‎1 ‏אָ֖ז אָמַ֣ר שְׁלֹמֹ֑ה יְהוָ֣ה אָמַ֔ר לִשְׁכּ֖וֹן בָּעֲרָפֶֽל׃

‎2 ‏וַֽאֲנִ֛י בָּנִ֥יתִי בֵית־זְבֻ֖ל לָ֑ךְ וּמָכ֥וֹן לְשִׁבְתְּךָ֖ עוֹלָמִֽים׃

‎3 ‏וַיַּסֵּ֤ב הַמֶּ֙לֶךְ֙ אֶת־פָּנָ֔יו וַיְבָ֕רֶךְ אֵ֖ת כָּל־קְהַ֣ל יִשְׂרָאֵ֑ל וְכָל־קְהַ֥ל יִשְׂרָאֵ֖ל עוֹמֵֽד׃

‎4 ‏וַיֹּ֗אמֶר בָּר֤וּךְ יְהוָה֙ אֱלֹהֵ֣י יִשְׂרָאֵ֔ל אֲשֶׁר֙ דִּבֶּ֣ר בְּפִ֔יו אֵ֖ת דָּוִ֣יד אָבִ֑י וּבְיָדָ֥יו מִלֵּ֖א לֵאמֹֽר׃

‎5 ‏מִן־הַיּ֗וֹם אֲשֶׁ֨ר הוֹצֵ֣אתִי אֶת־עַמִּי֮ מֵאֶ֣רֶץ מִצְרַיִם֒ לֹא־בָחַ֣רְתִּֽי בְעִ֗יר מִכֹּל֙ שִׁבְטֵ֣י יִשְׂרָאֵ֔ל לִבְנ֣וֹת בַּ֔יִת לִהְי֥וֹת שְׁמִ֖י שָׁ֑ם וְלֹא־בָחַ֣רְתִּֽי בְאִ֔ישׁ לִהְי֥וֹת נָגִ֖יד עַל־עַמִּ֥י יִשְׂרָאֵֽל׃

‎6 ‏וָאֶבְחַר֙ בִּיר֣וּשָׁלִַ֔ם לִהְי֥וֹת שְׁמִ֖י שָׁ֑ם וָאֶבְחַ֣ר בְּדָוִ֔יד לִהְי֖וֹת עַל־עַמִּ֥י יִשְׂרָאֵֽל׃

‎7 ‏וַיְהִ֕י עִם־לְבַ֖ב דָּוִ֣יד אָבִ֑י לִבְנ֣וֹת בַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃

‎8 ‏וַיֹּ֤אמֶר יְהוָה֙ אֶל־דָּוִ֣יד אָבִ֔י יַ֗עַן אֲשֶׁ֤ר הָיָה֙ עִם־לְבָ֣בְךָ֔ לִבְנ֥וֹת בַּ֖יִת לִשְׁמִ֑י הֱ‍ֽטִיב֔וֹתָ כִּ֥י הָיָ֖ה עִם־לְבָבֶֽךָ׃

‎9 ‏רַ֣ק אַתָּ֔ה לֹ֥א תִבְנֶ֖ה הַבָּ֑יִת כִּ֤י בִנְךָ֙ הַיּוֹצֵ֣א מֵֽחֲלָצֶ֔יךָ הֽוּא־יִבְנֶ֥ה הַבַּ֖יִת לִשְׁמִֽי׃

‎10 ‏וַיָּ֣קֶם יְהוָ֔ה אֶת־דְּבָר֖וֹ אֲשֶׁ֣ר דִּבֵּ֑ר וָאָק֡וּם תַּחַת֩ דָּוִ֨יד אָבִ֜י וָאֵשֵׁ֣ב׀ עַל־כִּסֵּ֣א יִשְׂרָאֵ֗ל כַּאֲשֶׁר֙ דִּבֶּ֣ר יְהוָ֔ה וָאֶבְנֶ֣ה הַבַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃

‎11 ‏וָאָשִׂ֥ים שָׁם֙ אֶת־הָ֣אָר֔וֹן אֲשֶׁר־שָׁ֖ם בְּרִ֣ית יְהוָ֑ה אֲשֶׁ֥ר כָּרַ֖ת עִם־בְּנֵ֥י יִשְׂרָאֵֽל׃

‎12 ‏וַֽיַּעֲמֹ֗ד לִפְנֵי֙ מִזְבַּ֣ח יְהוָ֔ה נֶ֖גֶד כָּל־קְהַ֣ל יִשְׂרָאֵ֑ל וַיִּפְרֹ֖שׂ כַּפָּֽיו׃

‎13 ‏כִּֽי־עָשָׂ֨ה שְׁלֹמֹ֜ה כִּיּ֣וֹר נְחֹ֗שֶׁת וַֽיִּתְּנֵהוּ֮ בְּת֣וֹךְ הָעֲזָרָה֒ חָמֵ֨שׁ אַמּ֜וֹת אָרְכּ֗וֹ וְחָמֵ֤שׁ אַמּוֹת֙ רָחְבּ֔וֹ וְאַמּ֥וֹת שָׁל֖וֹשׁ קוֹמָת֑וֹ וַיַּעֲמֹ֣ד עָלָ֗יו וַיִּבְרַ֤ךְ עַל־בִּרְכָּיו֙ נֶ֚גֶד כָּל־קְהַ֣ל יִשְׂרָאֵ֔ל וַיִּפְרֹ֥שׂ כַּפָּ֖יו הַשָּׁמָֽיְמָה׃

‎14 ‏וַיֹּאמַ֗ר יְהוָ֞ה אֱלֹהֵ֤י יִשְׂרָאֵל֙ אֵין־כָּמ֣וֹךָ אֱלֹהִ֔ים בַּשָּׁמַ֖יִם וּבָאָ֑רֶץ שֹׁמֵ֤ר הַבְּרִית֙ וְֽהַחֶ֔סֶד לַעֲבָדֶ֕יךָ הַהֹלְכִ֥ים לְפָנֶ֖יךָ בְּכָל־לִבָּֽם׃

‎15 ‏אֲשֶׁ֣ר שָׁמַ֗רְתָּ לְעַבְדְּךָ֙ דָּוִ֣יד אָבִ֔י אֵ֥ת אֲשֶׁר־דִּבַּ֖רְתָּ ל֑וֹ וַתְּדַבֵּ֥ר בְּפִ֛יךָ וּבְיָדְךָ֥ מִלֵּ֖אתָ כַּיּ֥וֹם הַזֶּֽה׃

‎16 ‏וְעַתָּ֞ה יְהוָ֣ה׀ אֱלֹהֵ֣י יִשְׂרָאֵ֗ל שְׁ֠מֹר לְעַבְדְּךָ֙ דָוִ֤יד אָבִי֙ אֵת֩ אֲשֶׁ֨ר דִּבַּ֤רְתָּ לּוֹ֙ לֵאמֹ֔ר לֹא־יִכָּרֵ֨ת לְךָ֥ אִישׁ֙ מִלְּפָנַ֔י יוֹשֵׁ֖ב עַל־כִּסֵּ֣א יִשְׂרָאֵ֑ל רַ֠ק אִם־יִשְׁמְר֨וּ בָנֶ֜יךָ אֶת־דַּרְכָּ֗ם לָלֶ֙כֶת֙ בְּת֣וֹרָתִ֔י כַּאֲשֶׁ֥ר הָלַ֖כְתָּ לְפָנָֽי׃

‎17 ‏וְעַתָּ֕ה יְהוָ֖ה אֱלֹהֵ֣י יִשְׂרָאֵ֑ל יֵֽאָמֵן֙ דְּבָ֣רְךָ֔ אֲשֶׁ֥ר דִּבַּ֖רְתָּ לְעַבְדְּךָ֥ לְדָוִֽיד׃

‎18 ‏כִּ֚י הַֽאֻמְנָ֔ם יֵשֵׁ֧ב אֱלֹהִ֛ים אֶת־הָאָדָ֖ם עַל־הָאָ֑רֶץ הִ֠נֵּה שָׁמַ֜יִם וּשְׁמֵ֤י הַשָּׁמַ֙יִם֙ לֹ֣א יְכַלְכְּל֔וּךָ אַ֕ף כִּֽי־הַבַּ֥יִת הַזֶּ֖ה³ אֲשֶׁ֥ר בָּנִֽיתִי׃

‎19 ‏וּפָנִ֜יתָ אֶל־תְּפִלַּ֧ת עַבְדְּךָ֛ וְאֶל־תְּחִנָּת֖וֹ יְהוָ֣ה אֱלֹהָ֑י לִשְׁמֹ֤עַ אֶל־הָרִנָּה֙ וְאֶל־הַתְּפִלָּ֔ה אֲשֶׁ֥ר עַבְדְּךָ֖ מִתְפַּלֵּ֥ל לְפָנֶֽיךָ׃

‎20 ‏לִהְיוֹת֩ עֵינֶ֨יךָ פְתֻח֜וֹת אֶל־הַבַּ֤יִת הַזֶּה֙ יוֹמָ֣ם וָלַ֔יְלָה אֶל־הַ֨מָּק֔וֹם אֲשֶׁ֣ר אָמַ֔רְתָּ לָשׂ֥וּם שִׁמְךָ֖ שָׁ֑ם לִשְׁמ֙וֹעַ֙ אֶל־הַתְּפִלָּ֔ה אֲשֶׁ֣ר יִתְפַּלֵּ֣ל עַבְדְּךָ֔ אֶל־הַמָּק֖וֹם הַזֶּֽה׃

‎21 ‏וְשָׁ֨מַעְתָּ֜ אֶל־תַּחֲנוּנֵ֤י עַבְדְּךָ֙ וְעַמְּךָ֣ יִשְׂרָאֵ֔ל אֲשֶׁ֥ר יִֽתְפַּֽלְל֖וּ אֶל־הַמָּק֣וֹם הַזֶּ֑ה וְ֠אַתָּה תִּשְׁמַ֞ע מִמְּק֤וֹם שִׁבְתְּךָ֙ מִן־הַשָּׁמַ֔יִם וְשָׁמַעְתָּ֖ וְסָלָֽחְתָּ׃

‎22 ‏אִם־יֶחֱטָ֥א אִישׁ֙ לְרֵעֵ֔הוּ וְנָֽשָׁא־ב֥וֹ אָלָ֖ה לְהַֽאֲלֹת֑וֹ וּבָ֗א אָלָ֛ה לִפְנֵ֥י מִֽזְבַּחֲךָ֖ בַּבַּ֥יִת הַזֶּֽה׃

‎23 ‏וְאַתָּ֣ה׀ תִּשְׁמַ֣ע מִן־הַשָּׁמַ֗יִם וְעָשִׂ֙יתָ֙ וְשָׁפַטְתָּ֣ אֶת־עֲבָדֶ֔יךָ לְהָשִׁ֣יב לְרָשָׁ֔ע לָתֵ֥ת דַּרְכּ֖וֹ בְּרֹאשׁ֑וֹ וּלְהַצְדִּ֣יק צַדִּ֔יק לָ֥תֶת ל֖וֹ כְּצִדְקָתֽוֹ׃ ס

‎24 ‏וְֽאִם־יִנָּגֵ֞ף עַמְּךָ֧ יִשְׂרָאֵ֛ל לִפְנֵ֥י אוֹיֵ֖ב כִּ֣י יֶֽחֶטְאוּ־לָ֑ךְ וְשָׁ֙בוּ֙ וְהוֹד֣וּ אֶת־שְׁמֶ֔ךָ וְהִתְפַּֽלְל֧וּ וְהִֽתְחַנְּנ֛וּ לְפָנֶ֖יךָ בַּבַּ֥יִת הַזֶּֽה׃

‎25 ‏וְאַתָּה֙ תִּשְׁמַ֣ע מִן־הַשָּׁמַ֔יִם וְסָ֣לַחְתָּ֔ לְחַטַּ֖את עַמְּךָ֣ יִשְׂרָאֵ֑ל וַהֲשֵׁיבוֹתָם֙ אֶל־הָ֣אֲדָמָ֔ה אֲשֶׁר־נָתַ֥תָּה לָהֶ֖ם וְלַאֲבֹתֵיהֶֽם׃ פ

‎26 ‏בְּהֵעָצֵ֧ר הַשָּׁמַ֛יִם וְלֹֽא־יִהְיֶ֥ה מָטָ֖ר כִּ֣י יֶֽחֶטְאוּ־לָ֑ךְ וְהִֽתְפַּלְל֞וּ אֶל־הַמָּק֤וֹם הַזֶּה֙ וְהוֹד֣וּ אֶת־שְׁמֶ֔ךָ מֵחַטָּאתָ֥ם יְשׁוּב֖וּן כִּ֥י תַעֲנֵֽם׃

‎27 ‏וְאַתָּ֣ה׀ תִּשְׁמַ֣ע הַשָּׁמַ֗יִם וְסָ֨לַחְתָּ֜ לְחַטַּ֤את עֲבָדֶ֙יךָ֙ וְעַמְּךָ֣ יִשְׂרָאֵ֔ל כִּ֥י תוֹרֵ֛ם אֶל־הַדֶּ֥רֶךְ הַטּוֹבָ֖ה אֲשֶׁ֣ר יֵֽלְכוּ־בָ֑הּ וְנָתַתָּ֤ה מָטָר֙ עַֽל־אַרְצְךָ֔ אֲשֶׁר־נָתַ֥תָּה לְעַמְּךָ֖ לְנַחֲלָֽה׃ ס

‎28 ‏רָעָ֞ב כִּֽי־יִהְיֶ֣ה בָאָ֗רֶץ דֶּ֣בֶר כִּֽי־יִֽ֠הְיֶה שִׁדָּפ֨וֹן וְיֵרָק֜וֹן אַרְבֶּ֤ה וְחָסִיל֙ כִּ֣י יִהְיֶ֔ה כִּ֧י יָֽצַר־ל֛וֹ אוֹיְבָ֖יו בְּאֶ֣רֶץ שְׁעָרָ֑יו כָּל־נֶ֖גַע וְכָֽל־מַחֲלָֽה׃

‎29 ‏כָּל־תְּפִלָּ֣ה כָל־תְּחִנָּ֗ה אֲשֶׁ֤ר יִהְיֶה֙ לְכָל־הָ֣אָדָ֔ם וּלְכֹ֖ל עַמְּךָ֣ יִשְׂרָאֵ֑ל אֲשֶׁ֣ר יֵדְע֗וּ אִ֤ישׁ נִגְעוֹ֙ וּמַכְאֹב֔וֹ וּפָרַ֥שׂ כַּפָּ֖יו אֶל־הַבַּ֥יִת הַזֶּֽה׃

‎30 ‏וְ֠אַתָּה תִּשְׁמַ֨ע מִן־הַשָּׁמַ֜יִם מְכ֤וֹן שִׁבְתֶּ֙ךָ֙ וְסָ֣לַחְתָּ֔ וְנָתַתָּ֤ה לָאִישׁ֙ כְּכָל־דְּרָכָ֔יו אֲשֶׁ֥ר תֵּדַ֖ע אֶת־לְבָב֑וֹ כִּ֤י אַתָּה֙ לְבַדְּךָ֣ יָדַ֔עְתָּ אֶת־לְבַ֖ב בְּנֵ֥י הָאָדָֽם׃

‎31 ‏לְמַ֣עַן יִֽירָא֗וּךָ לָלֶ֙כֶת֙ בִּדְרָכֶ֔יךָ כָּל־הַ֨יָּמִ֔ים אֲשֶׁר־הֵ֥ם חַיִּ֖ים עַל־פְּנֵ֣י הָאֲדָמָ֑ה אֲשֶׁ֥ר נָתַ֖תָּה לַאֲבֹתֵֽינוּ׃ ס

‎32 ‏וְגַ֣ם אֶל־הַנָּכְרִ֗י אֲ֠שֶׁר לֹ֥א מֵעַמְּךָ֣ יִשְׂרָאֵל֮ הוּא֒ וּבָ֣א׀ מֵאֶ֣רֶץ רְחוֹקָ֗ה לְמַ֨עַן שִׁמְךָ֤ הַגָּדוֹל֙ וְיָדְךָ֣ הַחֲזָקָ֔ה וּֽזְרֽוֹעֲךָ֖ הַנְּטוּיָ֑ה וּבָ֥אוּ וְהִֽתְפַּלְל֖וּ אֶל־הַבַּ֥יִת הַזֶּֽה׃

‎33 ‏וְאַתָּ֞ה תִּשְׁמַ֤ע מִן־הַשָּׁמַ֙יִם֙ מִמְּכ֣וֹן שִׁבְתֶּ֔ךָ וְעָשִׂ֕יתָ כְּכֹ֛ל אֲשֶׁר־יִקְרָ֥א אֵלֶ֖יךָ הַנָּכְרִ֑י לְמַ֣עַן יֵדְעוּ֩ כָל־עַמֵּ֨י הָאָ֜רֶץ אֶת־שְׁמֶ֗ךָ וּלְיִרְאָ֤ה אֹֽתְךָ֙ כְּעַמְּךָ֣ יִשְׂרָאֵ֔ל וְלָדַ֕עַת כִּֽי־שִׁמְךָ֣ נִקְרָ֔א עַל־הַבַּ֥יִת הַזֶּ֖ה אֲשֶׁ֥ר בָּנִֽיתִי׃

‎34 ‏כִּֽי־יֵצֵ֨א עַמְּךָ֤ לַמִּלְחָמָה֙ עַל־א֣וֹיְבָ֔יו בַּדֶּ֖רֶךְ אֲשֶׁ֣ר תִּשְׁלָחֵ֑ם וְהִתְפַּֽלְל֣וּ אֵלֶ֗יךָ דֶּ֣רֶךְ הָעִ֤יר הַזֹּאת֙ אֲשֶׁ֣ר בָּחַ֣רְתָּ בָּ֔הּ וְהַבַּ֖יִת אֲשֶׁר־בָּנִ֥יתִי לִשְׁמֶֽךָ׃

‎35 ‏וְשָׁמַעְתָּ֙ מִן־הַשָּׁמַ֔יִם אֶת־תְּפִלָּתָ֖ם וְאֶת־תְּחִנָּתָ֑ם וְעָשִׂ֖יתָ מִשְׁפָּטָֽם׃

‎36 ‏כִּ֣י יֶחֶטְאוּ־לָ֗ךְ כִּ֣י אֵ֤ין אָדָם֙ אֲשֶׁ֣ר לֹא־יֶחֱטָ֔א וְאָנַפְתָּ֣ בָ֔ם וּנְתַתָּ֖ם לִפְנֵ֣י אוֹיֵ֑ב וְשָׁב֧וּם שׁוֹבֵיהֶ֛ם אֶל־אֶ֥רֶץ רְחוֹקָ֖ה א֥וֹ קְרוֹבָֽה׃

‎37 ‏וְהֵשִׁ֙יבוּ֙ אֶל־לְבָבָ֔ם בָּאָ֖רֶץ אֲשֶׁ֣ר נִשְׁבּוּ־שָׁ֑ם וְשָׁ֣בוּ׀ וְהִֽתְחַנְּנ֣וּ אֵלֶ֗יךָ בְּאֶ֤רֶץ שִׁבְיָם֙ לֵאמֹ֔ר חָטָ֥אנוּ הֶעֱוִ֖ינוּ וְרָשָֽׁעְנוּ׃

‎38 ‏וְשָׁ֣בוּ אֵלֶ֗יךָ בְּכָל־לִבָּם֙ וּבְכָל־נַפְשָׁ֔ם בְּאֶ֥רֶץ שִׁבְיָ֖ם אֲשֶׁר־שָׁב֣וּ אֹתָ֑ם וְהִֽתְפַּֽלְל֗וּ דֶּ֤רֶךְ אַרְצָם֙ אֲשֶׁ֣ר נָתַ֣תָּה לַאֲבוֹתָ֔ם וְהָעִיר֙ אֲשֶׁ֣ר בָּחַ֔רְתָּ וְלַבַּ֖יִת אֲשֶׁר־בָּנִ֥יתִי לִשְׁמֶֽךָ׃

‎39 ‏וְשָׁמַעְתָּ֙ מִן־הַשָּׁמַ֜יִם מִמְּכ֣וֹן שִׁבְתְּךָ֗ אֶת־תְּפִלָּתָם֙ וְאֶת־תְּחִנֹּ֣תֵיהֶ֔ם וְעָשִׂ֖יתָ מִשְׁפָּטָ֑ם וְסָלַחְתָּ֥ לְעַמְּךָ֖ אֲשֶׁ֥ר חָֽטְאוּ־לָֽךְ׃

‎40 ‏עַתָּ֣ה אֱלֹהַ֗י יִֽהְיוּ־נָ֤א עֵינֶ֙יךָ֙ פְּתֻח֔וֹת וְאָזְנֶ֖יךָ קַשֻּׁב֑וֹת לִתְפִלַּ֖ת הַמָּק֥וֹם הַזֶּֽה׃ ס

‎41 ‏וְעַתָּ֗ה קוּמָ֞ה יְהוָ֤ה אֱלֹהִים֙ לְֽנוּחֶ֔ךָ אַתָּ֖ה וַאֲר֣וֹן עֻזֶּ֑ךָ כֹּהֲנֶ֜יךָ יְהוָ֤ה אֱלֹהִים֙ יִלְבְּשׁ֣וּ תְשׁוּעָ֔ה וַחֲסִידֶ֖יךָ יִשְׂמְח֥וּ בַטּֽוֹב׃

‎42 ‏יְהוָ֣ה אֱלֹהִ֔ים אַל־תָּשֵׁ֖ב פְּנֵ֣י מְשִׁיחֶ֑יךָ זָכְרָ֕ה לְחַֽסְדֵ֖י דָּוִ֥יד עַבְדֶּֽךָ׃ פ

1 ’āz ’āmar šəlōmōh yəhwâ ’āmar lišəkwōn bā‘ărāfel:

2 wa’ănî bānîṯî ḇêṯ-zəḇul lāḵə ûmāḵwōn ləšiḇətəḵā ‘wōlāmîm:

3 wayyassēḇ hammeleḵə ’eṯ-pānāyw wayəḇāreḵə ’ēṯ kāl-qəhal yiśərā’ēl wəḵāl-qəhal yiśərā’ēl ‘wōmēḏ:

4 wayyō’mer bārûḵə yəhwâ ’ĕlōhê yiśərā’ēl ’ăšer diber bəfîw ’ēṯ dāwîḏ ’āḇî ûḇəyāḏāyw millē’ lē’mōr:

5 min-hayywōm ’ăšer hwōṣē’ṯî ’eṯ-‘ammî mē’ereṣ miṣərayim lō’-ḇāḥarətî ḇə‘îr mikōl šiḇəṭê yiśərā’ēl liḇənwōṯ bayiṯ lihəywōṯ šəmî šām wəlō’-ḇāḥarətî ḇə’îš lihəywōṯ nāḡîḏ ‘al-‘ammî yiśərā’ēl:

6 wā’eḇəḥar bîrûšālaim lihəywōṯ šəmî šām wā’eḇəḥar bəḏāwîḏ lihəywōṯ ‘al-‘ammî yiśərā’ēl:

7 wayəhî ‘im-ləḇaḇ dāwîḏ ’āḇî liḇənwōṯ bayiṯ ləšēm yəhwâ ’ĕlōhê yiśərā’ēl:

8 wayyō’mer yəhwâ ’el-dāwîḏ ’āḇî y^a‘an ’ăšer hāyâ ‘im-ləḇāḇəḵā liḇənwōṯ bayiṯ lišəmî hĕ‍ṭîḇwōṯā kî hāyâ ‘im-ləḇāḇeḵā:

9 raq ’atâ lō’ ṯiḇəneh habāyiṯ kî ḇinəḵā hayywōṣē’ mēḥălāṣeyḵā hû’-yiḇəneh habayiṯ lišəmî:

10 wayyāqem yəhwâ ’eṯ-dəḇārwō ’ăšer dibēr wā’āqûm t^aḥaṯ dāwîḏ ’āḇî wā’ēšēḇ| ‘al-kissē’ yiśərā’ēl ka’ăšer diber yəhwâ wā’eḇəneh habayiṯ ləšēm yəhwâ ’ĕlōhê yiśərā’ēl:

11 wā’āśîm šām ’eṯ-hā’ārwōn ’ăšer-šām bərîṯ yəhwâ ’ăšer kāraṯ ‘im-bənê yiśərā’ēl:

12 wayy^a‘ămōḏ lifənê mizəb^aḥ yəhwâ neḡeḏ kāl-qəhal yiśərā’ēl wayyifərōś kapāyw:

13 kî-‘āśâ šəlōmōh kîywōr nəḥōšeṯ wayyitənēhû bəṯwōḵə hā‘ăzārâ ḥāmēš ’ammwōṯ ’ārəkwō wəḥāmēš ’ammwōṯ rāḥəbwō wə’ammwōṯ šālwōš qwōmāṯwō wayy^a‘ămōḏ ‘ālāyw wayyiḇəraḵə ‘al-birəkāyw neḡeḏ kāl-qəhal yiśərā’ēl wayyifərōś kapāyw haššāmāyəmâ:

14 wayyō’mar yəhwâ ’ĕlōhê yiśərā’ēl ’ên-kāmwōḵā ’ĕlōhîm baššāmayim ûḇā’āreṣ šōmēr habərîṯ wəh^aḥeseḏ l^a‘ăḇāḏeyḵā hahōləḵîm ləfāneyḵā bəḵāl-libām:

15 ’ăšer šāmarətā lə‘aḇədəḵā dāwîḏ ’āḇî ’ēṯ ’ăšer-dibarətā lwō watəḏabēr bəfîḵā ûḇəyāḏəḵā millē’ṯā kayywōm hazzeh:

16 wə‘atâ yəhwâ| ’ĕlōhê yiśərā’ēl šəmōr lə‘aḇədəḵā ḏāwîḏ ’āḇî ’ēṯ ’ăšer dibarətā llwō lē’mōr lō’-yikārēṯ ləḵā ’îš milləfānay ywōšēḇ ‘al-kissē’ yiśərā’ēl raq ’im-yišəmərû ḇāneyḵā ’eṯ-darəkām lāleḵeṯ bəṯwōrāṯî ka’ăšer hālaḵətā ləfānāy:

17 wə‘atâ yəhwâ ’ĕlōhê yiśərā’ēl yē’āmēn dəḇārəḵā ’ăšer dibarətā lə‘aḇədəḵā ləḏāwîḏ:

18 kî ha’umənām yēšēḇ ’ĕlōhîm ’eṯ-hā’āḏām ‘al-hā’āreṣ hinnēh šāmayim ûšəmê haššāmayim lō’ yəḵaləkəlûḵā ’af kî-habayiṯ hazzeh³ ’ăšer bānîṯî:

19 ûfānîṯā ’el-təfillaṯ ‘aḇədəḵā wə’el-təḥinnāṯwō yəhwâ ’ĕlōhāy lišəmō‘a ’el-hārinnâ wə’el-hatəfillâ ’ăšer ‘aḇədəḵā miṯəpallēl ləfāneyḵā:

20 lihəywōṯ ‘êneyḵā fəṯuḥwōṯ ’el-habayiṯ hazzeh ywōmām wālayəlâ ’el-hammāqwōm ’ăšer ’āmarətā lāśûm šiməḵā šām lišəmwō‘a ’el-hatəfillâ ’ăšer yiṯəpallēl ‘aḇədəḵā ’el-hammāqwōm hazzeh:

21 wəšām^a‘ətā ’el-t^aḥănûnê ‘aḇədəḵā wə‘amməḵā yiśərā’ēl ’ăšer yiṯəpaləlû ’el-hammāqwōm hazzeh wə’atâ tišəm^a‘ mimməqwōm šiḇətəḵā min-haššāmayim wəšām^a‘ətā wəsālāḥətā:

22 ’im-yeḥĕṭā’ ’îš lərē‘ēhû wənāšā’-ḇwō ’ālâ ləha’ălōṯwō ûḇā’ ’ālâ lifənê mizəb^aḥăḵā babayiṯ hazzeh:

23 wə’atâ| tišəm^a‘ min-haššāmayim wə‘āśîṯā wəšāfaṭətā ’eṯ-‘ăḇāḏeyḵā ləhāšîḇ lərāšā‘ lāṯēṯ darəkwō bərō’šwō ûləhaṣədîq ṣadîq lāṯeṯ lwō kəṣiḏəqāṯwō: s

24 wə’im-yinnāḡēf ‘amməḵā yiśərā’ēl lifənê ’wōyēḇ kî yeḥeṭə’û-lāḵə wəšāḇû wəhwōḏû ’eṯ-šəmeḵā wəhiṯəpaləlû wəhiṯəḥannənû ləfāneyḵā babayiṯ hazzeh:

25 wə’atâ tišəm^a‘ min-haššāmayim wəsāl^aḥətā ləḥaṭṭa’ṯ ‘amməḵā yiśərā’ēl wahăšêḇwōṯām ’el-hā’ăḏāmâ ’ăšer-nāṯatâ lâem wəla’ăḇōṯêhem: f

26 bəhē‘āṣēr haššāmayim wəlō’-yihəyeh māṭār kî yeḥeṭə’û-lāḵə wəhiṯəpaləlû ’el-hammāqwōm hazzeh wəhwōḏû ’eṯ-šəmeḵā mēḥaṭṭā’ṯām yəšûḇûn kî ṯ^a‘ănēm:

27 wə’atâ| tišəm^a‘ haššāmayim wəsāl^aḥətā ləḥaṭṭa’ṯ ‘ăḇāḏeyḵā wə‘amməḵā yiśərā’ēl kî ṯwōrēm ’el-hadereḵə haṭṭwōḇâ ’ăšer yēləḵû-ḇāh wənāṯatâ māṭār ‘al-’arəṣəḵā ’ăšer-nāṯatâ lə‘amməḵā lən^aḥălâ: s

28 rā‘āḇ kî-yihəyeh ḇā’āreṣ deḇer kî-yihəyeh šidāfwōn wəyērāqwōn ’arəbeh wəḥāsîl kî yihəyeh kî yāṣar-lwō ’wōyəḇāyw bə’ereṣ šə‘ārāyw kāl-neḡ^a‘ wəḵāl-m^aḥălâ:

29 kāl-təfillâ ḵāl-təḥinnâ ’ăšer yihəyeh ləḵāl-hā’āḏām ûləḵōl ‘amməḵā yiśərā’ēl ’ăšer yēḏə‘û ’îš niḡə‘wō ûmaḵə’ōḇwō ûfāraś kapāyw ’el-habayiṯ hazzeh:

30 wə’atâ tišəm^a‘ min-haššāmayim məḵwōn šiḇəteḵā wəsāl^aḥətā wənāṯatâ lā’îš kəḵāl-dərāḵāyw ’ăšer tēḏ^a‘ ’eṯ-ləḇāḇwō kî ’atâ ləḇadəḵā yāḏ^a‘ətā ’eṯ-ləḇaḇ bənê hā’āḏām:

31 ləm^a‘an yîrā’ûḵā lāleḵeṯ biḏərāḵeyḵā kāl-hayyāmîm ’ăšer-hēm ḥayyîm ‘al-pənê hā’ăḏāmâ ’ăšer nāṯatâ la’ăḇōṯênû: s

32 wəḡam ’el-hannāḵərî ’ăšer lō’ mē‘amməḵā yiśərā’ēl hû’ ûḇā’| mē’ereṣ rəḥwōqâ ləm^a‘an šiməḵā hagāḏwōl wəyāḏəḵā h^aḥăzāqâ ûzərwō‘ăḵā hannəṭûyâ ûḇā’û wəhiṯəpaləlû ’el-habayiṯ hazzeh:

33 wə’atâ tišəm^a‘ min-haššāmayim mimməḵwōn šiḇəteḵā wə‘āśîṯā kəḵōl ’ăšer-yiqərā’ ’ēleyḵā hannāḵərî ləm^a‘an yēḏə‘û ḵāl-‘ammê hā’āreṣ ’eṯ-šəmeḵā ûləyirə’â ’ōṯəḵā kə‘amməḵā yiśərā’ēl wəlāḏ^a‘aṯ kî-šiməḵā niqərā’ ‘al-habayiṯ hazzeh ’ăšer bānîṯî:

34 kî-yēṣē’ ‘amməḵā lammiləḥāmâ ‘al-’wōyəḇāyw badereḵə ’ăšer tišəlāḥēm wəhiṯəpaləlû ’ēleyḵā dereḵə hā‘îr hazzō’ṯ ’ăšer bāḥarətā bāh wəhabayiṯ ’ăšer-bānîṯî lišəmeḵā:

35 wəšām^a‘ətā min-haššāmayim ’eṯ-təfillāṯām wə’eṯ-təḥinnāṯām wə‘āśîṯā mišəpāṭām:

36 kî yeḥeṭə’û-lāḵə kî ’ên ’āḏām ’ăšer lō’-yeḥĕṭā’ wə’ānafətā ḇām ûnəṯatām lifənê ’wōyēḇ wəšāḇûm šwōḇêhem ’el-’ereṣ rəḥwōqâ ’wō qərwōḇâ:

37 wəhēšîḇû ’el-ləḇāḇām bā’āreṣ ’ăšer nišəbû-šām wəšāḇû| wəhiṯəḥannənû ’ēleyḵā bə’ereṣ šiḇəyām lē’mōr ḥāṭā’nû he‘ĕwînû wərāšā‘ənû:

38 wəšāḇû ’ēleyḵā bəḵāl-libām ûḇəḵāl-nafəšām bə’ereṣ šiḇəyām ’ăšer-šāḇû ’ōṯām wəhiṯəpaləlû dereḵə ’arəṣām ’ăšer nāṯatâ la’ăḇwōṯām wəhā‘îr ’ăšer bāḥarətā wəlabayiṯ ’ăšer-bānîṯî lišəmeḵā:

39 wəšām^a‘ətā min-haššāmayim mimməḵwōn šiḇətəḵā ’eṯ-təfillāṯām wə’eṯ-təḥinnōṯêhem wə‘āśîṯā mišəpāṭām wəsāl^aḥətā lə‘amməḵā ’ăšer ḥāṭə’û-lāḵə:

40 ‘atâ ’ĕlōhay yihəyû-nā’ ‘êneyḵā pəṯuḥwōṯ wə’āzəneyḵā qaššuḇwōṯ liṯəfillaṯ hammāqwōm hazzeh: s

41 wə‘atâ qûmâ yəhwâ ’ĕlōhîm lənûḥeḵā ’atâ wa’ărwōn ‘uzzeḵā kōhăneyḵā yəhwâ ’ĕlōhîm yiləbəšû ṯəšû‘â w^aḥăsîḏeyḵā yiśəməḥû ḇaṭṭwōḇ:

42 yəhwâ ’ĕlōhîm ’al-tāšēḇ pənê məšîḥeyḵā zāḵərâ ləḥasəḏê dāwîḏ ‘aḇədeḵā: f