ăḥērîm ləma‘an haḵə‘îsēnî bəḵōl ma‘ăśê yəḏêhem wəṯitaḵə ḥămāṯî bammāqwōm hazzeh wəlō’ ṯiḵəbeh:

26 wə’el-meleḵə yəhûḏâ haššōlēḥa ’eṯəḵem liḏərwōš bayhwâ kōh ṯō’mərû ’ēlāyw skōh-’āmar yəhwâ ’ĕlōhê yiśərā’ēl hadəḇārîm ’ăšer šāmā‘ətā:

27 ya‘an raḵə-ləḇāḇəḵā watikāna‘| millifənê ’ĕlōhîm bəšāmə‘ăḵā ’eṯ-dəḇārāyw ‘al-hammāqwōm hazzeh wə‘al-yōšəḇāyw watikāna‘ ləfānay watiqəra‘ ’eṯ-bəḡāḏeyḵā watēḇəḵḵə ləfānāy wəḡam-’ănî šāma‘ətî nə’um-yəhwâ:

28 hinənî ’ōsifəḵā ’el-’ăḇōṯeyḵā wəne’ĕsafətā ’el-qiḇərōṯeyḵā bəšālwōm wəlō’-ṯirə’eynâ ‘êneyḵā bəḵōl hārā‘â ’ăšer ’ănî mēḇî’ ‘al-hammāqwōm hazzeh wə‘al-yōšəḇāyw wayyāšîḇû ’eṯ-hammeleḵə dāḇār: f

29 wayyišəlaḥ hammeleḵə wayye’ĕsōf ’eṯ-kāl-ziqənê yəhûḏâ wîrûšālāim:

30 wayya‘al hammeleḵə bêṯ-yəhwâ wəḵāl-’îš yəhûḏâ wəyōšəḇê yərûšālaim wəhakōhănîm wəhaləwîyim wəḵāl-hā‘ām migāḏwōl wə‘aḏ-qāṭān wayyiqərā’ ḇə’āzənêhem ’eṯ-kāl-diḇərê sēfer habərîṯ hanniməṣā’ bêṯ yəhwâ:

31 wayya‘ămōḏ hammeleḵə ‘al-‘āməḏwō wayyiḵərōṯ ’eṯ-habərîṯ lifənê yəhwâ lāleḵeṯ ’aḥărê yəhwâ wəlišəmwōr ’eṯ-miṣəwōṯāyw wə‘ēḏəwōṯāyw wəḥuqqāyw bəḵāl-ləḇāḇwō ûḇəḵāl-nafəšwō la‘ăśwōṯ ’eṯ-diḇərê habərîṯ hakəṯûḇîm ‘al-hassēfer hazzeh:

32 wayya‘ămēḏ ’ēṯ kāl-hanniməṣā’ ḇîrûšālaim ûḇinəyāmin wayya‘ăśû yōšəḇê yərûšālaim kiḇərîṯ ’ĕlōhîm ’ĕlōhê ’ăḇwōṯêhem:

33 wayyāsar yō’šîyâû ’eṯ-kāl-hatwō‘ēḇwōṯ mikāl-hā’ărāṣwōṯ ’ăšer liḇənê yiśərā’ēl wayya‘ăḇēḏ ’ēṯ kāl-hanniməṣā’ bəyiśərā’ēl la‘ăḇwōḏ ’eṯ-yəhwâ ’ĕlōhêhem kāl-yāmāyw lō’ sārû mē’aḥărê yəhwâ ’ĕlōhê ’ăḇwōṯêhem: f


Next: 2 Chronicles (2 Divrey Yamim) Chapter 35