‎1 ‏וּכְכַלּ֣וֹת כָּל־זֹ֗את יָצְא֨וּ כָּל־יִשְׂרָאֵ֥ל³ הַֽנִּמְצְאִים֮ לְעָרֵ֣י יְהוּדָה֒ וַיְשַׁבְּר֣וּ הַמַּצֵּב֣וֹת וַיְגַדְּע֣וּ הָאֲשֵׁרִ֡ים וַיְנַתְּצ֣וּ אֶת־הַ֠בָּמוֹת וְאֶת־הַֽמִּזְבְּחֹ֞ת מִכָּל־יְהוּדָ֧ה וּבִנְיָמִ֛ן וּבְאֶפְרַ֥יִם וּמְנַשֶּׁ֖ה עַד־לְכַלֵּ֑ה וַיָּשׁ֜וּבוּ כָּל־בְּנֵ֧י יִשְׂרָאֵ֛ל אִ֥ישׁ לַאֲחֻזָּת֖וֹ לְעָרֵיהֶֽם׃ ס

‎2 ‏וַיַּעֲמֵ֣ד יְחִזְקִיָּ֡הוּ אֶת־מַחְלְק֣וֹת הַכֹּהֲנִ֣ים וְ֠הַלְוִיִּם עַֽל־מַחְלְקוֹתָ֞ם אִ֣ישׁ׀ כְּפִ֣י עֲבֹדָת֗וֹ לַכֹּהֲנִים֙ וְלַלְוִיִּ֔ם לְעֹלָ֖ה וְלִשְׁלָמִ֑ים לְשָׁרֵת֙ וּלְהֹד֣וֹת וּלְהַלֵּ֔ל בְּשַׁעֲרֵ֖י מַחֲנ֥וֹת יְהוָֽה׃ ס

‎3 ‏וּמְנָת֩ הַמֶּ֨לֶךְ מִן־רְכוּשׁ֜וֹ לָעֹל֗וֹת לְעֹלוֹת֙ הַבֹּ֣קֶר וְהָעֶ֔רֶב וְהָ֣עֹל֔וֹת לַשַּׁבָּת֖וֹת וְלֶחֳדָשִׁ֣ים וְלַמֹּעֲדִ֑ים כַּכָּת֖וּב בְּתוֹרַ֥ת יְהוָֽה׃

‎4 ‏וַיֹּ֤אמֶר לָעָם֙ לְיוֹשְׁבֵ֣י יְרוּשָׁלִַ֔ם לָתֵ֕ת מְנָ֥ת הַכֹּהֲנִ֖ים וְהַלְוִיִּ֑ם לְמַ֥עַן יֶחֶזְק֖וּ בְּתוֹרַ֥ת יְהוָֽה׃

‎5 ‏וְכִפְרֹ֣ץ הַדָּבָ֗ר הִרְבּ֤וּ בְנֵֽי־יִשְׂרָאֵל֙ רֵאשִׁ֣ית דָּגָ֗ן תִּיר֤וֹשׁ וְיִצְהָר֙ וּדְבַ֔שׁ וְכֹ֖ל תְּבוּאַ֣ת שָׂדֶ֑ה וּמַעְשַׂ֥ר הַכֹּ֛ל לָרֹ֖ב הֵבִֽיאוּ׃

‎6 ‏וּבְנֵ֧י יִשְׂרָאֵ֣ל וִֽיהוּדָ֗ה הַיּֽוֹשְׁבִים֮ בְּעָרֵ֣י יְהוּדָה֒ גַּם־הֵ֗ם מַעְשַׂ֤ר בָּקָר֙ וָצֹ֔אן וּמַעְשַׂ֣ר קָֽדָשִׁ֔ים הַמְקֻדָּשִׁ֖ים לַיהוָ֣ה אֱלֹהֵיהֶ֑ם הֵבִ֕יאוּ וַֽיִּתְּנ֖וּ עֲרֵמ֥וֹת עֲרֵמֽוֹת׃ ס

‎7 ‏בַּחֹ֙דֶשׁ֙ הַשְּׁלִשִׁ֔י הֵחֵ֥לּוּ הָעֲרֵמ֖וֹת לְיִסּ֑וֹד וּבַחֹ֥דֶשׁ הַשְּׁבִיעִ֖י כִּלּֽוּ׃ ס

‎8 ‏וַיָּבֹ֙אוּ֙ יְחִזְקִיָּ֣הוּ וְהַשָּׂרִ֔ים וַיִּרְא֖וּ אֶת־הָעֲרֵמ֑וֹת וַֽיְבָרֲכוּ֙ אֶת־יְהוָ֔ה וְאֵ֖ת עַמּ֥וֹ יִשְׂרָאֵֽל׃ פ

‎9 ‏וַיִּדְרֹ֣שׁ יְחִזְקִיָּ֗הוּ עַל־הַכֹּֽהֲנִ֛ים וְהַלְוִיִּ֖ם עַל־הָעֲרֵמֽוֹת׃

‎10 ‏וַיֹּ֣אמֶר אֵלָ֗יו עֲזַרְיָ֧הוּ הַכֹּהֵ֛ן הָרֹ֖אשׁ לְבֵ֣ית צָד֑וֹק וַ֠יֹּאמֶר מֵהָחֵ֨ל הַתְּרוּמָ֜ה לָבִ֣יא בֵית־יְהוָ֗ה אָכ֨וֹל וְשָׂב֤וֹעַ וְהוֹתֵר֙ עַד־לָר֔וֹב כִּ֤י יְהוָה֙ בֵּרַ֣ךְ אֶת־עַמּ֔וֹ וְהַנּוֹתָ֖ר אֶת־הֶהָמ֥וֹן הַזֶּֽה׃ ס

‎11 ‏וַיֹּ֣אמֶר יְחִזְקִיָּ֗הוּ לְהָכִ֧ין לְשָׁכ֛וֹת בְּבֵ֥ית יְהוָ֖ה וַיָּכִֽינוּ׃

‎12 ‏וַיָּבִ֨יאוּ אֶת־הַתְּרוּמָ֧ה וְהַֽמַּעֲשֵׂ֛ר וְהַקֳּדָשִׁ֖ים בֶּאֱמוּנָ֑ה וַעֲלֵיהֶ֤ם נָגִיד֙ כונניהו כָּֽנַנְיָ֣הוּ^y הַלֵּוִ֔י וְשִׁמְעִ֥י אָחִ֖יהוּ מִשְׁנֶֽה׃

‎13 ‏וִֽיחִיאֵ֡ל וַ֠עֲזַזְיָהוּ וְנַ֨חַת וַעֲשָׂהאֵ֜ל וִֽירִימ֤וֹת וְיוֹזָבָד֙ וֶאֱלִיאֵ֣ל וְיִסְמַכְיָ֔הוּ וּמַ֖חַת וּבְנָיָ֑הוּ פְּקִידִ֗ים מִיַּ֤ד כונניהו כָּֽנַנְיָ֙הוּ֙ וְשִׁמְעִ֣י אָחִ֔יו בְּמִפְקַד֙ יְחִזְקִיָּ֣הוּ הַמֶּ֔לֶךְ וַעֲזַרְיָ֖הוּ נְגִ֥יד בֵּית־הָאֱלֹהִֽים׃

‎14 ‏וְקוֹרֵ֨א בֶן־יִמְנָ֤ה הַלֵּוִי֙ הַשּׁוֹעֵ֣ר לַמִּזְרָ֔חָה עַ֖ל נִדְב֣וֹת הָאֱלֹהִ֑ים לָתֵת֙ תְּרוּמַ֣ת יְהוָ֔ה וְקָדְשֵׁ֖י הַקֳּדָשִֽׁים׃

‎15 ‏וְעַל־יָד֡וֹ עֵ֣דֶן וּ֠מִנְיָמִן וְיֵשׁ֨וּעַ וּֽשְׁמַֽעְיָ֜הוּ אֲמַרְיָ֧הוּ וּשְׁכַנְיָ֛הוּ בְּעָרֵ֥י הַכֹּהֲנִ֖ים בֶּאֱמוּנָ֑ה לָתֵ֤ת לַאֲחֵיהֶם֙ בְּמַחְלְק֔וֹת כַּגָּד֖וֹל כַּקָּטָֽן׃

‎16 ‏מִלְּבַ֞ד הִתְיַחְשָׂ֣ם לִזְכָרִ֗ים מִבֶּ֨ן שָׁל֤וֹשׁ שָׁנִים֙ וּלְמַ֔עְלָה לְכָל־הַבָּ֥א לְבֵית־יְהוָ֖ה לִדְבַר־י֣וֹם בְּיוֹמ֑וֹ לַעֲב֣וֹדָתָ֔ם בְּמִשְׁמְרוֹתָ֖ם כְּמַחְלְקוֹתֵיהֶֽם׃

‎17 ‏וְאֵ֨ת הִתְיַחֵ֤שׂ הַכֹּהֲנִים֙ לְבֵ֣ית אֲבוֹתֵיהֶ֔ם וְהַ֨לְוִיִּ֔ם מִבֶּ֛ן עֶשְׂרִ֥ים שָׁנָ֖ה וּלְמָ֑עְלָה בְּמִשְׁמְרוֹתֵיהֶ֖ם בְּמַחְלְקוֹתֵיהֶֽם׃

‎18 ‏וּלְהִתְיַחֵ֗שׂ בְּכָל־טַפָּ֧ם נְשֵׁיהֶ֛ם וּבְנֵיהֶ֥ם וּבְנוֹתֵיהֶ֖ם לְכָל־קָהָ֑ל כִּ֥י בֶאֱמוּנָתָ֖ם יִתְקַדְּשׁוּ־קֹֽדֶשׁ׃

‎19 ‏וְלִבְנֵי֩ אַהֲרֹ֨ן הַכֹּהֲנִ֜ים בִּשְׂדֵ֨י מִגְרַ֤שׁ עָרֵיהֶם֙ בְּכָל־עִ֣יר וָעִ֔יר אֲנָשִׁ֕ים אֲשֶׁ֥ר נִקְּב֖וּ בְּשֵׁמ֑וֹת לָתֵ֣ת מָנ֗וֹת לְכָל־זָכָר֙ בַּכֹּ֣הֲנִ֔ים וּלְכָל־הִתְיַחֵ֖שׂ בַּלְוִיִּֽם׃

‎20 ‏וַיַּ֧עַשׂ כָּזֹ֛את יְחִזְקִיָּ֖הוּ בְּכָל־יְהוּדָ֑ה וַיַּ֨עַשׂ הַטּ֤וֹב וְהַיָּשָׁר֙ וְהָ֣אֱמֶ֔ת לִפְנֵ֖י יְהוָ֥ה אֱלֹהָֽיו׃

‎21 ‏וּבְכָֽל־מַעֲשֶׂ֞ה אֲשֶׁר־הֵחֵ֣ל׀ בַּעֲבוֹדַ֣ת בֵּית־הָאֱלֹהִ֗ים וּבַתּוֹרָה֙ וּבַמִּצְוָ֔ה לִדְרֹ֖שׁ לֵֽאלֹהָ֑יו בְּכָל־לְבָב֥וֹ עָשָׂ֖ה וְהִצְלִֽיחַ׃ פ

1 ûḵəḵallwōṯ kāl-zō’ṯ yāṣə’û kāl-yiśərā’ēl³ hanniməṣə’îm lə‘ārê yəhûḏâ wayəšabərû hammaṣṣēḇwōṯ wayəḡadə‘û hā’ăšērîm wayənatəṣû ’eṯ-habāmwōṯ wə’eṯ-hammizəbəḥōṯ mikāl-yəhûḏâ ûḇinəyāmin ûḇə’efərayim ûmənaššeh ‘aḏ-ləḵallēh wayyāšûḇû kāl-bənê yiśərā’ēl ’îš la’ăḥuzzāṯwō lə‘ārêhem: s

2 wayy^a‘ămēḏ yəḥizəqîyâû ’eṯ-m^aḥələqwōṯ hakōhănîm wəhaləwîyim ‘al-m^aḥələqwōṯām ’îš| kəfî ‘ăḇōḏāṯwō lakōhănîm wəlaləwîyim lə‘ōlâ wəlišəlāmîm ləšārēṯ ûləhōḏwōṯ ûləhallēl bəš^a‘ărê m^aḥănwōṯ yəhwâ: s

3 ûmənāṯ hammeleḵə min-rəḵûšwō lā‘ōlwōṯ lə‘ōlwōṯ habōqer wəhā‘ereḇ wəhā‘ōlwōṯ laššabāṯwōṯ wəleḥŏḏāšîm wəlammō‘ăḏîm kakāṯûḇ bəṯwōraṯ yəhwâ:

4 wayyō’mer lā‘ām ləywōšəḇê yərûšālaim lāṯēṯ mənāṯ hakōhănîm wəhaləwîyim ləm^a‘an yeḥezəqû bəṯwōraṯ yəhwâ:

5 wəḵifərōṣ hadāḇār hirəbû ḇənê-yiśərā’ēl rē’šîṯ dāḡān tîrwōš wəyiṣəhār ûḏəḇaš wəḵōl təḇû’aṯ śāḏeh ûm^a‘əśar hakōl lārōḇ hēḇî’û:

6 ûḇənê yiśərā’ēl wîhûḏâ hayywōšəḇîm bə‘ārê yəhûḏâ gam-hēm m^a‘əśar bāqār wāṣō’n ûm^a‘əśar qāḏāšîm haməqudāšîm layhwâ ’ĕlōhêhem hēḇî’û wayyitənû ‘ărēmwōṯ ‘ărēmwōṯ: s

7 b^aḥōḏeš haššəlišî hēḥēllû hā‘ărēmwōṯ ləyisswōḏ ûḇ^aḥōḏeš haššəḇî‘î killû: s

8 wayyāḇō’û yəḥizəqîyâû wəhaśśārîm wayyirə’û ’eṯ-hā‘ărēmwōṯ wayəḇārăḵû ’eṯ-yəhwâ wə’ēṯ ‘ammwō yiśərā’ēl: f

9 wayyiḏərōš yəḥizəqîyâû ‘al-hakōhănîm wəhaləwîyim ‘al-hā‘ărēmwōṯ:

10 wayyō’mer ’ēlāyw ‘ăzarəyâû hakōhēn hārō’š ləḇêṯ ṣāḏwōq wayyō’mer mēhāḥēl hatərûmâ lāḇî’ ḇêṯ-yəhwâ ’āḵwōl wəśāḇwō‘a wəhwōṯēr ‘aḏ-lārwōḇ kî yəhwâ bēraḵə ’eṯ-‘ammwō wəhannwōṯār ’eṯ-hehāmwōn hazzeh: s

11 wayyō’mer yəḥizəqîyâû ləhāḵîn ləšāḵwōṯ bəḇêṯ yəhwâ wayyāḵînû:

12 wayyāḇî’û ’eṯ-hatərûmâ wəhamm^a‘ăśēr wəhaqqŏḏāšîm be’ĕmûnâ w^a‘ălêhem nāḡîḏ kwōnanəyâû kānanəyâû^y hallēwî wəšimə‘î ’āḥîhû mišəneh:

13 wîḥî’ēl w^a‘ăzazəyâû wən^aḥaṯ w^a‘ăśâ’ēl wîrîmwōṯ wəywōzāḇāḏ we’ĕlî’ēl wəyisəmaḵəyâû ûm^aḥaṯ ûḇənāyâû pəqîḏîm mîyaḏ kwōnanəyâû kānanəyâû wəšimə‘î ’āḥîw bəmifəqaḏ yəḥizəqîyâû hammeleḵə w^a‘ăzarəyâû nəḡîḏ bêṯ-hā’ĕlōhîm:

14 wəqwōrē’ ḇen-yimənâ hallēwî haššwō‘ēr lammizərāḥâ ‘al niḏəḇwōṯ hā’ĕlōhîm lāṯēṯ tərûmaṯ yəhwâ wəqāḏəšê haqqŏḏāšîm:

15 wə‘al-yāḏwō ‘ēḏen ûminəyāmin wəyēšû‘a ûšəm^a‘əyâû ’ămarəyâû ûšəḵanəyâû bə‘ārê hakōhănîm be’ĕmûnâ lāṯēṯ la’ăḥêhem bəm^aḥələqwōṯ kagāḏwōl kaqqāṭān:

16 milləḇaḏ hiṯəy^aḥəśām lizəḵārîm miben šālwōš šānîm ûləm^a‘əlâ ləḵāl-habā’ ləḇêṯ-yəhwâ liḏəḇar-ywōm bəywōmwō l^a‘ăḇwōḏāṯām bəmišəmərwōṯām kəm^aḥələqwōṯêhem:

17 wə’ēṯ hiṯəy^aḥēś hakōhănîm ləḇêṯ ’ăḇwōṯêhem wəhaləwîyim miben ‘eśərîm šānâ ûləmā‘əlâ bəmišəmərwōṯêhem bəm^aḥələqwōṯêhem:

18 ûləhiṯəy^aḥēś bəḵāl-ṭapām nəšêhem ûḇənêhem ûḇənwōṯêhem ləḵāl-qâāl kî ḇe’ĕmûnāṯām yiṯəqadəšû-qōḏeš:

19 wəliḇənê ’ahărōn hakōhănîm biśəḏê miḡəraš ‘ārêhem bəḵāl-‘îr wā‘îr ’ănāšîm ’ăšer niqqəḇû bəšēmwōṯ lāṯēṯ mānwōṯ ləḵāl-zāḵār bakōhănîm ûləḵāl-hiṯəy^aḥēś baləwîyim:

20 wayy^a‘aś kāzō’ṯ yəḥizəqîyâû bəḵāl-yəhûḏâ wayy^a‘aś haṭṭwōḇ wəhayyāšār wəhā’ĕmeṯ lifənê yəhwâ ’ĕlōhāyw:

21 ûḇəḵāl-m^a‘ăśeh ’ăšer-hēḥēl| b^a‘ăḇwōḏaṯ bêṯ-hā’ĕlōhîm ûḇatwōrâ ûḇammiṣəwâ liḏərōš lē’lōhāyw bəḵāl-ləḇāḇwō ‘āśâ wəhiṣəlîḥa: f