Sacred Texts  Bible  Index 
Polyglot  KJV  Sep  Vul 

1 Chronicles (1 Divrey Yamim) Index
  Previous  Next 

Tanach (Hebrew): 1 Chronicles (1 Divrey Yamim) Chapter 28

1 ‏וַיַּקְהֵ֣ל דָּוִ֣יד אֶת־כָּל־שָׂרֵ֣י יִשְׂרָאֵ֡ל שָׂרֵ֣י הַשְּׁבָטִ֣ים וְשָׂרֵ֣י הַמַּחְלְק֣וֹת הַמְשָׁרְתִ֪ים אֶת־הַמֶּ֟לֶךְ וְשָׂרֵ֣י הָאֲלָפִ֣ים וְשָׂרֵ֣י הַמֵּא֡וֹת וְשָׂרֵ֣י כָל־רְכוּשׁ־וּמִקְנֶה֩׀ לַמֶּ֨לֶךְ וּלְבָנָ֜יו עִם־הַסָּרִיסִ֧ים וְהַגִּבּוֹרִ֛ים וּֽלְכָל־גִּבּ֥וֹר חָ֖יִל אֶל־יְרוּשָׁלִָֽם׃

2 ‏וַיָּ֨קָם דָּוִ֤יד הַמֶּ֙לֶךְ֙ עַל־רַגְלָ֔יו וַיֹּ֕אמֶר שְׁמָע֖וּנִי אַחַ֣י וְעַמִּ֑י אֲנִ֣י עִם־לְבָבִ֡י לִבְנוֹת֩ בֵּ֨ית מְנוּחָ֜ה לַאֲר֣וֹן בְּרִית־יְהוָ֗ה וְלַהֲדֹם֙ רַגְלֵ֣י אֱלֹהֵ֔ינוּ וַהֲכִינ֖וֹתִי לִבְנֽוֹת׃

3 ‏וְהָאֱלֹהִים֙ אָ֣מַר לִ֔י לֹא־תִבְנֶ֥ה בַ֖יִת לִשְׁמִ֑י כִּ֣י אִ֧ישׁ מִלְחָמ֛וֹת אַ֖תָּה וְדָמִ֥ים שָׁפָֽכְתָּ׃

4 ‏וַיִּבְחַ֡ר יְהוָ֣ה אֱלֹהֵי֩ יִשְׂרָאֵ֨ל בִּ֜י מִכֹּ֣ל בֵּית־אָבִ֗י לִהְי֨וֹת לְמֶ֤לֶךְ עַל־יִשְׂרָאֵל֙ לְעוֹלָ֔ם כִּ֤י בִֽיהוּדָה֙ בָּחַ֣ר לְנָגִ֔יד וּבְבֵ֥ית יְהוּדָ֖ה בֵּ֣ית אָבִ֑י וּבִבְנֵ֣י אָבִ֔י בִּ֣י רָצָ֔ה לְהַמְלִ֖יךְ עַל־כָּל־יִשְׂרָאֵֽל׃

5 ‏וּמִכָּ֨ל־בָּנַ֔י כִּ֚י רַבִּ֣ים בָּנִ֔ים נָ֥תַן לִ֖י יְהוָ֑ה וַיִּבְחַר֙ בִּשְׁלֹמֹ֣ה בְנִ֔י לָשֶׁ֗בֶת עַל־כִּסֵּ֛א מַלְכ֥וּת יְהוָ֖ה עַל־יִשְׂרָאֵֽל׃

6 ‏וַיֹּ֣אמֶר לִ֔י שְׁלֹמֹ֣ה בִנְךָ֔ הֽוּא־יִבְנֶ֥ה בֵיתִ֖י וַחֲצֵרוֹתָ֑י כִּי־בָחַ֨רְתִּי ב֥וֹ לִי֙ לְבֵ֔ן וַאֲנִ֖י אֶֽהְיֶה־לּ֥וֹ לְאָֽב׃

7 ‏וַהֲכִינוֹתִ֥י אֶת־מַלְכוּת֖וֹ עַד־לְעוֹלָ֑ם אִם־יֶחֱזַ֗ק לַעֲשׂ֛וֹת מִצְוֹתַ֥י וּמִשְׁפָּטַ֖י כַּיּ֥וֹם הַזֶּֽה׃

8 ‏וְ֠עַתָּה לְעֵינֵ֨י כָל־יִשְׂרָאֵ֤ל קְהַל־יְהוָה֙ וּבְאָזְנֵ֣י אֱלֹהֵ֔ינוּ שִׁמְר֣וּ וְדִרְשׁ֔וּ כָּל־מִצְוֹ֖ת יְהוָ֣ה אֱלֹהֵיכֶ֑ם לְמַ֤עַן תִּֽירְשׁוּ֙ אֶת־הָאָ֣רֶץ הַטּוֹבָ֔ה וְהִנְחַלְתֶּ֛ם לִבְנֵיכֶ֥ם אַחֲרֵיכֶ֖ם עַד־עוֹלָֽם׃ פ

9 ‏וְאַתָּ֣ה שְׁלֹמֹֽה־בְנִ֡י דַּע֩ אֶת־אֱלֹהֵ֨י אָבִ֜יךָ וְעָבְדֵ֗הוּ בְּלֵ֤ב שָׁלֵם֙ וּבְנֶ֣פֶשׁ חֲפֵצָ֔ה כִּ֤י כָל־לְבָבוֹת֙ דּוֹרֵ֣שׁ יְהוָ֔ה וְכָל־יֵ֥צֶר מַחֲשָׁב֖וֹת מֵבִ֑ין אִֽם־תִּדְרְשֶׁ֙נּוּ֙ יִמָּ֣צֵא לָ֔ךְ וְאִם־תַּֽעַזְבֶ֖נּוּ יַזְנִיחֲךָ֥ לָעַֽד׃

10 ‏רְאֵ֣ה׀ עַתָּ֗ה כִּֽי־יְהוָ֛ה בָּ֧חַר בְּךָ֛ לִבְנֽוֹת־בַּ֥יִת לַמִּקְדָּ֖שׁ חֲזַ֥ק וַעֲשֵֽׂה׃ פ

11 ‏וַיִּתֵּ֣ן דָּוִ֣יד לִשְׁלֹמֹ֣ה בְנ֡וֹ אֶת־תַּבְנִ֣ית הָאוּלָם֩ וְֽאֶת־בָּ֨תָּ֜יו וְגַנְזַכָּ֧יו וַעֲלִיֹּתָ֛יו וַחֲדָרָ֥יו הַפְּנִימִ֖ים וּבֵ֥ית הַכַּפֹּֽרֶת׃

12 ‏וְתַבְנִ֗ית כֹּל֩ אֲשֶׁ֨ר הָיָ֤ה בָר֙וּחַ֙ עִמּ֔וֹ לְחַצְר֧וֹת בֵּית־יְהוָ֛ה וּלְכָל־הַלְּשָׁכ֖וֹת סָבִ֑יב לְאֹֽצְרוֹת֙ בֵּ֣ית הָאֱלֹהִ֔ים וּלְאֹצְר֖וֹת הַקֳּדָשִֽׁים׃

13 ‏וּֽלְמַחְלְקוֹת֙ הַכֹּהֲנִ֣ים וְהַלְוִיִּ֔ם וּֽלְכָל־מְלֶ֖אכֶת עֲבוֹדַ֣ת בֵּית־יְהוָ֑ה וּֽלְכָל־כְּלֵ֖י עֲבוֹדַ֥ת בֵּית־יְהוָֽה׃

14 ‏לַזָּהָ֤ב בַּמִּשְׁקָל֙ לַזָּהָ֔ב לְכָל־כְּלֵ֖י עֲבוֹדָ֣ה וַעֲבוֹדָ֑ה לְכֹ֨ל כְּלֵ֤י הַכֶּ֙סֶף֙ בְּמִשְׁקָ֔ל לְכָל־כְּלֵ֖י עֲבוֹדָ֥ה וַעֲבוֹדָֽה׃

15 ‏וּמִשְׁקָ֞ל לִמְנֹר֣וֹת הַזָּהָ֗ב וְנֵרֹֽתֵיהֶם֙ זָהָ֔ב בְּמִשְׁקַל־מְנוֹרָ֥ה וּמְנוֹרָ֖ה וְנֵרֹתֶ֑יהָ וְלִמְנֹר֨וֹת הַכֶּ֤סֶף בְּמִשְׁקָל֙ לִמְנוֹרָ֣ה וְנֵרֹתֶ֔יהָ כַּעֲבוֹדַ֖ת מְנוֹרָ֥ה וּמְנוֹרָֽה׃

16 ‏וְאֶת־הַזָּהָ֥ב מִשְׁקָ֛ל לְשֻׁלְחֲנ֥וֹת הַֽמַּעֲרֶ֖כֶת לְשֻׁלְחַ֣ן וְשֻׁלְחָ֑ן וְכֶ֖סֶף לְשֻׁלְחֲנ֥וֹת הַכָּֽסֶף׃

17 ‏וְהַמִּזְלָג֧וֹת וְהַמִּזְרָק֛וֹת וְהַקְּשָׂוֹ֖ת זָהָ֣ב טָה֑וֹר וְלִכְפוֹרֵ֨י הַזָּהָ֤ב בְּמִשְׁקָל֙ לִכְפ֣וֹר וּכְפ֔וֹר וְלִכְפוֹרֵ֥י הַכֶּ֛סֶף בְּמִשְׁקָ֖ל לִכְפ֥וֹר וּכְפֽוֹר׃

18 ‏וּלְמִזְבַּ֧ח הַקְּטֹ֛רֶת זָהָ֥ב מְזֻקָּ֖ק בַּמִּשְׁקָ֑ל וּלְתַבְנִ֣ית הַמֶּרְכָּבָ֗ה הַכְּרֻבִ֤ים זָהָב֙ לְפֹ֣רְשִׂ֔ים וְסֹכְכִ֖ים עַל־אֲר֥וֹן בְּרִית־יְהוָֽה׃

19 ‏הַכֹּ֥ל בִּכְתָ֛ב מִיַּ֥ד יְהוָ֖ה עָלַ֣י הִשְׂכִּ֑יל כֹּ֖ל מַלְאֲכ֥וֹת הַתַּבְנִֽית׃ פ

20 ‏וַיֹּ֨אמֶר דָּוִ֜יד לִשְׁלֹמֹ֣ה בְנ֗וֹ חֲזַ֤ק וֶאֱמַץ֙ וַעֲשֵׂ֔ה אַל־תִּירָ֖א וְאַל־תֵּחָ֑ת כִּי֩ יְהוָ֨ה אֱלֹהִ֤ים אֱלֹהַי֙ עִמָּ֔ךְ לֹ֤א יַרְפְּךָ֙ וְלֹ֣א יַֽעַזְבֶ֔ךָּ עַד־לִכְל֕וֹת כָּל־מְלֶ֖אכֶת עֲבוֹדַ֥ת בֵּית־יְהוָֽה׃

21 ‏וְהִנֵּ֗ה מַחְלְקוֹת֙ הַכֹּהֲנִ֣ים וְהַלְוִיִּ֔ם לְכָל־עֲבוֹדַ֖ת בֵּ֣ית הָאֱלֹהִ֑ים וְעִמְּךָ֙ בְכָל־מְלָאכָ֜ה לְכָל־נָדִ֤יב בַּֽחָכְמָה֙ לְכָל־עֲבוֹדָ֔ה וְהַשָּׂרִ֥ים וְכָל־הָעָ֖ם לְכָל־דְּבָרֶֽיךָ׃ פ

1 wayyaqəhēl dāwîḏ ’eṯ-kāl-śārê yiśərā’ēl śārê haššəḇāṭîm wəśārê hammaḥələqwōṯ haməšārəṯîm ’eṯ-hammeleḵə wəśārê hā’ălāfîm wəśārê hammē’wōṯ wəśārê ḵāl-rəḵûš-ûmiqəneh| lammeleḵə ûləḇānāyw ‘im-hassārîsîm wəhagibwōrîm ûləḵāl-gibwōr ḥāyil ’el-yərûšālāim:

2 wayyāqām dāwîḏ hammeleḵə ‘al-raḡəlāyw wayyō’mer šəmā‘ûnî ’aḥay wə‘ammî ’ănî ‘im-ləḇāḇî liḇənwōṯ bêṯ mənûḥâ la’ărwōn bərîṯ-yəhwâ wəlahăḏōm raḡəlê ’ĕlōhênû wahăḵînwōṯî liḇənwōṯ:

3 wəhā’ĕlōhîm ’āmar lî lō’-ṯiḇəneh ḇayiṯ lišəmî kî ’îš miləḥāmwōṯ ’atâ wəḏāmîm šāfāḵətā:

4 wayyiḇəḥar yəhwâ ’ĕlōhê yiśərā’ēl bî mikōl bêṯ-’āḇî lihəywōṯ ləmeleḵə ‘al-yiśərā’ēl lə‘wōlām kî ḇîhûḏâ bāḥar lənāḡîḏ ûḇəḇêṯ yəhûḏâ bêṯ ’āḇî ûḇiḇənê ’āḇî bî rāṣâ ləhaməlîḵə ‘al-kāl-yiśərā’ēl:

5 ûmikāl-bānay kî rabîm bānîm nāṯan lî yəhwâ wayyiḇəḥar bišəlōmōh ḇənî lāšeḇeṯ ‘al-kissē’ maləḵûṯ yəhwâ ‘al-yiśərā’ēl:

6 wayyō’mer lî šəlōmōh ḇinəḵā hû’-yiḇəneh ḇêṯî waḥăṣērwōṯāy kî-ḇāḥarətî ḇwō lî ləḇēn wa’ănî ’ehəyeh-llwō lə’āḇ:

7 wahăḵînwōṯî ’eṯ-maləḵûṯwō ‘aḏ-lə‘wōlām ’im-yeḥĕzaq la‘ăśwōṯ miṣəwōṯay ûmišəpāṭay kayywōm hazzeh:

8 wə‘atâ lə‘ênê ḵāl-yiśərā’ēl qəhal-yəhwâ ûḇə’āzənê ’ĕlōhênû šimərû wəḏirəšû kāl-miṣəwōṯ yəhwâ ’ĕlōhêḵem ləma‘an tîrəšû ’eṯ-hā’āreṣ haṭṭwōḇâ wəhinəḥalətem liḇənêḵem ’aḥărêḵem ‘aḏ-‘wōlām: f

9 wə’atâ šəlōmōh-ḇənî da‘ ’eṯ-’ĕlōhê ’āḇîḵā wə‘āḇəḏēhû bəlēḇ šālēm ûḇənefeš ḥăfēṣâ kî ḵāl-ləḇāḇwōṯ dwōrēš yəhwâ wəḵāl-yēṣer maḥăšāḇwōṯ mēḇîn ’im-tiḏərəšennû yimmāṣē’ lāḵə wə’im-ta‘azəḇennû yazənîḥăḵā lā‘aḏ:

10 rə’ēh| ‘atâ kî-yəhwâ bāḥar bəḵā liḇənwōṯ-bayiṯ lammiqədāš ḥăzaq wa‘ăśēh: f

11 wayyitēn dāwîḏ lišəlōmōh ḇənwō ’eṯ-taḇənîṯ hā’ûlām wə’eṯ-bātāyw wəḡanəzakāyw wa‘ălîyōṯāyw waḥăḏārāyw hapənîmîm ûḇêṯ hakapōreṯ:

12 wəṯaḇənîṯ kōl ’ăšer hāyâ ḇārûḥa ‘immwō ləḥaṣərwōṯ bêṯ-yəhwâ ûləḵāl-halləšāḵwōṯ sāḇîḇ lə’ōṣərwōṯ bêṯ hā’ĕlōhîm ûlə’ōṣərwōṯ haqqŏḏāšîm:

13 ûləmaḥələqwōṯ hakōhănîm wəhaləwîyim ûləḵāl-məle’ḵeṯ ‘ăḇwōḏaṯ bêṯ-yəhwâ ûləḵāl-kəlê ‘ăḇwōḏaṯ bêṯ-yəhwâ:

14 lazzâāḇ bammišəqāl lazzâāḇ ləḵāl-kəlê ‘ăḇwōḏâ wa‘ăḇwōḏâ ləḵōl kəlê hakesef bəmišəqāl ləḵāl-kəlê ‘ăḇwōḏâ wa‘ăḇwōḏâ:

15 ûmišəqāl limənōrwōṯ hazzâāḇ wənērōṯêhem zâāḇ bəmišəqal-mənwōrâ ûmənwōrâ wənērōṯeyhā wəlimənōrwōṯ hakesef bəmišəqāl limənwōrâ wənērōṯeyhā ka‘ăḇwōḏaṯ mənwōrâ ûmənwōrâ:

16 wə’eṯ-hazzâāḇ mišəqāl ləšuləḥănwōṯ hamma‘ăreḵeṯ ləšuləḥan wəšuləḥān wəḵesef ləšuləḥănwōṯ hakāsef:

17 wəhammizəlāḡwōṯ wəhammizərāqwōṯ wəhaqqəśāwōṯ zâāḇ ṭâwōr wəliḵəfwōrê hazzâāḇ bəmišəqāl liḵəfwōr ûḵəfwōr wəliḵəfwōrê hakesef bəmišəqāl liḵəfwōr ûḵəfwōr:

18 ûləmizəbaḥ haqqəṭōreṯ zâāḇ məzuqqāq bammišəqāl ûləṯaḇənîṯ hammerəkāḇâ hakəruḇîm zâāḇ ləfōrəśîm wəsōḵəḵîm ‘al-’ărwōn bərîṯ-yəhwâ:

19 hakōl biḵəṯāḇ mîyaḏ yəhwâ ‘ālay hiśəkîl kōl malə’ăḵwōṯ hataḇənîṯ: f

20 wayyō’mer dāwîḏ lišəlōmōh ḇənwō ḥăzaq we’ĕmaṣ wa‘ăśēh ’al-tîrā’ wə’al-tēḥāṯ kî yəhwâ ’ĕlōhîm ’ĕlōhay ‘immāḵə lō’ yarəpəḵā wəlō’ ya‘azəḇeḵḵā ‘aḏ-liḵəlwōṯ kāl-məle’ḵeṯ ‘ăḇwōḏaṯ bêṯ-yəhwâ:

21 wəhinnēh maḥələqwōṯ hakōhănîm wəhaləwîyim ləḵāl-‘ăḇwōḏaṯ bêṯ hā’ĕlōhîm wə‘imməḵā ḇəḵāl-məlā’ḵâ ləḵāl-nāḏîḇ baḥāḵəmâ ləḵāl-‘ăḇwōḏâ wəhaśśārîm wəḵāl-hā‘ām ləḵāl-dəḇāreyḵā: f


Next: 1 Chronicles (1 Divrey Yamim) Chapter 29